அமெரிக்காவில் தாய் ஒருவர் தன்னுடைய வயிற்றில் இருக்கும் குழந்தையை உடனடியாக வெளியேறுமாறு நோட்டீஸ் அனுப்பிய வினோத சம்பவம் நடந்துள்ளது.

அமெரிக்காவின் Utah மாகாணத்தை சேர்ந்தவர் Kaylee Bays, அங்குள்ள நீதிமன்றத்தில் பணிபுரிகிறார். ஏற்கனவே இவருக்கு இரண்டு குழந்தைகள் உள்ள நிலையில் மூன்றாவதாக கர்ப்பமானார்.

நிறைமாத கர்ப்பிணியான Kaylee Bays, கடந்த 16ம் திகதி பிரசவத்திற்காக மருத்துவமனையில் அனுமதிக்கப்பட்டார்.

பிரசவ வலி ஏற்பட்டு குழந்தை பிறந்துவிடும் என எண்ணிய நிலையில், வலி நின்று போனது.

மறுபடியும் பிரசவ வலி வரவே இல்லை, இதனால் உடனடியாக வெளியேறுமாறு குழந்தைக்கு நோட்டீஸ் அனுப்ப எண்ணினார்.

இதன்படி நீதிபதி Lynn Davis-யும், Kaylee Bays-வின் கருவறையில் இருப்பவர் என குறிப்பிட்டு நோட்டீஸை அனுப்பியுள்ளார்.
இதை Kaylee Bays தன்னுடைய குழந்தைக்கு படித்து காண்பித்துள்ளார்.

மூன்று நாட்களுக்குள் வெளியேற வேண்டும் என நோட்டீஸ் அனுப்பிய நிலையில் 12 மணிநேரத்தில் பிறந்துவிட்டால், நீதிமன்றத்தின் கண்டனத்திற்கு ஆளாகவில்லை என புன்னகைக்கிறார்.

இந்த நோட்டீஸை பத்திரமாக வைத்துக் கொள்ளப் போவதாகவும் தெரிவித்துள்ளார்.

 
இந்தோனேசியாவில் திருமணத்துக்கு முன்னர் பெண்ணாக இருந்த ஒருவர் திருமணத்துக்கு பின்னர் வந்த கனவையடுத்து ஒரே நாளில் ஆணாக மாறியிருக்கிறார்.

இந்தோனேசியாவின் ஜேம்பர் மாகாணத்தை சேர்ந்தவர் பாடோலி (21) இவருக்கும் ஆயூ பூஜி (23) என்ற பெண்ணுக்கும் கடந்த யூலை மாதம் 19-ஆம் திகதி திருமணம் நடந்தது.

புதுமண தம்பதியின் திருமண வாழ்க்கை மகிழ்ச்சியாக சென்று கொண்டிருந்த நிலையில், திடீரென கடந்த மாதம் தான் ஆணாக மாறி விட்டதை உணர்வதாக கணவரிடன் ஆயூ கூறியுள்ளார். இதை கேட்ட பாடோலி அதிர்ச்சியடைந்துள்ளார்.

ஆணாக தான் மாறிய அதிர்ச்சி காரணத்தையும் ஆயூ கூறியுள்ளார். அவர் கூறுகையில், திருமணத்துக்கு பின்னர் ஒரு இரவில் என் கனவில் மாய உயிரினம் தோன்றியது. அதோடு ஒரு முட்டையும் கீழே விழுந்தது.

தூக்கத்திலிருந்து காலை எழுந்தவுடன் என் பாலினம் ஆணாக மாறிவிட்டதாக கூறியுள்ளார். சிலர், ஆயூ பிறப்பிலிருந்தே ஆண் தான் எனவும் தற்போது ஆணாக மாறியதாக பொய் கூறுகிறார் என குற்றம்சாட்டியுள்ளனர்.

இதை ஆயூ திட்டவட்டமாக மறுத்துள்ளார். ஆயூவுக்கு பாலினத்தை மாற்றும் அறுவை சிகிச்சை செய்ய பாடோலி முடிவெடுத்த நிலையில், சிகிச்சைக்கு பணமில்லாததால் திட்டத்தை அவர்கள் ஒத்தி வைத்துள்ளனர்.

பாடோலி கூறுகையில், ஆயூ பெண்ணாக மாறவில்லையெனில் அவரை விவாகரத்து செய்துவிடுவேன் என தெரிவித்துள்ளார். இது குறித்து பொலிசாரிடம் எல்லாவற்றையும் தம்பதிகள் கூறியுள்ள நிலையில், உண்மையை அறிய பொலிசார் அவர்களை கைது செய்து விசாரித்து வருகிறார்கள்.

 
சீனாவின் ஹுனான் மாகாணத்தில் தண்டவாளமே இல்லாமல் இயங்கும் ஸ்மார்ட் ரயிலின் சோதனை ஓட்டம் வெற்றிகரமாக நடத்தப்பட்டுள்ளது.

மெட்ரோ ரயில் மற்றும் மோனோ ரயில் போன்ற எவ்வித பிடிமானமும் இல்லாமல், தண்டவாளம் கூட இல்லாமல் இயங்கும் இந்த ஸ்மார்ட் ரயில் ஜுஜூ பகுதியில் முதற்கட்டமாக சோதனை செய்து பார்க்கப்பட்டுள்ளது.

உலகின் மிகப்பெரிய ரயில் உற்பத்தி நிறுவனமான சி.ஆர்.ஆர்.சி. கார்ப்பரேஷன் லிமிட்டட் நிறுவனம் இந்த ஸ்மார்ட் ரயிலை தயாரித்துள்ளது.

