கொள்ளுப்பிட்டியில் ஒரே குடும்பத்தை சேர்ந்த சகோதரர்கள் ரயில் மோதுண்டு உயிரிழந்துள்ளார்கள். செல்பி புகைப்படம் எடுப்பதற்காக முயற்சித்த போது இருவரும் ரயிலில் மோதுண்டு பரிதாபகரமாக உயிரிழந்துள்ளனர்.

12 மற்றும் 24 வயதுடைய சகோதரர்களில் நேற்று மாலை உயிரிழந்துள்ளனர். கொள்ளுப்பிட்டி – பம்பலப்பிட்டி ஆகிய பகுதிக்கு இடையில் இந்த அனர்த்தம் இடம்பெற்றுள்ளது.

சம்பவம் தொடர்பில் பொலிஸார் விசாரணைகளை ஆரம்பித்துள்ளனர். சம்பவம் தொடர்பில் மேலும் தெரியவருவது,

குறித்த சம்பவத்தில் உயிரிழந்தவர்கள் அநுராதபுரத்தைச் சேர்ந்த ஷஷி மதுஷான் ரணவீர (24) மற்றும் அவரது சகோதரரான திலக் லக்ஷான் ரணவீர (12) ஆகிய இருவருமே பலியாகியுள்ளனர்.

ஷஷி மதுஷான் என்ற இளைஞன் சிங்கப்பூரில் பணியாற்றிவிட்டு இன்று கட்டுநாயக்க விமான நிலையத்தினூடாக இலங்கை வந்துள்ளார்.

அவரை அழைத்துச் செல்ல, அவரின் தாய், தந்தை மற்றும் அவரது சகோதரர் உள்ளிட்ட குடும்பத்தவர்கள் அநுராதபுரத்திலிருந்து வான் ஒன்றில் கொழும்புக்கு வந்துள்ளனர்.

மேலும், அநுராதபுரத்துக்குச் செல்வதற்கு முன்னர், கோல்பேஸுக்குச் சென்று, பின்னர் கொள்ளுப்பிட்டி கடற்கரை பகுதிக்குச் சென்றதாகவும், இதன்போது இந்த அனர்த்ததுக்குமுகங்கொடுத்ததாகவும் தெரிவிக்கப்படுகிறது.

கொச்சிக்கடை, கட்டான பிரதேசத்தில் ஊர்வலத்தில் சென்ற யானையொன்று தாக்கியதில் பௌத்த மதகுரு ஒருவர் பலியானர்.

கட்டானயிலுள்ள குறித்த விகாரையில் வருடாந்த உற்சவம் நேற்று (11) இடம்பெற்றுள்ளது. பொலிஸார் இந்த தகவலை வெளியிட்டுள்ளனர்.

யானை தாக்கியதில் பலத்த காயமடைந்த குறித்த பௌத்த மதகுரு நீர்கொழும்பு மருத்துவமனையில் அனுமதிக்கப்பட்டு சிகிச்சை பெற்று வந்த நிலையில் இன்று (12) அதிகாலை உயிரிழந்தார்.

குறித்த பௌத்த மதகுரு 25 வயது மதிக்கத் தக்கவர் என தெரிவிக்கப்பட்டுள்ளது.

அவர் களனி பல்கலைக்கழகத்தில் பட்டம் பெற்றவர் எனவும், இறுதிவரை அனுராதபுரம் எப்பாவல பிரதேசத்தில் விகாரை கல்விக் கூடத்தில் பேராசிரியராக பணியாற்றியிருந்தார்.

மரண விசாரணைகள் இன்று இடம்பெறவுள்ள நிலையில் கொச்சிக்கடை பொலிஸார் மேலதிக விசாரணைகளை முன்னெடுத்து வருகின்றனர்.

மட்டக்குளி பொலிஸ் கட்டுப்பாட்டு பிரதேசத்திற்குரிய ரொட்ரியோ பகுதியில் முச்சக்கரவண்டியில் பயணித்த ஒருவர் மீது துப்பாக்கிச் சூடு நடத்தப்பட்டமை தொடர்பில் பிறிதொருவர் கைது செய்யப்பட்டுள்ளார்.

