அரசி மற்றும் காய்கறிகளில் குறிப்பிடத்தக்க அளவு ஈயம் அடங்கியிருப்பதாக மேற்கொள்ளப்பட்ட புதிய ஆய்வில் கண்டறியப்பட்டுள்ளது என சுகாதார அமைச்சின் உணவுகளில் விஷத்தன்மை குறித்து ஆய்வு நடத்தும் திட்டத்தின் பிரதான ஆய்வு அதிகாரி விசேட மருத்துவ நிபுணர் டி.பி. ஆனந்த ஜயலால் தெரிவித்துள்ளார்.

அனுராதபுரம் மாவட்டத்தில் சிறுநீரக நோயாளிகள் தொடர்பாகவும் அவர்களின் உணவு மாதிரிகள் மற்றும் குருதி மாதிரிகளில் ஈயத்தின் அளவு பரிசோதனை செய்யப்பட்டது.

55 குருதி மாதிரிகளில் 26 மாதிரிகளில் ஈயம் அடங்கியிருந்தது. குருதியில் ஈயம் அடங்கியிருப்பதால், குழந்தைகளின் அறிவு வளர்ச்சி குறையும். கிரகிக்கும் திறன் குறைதல்,வளர்ச்சி குறைதல் என்பன ஏற்படும்.

வயது வந்தவர்களின் குருதியில் ஈயம் அடங்கியிருந்தால், உயர் இரத்த அழுத்தம், உடல் ரீதியான உபாதைகள் மட்டுமல்ல ஈயத்தின் அளவு அதிகரித்தால், மரணம் ஏற்படக் கூடிய ஆபத்தும் உள்ளது.
இதனால் இரசாயனங்களை விவசாயத்திற்கு பயன்படுத்துவதை குறைக்க வேண்டும். விவசாயத்திற்கு இயற்கை பசளைகளை பயன்டுத்த பழகிக்கொள்ள வேண்டும். பொருத்தமான விவசாய பயிர்களை தெரிவு செய்ய வேண்டும்.

அதேவளை மூன்று வேளையும் ஒரே உணவை (சோறு) உண்ணும் பழக்கத்தை மாற்றி, காய்கறி உணவுகளுக்கு பதிலாக இறைச்சி உணவுகளை அதிகமாக உணவு எடுக்க வேண்டும் என யோசனை முன்வைப்பதாகவும் ஆனந்த ஜயலால் குறிப்பிட்டுள்ளார்.

க.பொ.த. சாதாரண தரத்தில் சித்தி பெறாதவர்களுக்கும் உயர்தரக் கல்வியைத் தொடர்வதற்கான வாய்ப்பு இந்த ஆண்டு தொடக்கம் வழங்கப்படவுள்ளது.

இதற்கான முன்னோடிப் பரீட்சார்த்த செயற்பாடு இந்த ஆண்டு அக்டோபர் தொடக்கம் 42 பாடசாலைகளில் ஆரம்பிக்கப்படவுள்ளன.

இதன் கீழ் தொழிற்பயிற்சிகளை பெற்றுக் கொடுத்தல், பிரதேச ரீதியான கைத்தொழில் துறைகளுக்குத் தேவையான அறிவைப் பெற்றுக் கொடுத்தல், உள்நாடு மற்றும் சர்வதேச ரீதியில் கூடுதல் வாய்ப்பைக் கொண்டுள்ள தொழில்துறைகளில் மாணவர்களைப் பயிற்றுவித்தல் மற்றும் மாணவர்களுக்கு மூன்றாம் நிலைக்கல்வியோடு உயர்கல்வியையும் பெற்றுக் கொடுத்தல் ஆகிய இலக்குகள் நிர்ணயிக்கப்பட்டுள்ளன.

இதன் பிரகாரம் எதிர்வரும் ஆண்டுகளில் சகல மாணவர்களும் 13 வருடங்கள் வரை பாடசாலைக் கல்வியை தொடரும் வாய்ப்புக்கிடைப்பதுடன், தொழிற்பயிற்சியொன்றைப் பெற்ற நிலையில் பாடசாலையை விட்டு வெளியேறும் வாய்ப்பும் அதன் மூலம் வருமானத்திற்கான வழியை உருவாக்கிக்கொள்ளும் வாய்ப்பும் கிட்டும் என்று எதிர்பார்க்கப்படுகின்றது.

