இந்தியாவில் கணவரை அடித்து கொலை செய்த மனைவியின் செயல் அதிர்ச்சியை ஏற்படுத்தியுள்ளது.

மத்தியபிரதேச மாநிலத்தின் போபாலை சேர்ந்தவர் நீரஜ் மீவேதா (25). இவர் மனைவி நீது. தம்பதிக்கு திருமணமாகி நான்கு ஆண்டுகள் ஆன நிலையில் நீது தற்போது ஐந்து மாதம் கர்ப்பமாக உள்ளார்.

இந்நிலையில் ரத்தம் படிந்த நிலையில் வீட்டின் முதல் மாடியில் நீரஜ் இருதினங்களுக்கு முன்னர் சடலமாக கிடந்துள்ளார்.

சம்பவம் குறித்து தகவலறிந்த பொலிசார் அங்கு வந்த நடத்திய விசாரணையில் நீரஜை கொலை செய்தது அவர் மனைவி நீது என தெரியவந்தது.

இதையடுத்து நீதுவை பொலிசார் கைது செய்தனர். அவர் அளித்துள்ள வாக்குமூலத்தில், எனக்கு விருப்பமில்லாமல் நீரஜுடன் திருமணம் நடந்தது.

அவருடன் பல தடவை சண்டை போட்டு கொண்டு தாய் வீட்டுக்கு சென்றுள்ளேன்.

நீரஜுக்கு தோல் நோய் இருந்தது, இதனால் அவரிடம் பேசுவதை கூட நான் விரும்பவில்லை. இதனால் என் நடத்தையில் சந்தேகப்பட்டு அவர் என்னை அடித்து துன்புறுத்தினார்.

இதனால் அவர் தூங்கி கொண்டிருந்த போது கூரான ஆயுதத்தை வைத்து அடித்து கொன்றதாக கூறியுள்ளார்.

இதையடுத்து இந்த கொலையில் வேறு யாருக்கேனும் தொடர்புள்ளதா என பொலிசார் விசாரித்து வருகிறார்கள்

தமிழகத்தில் குரங்கணி மலைப்பகுதியில் ஏற்பட்ட தீ விபத்தில் 12 பேர் பலியாகியிருப்பதுடன், எஞ்சியுள்ளவர்கள் மருத்துவமனையில் சிகிச்சை பெற்று வருகின்றனர்.

அந்த தீ விபத்தில் சிக்கி 80 சதவீத காயங்களுடன் இருப்பவர் தான் அனுவித்யா, சென்னையைச் சேர்ந்தவரான இவருக்கு மலையேற்றம் என்றால் அலாதி பிரியம்.

இதுதவிர நீச்சல், மரதன் ஓட்டம் என பலவிதமான விளையாட்டுகளில் அதிக ஈடுபாடு கொண்டவராக வலம்வந்தார்.

கடந்த டிசம்பர் 2017-ஆம் ஆண்டில் ஐந்து கிலோமீற்றர் நீச்சல், 30-கிலோமீற்றர் சைக்கிள் பயணம் அதை தொடர்ந்து 21 கிலோமீற்றர் ஓட்டம் என மூன்று போட்டிகளையும் ஒருசேரக்கொண்ட Triathlon போட்டியில் முழுஆற்றலை வெளிப்படுத்தி வெற்றிபெற்றார்.

இந்நிலையில் இவர் தீயில் சிக்கிக் கொண்ட போது அவரை உடனடியாக அம்புலன்சில் ஏற்றிச் சென்றுள்ளனர். அப்போது இவர் தன் அப்பாவிடம் நான் நல்ல படியாக இருக்கிறேன், சிறிய காயம் தான் என்று போனில் ஆறுதல் கூறியுள்ளார்.

ஆனால் அவரை மருத்துவமனையில் வந்து பார்த்த போது குடும்பத்தினர் பலரும் அதிர்ச்சியடைந்துள்ளனர். ஏனெனில் 80 சதவீத தீக்காயங்களுடன் அவதிப்பட்டு வருகிறார், ஆனால் சிறியக் காயம் என்று சொல்லியுள்ளார்.

அதுமட்டுமின்றி தன்னை பார்க்க வருபவர்களிடம் இன்னும் கொஞ்ச நாட்களில் நான் ஊருக்கு வந்துவிடுவேன். எதுக்கு எல்லோரும் மதுரை வருகிறீர்கள், நான் சீக்கிரம் வீட்டுக்கு வந்துவிடுவேன் அங்கு சந்திக்கலாம் என்று நம்பிக்கையுடன் கூறியுள்ளார்.