கடந்த ஜுன் 05 ஆம் திகதி இடம்பெற்ற இந்த சம்பவத்தின் போது சந்தேகநபர்களுக்கு உதவிய குற்றச்சாட்டில் இவர் கைது செய்யப்பட்டுள்ளார்.

சந்தேகநபர்களுக்கு நிதி அனுசரணைகளை வழங்கியதுடன், மோட்டார் சைக்கிளையும் வழங்கியுள்ள குற்றச்சாட்டின் அடிப்படையில் இவர் கைது செய்யப்பட்டள்ளதாக பொலிஸ் தலைமையகம் தெரிவித்துள்ளது.

வத்தளை ஹேகித்தை பிரதேசத்தைச் சேர்ந்த 22 வயதான இளைஞர் ஒருவரே இன்று (12) கொழும்பு முதன்மை நீதிமன்றில் முன்னிலைப்படுத்தப்படவுள்ளார்.

பொலிஸ் குற்றவிசாரணை பிரிவினரால் மேலதிக விசாரணைகள் முன்னெடுக்கப்பட்டு வருகின்றன.

கட்டார் நாட்டில் உள்ள 22 இலங்கையர் அமைப்புகளுக்கு கட்டாருக்கான இலங்கைத் தூதரகம் அழைப்பு விடுத்துள்ளது.

கட்டார் நாட்டில் அவசர நிலை ஏற்பட்டால் எடுக்க வேண்டிய நடவடிக்கைகள் தொடர்பில் கலந்துரையாடுவதற்கே இந்த அழைப்பு விடுக்கப்பட்டுள்ளதாக கட்டாருக்கான இலங்கைத் தூதுவர் லியனகே தெரிவித்துள்ளார்.

குறித்த கலந்துரையாடல் புதன் கிழமை (14) இடம்பெறவுள்ளது.
மேலும், கட்டாரில் உள்ள இலங்கையர்களுக்கு உணவு மற்றும் தொழில் தொடர்பில் பிரச்சினை எதுவும் இல்லை எனவும் லியனகே குறிப்பிட்டுள்ளார்.

ஜனாதிபதி, பிரதமர், வெளிவிவகார அமைச்சு மற்றும் வெளிநாட்டு வேலை வாய்ப்பு அமைச்சினதும் ஆலோசனைக்கு அமையவே தான் அனைத்து தீர்மானங்களையும் மேற்கொள்வதாக ஊடகம் ஒன்றுக்கு லியனகே தெரிவித்துள்ளார்.

இது குறித்து ஏதேனும் பிரச்சினைகள் ஏற்பட்டால் 0097455564936 என்ற தொலைபேசி இலக்கத்திற்கு தன்னை தொடர்புகொள்ளுமாறும் அறிவித்துள்ளார்.

காப்புறுதி பணத்தை பெற்றுக்கொள்ள தனது மகளை கொலை செய்து, அந்த குற்றத்திற்கு மரண தண்டனை விதிக்கப்பட்ட நிலையில், தலைமறைவாக இருந்த குற்றவாளி ஒருவர் 6 வருடங்களின் பின்னர் கைது செய்யப்பட்டுள்ளார். குற்றவாளிக்கு நுவரெலியா மேல் நீதிமன்றம் மரண தண்டனையை வழங்கியிருந்தது.

குற்றவாளிகள் மாறுவேடத்தில் தலைமறைவாக இருந்த நிலையில், நேற்று கினிகத்தேனை பிரதேசத்தில் பொலிஸாரினால் கைது செய்யப்பட்டுள்ளார்.

கைது செய்யப்பட்ட நபர் 2009 ஆம் ஆண்டு தனது 8 வயது மகளை கொடூரமாக வெட்டிக்கொலை செய்ததுடன் மனைவியையும் வெட்டி காயப்படுத்தியுள்ளதாக தெரிவிக்கப்படுகிறது.

இந்த சம்பவம் தொடர்பில் கைது செய்யப்பட்ட நபர் நீதவான் நீதிமன்றத்தில் ஆஜர்ப்படுத்தப்பட்டு பிணையில் விடுவிக்கப்பட்டுள்ளார்.

