காணாமல் ஆக்கப்பட்டவர்களின் உறவுகளின் சுழற்சி முறையிலான உண்ணாவிரதப் போராட்டம் வவுனியாவில் 107 நாட்களைக்கடந்து தொடரந்துகொண்டிருக்கும் நிலையிலே வலிந்து காணாமல் ஆக்கப்பட்டவர்களை தேடிக்கண்டறியும் குடும்பங்களின் சங்கத் தலைவி காசிப்பிள்ளை ஜெயவனிதா நேற்று (10.06) மேற்கண்டவாறு தெரிவித்தார். தொடர்ந்து கருத்து தெரிவித்த அவர்..

எங்களுடைய பிள்ளைகள் எங்களிடம் கையளிக்கப்பட வேண்டும் என்ற நோக்கத்துடன் நாங்கள் போராட்டத்தை முன்னெடுத்துள்ளோம் ஆனால் போராட்டமானது 100 நாட்களையும் கடந்து 107 வது நாளாக தொடர்ந்துகொண்டிருக்கும் நிலையில் பெருமளவான மக்கள் எங்கள் போராட்டத்திற்கு ஆதரவளித்துள்ளனர்.

எங்களுக்கு எதிராக சில சக்திகள் செயற்படுவதுடன் அவர்களின் எண்ணம் ஈடேறாது. எங்கள் தொடர் போராட்டம் பலரின் முகமூடியை கிழித்து எறிந்துள்ளது. ஆயிரம் நாட்களானாலும் எங்கள் பிள்ளைகள் வந்து சேரும்வரை போராட்டம் தொடரும் .

ஜனாதிபதி எங்களுக்கு பதில் வழங்க வேண்டும். அவ்வாறில்லாவிட்டால் எங்கள் போராட்டம் மீண்டும் சாகும்வரை உண்ணாவிரதப்போராட்டமாக மாறும். காணாமல் போன எமது பிள்ளைகளின் தாய்மார் உண்ணாவிரதப் போராட்டத்தில் உறுதியாக உள்ளனர் எனத் தெரிவித்தார்.

 
வவுனியா இரட்டைபெரியகுளம் புகையிரத நிலையத்திற்கு முன்பாக அமைந்துள்ள கடையொன்று நேற்று (10.06.2017) இரவு 10.30 மணியளவில் தீக்கிரையானதில் பல லட்சம் பெறுமதியான பொருட்கள் சேதமாகியுள்ளதாக பொலிஸார் தெரிவித்தனர்.

இவ் தீவிபத்தினால் மோட்டார் சைக்கில், துவிச்சக்கரவண்டி உட்பட பல பொருட்கள் தீயில் எரிந்து சாம்பலாகியுள்ளதுடன். இத் தீ விபத்து எவ்வாறு ஏற்ப்பட்டது என பொலிஸார் விசாரணைகளை மேற்கொண்டுவருகின்றனர்.

 
வவுனியா வைரவப்புளியங்குளம் புகையிரத பாதையில் இருந்த புகையிரத பாதுகாப்பு கடவை உடைந்து வீழ்ந்தமையினால் அவ் வீதியில் போக்குவரத்துத் தடை ஏற்ப்பட்டுள்ளது.

யாழ்ப்பாணத்திலிருந்து கொழும்பு நோக்கி பயணித்த தபால் புகையிரதம் இன்று (10.06.2017) இரவு 9.50 மணியளவில் வவுனியாவை அண்மித்தது. இதனால் வவுனியா புகையிரத நிலையத்திற்கு அருகேயுள்ள ( வவுனியா வைரவப்புளியங்குளம் வீதியில்) புகையிரத பாதுகாப்பு கடவை மூடப்பட்ட சமயத்தில் கடவை உடைந்து வீழ்ந்தது. இதனால் வவுனியா – வைரவப்புளிங்குளத்திற்கான வீதி தற்காலிகமாக மூடப்பட்டுள்ளது.

