மீரிகம பகுதியில் பெண் ஒருவர் தனது மகளின் கணவரை அடித்துக் கொன்ற சம்பவம் தொடர்பில் கைதுசெய்யப்பட்டுள்ளார்.

உயிரிழந்த நபர் தினமும் குடித்து விட்டு வந்து மனைவி மற்றும் அவரது தாயாரை அடித்து துன்புறுத்துவதாக தெரியவந்துள்ளது.

சம்பவம் இடம்பெற்ற அன்றும் அவர் அவ்வாறே குழப்பத்தை ஏற்படுத்தியுள்ளார். இதனையடுத்து, மாமியாரின் தாக்குதலுக்கு இலக்கான அவர், வைத்தியசாலையில் அனுமதிக்கப்பட்ட நிலையில் உயிரிழந்துள்ளதாக, பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது.

இவர் போத்தலை – இகலகம பகுதியைச் சேர்ந்த 32 வயதான ஒருவராகும். மேலும், இவருக்கு இரண்டு பிள்ளைகள் இருப்பதும் தெரியவந்துள்ளது.

சம்பவம் குறித்த மேலதிக விசாரணைகள் மேற்கொள்ளப்பட்டு வருகின்றன.

 
முல்லைத்தீவில் முள்ளந்தண்டு பாதிப்படைந்த நிலையில் வாழ்ந்து வரும் மகேந்திரன் மனேகராஜ் (வயது 24) வாழ்வாதாரத்தை மேம்படுத்த உதவி கோருகின்றார்.

இறுதி யுத்தத்தின் போது முல்லைத்தீவில் தந்தையினையிழந்து தனது முள்ளந்தண்டு பாதிப்படைந்து இடுப்புக்கு கீழ் இயங்காத நிலையில் தாயின் அரவணைப்பில் வாழ்ந்து வருகின்றார்.

இவரை தனிமையில் விட்டு தொழிலுக்கு செல்ல முடியாத நிலை தாயாருக்கு ஏற்பட்டுள்ளதால் சுயதொழில் செய்வதற்குறிய உதவியினை பொதுமக்களிடம் கோரியுள்ளார்.

இவருக்கு உதவி செய்ய விரும்புபவர்கள் :
பெயர் : மகேந்திரன் மனேகரராஜ்
இலங்கை வங்கி , முல்லைத்தீவு கிளை ,
கணக்கிலக்கம் : 80188749 ,
அடையாள அட்டையிலக்கம் :- 199315410010
தொலைபேசி இலக்கம் 0774020126 , 0770224326

புங்குடுதீவு பாடசாலை மாணவியான சிவலோகநாதன் வித்தியாவின் 21 ஆவது பிறந்த தினமான நேற்று மாணவியின் மரணத்திற்கான நினைவஞ்சலியும், விழிப்புணர்வு நிகழ்வும் இடம்பெற்றுள்ளது. மாணவி வித்தியா கல்வி கற்ற பாடசாலையான புங்குடுதீவு மகா வித்தியாலயத்தில் குறித்த நிகழ்வு இடம்பெற்றது

இந்த நிகழ்வினை முன்னால் நடிகையான சுகினிதா வீரசிங்க மற்றும் அவரது கணவர் களனி பல்கலைகழக விரிவுரையாளர் நந்தலால் மலான்கொட ஆகியோரால் யாழ். மாவட்ட இராணுவ கட்டளை தளபதியுடன் இணைந்து ஏற்பாடு செய்ப்பட்டிருந்தது.

நாட்டில் இனி எங்கும் வித்தியாவுக்கு இடம்பெற்றது போன்றதான சம்பவங்கள் இடம்பெறக்கூடாது என்ற விழிப்புணர்வாகவும், அம் மாணவியின் மரணத்திற்கான அஞ்சலி நிகழ்வாகம் வித்தியாவின் 21 ஆவது பிறந்த தினம் ஏற்பாடு செய்யப்பட்டிருந்தது.

இதன்போது வித்தியாவின் உருவப்படத்திற்கு விருந்தினர்களும் பாடசாலை மாணவிகள் ஆசிரியர்கள் வித்தியாவின் நண்பர்கள் மற்றும் யாழ்.மாவட்ட இராணுவ கட்டளை தளபதி தர்ஷன ஹெட்டியாராச்சி ஆகியோரும் மலர்துவி அஞ்சலி செலுத்தியிருந்தனர்.