குற்றவாளி விசாரணைகளுக்கு நீதிமன்றத்தில் ஆஜராகாது புறக்கணித்து வந்த நிலையில், குற்றவாளி இல்லாமலேயே நுவரெலியா மேல் நீதிமன்றம் விசாரணைகளை மேற்கொண்டதுடன் மரண தண்டனை வழங்கி தீர்ப்பளித்திருந்தது.

மேலும், மனைவியை வெட்டி காயப்படுத்திய குற்றச்சாட்டுக்கு 12 ஆண்டு கடூழிய சிறை தண்டனையும் 7 ஆயிரத்து 500 ரூபா அபராதமும் விதிக்கப்பட்டது.

எனினும் குறித்த நபர், கண்டி அலவத்துகொடை பிரதேசத்தில் திருமணமான பெண்ணொருடன் வசித்து வந்துள்ளதாக பொலிஸார் கண்டறிந்துள்ளனர்.

இந்த பெண்ணுக்கு சொந்தமான சொத்துக்களை நபர் கைப்பற்றிக்கொண்டுள்ளார். சொத்துக்களை கைப்பற்றிய நபர் , பெண்ணை கைவிட்டு, புத்தல, எகொடவத்தை பிரதேசத்தில் தச்சு தொழிலாளியாக மறுவேடத்தில் இருப்பதாக கினிகத்தேனை பொலிஸாருக்கு தகவல் கிடைத்திருந்தது.

புத்தள பிரதேசத்தில் பெண்ணொருவரை மணந்துள்ளதுடன் அந்த பெண்ணுக்கும் ஒரு ஆண் குழந்தை இருப்பதாக தெரியவருகிறது.

இதேவேளை, குற்றவாளி இன்று ஹட்டன் பதில் நீதவான் முன்னிலையில் ஆஜர்ப்படுத்தப்பட்டார். அவரை நாளைய தினம் நுவரெலியா மேல் நீதிமன்றத்தில் ஆஜர்ப்படுத்துமாறு நீதவான் உத்தரவிட்டுள்ளார்.

நாட்டில் பல்வேறு மாவட்டங்களிலும் மாலை வேளை மழைவீழ்ச்சி பதிவாவதற்கான சாதகமான அறிகுறிகள் காணப்படுகின்றது. எனவே மின்னல் தாக்கத்திலிருந்து மக்கள் அவதானமாக இருக்கும்படி வானிலை அவதான நிலையம் அறிவித்துள்ளது.

காலநிலை குறித்து அவதான நிலையம் மேலும் குறிப்பிட்டுள்ளதாவது,கடந்த நாட்களில் மழை வீழ்ச்சி அதிகமாக பதிவாகியிருந்தது போன்று இல்லாமல் மழைவீழ்ச்சி சற்று குறைவடைந்திருந்தாலும் தொடர்ந்தும் மழைவீழ்ச்சி பதிவாகும். இருப்பினும் காற்றின் வேகம் வழமை போன்றே நிலவக்கூடும்.

மேல் மாகாணம் உவா, மற்றும் மத்திய மாகாணங்களில் காற்றின் வேகம் அதிகமாக இருக்கும் அதேவேளை சிறிதளவில் மழைவீழ்ச்சியும் பதிவாகும் சாத்தியங்கள் காணப்படுகின்றது.

அதனால் கரையோர பிரதேசங்களில் வாழும் மீனவக் குடும்பங்களும் அதிக அவதானத்துடன் இருக்க வேண்டும் என்று அறிவுறுத்தப்பட்டுள்ளனர்.

பிரித்தானியாவில் நடைபெற்று முடிந்த பாராளுமன்றத் தேர்தலில் இலங்கை வம்சாவளிப் பெண்ணொருவர் பாரிய வெற்றியை பெற்றுள்ளார்.

தொழிற்கட்சி சார்பில் பிரிஸ்டல் மேற்குத் தொகுதியில் போட்டியிட் தங்கம் டெபோனயர் என்ற இலங்கைப் பெண்ணே வெற்றி பெற்றுள்ளார். இவர் 47,213 வாக்குகளைப் பெற்றுள்ளார்.