எதிர்வரும் நாட்களில் நாட்டில் கடும் மழை மற்றும் காற்றின் வேகம் அதிகரிக்கும் என்று அனர்த்த முகாமைத்துவ நிலையம் எச்சரித்துள்ளது.

மேல் மாகாணம், தென் மாகாணம் மற்றும் மத்திய மாகாணங்களில் கடுமையான மழைவீழ்ச்சி மேலும் அதிகரிக்கலாம் என்று வானிலை அவதான நிலையத்தின் அறிக்கையை மேற்கோள் காட்டி அனர்த்த முகாமைத்துவ நிலையம் எச்சரித்துள்ளது.

அதேநேரம் வடக்கு மற்றும் வடகீழ், வடமேல் பிரதேசங்கள் மற்றும் கடற்பகுதியில் வேகமான காற்று வீசக்கூடும் என்றும் எச்சரிக்கை விடப்பட்டுள்ளது. மணித்தியாலத்துக்கு 70 தொடக்கம் 80 கிலோமீற்றர் வரையான வேகத்தில் காற்று வீசலாம் என்று எதிர்பார்க்கப்படுகின்றது.

இதன்காரணமாக கடற்பிராந்தியத்தில் ஆக்ரோசமான அலைகளுடன் கொந்தளிப்பான நிலையும் ஏற்படலாம் என்பதால் அவதானமாக நடந்து கொள்ளுமாறு பொதுமக்கள் அறிவுறுத்தப்பட்டுள்ளனர்.
அதே ​நேரம் இரத்தினபுரி மாவட்டத்துக்கு விடுக்கப்பட்டுள்ள மண்சரிவு அபாய எச்சரிக்கை தொடர்ந்தும் அமுலில் இருப்பதாகவும், அப்பிரதேசத்தில் 90 குடும்பங்களைச் சேர்ந்த 300 பேர் பாதுகாப்பான இடங்களுக்கு இடமாற்றப்பட்டுள்ளதாகவும் அனர்த்த முகாமைத்துவ நிலையம் அறிவித்துள்ளது.

பயணிகள் போக்குவரத்திற்காக பயன்படுத்தப்படும் முச்சக்கர வண்டிகளுக்கு தனியான ஒரு நிறத்தை அறிமுகம் செய்ய வீதி பாதுகாப்பு தொடர்பான தேசிய சபை தீர்மானித்துள்ளது.

அவ்வாறு செய்வதன் ஊடாக வாடகை முச்சக்கர வண்டியை இலகுவாக அடையாளம் காண முடியும் என அந்த சபையின் தலைவர் சிசர கொதாகொட தெரிவித்துள்ளார்.

தற்போது இந்த போக்குவரத்து வாகனங்களுக்கு பயன்படுத்தப்படும் நிறம் தொடர்பில் கலந்துரையாடல் மேற்கொள்ளப்பட்டு வருகின்றது.

தீர்மானம் மேற்கொள்ளப்பட்டவுடன் நிறம் மாற்றப்படும். இதற்கு மேலதிகமாக நிறம் மாற்றப்பட்ட முச்சக்கர வண்டிகளுக்கு இலட்சினை ஒன்றும் பயன்படுத்தப்படவுள்ளதாக தெரிவிக்கப்படுகின்றது.

இலங்கையில் தற்போது 11 லட்சத்திற்கு அதிகமான முச்சக்கரவண்டிகள் பதிவு செய்யப்பட்டுள்ள நிலையில் அவற்றில் 9 லட்ச முச்சக்கர வண்டிகள் போக்குவரத்திற்காக பயன்படுத்தப்பட்டுள்ளமை குறிப்பிடத்தக்கது.

இலங்கை மின்சார சபையின் ஒன்றிணைந்த தொழிற்சங்கங்கள் சம்பள பிரச்சினையை அடிப்படையாகக் கொண்டு ஆரம்பித்த பணிப்பகிஷ்கரிப்பு இன்றும் தொடர்கிறது.

