பகிடிவதை வழங்கிய சம்பவம் தொடர்பாக பேராதனை பல்கலைக்கழகத்தின் 15 மாணவர்கள் பொலிஸாரால் கைது செய்யப்பட்டுள்ளனர். ​

​இன்று அதிகாலை 01 மணியளவில் குறித்த சந்தேகத்திற்குரிய மாணவர்கள் கைது செய்யப்பட்டதாக பொலிஸார் தெரிவித்தனர். ​
​
பேராதனை – கலஹா வீதியில் உள்ள வீடொன்றில் வைத்து விவசாய பீடத்தின் முதலாம் ஆண்டு மாணவர்கள் 8 பேருக்கு, இரண்டாம் ஆண்டு மாணவர்கள் சிலர் பகிடிவதை வழங்குவதாக பல்கலைக்கழக ஒழுக்காற்று மேற்பார்வையாளருக்கு தகவல் வழங்கப்பட்டுள்ளது. ​
​
இதன்படி, அவர் பேராதனை பொலிஸாருக்கு அறிவித்ததை அடுத்து பொலிஸ் அதிகாரிகள் குழுவொன்று சம்பவம் இடம்பெற்ற வீட்டை சுற்றிவளைத்து மாணவர்களை கைது செய்துள்ளனர்.
​
பகிடிவதைக்கு உட்படுத்தப்பட்ட மாணவர்கள் மருத்துவமனையில் அனுமதிக்கப்பட்டு அவர்களுக்கு மருத்துவ பரிசோதனைகள் மேற்கொள்ளப்பட்டு அறிக்கைகள் பெறப்பட்டுள்ளன.
​
சந்தேககத்திற்குரிய மாணவர்கள் நீதிமன்றத்தில் முன்னிலைப்படுத்தப்படவுள்ள நிலையில், பேராதனை பொலிஸார் மேலதிக விசாரணைகளை முன்னெடுத்து வருகின்றனர்.
​

யாழ்.பல்கலைக்கழக முகாமைத்துவ பீடத்தில் கல்வி பயிலும் மாணவர்களிடையே ஏற்பட்ட மோதலில் 4 பேர் படுகாயமடைந்த நிலையில் யாழ்.போதனா வைத்தியசாலையில் அனுமதிக்கப்பட்டுள்ளனர். இந்த தாக்குதல் சம்பவத்தில் தொடர்புடைய 6 பேரையும் கோப்பாய் பொலிஸார் கைது செய்துள்ளனர்.

யாழ். பல்கலைக்கழக முகாமைத்துவ பீடத்தில் 3ஆம் வருடத்தில் கல்வி பயிலும் சிங்கள மாணவர்கள் சிலர் வெளியில் தங்கி தமது கல்வியை தொடர்ந்து வருகின்றார்கள்.

இவ்வாறு வெளியில் தங்கியுள்ள மாணவர்களை தாம் தங்கியுள்ள விடுதிக்கு வந்து தங்குமாறு ஏனைய மாணவர்கள் அழைத்துள்ளனர். எனினும் விடுதிக்கு செல்ல மறுத்துள்ளதுடன் நேற்று பல்கலைக்கழக மைதானத்தில் தாக்குதலிலும் ஈடுபட்டுள்ளனர்.

இந்த தக்குதலின் போது, படுகாயமடைந்த மாணவர்கள் கோப்பாய் பொலிஸ் நிலையத்தில் முறைப்பாடு ஒன்றை பதிவு செய்துள்ளனர்.
முறைப்பாட்டின் பிரகாரம் மாணவர்களை விசாரணைக்கு வருமாறு இன்று (19) பொலிஸார் அழைத்துள்ளனர்.

குறித்த மாணவர்கள் ஏனைய மாணவர்கள் தங்கியிருந்த நோர்தேன் சென்ரருக்கு முன்பாக இருந்த வீட்டில் தங்கியிருந்த 8 மாணவர்கள் மீது தாக்குதல் மேற்கொண்டுள்ளனர்.

தாக்குதலில் 4 மாணவர்கள் காயமடைந்துள்ளனர். இத்தாக்குதலில் படுகாயமடைந்த மாணவன் ஒருவர் அதி தீவிர சிகிச்சைப் பிரிவில் அனுமதிக்கப்பட்டுள்ளார்.

மேலும், 6 பேரை நேற்று கோப்பாய் பொலிஸார் கைதுசெய்துள்ளதுடன், மாணவர்களிடம் விசாரணை மேற்கொண்டு வருகின்றார்கள்.

இதேவேளை, விசாரணையின் பின்னர் நீதிமன்றில் ஆஜர்ப்படுத்துவதற்கான நடவடிக்கையினை மேற்கொண்டு வருவதாகவும் கோப்பாய் பொலிஸார் கூறியுள்ளனர்.

