இரண்டு வருடங்களுக்கு முன் காணாமல் போன தாயார், தனியார் தொலைக்காட்சி நிகழ்ச்சி மூலம் கிடைத்துள்ள சம்பவம் அவரது குடும்பத்தினருக்கு மிகுந்த மகிழ்ச்சியை ஏற்படுத்தியுள்ளது.

கேரளாவின் தாலவாடியைச் சோ்ந்தவா் சாந்தம்மா (70). சிறிது மனநிலை பாதிக்கப்பட்டவரான இவர் கடந்த 2015ம் ஆண்டு வீட்டை விட்டு வெளியேறிய பின் வீட்டிற்கே திரும்பவில்லை.

இதனால் அவரது குடும்பத்தினர் அக்கம், பக்கம் முழுவதிலும் தேடியுள்ளனர். கிடைக்காத காரணத்தினால் காவல்நிலையத்தில் புகார் அளித்துள்ளனர்.

இதைத் தொடர்ந்து பொலிசாரும் தொடர்ந்து தேடி வந்த நிலையில், சமீபத்தில் கேரளா மாநிலத்தில் தனியார் தொலைக்காட்சி ஒன்றில் கிறிஸ்துமஸ் திருவிழா கொண்டாடப்பட்டது.

அந்த கிறிஸ்துமஸ் தின விழாவில் காணமல் போனதாக கூறப்பட்ட சாந்தம்மா இருந்துள்ளார். இந்த நிகழ்ச்சியைக் கண்ட அவரது குடும்பத்தினர், உடனடியாக அந்த தொலைக்காட்சி நிறுவனத்தினை தொடர்பு கொண்டு, அவர் இருக்கும் தற்போதைய முகவரியை கேட்டு வாங்கியுள்ளனர்.

அதன் பின் அங்கு சென்ற அவர்களை சாந்தம்மா நேரில் பார்த்த போது, அவரை அறியாமலே கட்டித் தழுவி முத்தமிட்டு அன்பை பறிமாறிக் கொண்ட சம்பவம் அங்கிருந்த அனைவரையும் மெய்சிலிர்க்க வைத்தது. அத்துடன் அவர்கள் தனியார் தொலைக்காட்சி நிறுவனத்திற்கு தங்கள் நன்றியையும் தெரிவித்துள்ளனர்.

 
குடும்பத்தை எதிர்த்து காதலியை திருமணம் செய்த இளைஞர் மனைவிக்கு வந்துள்ள இதய நோயை காரணம் காட்டி அவரை வீட்டை விட்டு துரத்தியிருப்பது அதிர்ச்சியை ஏற்படுத்தியுள்ளது.

மத்திய பிரதேச மாநிலத்தில் தான் இச்சம்பவம் நடந்துள்ளது, பாவ்னா என்ற இளம் பெண்ணுக்கு தாய் தந்தை இல்லாத நிலையில் பாட்டி வீட்டில் வளர்ந்து வந்தார்.

கடந்தாண்டு தனது உறவினர் வீட்டுக்கு பாவ்னா வந்த போது அந்த பகுதியில் வசிக்கும் ஆதர்ஷ் என்ற இளைஞருடன் அவருக்கு நட்பு ஏற்பட்டு பின்னர் காதலாக மாறியுள்ளது. இவர்களின் காதலுக்கு இரு வீட்டிலும் எதிர்ப்பு எழுந்த நிலையில், அதை மீறி பாவ்னாவை ஆதர்ஷ் கோவிலில் வைத்து திருமணம் செய்து கொண்டார். பின்னர் ஆதர்ஷ் வீட்டில் சமாதானமாகி அவர்களை ஏற்றுக் கொண்டனர்.

தம்பதியின் மண வாழ்க்கை மகிழ்ச்சியாக சென்று கொண்டிருந்த நிலையில் அவர்களுக்கு ஆண் குழந்தை பிறந்தது. குழந்தை பிறந்த பின்னர் பாவ்னாவுக்கு உடல்நல கோளாறு ஏற்பட்ட நிலையில் அவருக்கு இதய நோய் ஏற்பட்டுள்ளது தெரியவந்தது.

மருத்துவ சிகிச்சைக்கு அதிக பணம் தேவை என மருத்துவர்கள் கூறிய நிலையில் நோய்வாய்ப்பட்ட பாவ்னாவை ஆதர்ஷ் மற்றும் குடும்பத்தார் கொடுமைப்படுத்த தொடங்கியுள்ளனர்.