நாட்டின் பல்வேறு பகுதிகளில் தடைப்பட்டுள்ள மின் விநியோகம் சீர் செய்யப்படாமையினால், மக்கள் பாரிய சிரமங்களை எதிர்நோக்கியுள்ளனர்.

சம்பள பிரச்சினையை அடிப்படையாகக் கொண்டு, மின்சார சபையின் ஒன்றிணைந்த தொழிற்சங்கங்கள் கடந்த 13 ஆம் திகதி இந்த பணிப்பகிஷ்கரிப்பை ஆரம்பித்தது.

2014 ஆம் ஆண்டில் மின் பொறியியலாளர்களை விசேட பிரிவினராக கருத்திற்கொண்டு வழங்கப்பட்ட சம்பள உயர்வை போன்று தமது சம்பளத்தையும் அதிகரிக்க வேண்டும் அல்லது பொறியியலாளர்களுக்கு வழங்கப்பட்ட சம்பள உயர்வு நீக்கப்பட வேண்டும் என பணிப்பகிஷ்கரிப்பில் ஈடுபட்டுள்ளவர்கள் தெரிவித்துள்ளனர்.

பணிப்பகிஷ்கரிப்பு முன்னெடுக்கப்படுகின்ற போதிலும், மக்களுக்கு எவ்வித அசௌகரியங்களும் ஏற்படவில்லை என மின்சக்தி அமைச்சின் ஊடகப் பேச்சாளர் சுலக் ஷன ஜயவர்தன கூறுகின்றார்.

பணிப்பகிஷ்கரிப்பில் ஈடுபட்டுள்ளவர்களின் பிரச்சினையை தீர்ப்பதற்கான ஆலோசனைகள், அமைச்சின் செயலாளரினால் மின்சார சபையின் தலைவருக்கு அறிவிக்கப்பட்டுள்ளதுடன், அது தொடர்பில் இன்று தீர்மானமொன்று எட்டப்படவுள்ளதாக அவர் குறிப்பிட்டார்.

மின்சார சபையின் ஒன்றிணைந்த தொழிற்சங்கங்கள் ஆரம்பித்த பணிப்பகிஷ்கரிப்பில், இலங்கை மின்சார சபையின் தொழில்நுட்ப பொறியியலாளர்கள் மற்றும் கண்காணிப்பாளர் சங்கம் ஆகியன இன்று நள்ளிரவு முதல் இணைவதற்கு தீர்மானித்துள்ளன.

இதேவேளை, ஏதேனும் அவசர நிலை ஏற்பட்டால் இராணுவத்தின் ஒத்துழைப்பை பெற்றுக்கொள்ள முடியும் என மின்சக்தி அமைச்சின் ஊடகப் பேச்சாளர் சுலக் ஷன ஜயவர்தன தெரிவித்தார்.

எவ்வாறாயினும், தமது வேண்டுகோளுக்கான தீர்வு வழங்கப்படாமையினால் தொடர்ந்து பணிப்பகிஷ்கரிப்பை முன்னெடுக்கவுள்ளதாக மின்சார சபையின் ஒன்றிணைந்த தொழிற்சங்கங்கள் குறிப்பிடுகின்றன.

பத்­த­ர­முல்லைப் பிர­தேச அரச அலுவலர்­களின் அலு­வ­லக நேரங்­களில் நெகிழ்ச்­சி­யினைச் செயற்­ப­டுத்தும் முன்­னோ­டித்­திட்டம் இன்று திங்கட்கிழமை முதல் எதிர்­வரும் டிசம்பர் மாதம் 17ஆம் திகதி வரை நடை­மு­றைப்­ப­டுத்­தப்­ப­டு­மென அரச நிர்­வாக மற்றும் முகா­மைத்­துவ அமைச்சு அறி­வித்­துள்ளது.

