சென்னையில் கல்லூரி வாசலில் மாணவி ஒருவர் கத்தியால் குத்திக்கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது.

சென்னை கே.கே.நகரில் உள்ள மீனாட்சி கல்லூரியில் மதுரவாயலை சேர்ந்த அஸ்வினி எனும் மாணவி B.com படித்து வந்துள்ளார்.

இன்று வகுப்பு முடிந்து வீடு திரும்பிய அவரை, கல்லூரியின் வாசலிலேயே அழகேசன் என்பவர் கத்தியால் குத்தியுள்ளார்.

இதில் படுகாயமடைந்த அஸ்வினியை அருகில் இருந்தவர்கள் உடனடியாக மீட்டு, மருத்துவமனைக்கு கொண்டு சென்றனர். ஆனால், துரதிர்ஷ்டவசமாக சிகிச்சை பலனின்றி உயிரிழந்தார்.

கத்தியால் குத்திய அழகேசனை பொதுமக்கள் பிடித்து பொலிசாரிடம் ஒப்படைத்துள்ளனர்.

காரணம் என்ன?

சென்னை மதுரவாயல் பகுதியை சேர்ந்தவர் அஸ்வினி, அழகேசனும் அதே பகுதியை சேர்ந்தவர் தான்.

துரத்தி துரத்தி காதல் தொல்லை கொடுத்த அழகேசனை, அஸ்வினிக்கு பிடிக்கவில்லை, பலமுறை துன்புறுத்தியதால் மதுரவாயல் பொலிசிடம் புகார் அளித்தார்.

இதன்பேரில் அழகேசனை பொலிசார் கைது செய்தனர், இதற்கிடையே ஜாபர்கான்பேட்டையில் உள்ள உறவினர் வீட்டில் தங்கி கல்லூரிக்கு சென்று வந்துள்ளார்.

இந்நிலையில் சிறையிலிருந்து வெளியே வந்த அழகேசன், அஸ்வினி மீதிருந்த ஆத்திரத்தில் படுகொலை செய்துள்ளது தெரியவந்துள்ளது.

கொலைக்கு பயன்படுத்திய ஆயுதத்தை பறிமுதல் செய்துள்ள பொலிசார் அழகேசனிடம் தீவிர விசாரணை நடத்தி வருகின்றனர்.

கல்லூரி வாசலில் உள்ள ரகசிய கண்காணிப்பு கமராவையும் பொலிசார் ஆய்வு செய்து வருகின்றனர். மேலும் அஸ்வினியின் தோழிகளிடமும் காவல்துறையினர் விசாரணை நடத்திவருகின்றனர்.

நுங்கம்பாக்கம் சுவாதி தொடங்கி விழுப்புரம் நவீனா, கே.கே நகர் அஸ்வினி வரை ஒரு தலைக்காதல் கொலைகள் தொடர்கதையாகி வருகின்றன.

காதலிக்க மறுத்த காரணத்தால் ஒரு தலைக்காதலர்கள் பெண்களை கொடூரமாக கொலை செய்யும் நிலை அதிகரித்து வருகிறது.

சுவாதி

கடந்த 2016 யூன் 24-ஆம் திகதி சூளைமேட்டைச் சேர்ந்த சுவாதி, நுங்கம்பாக்கம் ரயில் நிலையத்தில் வெட்டி படுகொலை செய்யப்பட்டார். கொலையாளி என்று கைது செய்யப்பட்ட ராம்குமார், புழல் சிறையில் தற்கொலை செய்து கொண்டார்.

நவீனா

பள்ளி மாணவி நவீனாவை, விழுப்புரத்தை சேர்ந்த செந்தில் என்ற இளைஞர் ஒருதலையாக காதலித்து வந்த நிலையில் காதலை நவீனா ஏற்க மறுத்துவிட்டதால் தன் மீது பெட்ரோலை ஊற்றி தீவைத்துக் கொண்டு, நவீனாவை கட்டிப்பிடித்து செந்தில் எரித்து கொன்று விட்டான்.

சோனாலி

கரூர் பொறியியல் கல்லூரியில் படித்து வந்த சோனாலியை, அதே கல்லூரியில் படித்த முன்னாள் மாணவன் உதயகுமார் வகுப்பறையில் நுழைந்து கட்டையால் அடித்து கொலை செய்தார். இதற்கு காரணமும் ஒருதலை காதல் தான்.

தன்யா

கோவையை சேர்ந்த தான்யாவை ஒருதலையாக காதலித்த இளைஞர் ஜாகீர் கத்தியால் சராமாரியாக குத்தி கொலை செய்தார்.

இந்துஜா

கடந்த ஆண்டு ஒருதலைக்காதலுக்கு வேளச்சேரியை சேர்ந்த இந்துஜா பலியாகியுள்ளார். காதலிக்க மறுத்தார் என்பதற்காக பெட்ரோல் ஊற்றி எரித்து கொல்லப்பட்டார்.

சித்ரா தேவி

திருமங்கலத்தை 14 வயது மாணவி சித்ராதேவி ஒருதலைகாதலால் பெட்ரோலை ஊற்றி கொலை செய்யப்பட்டார்

அஸ்வினி

சென்னை கே கே நகரில் நேற்று கல்லூரியில் படித்து வந்த அஸ்வினியை விரட்டி விரட்டி கத்தியால் கழுத்தில் வெட்டி கொலை செய்துள்ளான் அழகேசன் என்ற கொடூரன்.

பெண்களை துரத்தித் துரத்தி சீண்டினால் தான் காதல் பிறக்கும் என்று தவறாக போதிக்கும் திரைப்படங்கள், நம்மை காதலிக்காத பெண் வேறு யாரையும் காதலிக்கக் கூடாது என்பதையும் விரிவாக விளக்கும் தொலைக்காட்சித் தொடர்கள் ஆகியவையும் இது போன்ற கொலைகளுக்கு முக்கிய காரணம் என சமூக ஆர்வலர்கள் கூறுகிறார்கள்.