ஒரு கட்டத்தில் மனைவியையும், குழந்தையையும் ஆதர்ஷ் வீட்டை விட்டு இரக்கமின்றி துரத்தியுள்ளார். தற்போது உறவினர் வீட்டில் தங்கியிருக்கும் பாவ்னா மருத்துவ சிகிச்சைக்கு பணம் இல்லாதததுடன், குழந்தைக்கு உணவு வாங்க கூட பணமில்லாமல் தவித்து வருகிறார்.

கணவர் தன்னை இந்த நிலைக்கு ஆளாக்கியது குறித்து பாவ்னா பொலிசில் புகார் அளித்துள்ள நிலையிலும் இதுவரை எந்த நடவடிக்கையும் எடுக்கப்படவில்லை.

காட்சி ஊடகமான சினிமா பிற்காலத்தில் மக்களிடத்தில் உளவியல் ரீதியாக பல்வேறு மாற்றங்களை உண்டு செய்யும் என்பது பிரபல நடிகர் சார்லி சாப்ளினின் பொன்மொழிகளில் ஒன்று.

அந்த வகையான மாற்றத்தில் ஒன்று தான் இத்தகைய செயல்களின் அடித்தளமாக கருதப்படுகிறது. தெலுங்கானா மாநிலம் செகந்திராபாத்தில் சிறிய தொழிற்கூடம் ஒன்றில் வரவேற்பாளராக வேலை செய்து வந்த பெண்ணை, அடையாளம் தெரியாத நபர் ஒருவர் காதலிப்பதாக தினமும் தொந்தரவு செய்து வந்ததாக கூறப்படுகிறது.

தொடர்ந்து தொந்தரவுக்கு ஆளான அப்பெண் இவ்விவகாரம் குறித்து தனது வீட்டில் தெரிவிக்காத நிலையில், காதலை மறுத்த அவரை அந்த நபர் தீயிட்டு கொளுத்தியுள்ளார்.

கேனில் மண்ணெண்ணை எடுத்துக்கொண்டு வந்த அந்த நபர் பொதுமக்கள் முன்னிலையில் பெண்ணை தீயிட்டு கொளுத்திவிட்டு அங்கிருந்து தப்பியோடியுள்ளார். தற்போது படுகாயத்துடன் உயிருக்கு ஆபத்தான நிலையில் பாதிக்கப்பட்ட பெண் மருத்துவமனையில் சிகிச்சை பெற்று வருகிறார்.

இவ்விவகாரம் குறித்து வழக்கு பதிவு செய்த காவல்துறையினர் தப்பியோடிய நபரை தீவிரமாக தேடி வருகின்றனர்.

இந்தியாவின் ராஜஸ்தான் மாநிலத்தில் பேருந்து ஆற்றில் கவிழ்ந்து விபத்துக்குள்ளானதில் 12 பேர் உயிரிழந்துள்ளனர். ராஜஸ்தான் மாநிலம் சவாய் மாதோபூர் மாவட்டம் துபி பகுதியில் இந்த விபத்து நடந்துள்ளது.

துபி பகுதியில் உள்ள பனாஸ் ஆற்று பாலத்தில் பயணித்த பேருந்து, ஓட்டுநரின் கட்டுப்பாட்டை இழந்து பாலத்தின் தடுப்பு சுவரை உடைத்துக்கொண்டு ஆற்றுக்குள் கவிழ்ந்தது. இதுகுறித்து காவல்துறையினருக்கு தெரிவிக்கப்பட்டது.

சம்பவ இடத்திற்கு விரைந்து வந்த அவர்கள் மீட்பு பணிகளில் ஈடுபட்டனர். இந்த விபத்தில் 12 பேர் உயிரிழந்ததாக கூறப்பட்டது. ஆனால் தற்போது பலி எண்ணிக்கை 30 ஆக உயர்ந்து உள்ளது.

ஆற்றில் இருந்து 26 உடல்கள் மீட்கப்பட்டு உள்ளது. இந்த விபத்தில் உயிரிழந்தவர்களில் 3 குழந்தைகள், 3 பெண்கள் ஆவர். தொடர்ந்து மீட்பு பணிகள் நடைபெற்று வருகிறது.

15 க்கும் மேற்பட்டவர்கள் மருத்துவமனையில் சிகிச்சை பெற்று வருகிறார்கள். அவர்கள் அங்குள்ள மருத்துவமனையில் சிகிச்சைக்காக அனுமதிக்கப்பட்டுள்ளனர். இதுதொடர்பாக காவல்துறையினர் விசாரித்து வருகின்றனர்.