இது­தொ­டர்பில் அமைச்சு வெளியி­ட்­டுள்ள சுற்று நிரு­பத்தில் குறிப்­பி­டப்­பட்­டுள்­ள­தா­வது, அமைச்­ச­ரவைத் தீர்­மா­னத்தின் பிர­காரம், கொழும்பு நக­ரத்தில் நிலவும் போக்­கு­வ­ரத்து நெரி­ச­லுக்குத் தீர்­வாக முற்­செ­யற்­பாட்டுத் திட்­ட­மி­டலின் ஆரம்பகட்­ட­மாக பத்­த­ர­முல்லைப் பிர­தே­சத்தில் அமைந்­துள்ள அர­சாங்க அலு­வ­ல­கங்­களில் கட­மை­யாற்றும் அலு­வ­லர்கள் இன்று திங்கட்கிழமை முதல் டிசம்பர் மாதம் 17ஆம் திகதி வரை­யான மூன்று மாத காலத்­திற்கு இந்த நெகிழ்­வான நேரத்தை திணைக்­களத் தலை­வரின் அனு­ம­தி­யுடன் பெற்­றுக்­கொள்ள முடியும்.

இதன் பிர­காரம், காலை 7.30 மணிக்கும் மாலை 5.00 மணிக்­கு­மி­டை­யி­லான காலத்­தினுள் மோட்டார் வாகன சார­திகள் 9 மணித்­தி­யால சேவைக் காலத்­தி­னையும், கனிஷ்ட அலு­வ­லர்கள் 8 மணி 45 நிமிட சேவைக் காலத்­தி­னையும், ஏனைய அலு­வ­லர்கள் 7 மணி 45 நிமிட சேவைக்­கா­லத்­தி­னையும் கொண்­ட­தாக நாளொன்­றுக்­கான வேலை நேரம் இருக்க வேண்டும் எனச் சுட்­டிக்­காட்­டப்­பட்­டுள்­ளது.

இச்­சேவை நேரத்தில் அலு­வ­ல­கத்­திற்கு வரும் நேர­மா­னது காலை 7.30 மணிக்கும் 9.15 மணிக்­கு­மி­டைப்­பட்­ட­தா­கவும், அலு­வ­ல­கத்தை விட்டு வெளியேறும் நேர­மா­னது பிற்­பகல் 3.15 மணிக்கும் மாலை 5 மணிக்­கு­மி­டைப்­பட்­ட­தா­கவும் இருத்தல் வேண்­டு­மென சுட்­டிக்­காட்­டப்­பட்­டுள்­ள­தோடு, பொது­மக்­க­ளுக்கு சேவை வழங்­கு­வ­தற்­காக சகல அரச அலு­வ­லர்­களும் குறிக்­கப்­பட்ட அலு­வ­லக நேரங்­க­ளுக்கு ஏற்ப காலை 9.15 மணி தொடக்கம் பிற்­பகல் 3.15 மணிக்­கி­டை­யி­லான காலத்­தினுள் கட்­டா­ய­மாக கட­மையில் ஈடு­பட வேண்­டு­மெ­னவும் அறி­வு­றுத்­தப்­பட்­டுள்­ளது.

இது­த­விர, நிறு­வ­னத்தின் நட­வ­டிக்­கை­களை தடை­யின்றி முறை­யாக நடத்திச் செல்­வ­தற்கு முடி­யு­மான வகையில் ஏற்­பா­டுகள் மேற்­கொள்­வதன் கீழ் அலு­வ­லர்கள் மற்றும் நிறு­வனத் தலை­வர்கள் என்ற இரு தரப்­புக்­க­ளி­னதும் முன் அனு­ம­தி­யுடன் நெகிழ்ச்­சி­யான அலு­வ­லக நேரத்தில் தனது நிறு­வ­னத்­தினுள் செயற்­ப­டுத்த நிறு­வனத் தலை­வர்கள் பொறுப்­புடன் இருத்தல் வேண்­டு­மெ­னவும் அமைச்சு வெளியிட்­டுள்ள சுற்று நிரு­பத்தில் சுட்­டிக்­காட்­டப்­பட்­டுள்­ளது.

