டயகம வெஸ்ட் இரண்டாம் பிரிவு தோட்டத்தில் விறகு வெட்டச் சென்ற பெண் ஒருவர் மரம் முறிந்து விழுந்ததில் பரிதாபமாக ஸ்தலத்திலே​யே உயிரிழந்துள்ளார். இச் சம்பவம் நேற்று (20.09) மாலை 06.00 மணியளவில் இடம்பெற்றுள்ளது.

இவ்வாறு மரணித்தவர் நான்கு பிள்ளைகளின் தாயான 56 வயதுடைய மயில்வாகனம் இந்திராணி என அடையாளம் காணப்பட்டுள்ளார். சடலம் டயகம பிரதேச வைத்தியசாலையில் வைக்கப்பட்டுள்ளது.

இது தொடர்பான மேலதிக விசாரணைகளை டயகம பொலிஸார் மேற்கொண்டு வருகின்றனர்.

கொழும்பு புறக்கோட்டையின் இரண்டாவது குறுக்கு தெருவிலுள்ள விற்பனை நிலைய கட்டடத்தொகுதி ஒன்றில் தீ பரவியுள்ளதாக தெரிவிக்கப்படுகின்றது. இன்று அதிகாலை இந்த சம்பவம் இடம்பெற்றுள்ளதாக பொலிஸார் தெரிவித்துள்ளனர்.

இந்த தீப்பரவல் காரணமாக 16 விற்பனை நிலையங்களுக்கு சேதம் ஏற்பட்டுள்ளதாக பொலிஸார் தெரிவித்துள்ளனர்.

எனினும் தற்போது தீ கட்டுப்பாட்டிற்குள் கொண்டு வரப்பட்டுள்ளது. தீப் பரவலுக்கான காரணத்தை தேடி பொலிஸார் விசாரணைகளை ஆரம்பித்துள்ளனர்.

மின் கசிவு காரணமாக இந்த தீ விபத்து ஏற்பட்டுள்ளதாக ஆரம்பகட்ட விசாரணைகளில் தெரியவந்துள்ளது.

எனினும் தற்போது தீ கட்டுப்பாட்டிற்குள் கொண்டு வரப்பட்டுள்ளது. தீப் பரவலுக்கான காரணத்தை தேடி பொலிஸார் விசாரணைகளை ஆரம்பித்துள்ளனர்.

மின் கசிவு காரணமாக இந்த தீ விபத்து ஏற்பட்டுள்ளதாக ஆரம்பகட்ட விசாரணைகளில் தெரியவந்துள்ளது.

யாழ் பருத்தித்துறை கற்கோவளம் பகுதியில் பொலிஸாரைக் கண்டதும் காதலியைக் கைவிட்டு காதலன் தப்பியோடியுள்ள சம்பவம் இடம்பெற்றுள்ளது.

நேற்று முன்தினம் காலை முதல் தமது பிள்ளையைக் காணவில்லை என பருத்தித்துறைப் பொலிஸ் நிலையத்தில் நேற்றிரவு முறைப்பாடு ஒன்று செய்யப்பட்டிருந்தது.

குறித்த 14 வயதுடைய சிறுமி 19 வயதுடைய இளைஞர் ஒருவரைக் காதலிப்பதாகவும் குறித்த இருவரும் கற்கோவளம் பகுதியில் தங்கியிருப்பதாகவும் பொலிஸாருக்கு தகவல் கிடைத்தது.

இதனையடுத்து நேற்று காலை குறித்த பகுதிக்குப் பொலிஸார் சென்றுள்ளனர். வீடொன்றில் தங்கியிருந்த இளைஞன் பொலிஸாரைக் கண்டதும் சிறுமியைக் கைவிட்டுத் தப்பியோடியுள்ளார். சிறுமியைப் பொலிஸ் நிலையம் அழைத்துச் சென்ற பொலிஸார் இளைஞனைத் தேடி வந்துள்ளனர்.

இன் நிலையில் இளைஞன் இன்று முன்தினம் பிற்பகல் பருத்தித்துறைப் பொலிஸ் நிலையத்தில் சரணடைந்துள்ளதாகத் தெரிவிக்கப்படுகிறது.

யாழ்ப்பாணம் – நல்லூர் வீதி பகுதியில் கூரிய ஆயுதத்தால் தாக்கப்பட்டு ஒருவர் கொலை செய்யப்பட்டுள்ளதோடு, மற்றொருவர் காயமடைந்துள்ளார்.