மேலும் தான் தீயில் சிக்கியிருந்த போது வந்த மலைவாசி ஒருவர் அவரின் சட்டை, லுங்கியை அவர் மீது போர்த்தியுள்ளார், பத்திரமாக இருப்பா என்று கூறியுள்ளார்.

இதனால் அவரை நிச்சயமாக பார்த்த்து நன்றி சொல்ல வேண்டும் என அவரது குடும்பத்தினரிடம் வித்யா தெரிவித்துள்ளார்.

இப்படி கண்டிப்பாக மீண்டு வருவேன் என்று அனுவித்யா நம்பிக்கையுடன் உள்ளதால் மகளின் உறுதி அவரை மீட்டுவரும் என்று நம்பிக்கையுடன் குடும்பத்தினர் காத்திருக்கின்றனர்.

தற்போது அனுவித்யா மதுரை அரசு மருத்துவமனையில் சிகிச்சை பெற்று வருகிறார் என்பது குறிப்பிடத்தக்கது.

தமிழகத்தில் பூட்டப்பட்ட அறையில் பத்து வயது சிறுவன் யாராவது என்னை காப்பாற்றுங்கள் என்று கதறிய சம்பவம் அப்பகுதியில் மிகுந்த பரபரப்பை ஏற்படுத்தியுள்ளது.

புதுச்சேரி மதகடிப்பட்டு பகுதியைச் சேர்ந்தவர் செல்லப்பன், கூலித் தொழிலாளியான இவருக்கு வேல்முருகன்(10) என்ற மகன் உள்ளார். அங்கிருக்கும் அரசு பள்ளியில் நான்காம் வகுப்பு படித்து வரும் சிறுவன் நேற்று வழக்கம் போல பள்ளிக்குச் சென்றுள்ளான்.

பள்ளிக்கு சென்ற சிறுவன் வெகு நேரமாகியும் வீடு திரும்பாததால், பெற்றோர் பள்ளிக்கு வந்துள்ளனர். பள்ளிக்கு வந்து பார்த்த போது, பள்ளி பூட்டியிருந்ததால் பெற்றோர் வேறு இடங்களுக்கு சென்று தேடியுள்ளனர்.

அந்த நேரத்தில் பள்ளிக்குள் இருந்து அண்ணா, அக்கா யாராவது என்னைக் காப்பாற்றுங்க, நான் அம்மாகிட்ட போக வேண்டும், வீட்டுக்குப் போக வேண்டும் என்ற சிறுவனின் அழுகுரல் கேட்டுள்ளது.

அப்போது அந்த வழியாக சென்ற பலர் இந்த குரலைக் கேட்டு அதிர்ச்சியடைந்து உள்ளே சென்று பார்த்துள்ளனர்.

அங்கு சிறுவன் பூட்டப்பட்ட வகுப்பறையின் இரும்பு கேட்டின் மீது ஏறி நின்று காப்பாற்றுங்க.. காப்பாற்றுங்க என்று கத்தியுள்ளதை கண்டுள்ளனர்.

உடனடியாக அவர்கள் பொலிசாருக்கு தகவல் தெரிவித்துள்ளனர். விரைந்து வந்த பொலிசார் சிறுவனை மீட்டு பெற்றோரிடம் ஒப்படைத்துள்ளனர்.

அதன் பின் நடத்தப்பட்ட விசாரணையில், காலையில் பள்ளிக்குச் சென்ற சிறுவன் காது வலிக்கிறது என்று ஆசிரியரிடம் கூறியுள்ளான்.

மதிய உணவு இடைவேளைக்கு பின் தொடர்ந்து சிறுவன் கூறியதால், ஆசிரியர் கடைசியில் இருக்கும் மேசையில் போய் படு என்று கூறியுள்ளார்.

மாலை பள்ளி விட்டதும், சிறுவன் தொடர்ந்து தூங்கியுள்ளான். இதை கவனிக்காமல் பள்ளி ஊழியர்கள் வகுப்பறையை அடைத்துவிட்டுச் சென்றுள்ளனர்.

உடனடியாக பெற்றோர்கள் வகுப்பறையை கூட சரியாக கவனிக்காமல் பூட்டிவிட்டுச் சென்ற ஊழியர்கள் மீது தகுந்த நடவடிக்கை எடுக்க வேண்டும் என்று போராட்டத்தில் ஈடுபட்டனர் என்பது குறிப்பிடத்தக்கது.

 
இந்தியாவில் நண்பருடன் சேர்ந்து நகைக்காக வளர்ப்பு தாயை கொலை செய்த மகளின் செயல் அதிர்ச்சியை ஏற்படுத்தியுள்ளது.

