தொழில் நிமித்தம் ஈரான் சென்ற இலங்கைத் தமிழ் இளைஞர் ஒருவர் கொடூரமான முறையில் படுகொலை செய்யப்பட்டுள்ளதாக தெரிவிக்கப்பட்டுள்ளது.

குறித்த இளைஞரின் சடலம் நீர்கொழும்பு, மாவட்ட வைத்தியசாலையில் பிரேத பரிசோதனைக்கு உட்படுத்திய போது இந்த விடயம் தெரியவந்துள்ளதாக கூறப்படுகின்றது.

முல்லைத்தீவு, அளம்பில் பகுதியை சேர்ந்த 23 வயதான இளைஞர் ஒருவரே இவ்வாறு படுகொலை செய்யப்பட்டுள்ளதாக தெரிவிக்கப்படுகின்றது.

இந்த சம்பவம் தொடர்பில் உயிரிழந்த இளைஞரின் தந்தையிடம் வாக்கு மூலம் ஒன்று பெற்றுக்கொள்ளப்பட்டுள்ளதாக பொலிஸார் தெரிவித்துள்ளனர்.

இதேவேளை, குறித்த இளைஞர் கடுமையாக தாக்கப்பட்டு கொலை செய்யப்பட்டுள்ளதாகவும், முக்கிய உடற்பாகங்கள் அகற்றப்பட்டுள்ளதாகவும் பிரேத பரிசோதனைகளின் மூலம் தெரியவந்துள்ளதாக குறிப்பிடப்பட்டுள்ளது.

சுவிஸ்லாந்தில் போலிக் கடவுச்சீட்டுகளை தயாரித்து இலங்கையில் இருந்து நபர்களை கடத்தி வந்த இருவர் கைது செய்யப்பட்டுள்ளதாக தகவல்கள் வெளியாகியுள்ளன.

சுவிஸின் பேர்ன் மாகாணத்தில் Biel நகரில் இலங்கையை சேர்ந்த 27 வயதான நபரும், இவருக்கு உதவியாக செயல்பட்ட பிரான்ஸ் நாட்டை சேர்ந்த 24 வயதான நபரும் வசித்து வந்துள்ளனர்.

இருவரும் போலி கடவுச்சீட்டுகளை தயாரித்து இலங்கையில் இருந்து நபர்களை சுவிஸ் நாட்டிற்கு கடத்தி வருவதை முக்கிய தொழிலாக செய்து வந்துள்ளனர்.

இந்நிலையில், ரகசிய தகவல் பெற்ற பொலிசார் கடந்த 2016-ம் ஆண்டு மே மாதம் இருவரையும் அதிரடியாக கைது செய்துள்ளனர். இத்தகவலை தற்போது தான் அதிகாரப்பூர்வமாக பொலிசார் வெளியிட்டுள்ளனர்.

இது குறித்து பொலிசார் வெளியிட்ட தகவலில், ‘சுவிஸில் போலியான கடவுச்சீட்டுகளை தயாரித்து வந்துள்ளனர்.
இவரது ஆலோசனையின் பேரில் இலங்கையில் நபர்கள் விமானம் மூலம் துபாய், கத்தார் ஆகிய நாடுகளுக்கு பயணமாகின்றனர்.

பின்னர், தரை வழியாக ஈரான் அல்லது துருக்கி நாடு வழியாக செங்கன் நாடுகளுக்கு கடத்தி வருகின்றனர். இவர்களுக்காக ஏற்கனவே தயாரிக்கப்பட்ட போலி கடவுச்சீட்டுகளை அவர்களுக்கு கொடுத்து சுவிஸ் நாட்டிற்குள் கடத்தி வர இருவரும் உதவியதாக பொலிசார் தெரிவித்துள்ளனர்.

2015 ஆகஸ்ட் முதல் 2016 மே மாதம் வரை இவர்கள் இருவரும் எண்ணற்ற நபர்களை சுவிஸ் நாட்டிற்கு கடத்தி வந்துள்ளதாக கூறப்படுகிறது.

வெலி­கம, கப்­பு­வத்தை பிர­தே­சத்தைச் சேர்ந்­தவர் எனக் கூறப்படும். 89 வய­தான நான்கு பிள்­ளை­களின் தாய் ஒருவர் மாத்­தறை அதி­வேக நெடுஞ்­சா­லையின் நில்­வலா நுழை­வா­யிலில் அநா­த­ர­வாக விட்டுச் செல்­லப்­பட்டார்.

கடந்த 19 ஆம் திகதி மாலை கடும் மழை பெய்த போது இந்த வயோ­திபத் தாய் சுமார் 200 மீட்டர் தூரம் கொட­கம பண்­டா­ராம மாவத்தை வரை நடந்து வந்­துள்ளார்.

அப்­போது பிர­தே­ச­வா­சிகள் பொலிஸ் அவ­சர இலக்­க­மான 119 க்கு தொடர்பு கொண்டு தெரி­வித்­ததை அடுத்து மாத்­தறை பொலிஸார் அந்த இடத்­துக்கு வந்து இந்த வயோ­திபத் தாயை பொறுப்­பேற்று மாத்­தறை வைத்­தி­ய­சா­லையில் சேர்ந்­துள்­ளனர்.

தமக்கு நான்கு பிள்­ளைகள் இருப்­ப­தா­கவும் கடந்த 19 ஆம் திகதி தனது மகளும் மரு­ம­கனும் தன்னை வாக­ன­ மொன்றில் ஏற்றி நெடுஞ்­சா­லையில் அநா­த­ர­வாக விட்டுச் சென்றதாகவும் அத்தாய் பொலிஸாரிடம் தெரிவித்துள்ளார்.