இவரை எதிர்த்துப் போட்டியிட்ட கன்சர்வேட்டிவ் கட்சி வேட்பாளர் 9,877 வாக்குகளை மட்டுமே பெற்றிருந்தார்.

தங்கம் டெபோனயர் இலங்கைத் தமிழ் வம்சாவளியைச் சேர்ந்த பெண் ஆவார். தங்கம் டெபோனயரின் தந்தை ஒரு இலங்கைத் தமிழர். அவரது தாயார் பிரித்தானிய வெள்ளையின பெண் என்பதும் குறிப்பிடத்தக்கது.

புத்தளம் வென்னப்புவ பிரதேசத்தில் நேற்றிரவு ஒருவர் தன்னை தானே துப்பாக்கியால் சுட்டுக்கொண்டு தற்கொலை செய்துக்கொண்டுள்ளதாக பொலிஸார் தெரிவித்துள்ளனர். வென்னப்புவ சுனவேல் பியனம மாவத்தையில் உள்ள வீடொன்றில் இந்த சம்பவம் நடந்துள்ளது.

வென்னப்புவ சுனவேல் பியனம மாவத்தையைச் சேர்ந்த 48 வயதான வசந்த பெரேரா என்பவரே தற்கொலை செய்துக்கொண்டுள்ளார்.

இந்த நபர் வட்டிக்கு கடன் வழங்கும் வர்த்தகத்தில் ஈடுபட்டு வந்துள்ளார். ஒரு வாரத்திற்கு முன்னர் வீட்டையும் 60 லட்சம் ரூபாவுக்கு விற்பனை செய்திருந்தாகவும் பண கொடுக்கல் வாங்கல் பிரச்சினையால் அவர் தற்கொலை செய்துக்கொண்டிருக்கலாம் எனவும் பொலிஸார் கூறியுள்ளனர்.

உயிரிழந்தவர் வீட்டில் தனியாக வசித்து வந்துள்ளார். அவர் கட்டிலில் படுத்தவாறு தற்கொலை செய்துக்கொண்டுள்ளார். சடலத்தை பார்த்த அயல் வீட்டில் உள்ள உறவினர் ஒருவர் சம்பவம் குறித்து பொலிஸாருக்கு அறிவித்துள்ளார்.

சம்பவம் தொடர்பாக வென்னப்புவ பொலிஸார் விசாரணைகளை ஆரம்பித்துள்ளமை

கொழும்பு மற்றும் கொழும்பை சுற்றியுள்ள பிரதேசங்களின் வாகனங்களுக்கான வீதி விதிகள் நாளை முதல் கடுமையாக செயற்படுத்தப்படவுள்ளதாக பொலிஸ் தலைமையகம் தெரிவித்துள்ளது.

இதற்காக பொலிஸ் தலைமையம் பல்வேறு நடவடிக்கைகளை மேற்கொள்ளவுள்ளதாக தெரிவிக்கப்படுகின்றது.

அதற்கமைய பொலிஸ் மோட்டார் சைக்கிள் குழு, பொலிஸ் நடமாடும் சேவை, பொலிஸ் சீ.சீ.டீ.வி கமரா மற்றும் மேலதிக பொலிஸ் அதிகாரிகள் இந்த நடவடிக்கைகளில் ஈடுபடுத்தப்படவுள்ளனர்.

இவர்கள் ஊடாக இந்த சட்டத்தை செயற்படுத்துவதற்கு பொலிஸ் தலைமையகம் நடவடிக்கை மேற்கொண்டுள்ளதாக தெரிவிக்கப்படுகின்றது.

விசேடமாக காலி வீதி, ஸ்ரீ ஜயவர்தனபுர பிரதான வீதி மற்றும் வாகனங்கள் கொழும்பிற்குள் நுழையும் பிரதான வீதிகளில் இந்த சட்டத்தை செயற்படுத்துவதற்கு நடவடிக்கை மேற்கொள்ளப்பட்டுள்ளது.