மேலும், நெகிழ்ச்­சி­யான அலு­வ­லக நேரத்­தினை செயற்­ப­டுத்தும் காலப் பகு­தி­யினுள் தற்­போது நடை­மு­றைப்­ப­டுத்­தப்­படும் தமக்கு உரிய பொது­வான அலு­வ­லக நேரம் தவிர்ந்த நேர­மொன்­றினை தமது அலு­வ­லக நேர­மாகக் கரு­து­வ­தற்கு உடன்­பட்ட எந்­த­வொரு அலு­வ­ல­ருக்கும் அர­சாங்க நிர்­வாக சுற்­று­நி­ரு­பத்தின் மூலம்

ஏற்­பா­டுகள் தயா­ரிக்­கப்­பட்­டுள்ளன. கடமைக்கு சமுகமளிக் கும் போதும், கடமை முடிந்து வெளியேறும் போதும் ஏற்ப

டும் தாமதங்கள் மற்றும் அத்தாமதங்களை ஈடுசெய்வதற்கு வழங்கப்பட்டுள்ள சலுகைகள் எதுவும் பெற்றுக் கொடுத் தல் கூடாதென அரசாங்க நிர்வாக மற்றும் முகாமைத்துவ அமைச்சின் சுற்று நிருபத்தில் சுட்டிக்காட்டப்பட்டுள்ளமை குறிப்பிடத்தக்கது

கிளி­நொச்சியில் நேற்று பிற்­பகல் இடம்­பெற்ற வாள் வெட்டுச் சம்­ப­வத்தில் படு­கா­ய­ம­டைந்த நால்வர் வைத்­தி­ய­சா­லையில் அனு­ம­திக்­கப்­பட்­டுள்­ளனர்.

கிளி­நொச்சி பரந்தன் பகு­தியில் அமைந்­துள்ள விடுதி ஒன்றின் பின்­ப­கு­தியில் உள்ள நான்காம் வாய்க்கால் வீதி­யி­லேயே இச்­சம்­பவம் இடம்­பெற்­றுள்­ளது.

குறித்த விடு­தியில் இரு இளை­ஞர்கள் மது அருந்திக் கொண்­டி­ருந்த போது அவர்­க­ளுக்­கி­டையில் ஏற்­பட்ட வாய்த்­தர்க்கம் முற்­றிய நிலையில் அது இரு குழுக்­க­ளுக்­கி­டை­யே­யான மோத­லாக மாறி வாள்­வெட்டில் முடிந்­துள்­ளது.

இதன் போது படு­கா­ய­ம­டைந்த நால்­வரும் கிளி­நொச்சி மாவட்ட வைத்­தி­ய­சா­லையில் அவ­சர சிகிச்சை பிரிவில் அனு­ம­திக்­கப்­பட்டு அதில் ஒருவர் நோயாளர் விடு­திக்கு மாற்­றப்­பட்­டுள்ள நிலையில் ஏனைய மூவரும் அவ­சர சிகிச்சை பிரிவில் சிகிச்சை பெற்று வரு­கின்­றனர். இவர்கள் ஆப­த்தான நிலையில் இல்லை எனவும் வைத்­தி­ய­சாலை­ வட்டாரங்கள் தெரி­வித்­துள்­ளன.

குறித்த சம்­பவம் தொடர்பில் கிளி­நொச்சி பொலிஸ் நிலைய குற்­றத்­த­டுப்பு பதில் பொறுப்­ப­தி­கா­ரியும், சிறு­குற்றப் பிரிவு பொறுப்­ப­தி­கா­ரி­யு­மான உப பரிசோ­தகர் சும­ண­சிறி தலை­மை­யி­லான குழு­வினர் விசா­ர­ணை­களை மேற்­கொண்டு வரு­கின்­றனர்.

இந்த விசா­ர­ணையின் போது சந்தேக நபர்கள் நால்வரின் பெயர்கள் பெறப்பட் டுள்ளன. இருந்த போதும் இதுவரை எவ ரும் கைது செய்யப்படவில்லை.

நாடு முழுவதும் மின்சார சபை ஊழியர்கள் தொடர்ந்து போராட்டத்தை முன்னெடுத்து வருகின்றனர். இந்நிலையில் நாளை முதல் மின்சார சபை அதிகாரிகளும் அதில் இணைந்து கொள்ளவுள்ளதாக மின்சார சபை பொது ஊழியர் சங்க தலைவர் மாலக விக்ரமசிங்க தெரிவித்துள்ளார்.