கல்விப்பொதுத் தராதர (உயர் தர) பரீட்சைகள் 2017 ஆம் ஆண்டு ஆகஸ்ட் மாதம் 08ம் திகதி தொடக்கம் செப்டெம்பர் 02ம் திகதி வரை நடைபெறவுள்ளது.

ஞாயிறு தினங்கள் மற்றும் அரச விடுமுறை தினங்கள் தவிர ஏனைய நாட்களில் வழமையான பரீட்சைகள் நடைபெறும் பரீட்சைத் திணைக்களம் அறிவித்துள்ளது.

இதன்படி செயன்முறை பரீட்சைகள் 2017 ஆம் ஆண்டு ஒக்டோபர் மாதம் 20 ஆம் திகதி தொடக்கம் நவம்பர் 05ம் திகதி வரை நடைபெறும் என தெரிவிக்கப்பட்டுள்ளது.

இந்தநிலையில், 5ம் தர புலமைப் பரிசில் பரீட்சை ஆகஸ்ட் 20ம் திகதி ஞாயிற்றுக்கிழமை இடம்பெறும்.

பொது தொழினுட்ப பரீட்சை 2017 ஓக்டோபர் 15 ஆம் திகதி ஞாயிற்றுக்கிழமை நடைபெறவுள்ளது.

கல்விப்பொதுத் தராதர (சாதாரண தர) பரீட்சைகள் 2017 டிசம்பர் 12 ஆம் திகதி தொடக்கம் டிசம்பர் 21 ஆம் திகதி வரை இடம்பெறவுள்ள நிலையில், ஞாயிறு மற்றும் அரச விடுமுறை தினங்கள் தவிர்க்கப்படும்.

சாதாரண தரப் பரீட்சையின் செயன்முறை பரீட்சைகள் 2018 பெப்ரவரி 27 ஆம் திகதி தொடக்கம் மார்ச் 9 ஆம் திகதிவரை, ஞாயிறு மற்றும் அரச விடுமுறை தினங்கள் தவிர்த்து நடத்தப்படும் என பரீட்சைத் திணைக்களம் அறிவித்துள்ளது.

முகநூல் ஊடாக அறிமுகமானவர்களுக்கு தனிப்பட்ட விபரங்களை வழங்க வேண்டாம் என பொலிஸார் கோரியுள்ளனர். முகநூல் ஊடாக நட்புறவை ஏற்படுத்தி மோசடியான முறையில் பணம் பெற்றுக் கொள்ளும் நடவடிக்கைகள் தொடர்பில் அதிகளவில் முறைப்பாடுகள் பதிவாகின்றன என தெரிவித்துள்ளனர்.

இவ்வாறு பணம் மோசடி செய்த 10 நைஜீரிய பிரஜைகளை பொலிஸார் கைது செய்துள்னளர்.

தனிப்பட்ட தகவல்களை பெற்றுக் கொண்டு வங்கிகளின் ஊடாக மோசடி செய்யப்படுவதாக தெரிவிக்கப்படுகிறது.

நைஜீரிய பிரஜைகள் சுற்றுலா வீசாக்களின் மூலம் இலங்கைக்குள் பிரவேசித்து முகநூல் ஊடாக மோசடிகளில் ஈடுபட்டு வருவதாகத் தெரிவிக்கப்படுகிறது.

வர்த்தக நடவடிக்கைகளை ஆரம்பிப்பதாகக் கூறி இவ்வாறு பணம் மோசடி செய்யப்படுவதாகத் தெரிவிக்கப்படுகிறது.

பெருந்தொகைப் பணம் இவ்வாறு மோசடி செய்யப்பட்டுள்ளதாகத் தெரிவிக்கப்படுகிறது

லண்டன் விமான நிலையத்தில் வைத்து இலங்கையர் ஒருவர் கைது செய்யப்பட்டுள்ளதாக அந்நாட்டு ஊடகம் ஒன்று தகவல் வெளியிட்டுள்ளது.

இசைக்கலைஞர் தசன் மதுஷான் (Dasun Madushan) என்ற இளைஞரே இவ்வாறு கைது செய்யப்பட்டுள்ளார்.

பொதிகள் ஊடாக இரண்டு கிலோகிராம் கொக்கைனை கடத்த முற்பட்ட குற்றச்சாட்டின் அடிப்படையில் அவர் கைது செய்யப்பட்டுள்ளது.

லண்டன் ஹித்ரோ விமான நிலையத்தில் வைத்து நேற்றைய தினம் கைது செய்யப்பட்டதாக அதிகாரி ஒருவர் கூறியுள்ளார்.

கைது செய்யப்பட்ட இலங்கையரிடம் லண்டன் பொலிஸார் விசாரணைகளை மேற்கொண்டு வருகின்றனர் அந்த ஊடகம் மேலும் தெரிவித்துள்ளது.

எனினும் தான் கைது செய்யப்பட்டதாக வெளியான செய்திகளில் உண்மையில்லை என பாடகர் மறுத்துள்ளார். தனது பேஸ்புக் பக்கத்தில் தனது அதிருப்பதியை அவர் வெளியிட்டுள்ளார்.

