இந்தியாவில் காதலனை காப்பாற்றுவதற்காக பெற்ற தந்தையை மாடியிலிருந்து தள்ளிவிட்ட மகளின் செயல் அதிர்ச்சியை ஏற்படுத்தியுள்ளது.

உத்திரப்பிரதேச மாநிலத்தின் நொய்டாவைச் சேர்ந்தவர் விஷ்ணு. இவருக்கு சாந்தி என்ற மனைவி உள்ளார்.

இந்நிலையில் இவர் வீட்டில் தூங்கிக் கொண்டிருந்த போது, அதிகாலை 4 மணியளவில் தனது மகளின் அறையிலிருந்து தொடர்ந்து சத்தம் வந்துள்ளது.

இதனால் சந்தேகமடைந்த அவர் உடனடியாக மகளின் அறையை திறந்து பார்த்த போது, அவரது மகள், தன்னுடைய காதலனுடன் ஒன்றாக இருந்திருக்கிறார்.

இதைக் கண்டு அதிர்ச்சியடைந்த அவர், மகளின் காதலனுடன் வாக்குவாதத்தில் ஈடுபட்டுள்ளார். ஒரு கட்டத்தில் இது முற்ற, இருவருக்கும் கைகலப்பு ஏற்பட்டிருக்கிறது.

அப்போது தனது காதலனை காப்பாற்றுவதற்காக மூன்றாவது மாடியில் இருந்து மகளும், அவரின் காதலனும் இணைந்து அவரை கீழே தள்ளிவிட்டதால், பரிதாபமாக அவர் உயிரிழந்தார்.

ஏதோ வெளியில் சத்தம் கேட்கிறதே என்று சாந்தி வெளியில் வந்து பார்த்த போது, கணவன் இறந்து கிடப்பதை பார்த்து கதறியுள்ளார்.

இதைத் தொடர்ந்து சாந்தி, தனது மகள் மற்றும் அவரின் காதலன் மீது காவல்நிலையத்தில் புகார் மனு அளித்துள்ளார். இது தொடர்பாக வழக்குப்பதிவு செய்துள்ள பொலிசார் விஷ்ணுவின் மகளை கைது செய்துள்ளனர். ஆனால் அவரது காதலன் தப்பிஓடிவிட்டார். பொலிசார் அவரை தேடி வருகின்றனர்

தமிழகத்தில் ஓடும் ரயிலிலிருந்து ஆற்றில் குதித்து தற்கொலை செய்த இளம்பெண் விவகாரத்தில், கணவர் தொடர்பு வைத்திருந்த பெண்ணிடம், அப்பெண் பேசியது தொடர்பான ஆடியோ ஆதாரத்தை பெண்ணின் தாயார் பொலிசாரிடம் கொடுத்துள்ளார்.

சென்னை ஆவடியை சேர்ந்த முரளியின் மகன் ரோஸ். இவருக்கும் ஜீவிதா என்ற பெண்ணுக்கும் கடந்த 2016-ஆம் ஆண்டு திருமணம் நடந்தது. இவர்களுக்கு ஒரு மகள் உள்ளார்.

இந்நிலையில் ஜீவிதாவுக்கு தனது கணவன் வேறொரு பெண்ணுடன் கள்ள உறவு வைத்திருப்பது தெரியவந்துள்ளது.

இதனால் அவர் கணவரிடம் கேட்ட போது, அவர் மற்றும் அவரது குடும்பத்தினர் வரதட்சணை கேட்டு கொடுமை செய்துள்ளனர்.

இது குறித்து ஜீவிதா அவரது பெற்றோரிடம் கூறியுள்ளார். அதன் பின் சமாதானப் பேச்சு வார்த்தை நடத்தி அனுப்பி வைத்துள்ளனர்.

இருந்த போதிலும் ஜீவிதாவின் கணவர் வேறொரு பெண்ணுடான இருந்த உறவை விடவில்லை. இதனால் மீண்டும் ஜீவிதா இது குறித்து கேட்ட போது, அவர் கடுமையான வார்த்தைகளால் திட்டியுள்ளார்.

பெரிதும் மனமுடைந்த ஜீவிதா ரயிலில் சென்று கொண்டிருந்த போது அடையாறு பாலம் அருகே வந்த போது ரயிலிலிருந்து குதித்து தற்கொலை செய்து கொண்டார்.

ஜீவிதாவின் தற்கொலையை சாதாரணமான தற்கொலை வழக்காக ரயில்வே பொலிசார் பதிவு செய்த நிலையில், ஜீவிதாவின் தாயார் என்னுடைய மகளுக்கு நியாயம் கிடைக்க வேண்டும் என்று கூறி காவல்நிலையத்தில் புகார் அளித்துள்ளார்.

அதுமட்டுமின்றி ஜீவிதா இறப்பதற்கு சில நாட்களுக்கு முன்னர் கணவர் தொடர்பு வைத்திருந்த பெண்ணிடம், தனது கணவருடனான நட்பை விட்டுவிடும்படி கேட்கும் ஆடியோவையும் ஜீவிதாவின் தாயார் பொலிசாரிடம் ஒப்படைத்துள்ளார்.