அதனை தொடர்ந்து வித்தியா நினைவாக குறித்த நிகழ்வை ஏற்பாடு செய்திருந்த நடிகை மற்றும் விரிவுரையாளர் ஆகியோரது நிதி பங்களிப்புடனும் மற்றும் வதனி சங்கர் ஆகியோரது நிதி பங்களிப்புடனும் 284 மாணவர்களுக்கு கற்றல் உபகரணங்களும், சீருடைகளும் வழங்கப்பட்டன.

பின்தங்கிய பிரதேசங்களைச் சேர்ந்த ஒன்பது மாணவர்களுக்கு துவிச்சக்கரவண்டிகளும் வழங்கி வைக்கப்பட்டிருந்தன.

டென்மார்க்கில் உள்ள பெருநகராட்சிகளில் ஒன்றான Sonderborg நகரசபைக்கான தேர்தலில் ஈழத்தமிழர் ஒருவர் வெற்றி பெற்றுள்ளார்.

கடந்த 21ஆம் நடைபெற்ற தேர்தலில் சமூக ஜனநாயகக் கட்சியின் சார்பில் போட்டியிட்ட கணேஸ்வரன் சண்முகரத்தினம் என்பவரே இதில் வெற்றி பெற்று 2ஆவது முறையாகவும் நகரசபை உறுப்பினராகியுள்ளார்.

கிளிநொச்சி, வட்டக்கச்சியை பிறப்பிடமாகக் கொண்ட இவர் 31 உறுப்பினர்களைக் கொண்ட Sonderborg நகரசபையில் 6ஆவது அதிகூடிய வாக்கை பெற்றவராக திகழ்கிறார்.

கணேஸ்வரன் சண்முகரத்தினம் தனது ஆரம்பக் கல்வியை கிளிநொச்சி இராமநாதபுரம் மேற்கு அ.த.க பாடசாலையில் தொடங்கி, யாழ். ஸ்கந்தவரோதயா, வசாவிளான் மத்திய கல்லூரி, கொக்குவில் இந்துக்கல்லூரி ஆகிய பாடசாலைகளில் கற்று கிளிநொச்சி மத்திய கல்லூரியில் உயர்தரத்தை பூர்த்தி செய்துள்ளார்.

அத்துடன், கடந்த 1990ஆம் ஆண்டு டென்மாக் சென்ற அவர் அங்கு இயந்திர தொழில்நுட்பவியலாளராக பணியாற்றுவதுடன், சுயதொழில் முனைவோராக வர்த்தக நிறுவனங்களையும் நிர்வகித்து வருகின்றமை குறிப்பிடத்தக்கது.

டென்மார்க் மக்கள் பன்மைத்துவ பூர்வீக குடிமக்களை வரவேற்கின்ற்போதிலும் ஈழத்தமிழர்களின்பால் அதீத கரிசனையும் விருப்பும் உடையவர்கள் என்பது குறிப்பிடத்தக்கது அதற்க்கு தமிழரின் பண்பாடு கல்வி குடும்பவாழ்க்கை போன்றவை அவர்களைக்கவர்ந்துள்ளதே காரணமாகும்.

இலங்கையில் அரசியல் காரணங்களினால் சிதைக்கப்பட்டு உலகின் பலபாகங்களில் ஏதிலிகளாக குடியேறிய தமிழர்கள் தமது முயற்சியில் அரசியல் பொருளாதாரம் கல்வி கலை போன்றவற்றில் தடம்பதிப்பது தமிழினத்துக்கு பெருமையே.

பிரித்தானியாவில் படுகொலை செய்யப்பட்ட இலங்கையரின் மனைவி தனது கவலையை அந்நாட்டு ஊடகம் ஒன்றிடம் வெளிப்படுத்தியுள்ளார்.

பிரித்தானியாவின் Wembley பகுதியில் மொஹமட் ரஹீட் என்ற இலங்கையர், கடந்த செப்டெம்பர் மாதம் இருவரால் தாக்கி கொலை செய்யப்பட்டார்.