“இது சிறந்த நகைச்சுவையாக உள்ளது” தசன் மதுஷான் தனது பேஸ்புக் பக்கத்தில் மேலும் குறிப்பிட்டுள்ளார்.

குவைத்தில் ஆறு இலங்­கை­யர்­க­ளுக்கு மரண தண்­டனை விதிக்­கப்­பட்­டுள்­ள­தாக குவைத்­திற்­கான இலங்கைத் தூதுவர் நந்­தீபன் பால­சுப்­ர­ம­ணியம் தெரி­வித்­துள்ளார்.இவ்­வாறு மரண தண்­டனை விதிக்­கப்­பட்ட ஆறு­பேரும் போதைப்­பொருள் மற்றும் கொலைக் குற்­றச்­சாட்­டு­க­ளுடன் தொடர்­பு­பட்­ட­வர்கள் என்றும் அவர் தெரி­வித்தார்.

கொலைக்­குற்றம் சாட்­டப்­பட்­ட­வர்கள், கொலை செய்­யப்­பட்­ட­வர்­களின் உற­வி­னர்கள் நஷ்­ட­ஈட்டைப் பெற்­றுக் ­கொள்­வ­தற்கு சம்­ம­தித்தால் மர­ண­தண்­ட­னை­யி­லி­ருந்து விடு­பட முடியும். ஆனால் போதைப்­பொருள் குற்­றச்­சாட்­டின்­பேரில் மர­ண­தண்­டனை விதிக்­கப்­பட்­ட­வர்­க­ளுக்கு அவ்­வாறு மரண தண்­ட­னை­யி­லி­ருந்து விலக்­க­ளிக்க முடி­யாது.

இதற்கு முன்னர் இலங்­கையைச் சேர்ந்த ஒருவர் கொலைக் குற்­றத்­திற்­காக மர­ண­தண்­டனை விதித்து தீர்ப்­ப­ளிக்­கப்­பட்டார். அவர் இலங்கை தூத­ர­கத்தின் உத­வி­யுடன் நட்ட ஈட்டை வழங்கி தண்­ட­னை­யி­லி­ருந்து விடு­பட்டார்.

எவ்­வா­றெ­னினும் குவைத் அர­சாங்கம் 2013ஆம் ஆண்டு தொடக்கம் 2016ஆம் ஆண்டு வரை தற்­கா­லி­க­மாக மர­ண­தண்­ட­னையை நிறுத்­தி­வைத்­தி­ருந்­தது. ஆனால் இந்த வருடம் தொடக்கம் மீண்டும் மர­ண­தண்­ட­னையை நிறை­வேற்றி வரு­கி­றது. அந்த வகையில் இந்த வரு­டத்தில் குவைத் அரச குடும்­பத்தில் ஏழுபேருக்கு மரண தண்டனை நிறைவேற்றப்பட்டது என்றும் தூதுவர் சுட்டிக்காட்டினார். சிங்கள வாரநாளேடொன்று இச் செய்தியை வெளியிட்டுள்ளது

பருத்தித்துறையில் இடம்பெற்ற வாகன விபத்தில் உயிரிழந்த இளைஞர் மிகச்சிறந்த ஒளிப்பதிவுத் தொழில் நுட்ப வல்லுனர் என தெரியவந்துள்ளது.

யாழ். நகரைச் சேர்ந்த செல்லக்கணபதிப்பிள்ளை சஞ்ஜீவ் என்ற 23 வயதுடைய இளைஞர் உயிரிழந்தார்.

மூன்று மாதங்களுக்கு முன், சஞ்சீவ் தன் ‘‘Drone Camera’’ மூலம் ‘ஒரு பறவையின் பார்வையில்’ என்ற தலைப்பில் யாழ். மண்ணின் அழகைப் படம்பிடித்து இருந்தமை குறிப்பிடத்தக்கது.

குறித்த இளைஞர் வந்த மோட்டார் சைக்கிள் வேகக் கட்டுப்பாட்டை இழந்து எதிரே வந்த சிறிய ரக உழவு இயந்திரத்துடன் மோதியதிலேயே இவ் விபத்து இடம்பெற்றுள்ளது. நேற்று பிற்பகல் 3 மணியளவில் பருத்தித்துறை வீதி, குஞ்சர் கடைப் பகுதியில் இந்த விபத்து இடம்பெற்றுள்ளது.

அத்துடன் குறித்த விபத்துக்கு அதி வேகமே காரணம் என்றும், உழவு இயந்திர சாரதி படுகாயமடைந்ததுடன் மேலதிக சிகிச்சைக்காக யாழ் போதனா வைத்திய சாலையில் அனுமதிக்கப்பட்டுள்ளதாகவும் பொலிஸார் தெரிவித்துள்ளார்.