நுரைச்சோலை அனல் மின் நிலையத்தின் மின்சார ஊழியர்களும் நேற்று முதல் போராட்டத்திற்கு ஆதரவு வழங்கியுள்ளனர். இதன் காரணமாக பொய்லர்களுக்கு நீர் வழங்கும் நடவடிக்கைகள் தடைப்பட்டுள்ளதாக தெரிவிக்கப்படுகின்றது.

இன்னும் 4 நாட்கள் போராட்டம் தொடர்ந்து முன்னெடுக்கப்பட்டால் மின்சாரம் வழங்கும் நடவடிக்கைகளுக்கு பாரிய நெருக்கடி நிலை ஏற்பட்டுள்ளது.
இதனால் நாடு முழுவதும் மின்சாரம் துண்டிக்கப்படும் ஆபத்து ஏற்படும் என தெரிவிக்கப்படுகின்றது.

இதேவேளை பேசித் தீர்த்துக் கொள்ள வாய்ப்புள்ளதாக நாளை முதல் போராட்டத்தை கைவிடுமாறு போராட்டக்காரர்களை மின்சக்தி மற்றும் எரிசக்தி அமைச்சர் ரஞ்சித் சியம்பலப்பிட்டிய கேட்டுள்ளார்.

மின்சார சபையில் இடம்பெறும் ஊழலை நிறுத்த வேண்டும் என கோரிக்கை முன்வைத்து நாடு தழுவிய ரீதியில் இந்த போராட்டம் முன்னெடுக்கப்படுவதாக தெரிவிக்கப்படுகின்றது.

மூன்று வயது சிறுவனின் மண்டை ஓட்டிலிருந்த துப்பாக்கி ரவை வைத்தியர்களால் வெற்றிகரமாக நீக்கப்பட்டுள்ளது.

கேகாலை கஜுகஸ்வத்தை பிரதேசத்தை சேர்ந்த 3 வயதுடைய சிறுவனுக்கு சத்திர சிகிச்சையின் மூலம் ரவை நீக்கப்பட்டுள்ளது.

பயிர் செய்கைகளை சேதப்படுத்தும் குரங்குகளை துறத்துவதற்காக பயன்படுத்தப்படும் காற்று துப்பாக்கி பற்றியமையினால் குறித்த சிறுவன் அண்மையில் காயமடைந்தார்.

சம்பவம் இடம்பெற்ற தினத்தன்று தனது சகோதரரனின் வீட்டிற்கு இந்த சிறுவன் சென்றுள்ளதாகவும், கதவுக்கு அருகில் இருந்த காற்று துப்பாக்கி கீழே விழுந்து வெடித்துள்ளதாகவும் காயமடைந்த சிறுவனின் தாய் தெரிவித்துள்ளார்.

சிறுவனின் சத்தம் கேட்டு சென்ற போது தலை பகுதியில் இருந்து அதிகளவான இரத்தம் வெளியேறியுள்ள நிலையில் உடனடியாக வைத்தியசாலைக்கு கொண்டு செல்லப்பட்டுள்ளார்.

இதன் போது பேராதனை வைத்தியசாலைக்கு மாற்றப்பட்ட சிறுவனுக்கு சிகிச்சை மேற்கொண்ட வைத்தியர், சிறுவனின் காது பக்கமாக சென்ற குண்டு மண்டை ஓடுவரை பயணித்துள்ளதாகவும், மேலும் சேதம் ஏற்பட்டால் சிறுவனின் உயிருக்கு ஆபத்து ஏற்படும் என குறிப்பிட்டுள்ளார்.

அதன் பின்னர் குழந்தைகள் தொடர்பான விசேட வைத்தியர் குழுவொன்று மேற்கொண்ட வெற்றிகரமான சத்திர சிகிச்சையின் பின்னர் சிறுவன் இயந்திரத்தின் உதவியுடன் ஆரோக்கியமான நிலைக்கு வந்துள்ளதாக வைத்தியர்கள் தெரிவித்துள்ளனர்.

மூன்று நாட்களின் பின்னர் நேற்று அந்த இயந்திரம் நீக்கப்பட்டுள்ளதாகவும், சிறுவன் ஆரோக்கியமான நிலையில் இருப்பதாக வைத்தியர் கபில ஹெட்டிஆராச்சி தெரிவித்துள்ளார்.