பாலியல் தொழிலாளிகளாக இருக்கும் பெண்களுக்கு வாழ்நாள் முழுவதும் சித்ரவதைதான். ஆசைப்பட்டு ஒன்றும் அந்த தொழிலில் யாரும் இருந்துவிடுவதில்லை, என்றாவது ஒருநாள் நாம் இந்த தொழிலில் இருந்து விடுபடுவோம் என்ற நம்பிக்கையில் தான் பாலியல் தொழிலாளிகள் இருக்கிறார்கள்.

அப்படி, ஒரு நம்பிக்கையில் இருந்த பேகம் என்ற பாலியல் தொழிலாளி பிச்சைக்காரர் ஒருவரை காதலித்து திருமணம் செய்துகொண்டுள்ளார். அந்த கதை இதோ,

என்னுடைய வயதோ, என்னுடைய பெற்றோர் யார் என்று எனக்கு தெரியாது. நான் தெருக்களில் எனது வாழ்க்கையை கழித்தேன். பல்வேறு நபர்கள் என்னை பலாத்காரம் செய்ய முயன்றபோது அவர்களிடம் இருந்து தப்பித்துள்ளேன். வேறு வழியின்றி பாலியல் தொழிலில் ஈடுபட்டு வந்தேன், அந்த தொழிலில் இருந்து வெளியே வந்தால் யாரும் எனக்கு உதவி செய்யமாட்டார்கள் என எனக்கு தெரியும்.

இருந்தபோதிலும் ஒரு நாள் மாலைப்பொழுதில் அங்கிருந்து வெளியேறினேன். அப்போது நன்றாக மழை பெய்துகொண்டிருந்தது, மழைக்காக ஒரு மரத்தடியில் ஒதுங்கினேன். அப்போது அந்த மரத்தின் மற்றொரு பக்கத்தில் பிச்சைக்காரர் ஒருவர் தனது நாற்காலியில் அமர்ந்துகொண்டிருந்துள்ளார்.

அவர் இருப்பதை நான் கவனிக்கவில்லை, மழை சற்று நின்றுவிடுவதுபோன்று இருந்தது, மழை நின்ற பின்னர் நாம் எங்கு செல்வது என்று நினைக்கையில் எனக்கு அழுகை பீறிட்டுக்கொண்டு வந்தது.

அப்போது, அந்த பிச்சைகாரர் தனது நாற்காலியை சத்தமாக இயக்கினார், அந்த சத்தம் கேட்டு அவரை நான் திரும்பிபார்த்தேன், அவரும் அழுதுகொண்டிருந்த என்னை பார்த்தார். அவரிடம் என்னிடம் பணம் எதுவும் இல்லை என கூறினேன், உடனே அவர் தன்னிடம் இருந்த 50 ரூபாயை எடுத்து எனது கையில் கொடுத்து விட்டு, இடி பயங்கரமாக இருக்கிறது, பாதுகாப்பாக இரு என்று சொல்லிவிட்டு தனது நாற்காலியை அழுத்திக்கொண்டு தூரல் மழையில் மெதுவாக சென்றார்.

முதல் முறையாக ஒரு ஆண் மகன் என்னை பயன்படுத்திக்கொள்ளாமல் எனக்கு பணம் கொடுத்து சென்ற தருணம் அது. அக்கணமே அந்த பிச்சைகாரரின் மேல் எனக்குள் ஒருவித மதிப்பு ஏற்பட்டது.

அதன்பின்னர், சில நாட்களுக்கு பின்னர் அந்த பிச்சைகாரர் அதே மரத்தடியில் இருப்பதை பார்த்தேன், அப்போது அவரிடம் சென்றுபேசிய போது அவர் தனது வாழ்க்கை கதையை என்னிடம் கூறினார். நான் ஊனமுற்றவன் என்பதால் எனது மனைவி என்னை விட்டு சென்றுவிட்டாள். வயிற்றுபிழைப்புக்காக பிச்சை எடுத்து பிழைக்கிறேன் என கூறினார்.

அவரின் கதையை கேட்ட எனக்கு வேதனையாக இருந்தது, அவர் மீது இருந்த மரியாதை காதலாக மாறியது. நான் உங்களை காதலிக்கிறேன், உங்களுடைய சற்கர நாற்காலியை வாழ்நாள் முழுவதும் தள்ளுவதற்கு தயாராக இருக்கிறேன் என தெரிவித்தேன், அதை கேட்ட அவர் சிரித்தார்.

எங்கள் இருவருக்கும் திருமணமாகி 4 வருடங்கள் ஆகிவிட்டது, ஒருவேளை சாப்பிட்டிற்கே நாம் கஷ்டப்பட்ட காலம் உண்டு. அப்படி உணவு கிடைத்தால் இருவரும் பகிர்ந்து சாப்பிடுவோம்.பழைய நாட்களை மறந்து இனிமையாக இருவரும் வாழ்ந்து வருகிறார்கள்.