அந்நாட்டு சட்டங்களை மிகவும் மதிக்கும் குடிமகனான மொஹமட் ரஹீட் தனது 51வது பிறந்த நாளுக்கு 9 நாட்கள் இருந்த நிலையில் கொலை செய்யப்பட்டார்.

Windsor town centre பகுதியில் இரண்டு நபர்களின் தாக்குதல்களுக்குள்ளான நிலையில் வைத்தியசாலை அனுமதிக்கப்பட்டவர் சிகிச்சை பலனின்றி உயிரிழந்தார்.

கடந்த செம்டெம்பர் மாதம் 10ஆம் திகதி அதிகாலை 2 மணியளவில் Goswell Hill பகுதி காயமடைந்த நிலையில் காணப்பட்ட இலங்கையர், Oxford பகுதியிலுள்ள John Radcliffe வைத்தியசாலையில் அனுமதித்தனர். அவரது தலையில் பாரிய காயங்கள் ஏற்பட்டிருந்ததாக பொலிஸார் குறிப்பிட்டனர்.

மூன்று பிள்ளைகளின் தந்தையான இலங்கையர் உயிரிழந்த பின்னர் செப்டெம்பர் 12ஆம் திகதி சம்பவத்துடன் தொடர்புடையதாக சந்தேகிக்கப்படும் இருவரை பொலிஸார் கைது செய்தனர்.

குறித்த இருவரும் மூன்று மாத விளக்கமறியலின் பின்னர் அடுத்த மாதம் 12ஆம் திகதி மீண்டும் நீதிமன்றத்தில் ஆஜர்படுத்தப்படவுள்ளனர்.

இந்நிலையில் மொஹமட் ரஹீட்டின் மனைவி பிரித்தானிய ஊடகம் ஒன்றுக்கு கருத்து வெளியிட்டார்.

பெருமைக்குரிய இலங்கையரான எனது கணவர் உயிரிழந்த நாள் முதல் இன்று வரை ஒரு ஆழமான இருண்ட வலி தனக்குள் ஏற்பட்டுள்ளதாக அவரது மனைவி தெரிவித்துள்ளார்.

என் கணவர் ரஹீட் குழந்தை பருவ நண்பர், அவர் தனது 51 வது பிறந்தநாளுக்கு 9 நாட்களுக்கு முன்னர் உயிரிழந்தார்.

அவர் ஒன்பது ஆண்டுகளாக Wembleyயில் வசித்து வந்த ஒரு பெருமைக்குரிய இலங்கையராகும். அத்துடன் கடின உழைப்புடன் சட்டத்தை மதிக்கும் குடிமகனாகும்.

அவரது முகத்தில் எப்போதும் ஒரு புன்னகை இருக்கும். அவர் குடும்பம், நண்பர்கள், சக ஊழியர்கள் மற்றும் அந்நியர்கள் உட்பட அவர் சந்திக்கும் அனைவருக்கும் அவர் ஒரு சிறந்த தாக்கத்தை ஏற்படுத்தியுள்ளார்.

இரண்டு மாதங்கள் மெழுகுவர்த்திகள் எரியும் இடத்தில் ரஹீட்டுக்கு ஒரு நினைவிடம் உள்ளது. நான் என் நண்பர்களின் உதவியுடன் வாரத்திற்கு இரண்டு முறை Windsor பகுதிக்கு செல்கின்றேன். இங்குதான் ரஹீட் தனது கடைசி நிமிடங்களை கழித்தார்.

எனினும் 3 அற்புதமான பிள்ளைகளை அவர் என்னிடம் விட்டுச் சென்றுள்ளார். இஷானை இழந்த தாக்கம் வார்த்தைகளுக்கு அப்பாற்பட்டது.

எங்கள் வாழ்க்கை எப்போதோ மாறிவிட்டது, நான் ஒவ்வொரு நாளும் ஒவ்வொரு நிமிடத்திற்கும் ஒவ்வொரு நொடிக்கும் இஷாமை இழக்கின்றேன். அது என்னை உள்ளே எரிக்கிறது . என்னுள் ஒரு ஆழமான இருண்ட வலியை ஏற்படுத்தியுள்ளது என மொஹமட் ரஹீட்டின் மனைவி மேலும் தெரிவித்துள்ளார்.