கர்நாடகாவின் பெங்களூரை சேர்ந்தவர் விஜயம்மா (55), அழகு நிலையம் நடத்தி வருகிறார். இவருக்கு திருமணமாகாத நிலையில் சோனு சிங் (29) என்ற பெண் இவரின் அழகு நிலையத்தில் வேலை செய்து வந்தார்.

சோனுவுக்கும் யாரும் இல்லாததால் அவரை வளர்ப்பு தாயாக விஜயம்மா பல காலமாக வளர்த்து வந்தார். ஆனால் சோனு வெளியில் தங்கிருந்தாலும், விஜயம்மாவை அடிக்கடி வந்து பார்ப்பார்.

இந்நிலையில் செவ்வாய்கிழமை மாலை 7 மணியளவில் விஜயம்மா வீட்டுக்கு அருகில் வசிக்கும் நபர் அவரை காண வந்தபோது ரத்த வெள்ளத்தில் விஜயம்மா சடலமாக கிடந்துள்ளார்.

இது குறித்து பொலிசாருக்கு தகவல் தரப்பட்ட நிலையில் அவர்கள் வந்து விசாரணை நடத்தினர். அப்போது விஜயம்மாவை சோனு தனது நண்பர் குமாருடன் சேர்ந்து கொலை செய்தது தெரியவந்தது.

சோனுவும், குமாரும் நிதி நெருக்கடியில் இருந்ததால் விஜயம்மாவின் நகைகளை கொள்ளையடிக்க திட்டமிட்டுள்ளனர்.

அதன்படி அவரை கொன்றுவிட்டு நெக்லஸ், இரண்டு வளையல்கள், தோடுகளை திருடி சென்றுள்ளது தெரியவந்துள்ளது. இதையடுத்து இருவரையும் கைது செய்த பொலிசார் அவர்களிடமிருந்த நகைகளை மீட்டுள்ளனர்.

 
1980களில் மும்பையில் நாட்டியக்காரிகள் என்று அழைக்கப்படும் நடன மங்கைகளைத் தேடிச் செல்லும் ஆண்கள் ஏராளம்.

விபச்சாரிகளுக்கும் இவர்களுக்கும் வித்தியாசம் உண்டு, நாட்டியக்காரிகள் பணத்துக்காக பாலுறவு கொள்பவர்கள் இல்லை.

நடனம் ஆடுவது மட்டுமே அவர்கள் தொழில், இப்படிப்பட்ட ஒரு பெண்ணின் மகனாகப் பிறந்த ஒருவர் தான் எவ்வறு படிப்பால் சமுதாயத்தில் முன்னேறினார் என்பதை விவரிக்கிறார்.

புகழ் பெற்ற எழுத்தாளரான Manish Gaekwadஇன் தாய் ரேகா, சிறு வயதிலேயே கஷ்டப்பட்ட குடும்பத்தில் பிறந்து குழந்தைத் திருமணம் செய்விக்கப்பட்டவர். காலப்போக்கில் பாட்டும் நடனமும் கற்றுக்கொண்ட ரேகா, ஒரு நாட்டியக்காரியானார்.

எப்போதும் பாட்டும் நடனப்பயிற்சியுமாக வீட்டிற்குள் இன்பமாக வாழ்ந்தபோதும் Manish வீட்டை விட்டு வெளியே வரும் போது அவரை விபச்சாரி மகன் என்று பலர் அழைப்பதுண்டு. தன் வாழ்வு மகனை பாதிக்கக்கூடாது என்று எண்ணிய அவர் Manish Gaekwadஐ போர்டிங் பள்ளி ஒன்றில் சேர்த்தார்.

Manishம் நன்றாகப் படித்தார், பெரும்பாலும் லைப்ரரியிலேயே பொழுதைக் கழித்த Manish இன்று ஒரு பத்திரிகையாளராக உயர்ந்து நிற்கிறார்.

பிரபல பத்திரிகையில் பகுதி நேர பத்திரிகையாளராக பணிபுரியும் அவர், பத்திரிகைத் துறையில் தனக்கு எந்த முன் அனுபவமும் இல்லாவிட்டாலும் தான் இன்று இந்த நிலைக்கு உயர்ந்திருப்பதற்குக் காரணம் தன்னை படிக்க வைக்க வேண்டும் என்று முடிவெடுத்த தனது தாய்தான் என்கிறார்.

அடுத்த மாதம் தனது முதல் புத்தகமாகிய Lean Days வெளியிடப்பட உள்ளதாகக் குறிப்பிடும் Manish, எனது வாழ்வில் அல்ல, எனது தாயின் வாழ்வில் நடந்தவற்றை வெளியிடும் சரியான நேரம் இதுதான் என்று தான் எண்ணுவதாகக் குறிப்பிடுகிறார்.