இந்தியாவில் பாடசாலை மாணவர்களுக்கிடையே நடந்த கார் ரேஸ் போட்டியில், பாடசாலை மாணவனின் தலை துண்டான சம்பவம் அதிர்ச்சியை ஏற்படுத்தியுள்ளது.

பெங்களூருவில் ஐடி ஊழியர்களின் மகன்கள் இருவர்கள் அடிக்கடி கார் ரேஸ் நடத்துவதை வழக்கமாக கொண்டுள்ளனர்.

அவர்கள், இரவு நேரத்தில், தங்கள் தந்தையின் கார்களை எடுத்துக்கொண்டு, தொழிலதிபர் ஒருவரின் மகனையும் சேர்த்துக் கொண்டு மேம்பாலங்களில் ரேஸ்களில் ஈடுபட்டுள்ளனர்.

இதையடுத்து கடந்த ஞாயிறு அன்று மூவரும் வழக்கம் போல் நள்ளிரவு ஒரு மணிக்கு பெங்களூர் ஒசூர் மேம்பாலத்தில் கார் ரேஸ் நடத்தியுள்ளனர்.

அப்போது, போட்டியில் யார் முதலில் வருவது என்ற போட்டி நடத்தப்பட்டுள்ளது. இதில் மூவரும் 140 கி.மீற்றர் வேகத்தில் அதிவேகமாக காரை ஓட்டி சென்றுள்ளனர். கார் பாலத்தில் இறங்கும் போது, மூன்று கார்களும் ஒன்றோடு ஒன்று உரசியதால், கட்டுப்பாட்டை இழந்த ஸ்கோடா கார், பாலத்தின் தடுப்பில் மோதி கவிழந்தது.

இதில் காரை ஓட்டி வந்த மாணவனின் தலை துண்டானதால், அவர் சம்பவ இடத்திலேயே உயிரிழந்தார். மேலும், மற்றொரு கார், எதிரே வந்த லொறியில் மோதியதில் மினி லொறி கவிழ்ந்தது. அதிர்ஷ்டவசமாக , அந்த காரை ஓட்டி வந்த சிறுவன் மற்றும் லொறி டிரைவர் உயிர் தப்பியுள்ளார்.

மகளுக்கு விஷ ஊசி செலுத்தி அவர் உயிரிழந்த நிலையில், தாயும் விஷ ஊசி செலுத்தி கொண்டு உயிரை விட்டுள்ள சம்பவம் சோகத்தை ஏற்படுத்தியுள்ளது.

பஞ்சாப் மாநிலத்தின் மொஹாலி நகரை சேர்ந்தவர் ராம்பால் சிங், இவர் மனைவி பரம்ஜித் கவுர் (38), இவர்களுக்கு சுக்மந்தீப் கவுர் (12) என்ற மகள் உள்ளார்.

பரம்ஜித் தனியார் மருத்துவமனையில் செவிலியராக பணியாற்றி வந்தார். கடந்த சனிக்கிழமையன்று கணவரை சில பொருட்கள் வாங்கி வருமாறு மார்க்கெட்டுக்கு பரம்ஜித் அனுப்பியுள்ளார்.

பின்னர் வீட்டில் இருந்த விஷ ஊசியை எடுத்து மகளுக்கு செலுத்தி விட்டு தன்னுடைய உடலிலும் பரம்ஜித் செலுத்தி கொண்டுள்ளார்.

அப்போது அவர் வீட்டுக்கு வந்த உறவினர் ஒருவர் தாயும், மகளும் தரையில் விழுந்து கிடப்பதை பார்த்து ராம்பால் சிங்குக்கு தகவல் கொடுத்துள்ளார். அவர் வந்து மனைவி, மகளை மீட்டு மருத்துவமனைக்கு கொண்டு சென்ற நிலையில் அவர்கள் இருவரும் ஏற்கனவே இறந்து விட்டதை மருத்துவர்கள் உறுதி செய்தனர்.

இதுகுறித்து பொலிசார் விசாரிக்கையில், பரம்ஜித் எழுதிய இரண்டு கடிதங்கள் அவர் வீட்டில் சிக்கியது. அதில், எங்கள் மரணத்துக்கு யாரும் காரணமில்லை, வீட்டு சூழ்நிலையால் நான் மிகுந்த மனவருத்தத்தில் உள்ளேன் என எழுதப்பட்டிருந்தது.

வீட்டில் அடிக்கடி நடக்கும் தகராறு காரணமாக பரம்ஜித் மன அழுத்தத்தில் இருந்ததாக அவர் உறவினர்கள் கூறியுள்ளனர். இதையடுத்து, அந்த கடிதங்கள் உண்மையிலேயே பரம்ஜித் கையால் எழுதப்பட்டது தானா என பொலிசார் விசாரணை மேற்கொண்டு வருகிறார்கள்.