தற்போது அவ்விடத்தில் புகையிரத சமிச்சை ஒளி சிவப்பு நிறத்தில் ஒளிர்ந்து கொண்டிருப்பதுடன் வைரவப்புளியங்குளம் வீதிக்கான பாதையும் தற்காலிகமாக மூடப்பட்டுள்ளது.

கோவிற்குளம் – சிதம்பரபுரம் பிரதான வீதியில் அமைந்துள்ள சமளங்குளம் பாலம் நேற்று (09.06.2017) இரவு இனந்தெரியாதநபர்களினால் சேதமாக்கப்பட்டுள்ளது.

சமனங்குளம் பாலத்தில் கட்டுமானப்பணிகள் தற்போது இடம்பெற்று வருகின்ற நிலையில் நேற்றைய தினம் இரவு வேளையில் அவ்விடத்தில் நின்ற இனந்தேரியாத நபர்கள் பாலத்தின் தூண்கள், வீதி சமிச்சை குறியீட்டு பலகை, பாலத்தில் கீழ் மண்ணில் பதிக்கப்பட்ட புற்கள் என்பவற்றை சேதப்படுத்தியுள்ளனர்.

அவ்விடத்தில் நேற்று இரவு இளைஞர்கள் நின்று மதுபாவணையில் ஈடுபட்டுள்ளதாக பொதுமக்கள் விசனம் தெரிவித்தனர்.

 
நாட்டில் அண்மையில் ஏற்பட்ட வெள்ளப்பெருக்கினால் மிக மோசமாக பாதிக்கபட்ட தென்பகுதிக்கு உதவும் நோக்குடன் மனிதாபிமான ரயில் பயணமொன்றை வடக்கின் காங்கேசன்துறை ரயில் நிலையத்திலிருந்து முன்னெடுக்கப்பட்டது.

ஜனாதிபதி செயலகம் மற்றும் ஜனாதிபதி ஊடகப் பிரிவு ‘மக்கள் தொடர்பாடல்’ என்ற இந்த செயற்திட்டத்தை மொபிடெல் மற்றும் புகையிரதத் திணைக்களத்தின் அனுசரணையுடன் முன்னெடுத்துள்ளது.

நாட்டில் அண்மையில் ஏற்பட்ட வெள்ளப்பெருக்கினால் மிக மோசமாக பாதிக்கபட்ட மாத்தறை பிட்டபத்தர டட்லி சேனாநாயக்க மகா வித்தியாலயத்தினை சுத்தப்படுத்தி பாடசாலை சமூகத்திற்கு மீள கையளிக்கவும் அம்மாணவர்களுக்கு பாடசாலை உபகரணங்கள் மற்றும் தேவையான அத்தியாவசிப் பொருட்கள் மற்றும் மருத்துவ, உளவள ஆலோசனைகளை வழங்குவதற்கும், இரத்தினபுரி, களுத்துறை, காலி, மாத்தறை மாவட்ட மக்களுக்கு வழங்க முடிந்தளவு உதவிகளை வழங்குவதற்குமாக இந்த மனிதாபிமான ரயில் பயணமானது இன்று (10.06.2017) சனிக்கிழமை காலை 6 மணிக்கு வடக்கின் காங்கேசன்துறை ரயில் நிலையத்திலிருந்து பயணத்தை ஆரம்பமாகி காலை 10.30 மணியளவில் வவுனியாவை வந்தடைந்தது

மக்களிடம் இருந்து பெறப்பட்ட பாடசாலை உபகரணங்கள் மற்றும் அப்பியாசக் கொப்பி, புத்தகங்கள், தலையணை, மெத்தை, நுளம்பு வலை, சவர்க்காரம், பற்பசை, சுத்தப்படுத்தும் உபகரணங்கள், கட்டில் விரிப்புக்கள், துவாய், பெரியவர்கள் மற்றும் சிறுவர்களுக்கான ஆடைகள், பாடசாலை சீருடைகள், புத்தகப் பைகள், சப்பாத்துக்கள், செருப்புக்கள் மற்றும் சமயலறை உபகரணங்கள் என்பவற்றை நாளையதினம் பாதிக்கப்பட்ட மக்களிடம் கையளிக்கவுள்ளனர்.