நேற்று இரவு நான்கு மோட்டார் சைக்கிள்களில் வந்த எட்டுப் பேர் இந்தத் தாக்குதலை மேற்கொண்டுள்ளனர்.

மேலும், சம்பவத்தில் யாழ்ப்பாணம் – நாவலர் வீதிப் பகுதியைச் சேர்ந்த தந்தை மற்றும் மகனுமே தாக்கப்பட்டுள்ளனர்.

இதன்போது, 38 வயதான செல்வநாயகம் ரத்னபாலசிங்கம் என்பவர் பலியாகியுள்ளதோடு, அவரது மகனான ரத்னபாலசிங்கம் ரஜீவன் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார்.

தனிப்பட்ட காரணங்களே தாக்குதலுக்கு காரணமாக இருக்கலாம் என பொலிஸார் குறிப்பிட்டுள்ளனர். மேலும், இந்த சம்பவம் தொடர்பில் சந்தேகத்தின் பேரில் இருவர் கைதுசெய்யப்பட்டுள்ளனர்.

ஏனையோரைக் கைதுசெய்வதற்கான நடவடிக்கைகள் மேற்கொள்ளப்பட்டு வருவதாக பொலிஸார் தெரிவித்துள்ளனர்.

யாழ்ப்பாணம் – மண்டைத் தீவு பகுதியில் விளையாட்டு பயிற்சி ஒன்றில் ஈடுபட்டுக் கொண்டிருந்த பாடசாலை மாணவிக்கு, நபர் ஒருவர் முத்தம் கொடுத்துள்ள சம்பவம் பெரும் சர்ச்சையை ஏற்படுத்தியுள்ளது.

குறித்த சம்பவத்தில் சந்தேகத்தின் பேரில் ஒருவரை யாழ்.பொலிஸார் நேற்றைய தினம் கைது செய்துள்ளனர்.

மண்டைத் தீவு பிரதேசத்தைச் சேர்ந்த 13 வயதாகிய பாடசாலை மாணவி ஒருவருக்கே இந்த அவமானம் ஏற்பட்டுள்ளது.

விளையாட்டரங்கு ஒன்றில் உள்ள அறை ஒன்றில் வைத்து இவ்வாறான சம்பவம் இடம்பெற்றுள்ளதாக குறித்த மாணவி தனது பெற்றோரிடம் முறைப்பாடு செய்துள்ளார்.

தொடர்ந்து, மாணவியின் பெற்றோர் சம்பவம் குறித்து பொலிஸில் முறையிட்டுள்ளதுடன், சந்தேகத்தின் பேரில் ஒருவர் கைது செய்யப்பட்டுள்ளமை குறிப்பிடத்தக்கது.

14 வயதான சிறுமியை பாலியல் வல்லுறவுக்கு உட்படுத்தியமை மற்றும் பெற்றோரின் சட்டரீதியான பொறுப்பில் இருந்து கடத்திச் சென்றமை ஆகிய குற்றங்களை எதிர்நோக்கிய ஒருவருக்கு கொழும்பு மேல் நீதிமன்றம் 15 ஆண்டு கடூழிய சிறைத்தண்டனை வழங்கி தீர்ப்பளித்துள்ளது.

இந்த வழக்கு நீதிபதி கிஹான் குலதுங்க முன்னிலையில் இன்று விசாரணைக்கு எடுக்கப்பட்ட போது நீதிபதி இந்த தீர்ப்பை வழங்கியுள்ளார்.

குற்றவாளிகளுக்கு 15 ஆயிரம் ரூபா அபராதம் விதித்த நீதிபதி, அபராத தொகையை செலுத்த தவறினால் மேலும் 2 ஆண்டுகள் சிறைத் தண்டனை அனுபவிக்க வேண்டும் எனவும் உத்தரவிட்டுள்ளார்.

கொழும்பு சங்கராஜா மாவத்தை சேர்நத 45 வயதான இரண்டு பிள்ளைகளின் தந்தைக்கே இந்த சிறைத்தண்டனை வழங்கப்பட்டுள்ளது. கடந்த 2009 ஆம் ஆண்டு இந்த சம்பவம் நடந்துள்ளமை குறிப்பிடத்தக்கது.