ரயில் செல்ல வேண்டிய வழித்தடம் சாலையில் வெண்ணிற கோடுகளாகக் காணப்படுகிறது. சாலையில் இந்த வெள்ளை கோடுகள் 3.75 மீட்டர் அகலம் கொண்டு சீரான இடைவெளியில் உள்ளது.

சென்சார் மூலம் தாமாகவே இயங்கக்கூடிய இந்த ஸ்மார்ட் ரயில் சாலையில் உள்ள கோடுகள் வழியாக செல்கிறது.

இதில் ஒரே நேரத்தில் 300 பேர் பயணிக்க முடியும். அதிகபட்சமாக 70 கி.மீ வேகம் கொண்ட இந்த ஸ்மார்ட் ரயில், 32 மீட்டர் நீளத்தில் வடிவமைக்கப்பட்டுள்ளது.

ஏனைய ரயில்கள், சுரங்கப்பாதை மற்றும் ரயில்வே ட்ரக் அமைக்கும் செலவை விட இந்த ரயிலுக்கு மிகக்குறைவான செலவே ஏற்பட்டுள்ளதாகக் கூறப்பட்டுள்ளது.

சீனாவில் வடிவமைக்கப்பட்டுள்ள இந்த ரயில் உலகின் முதல் ஸ்மார்ட் ரயில் என்பது குறிப்பிடத்தக்கது.

அமெரிக்க பாராளுமன்றமான காங்கிரஸ் கட்டடத் தொகுதியில் இடம்பெற்ற கூட்டமொன்றில் கலந்துகொண்டு திரும்புகையில், அமெரிக்க ஜனாதிபதி டொனால்ட் ட்ரம்ப் எதிர்பாராத சம்பவமொன்றுக்கு முகங்கொடுத்தார்.

கூட்டம் நிறைவடைந்த பின்னர், செனட் சபையின் குடியரசுக் கட்சி உறுப்பினர்கள் இருவருடன் சென்றுகொண்டிருந்தார்.
இதன்போது, ஊடகவியலாளர்களுக்கான பிரிவிலிருந்த ஒருவர் ரஷ்ய நாட்டு கொடிகள் பலவற்றை அவர் மீது வீசி எறிந்தார்.

அத்துடன், ட்ரம்பை அரச துரோகி என கூறி கூச்சலிட்டார்.
இதனை கருத்திற்கொள்ளாது ட்ரம்ப் அங்கிருந்து வெளியேறினார். எவ்வாறாயினும், அந்நபரை அங்கிருந்து வெளியேற்ற பாதுகாப்புத் தரப்பினர் நடவடிக்கை எடுத்திருந்தனர்.

ரஷ்யாவுடன் இணைந்து தேர்தலில் வெற்றி பெற்றதாகவும், வரி தொடர்பில் அரச துரோகியொருவரிடம் விசாரணை நடத்தப்பட வேண்டுமெனவும் அந்நபர் இதன்போது கூறினார்.

விசாரணைகளில் அவரது பெயர் ரயன் க்லேடன் என தெரியவந்துள்ளது. ஊடகவியலாளர் என தம்மை அடையாளப்படுத்தி அவர் உள்ளே நுழைந்துள்ளார்.

அவர் ”அமெரிக்கன் டேன் அக்ஷன்” எனப்படும் அமைப்பின் பிரதிநிதி என பாதுகாப்புத் தரப்பினர் தெரிவித்துள்ளனர்.

சட்டவிரோதமாக செயற்பட்ட குற்றச்சாட்டில் அவர் பொலிஸாரால் கைது செய்யப்பட்டுள்ளதாக அமெரிக்க ஊடகங்கள் செய்தி வெளியிட்டுள்ளன.

மார்பகப் புற்றுநோயால் மார்பகங்களை இழந்த பெண், தேவாலயத்தில் வைத்து தனது மேற்சட்டையைக் கழற்றியதால் பரபரப்பு ஏற்பட்டது.

மெரியானா மில்வார்ட் (33) என்ற பெண் ரியோ டி ஜெனிரோவைச் சேர்ந்தவர். பிரேசில் இராணுவத்தில் தாதியாகப் பணியாற்றிய இவர் தனது 24 வயதில் மார்பகப் புற்றுநோயால் பாதிக்கப்பட்டார்.

நோய் தீவிரமாக இருந்த நிலையிலேயே அது கண்டுபிடிக்கப்பட்டதால் அவரது இரண்டு மார்பகங்களுமே அகற்றப்பட்டன.

இதையடுத்து, பொது இடங்களுக்கு வருகை தர வேண்டாம் என்றும் அதனால் அவர் மனம் பாதிக்கப்படும் என்றும் அவருக்குச் சொல்லப்பட்டது.

இந்தக் கருத்தை மாற்ற நினைத்த அவர், அண்மையில் நடைபெற்ற மார்பகப் புற்றுநோய் விழிப்புணர்வுக் கூட்டத்தில் கலந்துகொண்டார்.

அதன்போது, அங்கிருந்த தேவாலயத்துக்குச் சென்ற அவர், திடீரென்று அவரது மேலாடையைக் கழற்றி தனது தழும்புகளை அங்கு கூடியிருந்தவர்களுக்குக் காட்டினார்.

“நான் மார்பகப் புற்றுநோயால் பாதிக்கப்பட்டவள். இதை நான் மறைக்க விரும்பவில்லை. சொல்லப்போனால், முன்னரைவிட இப்போது நான் மிகத் துணிச்சலானவளாக மாறிவிட்டேன்” என்று கூறியுள்ளார்.