அவுஸ்திரேலியாவில் வாழும் இந்தியாவை பூர்வீகமாக கொண்ட ஜோடிக்கு பிரம்மாண்டமான முறையில் திருமணம் அரங்கேறியுள்ளது.

சிட்னியில் வசித்து வருபவர் Divya Dhingra. இவருக்கும் இந்தியாவில் நிதித்துறையில் வேலை பார்க்கும் Gurjab Sigh Kohli என்னும் நபருக்கும் நாடே திரும்பி பார்க்கும் வகையில் அவுஸ்திரேலியாவில் பிரம்மாண்டமாக திருமணம் நடைபெற்றது.

திருமண வரவேற்பு நிகழ்ச்சி நடந்த Rosehill கார்டனுக்கு ஹெலிகாப்டரில் வந்து இறங்கிய Divya மற்றும் Gurjab தம்பதிகளுக்கு வாண வேடிக்கைகளுடன் வரவேற்பு அளிக்கப்பட்டது.

அதே போல எல்லோரும் கேக்-ஐ சிறிய கத்தியால் தானே வெட்டுவார்கள். ஆனால் இந்த தம்பதி 2 மீற்றர் உயரத்தில் செய்யப்பட்ட பிரம்மாண்ட கேக்கை வாளை கொண்டு வெட்டினார்கள்.

திருமண பிரம்மாண்டம் இதோடு நிற்கவில்லை. பாலிவுட் சினிமா பாணியில் ஆடலும் பாடலும் நிகழ்ச்சிகள், பிரேசில் நடன கலைஞர்களின் நடனம் என கலை கட்டியது.

இந்தியாவின் டெல்லிக்கும், அவுஸ்திரேலியாவுக்கும் அடிக்கடி பறக்கும் இந்த தம்பதிகள் இதுவரை கடந்த 6 மாதத்தில் 5 முறை வித்தியாசமான முறையில் திருமண நிகழ்வை பிரம்மாண்டமாக நடத்தியுள்ளார்கள்.

இந்த வரவேற்பு நிகழ்ச்சிக்கு இந்தியா மற்றும் அவுஸ்திரேலியாவிலிருந்து 1500 விருந்தினர்கள் வந்திருந்தனர்.

இது குறித்து Divya கூறுகையில், திருமண வரவேற்பு நிகழ்வை சிறப்பாக நடத்த நாங்கள் கடுமையாக உழைத்தோம். எங்கள் உறவினர்கள் மற்றும் நண்பர்கள் எங்கள் மீது காட்டிய அன்பால் நாங்கள் மிகவும் நெகிழ்ந்து போயுள்ளோம் என அவர் கூறியுள்ளார்.

Divya அவுஸ்ரேலியாவில் வளர்ந்தாலும், இந்திய கலாச்சாரத்தை என்றும் மறந்ததில்லை. சீக்கிய மதத்தை சேர்ந்தவரான இவர், இந்திய கலாச்சாரத்தை பின்பற்றுவது எங்களுக்கு மிக முக்கியம் எனவும், எங்களின் அடுத்த சந்ததியினரும் இதை பின்பற்ற வேண்டும் என தாம் விரும்புவதாக கூறியுள்ளார்.

அவுஸ்திரேலியாவில் பெற்ற தாயே தனது மகளை விட 20-வயது மூத்த நபருக்கு திருமணம் செய்து வைப்பதற்கு சம்மதம் தெரிவித்த சம்பவம் அதிர்ச்சியை ஏற்படுத்தியுள்ளது.

அவுஸ்திரேலியாவின் மெல்போர்னில் உள்ள மசூதி ஒன்றில் கடந்த ஆண்டு செப்டம்பர் மாதம் 29-ஆம் திகதி திருமணம் ஒன்று நடந்துள்ளது.

அதில் திருமணப் பெண்ணாக 14-வயது சிறுமியும், அச்சிறுமியை திருமணம் செய்துகொள்பவர் சிறுமியை விட 20-வயது மூத்தவர் என்பதும் தெரியவந்துள்ளது.

இத்திருமணத்தை அந்த மசூதியில் உள்ள Imam Ibrahim Omerdic(62) என்பவர் நடத்தி வைத்துள்ளார். இந்த திருமணம் அச்சிறுமியின் தாயின் சம்மதத்துடனே நடைபெற்றுள்ளது.

திருமணம் செய்தவர் அச்சிறுமியின் தாயிக்கு $1,480 மதிப்பிலான தங்க நெக்லஸ் கொடுத்துள்ளனர். இத்தகவல் பொலிசாருக்கு தெரியவர உடனடியாக, சிறுமிக்கு திருமணம் செய்து வைத்த குற்றத்திற்காக Imam Ibrahim Omerdic-ன் மீது வழக்கு பதிவு செய்து விசாரணை மேற்கொண்டு வந்தனர்.

அதன் பின் இது தொடர்பான விசாரணை நீதிமன்றத்திற்கு சென்றது. நீதிமன்றத்தில் ஆதரமாக Imam Ibrahim Omerdic செய்துவைத்த திருமண வீடியோ ஒப்படைக்கப்பட்டது.

இதனால் இவர் கடந்த நவம்பர் மாதம் பொலிசாரால் கைது செய்யப்பட்டு, சிறையில் அடைக்கப்பட்டார். தற்போது அந்த வீடியோவை பொலிசார் வெளியிட்டுள்ளனர்

கனடாவின் ரிச்மாண்ட் நகரில் மீன்பிடி துறைமுகம் ஒன்று உள்ளது, அங்கிருந்த நீரில் கடல் சிங்கம் ஒன்று நீந்தி கொண்டிருந்தது.

இதை அருகிலிருந்து பார்வையாளர்கள் ரசித்து கொண்டிருந்தனர், சிலர் கடல் சிங்கத்திற்கு உணவுகளை தூக்கி போட்டபடி இருந்தனர்.

அப்போது, திடீரென துறைமுக விளிம்பில் அமர்ந்திருந்த ஒரு சிறுமியின் பின்புறம் ஆடையை பிடித்து கடல் சிங்கம் நீருக்குள் இழுத்தது.

இதையடுத்து அருகிலிருந்த ஒரு நபர் உடனடியாக நீருக்குள் குதித்து சிறுமியை காப்பாற்றினார்.

இந்த சம்பவத்தில் சிறுமிக்கு காயம் ஏற்படவில்லை, இதை அங்கிருந்த ஒருவர் வீடியோவாக எடுத்து இணையத்தில் பதிவேற்றியுள்ளார்.

இது குறித்து கடல் பாலூட்டி ஆராய்ச்சி பிரிவின் தலைவர் அண்ட்ரு டிரிட்டஸ் கூறுகையில், அந்த வீடியோவை நான் பார்த்தேன். அதில், கடல் சிங்கம் மேல் எந்த தவறுமில்லை.

அதை சுற்றி நின்றிருந்தவர்கள் செய்த தவறால் தான் இது நடந்துள்ளது, அந்த கடல் சிங்கத்துக்கு அங்கிருந்தவர்கள் உணவு அளித்துள்ளார்கள்.

இதையடுத்து அந்த சிறுமியின் உடையை கண்ட அந்த கடல் சிங்கம் அதை உணவு என நினைத்து உள்ளே இழுத்துள்ளது என அவர் கூறியுள்ளார்.