தமிழகத்தில் போக்குவரத்து காவலர் தாக்கியதில் உயிரிழந்த கர்ப்பிணிப்பெண் உஷா, நான்கு ஆண்டுகளாக காதலித்து 2 ஆண்டுகளுக்கு முன்பு ராஜாவை திருமணம் செய்தவர் என தெரிய வந்துள்ளது.

திருச்சியில், போக்குவரத்து காவலர் தாக்கியதில் உயிரிழந்த உஷாவின்(34) திருமண வாழ்க்கை குறித்து தெரிய வந்துள்ளது.

தஞ்சை மாவட்டம் பாபநாசம் அருகேயுள்ள, சூலமங்களத்தைச் சேர்ந்த துரைக்கண்ணு- லட்சுமி தம்பதியின் மகன் தர்மராஜா என்கிற ராஜா(37).

தனியார் நிதி நிறுவனம் ஒன்றில் வேலை பார்த்து வரும் இவருக்கு, திருமணமான இரண்டு சகோதரிகள் உள்ளனர். இந்நிலையில், இவரும் உஷாவும் நான்கு ஆண்டுகளாக காதலித்துள்ளனர்.

அதன் பிறகு, இரண்டு ஆண்டுகளுக்கு முன்னர் தான் திருமணம் செய்துள்ளனர். ராஜாவின் வீடு குடிசையாக இருந்ததாலும், போதிய வசதி இல்லாததாலும் திருச்சி துவாக்குடியில் உள்ள தனது தாய் வீட்டிலேயே உஷா தங்கியிருந்துள்ளார்.

அவ்வப்போது கணவரின் வீட்டுக்கு வந்து ஓரிரு நாட்கள் தங்கியிருப்பார். திருச்சியில் உள்ள மாற்றுத்திறனாளிகள் சிறப்பு பள்ளி ஒன்றில் உஷா வேலை பார்த்து வந்துள்ளார்.

இந்நிலையில், உஷாவின் தோழியின் திருமண வரவேற்பு நிகழ்ச்சியில் பங்கேற்க உஷா தனது கணவருடன், திருச்சிக்கு இருசக்கர வாகனத்தில் சென்றுள்ளார். அப்போது நடந்த துயரச் சம்பவத்தில்தான் அவர் உயிரிழந்துள்ளார்.

ராஜாவின் ஊரான சூலமங்களத்தைச் சேர்ந்த உமாபதி என்பவர் ராஜா – உஷா தம்பதி குறித்து கூறுகையில்,

‘ராஜாவின் குடும்பம் ஏழ்மையான குடும்பம். இருவரும் வெவ்வேறு மதங்களைச் சேர்ந்தவர்கள். எனினும், காதலித்து கலப்புத் திருமணம் செய்து கொண்டனர்.

உஷா தன் கணவரோடு திருமண வரவேற்பு நிகழ்ச்சியில் பங்கேற்க சென்றபோது பலியாகி உள்ளார். உஷாவின் இழப்பால் ராஜாவின் குடும்பம் நிலைகுலைந்துள்ளது’ என தெரிவித்துள்ளார்.

 
இந்தியாவில் மனைவி ஆண் குழந்தையை பெற்றெடுக்காத ஆத்திரத்தில் அவர் மீது அசிட் வீசிய கணவரின் செயல் அதிர்ச்சியை ஏற்படுத்தியுள்ளது.

புதுடெல்லி அருகில் உள்ள மொராடாபாத்தை சேர்ந்தவர் சிராஜ் (32), இவர் மனைவி ஃபரா (25), தம்பதிக்கு ஏற்கனவே ஒரு பெண் குழந்தை இருந்த நிலையில், ஃபரா மீண்டும் கர்ப்பமானார். இரண்டாவது பிரசவத்திலும் அவருக்கு பெண் குழந்தையே பிறந்துள்ளது.

இதையடுத்து ஆண் குழந்தையை எதிர்ப்பார்த்து ஏமாந்து போன சிராஜுக்கும் அவர் குடும்பத்தாருக்கும் ஃபரா மீது ஆத்திரம் ஏற்பட்டுள்ளது.

இதுகுறித்து ஃபராவிடம் சிராஜ் சண்டை போட்டு வந்த நிலையில் கடந்த எட்டாம் திகதி உலக பெண்கள் தினத்தன்று மனைவி என்றும் பாராமல் ஃபரா மீது சிராஜ் அசிட் வீசியுள்ளார்.

இதையடுத்து முகம், கை மற்றும் வயிற்றில் படுகாயமடைந்த ஃபரா மருத்துவமனையில் சேர்க்கப்பட்டு அவருக்கு தீவிர சிகிச்சையளிக்கப்பட்டு வருகிறது.

பொலிசாரிடம் ஃபரா அளித்த வாக்குமூலத்தில், சிராஜ் மற்றும் அவர் குடும்பத்தார் தன்னை வரதட்சணை கேட்டு கொடுமைப்படுத்தியதாக கூறியுள்ளார்.

இதை வைத்து சிராஜ் தன்னை அடித்து துன்புறுத்தியதாகவும், பெண் குழந்தையை மீண்டும் பெற்றெடுத்தால் ஆத்திரத்தில் அசிட் வீசியதாகவும் கூறியுள்ளார்.

சம்பவம் குறித்து வழக்குப்பதிவு செய்துள்ள பொலிசார் தலைமறைவாக உள்ள சிராஜை தேடி வருகிறார்கள்.