யாழ்ப்பாணத்தை சேர்ந்த யுவதி ஒருவருக்கு தாய்லாந்தில் இடம்பெறவுள்ள சர்வதேச மெய்வல்லுனர் விளையாட்டுப் போட்டிகளில் பங்குப்பற்ற வாய்ப்பு கிடைத்துள்ளது.

பெண்களுக்கான கோலூன்றிப் பாய்தலில் சாதனைப் படைத்த அனித்தா ஜெகதீஸ்வரனே குறித்த போட்டிக்கு தெரிவாகியுள்ளார் என்று தெரிவிக்கப்பட்டுள்ளது.

இந்த போட்டியில் கலந்துக் கொள்வதற்காக மேலும் இருவர் தெரிவாகியுள்ளனர். குறித்த மூவரும் முதல் தடவையாக சர்வதேச மெய்வல்லுநர் போட்டி ஒன்றில் கலந்துகொள்ள தெரிவாகியுள்ளனர். இவர்கள் மூவரும் வெளிநாடு செல்லவிருப்பதும் இதுவே முதல் தடவையாகும்.

தாய்லாந்தில் ஜூன் மாதம் 12ஆம் திகதி முதல் 15ஆம் திகதி வரை நடைபெறவுள்ள தாய்லாந்து பகிரங்க மெய்வல்லுநர் போட்டிகளில் இம் மூவருடன் மேலும் ஐவர் பங்குபற்றவுள்ளனர்.

தியகம மஹிந்த ராஜபக்ஷ விளையாட்டரங்கில் கடந்த மாதம் நடைபெற்ற கனிஷ்ட தேசிய மெய்வல்லுநர் போட்டிகளில் பெண்களுக்கான கோலூன்றிப் பாய்தலில் அனிதா, 3.45 மீற்றர் உயரம் பாய்ந்து இலங்கையில் சாதனையை நிலைநாட்டினார்.

சம்மட்டி எறிதல் வீராங்கனைகளான அயேஷா மதுவன்தி, பத்தம்ச ஆகியோரும் முதல் தடவையாக சர்வதேச ரீதியான போட்டிகளில் பங்குப்பற்றவுள்ளனர்.

இதேவேளை, காலிங்க குமாரகே, தனூக்க லியனபத்திரண (நீளம்­பாய்தல்), டி. எஸ். ரணசிங்க (ஈட்டி எறிதல்), விதூஷா லக்ஷானி (முப்பாய்ச்சல்), நிலானி ரத்நாயக்க (3,000 மீ. தடைதாண்டி ஓட்டம்) ஆகியோரும் தாய்லாந்து பகிரங்க மெய்வல்லுநர் போட்டிகளில் பங்குபற்றவுள்ளனர்.

ஹிக்கடுவ பிரதேச செயலகத்துக்கு அருகில் உள்ள அச்சகம் ஒன்றினுள் நுழைந்த மர்ம நபர்களால் மேற்கொள்ளப்பட்ட துப்பாக்கி பிரயோகத்தில் இருவர் உயிரிழந்துள்ளனர்.

மோட்டார் சைக்கிளில் வந்த இரு நபர்களே இந்த துப்பாக்கி சூட்டை மேற்கொண்டுள்ளனர். இச்சம்பவம் இன்று மாலை 4 மணியளவில் இடம்பெற்றுள்ளது.

சம்பவத்தில் காயமடைந்த நபர்கள் கராபிட்டிய வைத்தியசாலையில் அனுமதிக்கப்பட்டதன் பின்னர் உயிரிழந்துள்ளதாக பொலிஸார் தெரிவிக்கின்றனர்.

ஹிக்கடுவ குமாரகந்த பிரதேசத்தைச் சேர்ந்த 26 வயதுடைய துசார தனுந்தர, 34 வயதுடைய சுஜீத் ஹிமால் ஆகியோரே உயிரிழந்துள்ளனர்.

சம்பவம் தொடர்பில் பொலிஸார் விசாரணைகளை முன்னெடுத்துள்ளனர்.

பளை கச்சார்வெளியில் அதிவேக புகையிரதம் மோதி இரண்டு பிள்ளைகளின் தந்தை நேற்று உயிரிழந்துள்ளார்.

புகையிரத கடவையை மோட்டார் சைக்கிளில் கடக்க முற்பட்ட போதே குறித்த நபர் உயிரிழந்துள்ளதாக தெரிவிக்கப்படுகிறது. இந்த விபத்து தொடர்பில் பளை வைத்திய அதிகாரி சிவரூபன் தெரிவிக்கையில்,

புகையிரதத்தில் மோதி கொடிகாமம் பகுதியைச் சேர்ந்த கணபதிப்பிள்ளை முரளிதரன் எனும் 28 வயதான நபரே உயிரிழந்துள்ளார்.

இதன்போது, அவருக்கு தலையில் பலத்த காயம் ஏற்பட்டதால் சிகிச்சைகளுக்காக யாழ். போதனா வைத்தியசாலைக்கு அவசர சிகிச்சை வாகனத்தில் அனுப்பி வைக்கப்பட்டார்.

இந்த நிலையில் சிகிச்சை பலனின்றி உயிரிழந்துள்ளதாக அவர் தெரிவித்துள்ளமை குறிப்பிடத்தக்கது.