அதில் ஜீவிதா என் கணவருடன் எங்கும் வெளியில் செல்லாதீர்கள், அவருக்கு திருமணம் ஆகிவிட்டது. குழந்தை ஒன்று உள்ளது. உங்களிடம் பல முறை சொல்லியிருக்கிறேன் என்று கெஞ்சியுள்ளார்.

ஆனால் அந்த பெண்ணோ, நாங்கள் நட்பின் அடிப்படையில் தான் பழகுகிறோம், வேண்டுமென்றால் உங்கள் கணவனிடம் இதை சொல்லுங்கள், அதற்கு நான் ஒன்றும் பண்ண முடியாது என்று திமிராக கூறியுள்ளார்.

மேலும் ஜீவிதா கடந்த ஞாயிறு அன்று வெளியில் சென்றுள்ளீர்கள், அடுத்த பெண்ணின் கணவருடன் செல்வது முறையா என்று கேட்டுள்ளார்.

அதற்கு அந்த பெண், சும்மா தான் வெளியில் சென்றோம் என்று கூற, ஜீவிதா நீங்கள் நண்பர்களுடன் செல்லுங்கள், அடுத்தவரின் கணவருடன் செல்லாதீர்கள் என்று ஆடியோவில் பதிவாகியுள்ளது.

இந்த ஆடியோவைத் தொடர்ந்து ஜீவிதாவின் கணவரை பொலிசார் உடனடியாக கைது செய்து விசாரணை மேற்கொண்டு வருகின்றனர்.

இந்தியாவில் பொலிஸ் பெண் அதிகாரியை ஆய்வாளரே கொன்று குளிர்சாதப் பெட்டியில் அடைத்து வைத்திருந்த சம்பவம் அதிர்ச்சியை ஏற்படுத்தியுள்ளது.

இந்தியாவின் மும்பையில் பொலிஸ் அதிகாரியாக பணியாற்றி வந்த அஸ்வினி ஜெயகுமார் கோரெ-பிந்த்ரே(37) என்னும் பெண் கடந்த 2016, ஏப்ரல் 15ஆம் திகதியன்று மாயமாகியுள்ளார்.

அது குறித்து மாயமான அதிகாரியின் சகோதரர் அளித்த புகாரின் அடிப்படையில் வழக்கு பதிவுசெய்து பொலிசார் தீவிர தேடுதல் வேட்டையில் ஈடுபட்டு வந்துள்ளனர்.

ராஜு கோரே என்பவரை திருமணம் செய்திருந்த அஸ்வினுக்கு ஒரு மகள் இருக்கிறார். ஆனால் அஸ்வினிக்கும் பொலிஸ் ஆய்வாளர் அபய் குருந்த்கர் என்பவருக்கும் தகாத உறவு இருந்துள்ளது.

இந்த உறவு குறித்து ராஜுக்கு தெரிய வந்த நிலையில் இருவருக்கும் இடையில் பிரிவு ஏற்பட்டு தனியே வசிக்கத் தொடங்கியுள்ளனர். அந்த நிலையில் தான் ஒரு வருடமாக தனியே வசித்து வந்த அஸ்வினி மாயமானார்.

இது தொடர்பாக பொலிசார் நடத்திய விசாரணையில், சிசிடிவி கெமரா காட்சிகள் உதவியுடன் அபய் என்ற ஒரு ஆய்வாளரை கைது செய்துள்ளனர்.

விசாரணையில், அஸ்வினியை கொலை செய்து தன் வீட்டு குளிர் சாதனப் பெட்டியில் அபய் அடைத்து வைத்திருந்ததாக அவரது நண்பர் மகேஷ் என்பவர் ஒப்புக்கொண்டுள்ளார்.

மட்டுமின்றி அஸ்வினியை திருமணம் செய்து கொள்வதாக கூறி ஏமாற்றியுள்ள அபய், அவரை கொலை செய்வதற்காக பவர் கட்டர் உபோகித்துள்ளதும் தெரிய வந்துள்ளது.

ரஜினிகாந்த் இன்னும் சில தினங்களில் அரசியல் கட்சி தொடங்கவுள்ளார். நேற்று சென்னையில் எம்.ஜி.ஆர் சிலை திறந்து வைத்த ரஜினி ரசிகர்களிடம் பின் உரையாற்றினார்.

அவர் நேற்று பேசிய கருத்திற்கு ரசிகர்கள் மத்தியில் பெரும் ஆதரவு கிடைத்தது, குறிப்பாக என்னை வரவேற்கைவில்லை என்றாலும், கிண்டல் செய்யாதீர்கள் என்றார்.

மேலும் சீமான் தொடர்ந்து ரஜினியை தமிழன் இல்லை என்று குற்றம் சாட்டி வருகின்றார், அதற்கு பதிலடி தரும் வகையிலும் சில கருத்துக்களை ரஜினி பேசினார்.

இதில் தமிழ் பேசினால் மட்டும் தமிழ் வளராது, தமிழன் உலக அளவில் வளர வேண்டும், அப்போது தான் தமிழின் சிறப்பு உலகிற்கு தெரியும் என மறைமுகமாக சீமானுக்கு பதிலடி கொடுத்தார்.