மஹியங்கனை, பூஜாநகர பிரதேசத்தில் புகைப்பட்டிருந்த நிலையில் குழந்தையின் உடல் ஒன்று மீட்கப்பட்டுள்ளது.

இந்த சம்பவம் தொடர்பில் சந்தேகத்தின் பேரில் பெண் ஒருவர் கைது செய்யப்பட்டுள்ளதாக பொலிஸார் தெரிவித்துள்ளனர். இந்த சம்பவம் நேற்று நடைபெற்றுள்ளது.

சந்தேகநபரான பெண்ணின் வீட்டு தோட்டத்தில் குழந்தை புகைப்பட்டிருந்தது. இந்நிலையில் அந்த வீட்டில் வளர்கப்பட்ட நாய் குழந்தையை உடலை புதைத்த இடத்திலிருந்து கொண்டு வந்துள்ளது.

இதனையடுத்து பெண்ணின் கணவர் சம்பவம் தொடர்பில் மஹியங்கனை பொலிஸாரிடம் முறைப்பாடு செய்துள்ளார்.

குழந்தையின் உடல் உயிருடன் புகைப்பட்டதா அல்லது உயிரிழந்த நிலையில் புதைக்கப்பட்டதா என்பது தொடர்பில் நீதவான் விசாரணையின் பின்னர் ஆராயப்படவுள்ளது.

இந்த சம்பவம் தொடர்பில் மஹியங்கனை பொலிஸ் தலைமையக பொலிஸ் அதிகாரிகள் உட்பட குழுவினர் விசாரணை மேற்கொண்டு வருகின்றனர்.

வடக்கு மாகாண சபையில் ஏற்பட்டுள்ளதாகக் கூறப்படும் நிதி மோசடிகள் தொடர்பில் விசாரணைகளை நடத்துவதற்கு விசேட ஆணைக்குழுவொன்றை அமைக்குமாறு இராஜாங்க அமைச்சர் நிரோஷன் பெரேரா ஜனாதிபதி மைத்திரிபால சிறிசேனவிடம் கோரிக்கையொன்றை முன்வைக்கவுள்ளார்.

இந்தத் தகவலை உறுதிப்படுத்திய அமைச்சின் அதிகாரியொருவர், இதற்கான கோரிக்கை கடிதம் தயாராகி வருகின்றது எனவும் தெரிவித்தார்.

வடக்கு, வடமத்திய உட்பட சில மாகாண சபைகளில் நிதிப் பயன்பாடு பங்கீடுகளின் போது முறைகேடு இடம்பெற்றுள்ளதாக தனிநபர்களும், அமைப்புகளின் பிரதிநிதிகளும் தொடர்ச்சியாக குற்றச்சாட்டுகளை முன்வைத்து வருகின்றனர்.

மாகாண சபைகள் இவ்வாறு நிதியை முறைகேடாகப் பயன்படுத்தினாலும் மத்திய அரசு மீதே மக்கள் விரக்தியடைகின்றனர். இது தேசிய அரசுக்கு எதிர்காலத்தில் நெருக்கடியை ஏற்படுத்தும். எனவேதான் நிதி மோசடி பற்றி விசாரணைகளை நடத்துமாறு ஜனாதிபதியிடம் கோரிக்கை விடுக்கப்படவுள்ளது என நம்பகரமான வட்டாரங்களிலிருந்து அறியமுடிகின்றது.

அரசமைப்பின் 13 ஆவது திருத்தச் சட்டத்தின் பிரகாரம் மாகாண சபைகளுக்கும் அதிகாரங்கள் பகிர்ந்தளிக்கப்பட்டுள்ளன. எனினும், நெருக்கடியான சூழ்நிலைகளின்போது மத்திய அரசின் பிரதானிக்கு அதில் தலையிடுவதற்குரிய அதிகாரம் இருக்கின்றது. ஜனாதிபதியின் பிரதிநிதிகளாகவே மாகாண ஆளுநர்கள் செயற்பட்டு வருகின்றனர் என்பது குறிப்பிடத்தக்கது.

யாழ்ப்பாணத்திலிருந்து மாத்தறை நோக்கி சென்ற ரயிலில் தம்பதி ஒன்று மோதுண்டுள்ளதாக பொலிஸார் தெரிவித்துள்ளனர்.

இந்த அனர்த்தம் காரணமாக 26 வயதான கணவன் ஸ்தலத்தில் உயிரிழந்துள்ளார். படுகாயங்களுக்கு உள்ளான மனைவி பலப்பிட்டிய வைத்தியசாலையில் அனுமதிக்கப்பட்டுள்ளார்.

அம்பலாங்கொட – கஹவ ரயில் நிலையத்திற்கு அருகில் செல்பி புகைப்படம் எடுத்து கொண்டிருந்த தம்பதியே அனர்த்தத்திற்கு முகங்கொடுத்துள்ளனர்.

நேற்று மாலை இவர்கள் செல்பி புகைப்படம் எடுத்து கொண்டிருந்த போது யாழ்ப்பாணத்தில் இருந்து மாத்தறை நோக்கி பயணித்த ரயில் மோதுண்டுள்ளனர்.

கடந்த இரு மாதங்களுக்கு முன்னர் இவர்களுக்கு திருமணம் நடைபெற்றுள்ளது. உயிரிழந்தவர் கஹவ பிரதேசத்தை சேர்ந்த என அடையாளம் காணப்பட்டுள்ளது.

இதேவேளை நேற்றும் இன்றும் ரயிலில் மோதுண்டு 5 பேர் உயிரிழந்துள்ளனர். இதில் செல்பி புகைப்படத்தினால் மூவர் உயிரிழந்துள்ளதாக பொலிஸார் தெரிவித்துள்ளனர்.

அமெரிக்காவில் வசிக்கும் இலங்கை வம்சாவளியைச் சேர்ந்த ஒருவர் இலங்கை கலாச்சாரத்தை பிரதிபலிக்கும் வகையில் ஒரு நூதனசாலையொன்றை ஆரம்பித்துள்ளார்.

அமெரிக்காவில் வாழ்ந்துவரும் இலங்கை வம்சாவளியைச் சேர்ந்தவரான ஜூலியா விஜேசிங்க என்ற 18 வயதுடைய யுவதியொருவரே நூதனசாலையை அங்குள்ள மக்கள் பாவனைக்காக திறந்து வைத்துள்ளமை குறிப்பிடத்தக்கது.

குறித்த நூதனசாலை தொடர்பில் ஜூலியா விஜேசிங்க குறிப்பிடுகையில், இலங்கையின் அனுராதபுரம், பொலநறுவை ஆகிய பிரதேசங்களில் காணப்படுவதைப்போன்று பல கலாச்சார அம்சங்களை சேகரித்து இதனை உருவாக்கியுள்ளேன்.

உண்மையில் சொல்லப்போனால் இது குறித்து நான் பெருமையடைகின்றேன். இவ்வாறானதொரு செயற்பாட்டை எனது அம்மா, அப்பா இல்லாம் செய்ய முடியாது.

நான் இவ்வாறு செய்வதற்கு முயற்சியெடுத்த பெற்றோர்களிடம் கேட்கும் போது நான் வயதில் சிறியவள். இருப்பினும் எனது பெற்றோர் எனக்கு மிகவும் உறுதுணையாக இருந்தனர் எனத் தெரிவித்தார்.

இதேவேளை, குறித்த நூதனசாலையில் இலங்கையின் சாப்பாட்டு வகைகளையும் அங்கு உண்டு மகிழக்கூடியதாகவுள்ளமை விசேட அம்சமாகும்.