குறித்த மனிதாபிமான ரயில் பயணமானது மதவாச்சி, அனுராதபுரம், மாஹோ, கணேவத்த, குருணாகல், பொல்காவல, அலவ்வ, அம்பேபுஸ்ஸ, மீரிகம, வெயங்கொட, கணேமுல்ல, கம்பஹா, ராகம, களனி, ஹுணுப்பிட்டிய, தெமட்டகொட, மருதானை, கொழும்பு கோட்டை, கல்கிசை, மொரட்டுவ, பாணந்துறை ஆகிய ரயில் நிலையங்களில் உதவிப் பொருட்களை பெற்றுக் கொண்டு செல்லவுள்ளது.

 
வவுனியா பூந்தோட்டம் பிரதான வீதியில் எதிர் எதிரே பயணித்த மோட்டர் சைக்கிள் மற்றும் சிறிய வான் என்பன மோதி விபத்துக்குள்ளானதில் இருவர் காயமடைந்து வவுனியா வைத்தியசாலையில் அனுமதிக்கப்பட்டுள்ளனர்.

இன்று​ (10.06.2017)​ காலை இடம்பெற்ற இவ் விபத்து குறித்து மேலும் தெரியவருவதாவது..

வவுனியா- பூந்தோட்டம் வீதியில் பூந்தோட்டம் சந்திக்கு அருகில் பயணித்துக் கொண்டிருந்த மோட்டர் சைக்கிள் எதிரே வந்த வான் ஒன்றுடன் மோதி விபத்துக்குள்ளானதில் மோட்டார் சைக்கிளில் பயணித்த இருவர் காயமடைந்துள்ளனர். காயமடைந்த இருவரும் வவுனியா வைத்தியசாலையில் அனுமதிக்கப்பட்டுள்ளனர்.

இது தொடர்பான விசாரணைகளை வவுனியா போக்குவரத்துப் பொலிசார் மேற்கொண்டு வருகின்றனர்.

 
வவுனியாவில் தொடரும் கடும் வறட்சியான காலநிலையினால் மக்கள் குடிநீரைப் பெற்றுக் கொள்ளுதல் மற்றும் விவசாய நடவடிக்கைகளில் பெரும் பாதிப்புக்களை எதிர் நோக்கி வருவதாக தெரிவித்துள்ளனர். இது தொடர்பில் அவர்கள் மேலும் தெரிவிக்கையில்,

வவுனியா மாவட்டத்தில் கடந்த கால போக நெற்செய்கைக் காலப்பகுதியில் இருந்து கடும் வறட்சியுடனான காலநிலை நீடித்து வருகிறது.

இதனால் விவசாயிகளின் தோட்டச் செய்கை நடவடிக்கைகள், சிறுபோக நெற்செய்கை என்பன பாதிப்படைந்துள்ளதுடன், அவை கடுமையான வெப்பம் காரணமாக கருகி காட்சியளிக்கின்றன.

இதனால் விவசாயத்தை வாழ்வாதாரமாக கொண்ட மக்கள் பெரும் கஷ்டத்திற்கு உள்ளாகியுள்ளதாக தெரிவிக்கின்றனர்.

அத்துடன், விவசாயத்துடன் இணைந்ததாக கால்நடை வளர்ப்பில் ஈடுபடும் மக்கள் தமது கால்நடைகளுக்கு மேய்ச்சல் தரை இன்றி அவதிப்படுகின்றனர்.

இதேவேளை வவுனியாவின் பல பகுதிகளில் குடிநீரைப் பெற்றுக் கொள்வதிலும் சிரமங்களை எதிர்நோக்கி வருகின்றதாக மக்கள் சுட்டிக்காட்டியுள்ளமை குறிப்பிடத்தக்கது.