சீனி உட்­பட 12 அத்­தி­யா­வ­சிய பொருட்­க­ளுக்­கான விலை­களை தன்­னிச்­சை­யாக அதி­க­ரிக்கும் வியா­பா­ரி­க­ளுக்கு எதி­ராக கடு­மை­யான நட­வ­டிக்­கைகள் எடுக்­கப்­படும் என வர்த்­தக வாணிபத்­துறை அமைச்சர் ரிசாட் பதி­யூதீன் தெரி­வித்தார்.

மட்­டக்­க­ளப்பு மாவட்­டத்தின் பட்­டிப்­பளை பிர­தேச செய­லாளர் பிரி­வுக்­குட்­பட்ட கொக்­கட்­டிச்­சோ­லையில் அமைக்­கப்­பட்ட இலங்­கையின் 378ஆவது ச.தொ.ச விற்­பனை நிலையம் நேற்றுக் காலை திறந்­து­வைக்­கப்­பட்­டது.

ஐக்­கிய தேசியக் கட்­சியின் பட்­டி­ருப்பு தொகுதி அமைப்­பாளர் சோ.கணே­ச­மூர்த்தி தலை­மையில் நடை­பெற்ற இந்த நிகழ்வில் வர்த்­தக வாணி­பத்­துறை அமைச்சர் ரிசாட் பதி­யூதீன் பிர­தம அதி­தி­யாக கலந்­து­கொண்டார்.

சிறப்பு அதி­தி­யாக கிரா­மிய பொரு­ளா­தார அபி­வி­ருத்தி பிர­தி­ய­மைச்­சரும் பட்­டிப்­பளை பிர­தேச அபி­வி­ருத்­திக்­கு­ழுவின் இணைத்­த­லை­வ­ரு­மான எம்.எஸ்.எஸ்.அமீர்­அலி கலந்­து­கொண்டார்.

மட்­டக்­க­ளப்பு மாவட்­டத்தின் படு­வான்­கரை பிர­தே­சத்தில் முதன்­மு­றை­யாக அரச விற்­பனை நிலையம் ஒன்று அமைக்­கப்­பட்டு திறந்­து­வைக்­கப்­பட்­டுள்­ளமை விசேட அம்­ச­மாகும்.

விவ­சா­யி­களும் வறுமை நிலையில் உள்ள மக்­களும் அதி­க­மாக வாழும் இப்­ப­குதி மக்கள் பயன் அடையும் வகையில் அனைத்து வச­தி­க­ளையும் கொண்­ட­தாக இந்த விற்­பனை நிலையம் அமைக்­கப்­பட்டு திறந்­து­வைக்­கப்­பட்­டுள்­ளது.

இந்த வருடம் நிறை­வ­டை­வ­தற்குள் 500 ச.தொ.ச விற்­பனை நிலை­யங்கள் அமைப்­ப­தற்­கான நட­வ­டிக்­கைகள் முன்­னெ­டுக்­கப்­பட்­டு­வ­ரு­வ­தாக வர்த்­தக வாணி­பத்­துறை அமைச்சர் ரிசாட் பதி­யூதீன் தெரி­வித்தார்.

சீனி உட்­பட 12 பொருட்கள் அத்­தி­யா­வ­சிய பொருட்­க­ளாக அடை­யா­ளப்­ப­டுத்­தப்­பட்டு நேற்று வர்த்­த­மா­னி மூலம் ­தெரிவிக்கப்­பட்­டுள்­ளது.இந்த பொருட்­க­ளுக்கு நினைத்­த­வாறு விலை­களை அதி­க­ரிக்­க­முடியாது.

சீனிக்­கான தீர்வை விலையை 10ரூபா­வினால் அதி­க­ரித்­த­தற்­கா­கவும் அதன்காரணமாக நுகர்வோருக்கான சீனியின் விலையினை வர்த்தகர்கள் அதிகரிக்கமுடியாது எனவும் தெரிவித்த அமைச்சர் இவற்றினை கண்காணிப்பதற்காக 200அதிகாரிகள் கடமையில் ஈடுபடுத்தப்பட்டுள்ளதாகவும் தெரிவித்தார்.