யாழ்ப்பாணம் பல்கலைக்கழகத்திற்கு தெரிவான மாணவி ஒருவர் தற்கொலை செய்து கொண்டதாக அறிவிக்கப்படுகிறது.

யாழ்ப்பாணம், நாயன்மார்கட்டு பிரதேசத்தை சேர்ந்த ரவீந்திரராஜா திவ்யா எனும் 21 வயதான யுவதியே தூக்கிட்டு தற்கொலை செய்துள்ளார்.

நேற்றுக் காலை தாயார் இவரது அறையினை திறந்த போது இவர் மின்விசிறியில் தூக்கிட்டு தற்கொலை செய்த நிலையில் காணப்பட்டுள்ளார்.

இதனையடுத்து உடனடியாக அவரை வைத்தியசாலையில் சேர்த்த போதும் அவர் முன்பே இறந்து விட்டதாக யாழ்.போதனா வைத்தியசாலையில் தெரிவிக்கப்பட்டுள்ளது.

அத்துடன் இவரது மரண விசாரணையை யாழ்.போதனா வைத்தியசாலையின் திடீர் மரண விசாரணை அதிகாரி நமசிவாயம் பிரேம்குமார் மேற்கொண்டிருந்தார்.

நீல திமிங்கலம் தொடர்பில் ஆராய்ந்த இலங்கை பெண் ஒருவர் முழு உலகத்தின் அவதானத்திற்கு உட்பட்டுள்ளார்.

கடல் வாழ் உயிரினங்களில் நீல திமிங்கலங்கள் முக்கிய உயிரினமாக கருதப்படுகின்றது. எனினும் நீல திமிங்கலம் தொடர்பில் மக்கள் மற்றும் அதிகாரிகள் உரிய அக்கறை செலுத்தாத நிலை ஒன்று ஏற்பட்டுள்ளது.

எப்படியிருப்பினும் இந்த நீல திமிங்கலங்களின் பாதுகாப்பு தொடர்பில் அவதானம் செலுத்தும் பெண் ஒருவர் தொடர்பில் இணையத்தளங்களில் அதிகம் பேசப்பட்டு வருகின்றது.

அவரது பெயர் பேராசிரியர் ஆஷா டீ வோஸ் என தெரிவிக்கப்படுகின்றது. கடல் உயிரியல் விஞ்ஞானியாக செயற்படும் அவர் திமிங்கலங்கள் தொடர்பில் மேற்கொள்ளும் அர்ப்பணிப்பின் காரணமாகவே உலகின் பெயர் ஒன்றை பெற்றுக் கொண்டுள்ளார். அவர் இலங்கையை சேர்ந்தவர் என்பது சிறப்பம்சமாகும்.

அவர் சிறிய வயது முதல் நீல திமிங்கலங்கள் தொடர்பில் அக்கறை செலுத்திய பெண்ணாகும். பெற்றோருடன் கடலுக்கு செல்லும் சந்தர்ப்பங்களிலும், கடலில் உள்ள பெரிய மற்றும் சிறிய உயிரினங்கள் தொடர்பில் அதிக அவதானம் செலுத்தி வந்துள்ளார்.

தனது ஆர்வம் அதிகமாகியதனை தொடர்ந்து கடல் விஞ்ஞானம் கற்கைளை மேற்கொள்ள ஆயத்தமாகியுள்ளார். எனினும் இலங்கையில் அந்த கற்கை நெறிகள் இல்லாமையினால், அவர் இங்கிலாந்தின் செயிண்ட் ஆண்ட்ரூ பல்கலைக்கழகத்தில் கடல் விஞ்ஞானம் தொடர்பிலான BSC பட்டம் ஒன்றை பெற்றுள்ளார். அதன் பின்னர் அவர் அவுஸ்திரேலியாவின் வெஸ்டர்ன் பல்கலைக்கழகத்தில் MBA பட்டமும், ஒக்ஸ்போர்ட் பல்லைக்கழகத்தில் பேராசிரியர் பட்டமும் பெற்றுக் கொண்டுள்ளார்.

Who Am I என இணையத்தளத்தில் அவர் வெளியிட்ட கடிதத்தினால் உலகின் அவதானம் அவர் மீது செலுத்தப்பட்டுள்ளது. அதன் பின்னர் அவர் நீல திமிங்கலங்கள் தொடர்பில் சிறப்பான நடவடிக்கைகளை மேற்கொள்ளும் பெண்ணாக மாறியுள்ளார். அவர் இலங்கையில் மாத்திரமின்றி உலகம் முழுவதும் நீல திமிங்கலங்கள் தொடர்பில் செயற்படும் பெண்ணாகியுள்ளார்.

 
இன்று (20.02.2017) 1.45 மணியளவில் பால் கொள்வனவு செய்யும் நெஸ்லே வாகனம் ஒன்று வீதியை விட்டு விலகி தடம்புரண்டு விபத்து இடம்பெற்ற சம்பவம் ஒன்று இடம்பெற்றுள்ளது. இச் சம்பவம் பற்றி மேலும் தெரியவருவதாவது..

கனகராயன்குளத்திலிருந்து மல்லாவிக்கு பால் கொள்வனவு செய்வதற்காக சென்று கொண்டிருந்த பால் வாகனம் மாங்குள சந்திக்கு முன்பு A9 பிரதான வீதியில் ஒரு கிலோமீட்டர் தொலைவில் வீதியை விட்டு விலகி வீதியின் மறுபக்கத்திற்கு சென்று தடம்புரண்டுள்ளது. வாகன சாரதி சிறு காயங்களுடன் உயிர் தப்பியுள்ளார்.

நித்திரை தூக்கம் காரணமாகவே இவ் விபத்து சம்பவம் இடம்பெற்றுள்ளதாக தெரியவருகின்றது. மேலதிக விசாரணைகளை மாங்குளம் பொலிசார் மேற்கொண்டு வருகின்றனர்.

புலம் பெயர்ந்து வாழும் ஈழத் தமிழர்கள் தாங்கள் வாழும் நாடுகளின் அரசியலில் செல்வாக்கு செலுத்தும் ஆளுமைகளாக மாறி வருகின்றனர்.

உலகெங்கிலும் அவர்களின் பிரதிநிதித்துவம் பாராளுமன்றம் வரை இடம்பெற்றுள்ளது. அந்த வகையில் சுவிஸில் எதிர்வரும் மார்ச் 12ம் திகதி சொலத்தூர்ன் மாநில தேர்தல் இடம்பெறவுள்ளது.

இந்த தேர்தலில் சோஷலிச ஜனநாயக கட்சியின் சார்பில் சொலத்தூர்ன் மாநில OLTEN-GÖSGEN தொகுதியில் தொழிலதிபர் ஸ்ரீஸ்கந்தராஜா இராசமாணிக்கம் போட்டியிடுகிறார்.

ஈழத் தமிழர்களுக்காகவும், புலம் பெயர்ந்து வாழும் ஏனைய வெளிநாட்டினருக்காகவும் நீண்ட காலமாக சோஷலிச ஜன நாயக கட்சியுடன் இணைந்து ஸ்ரீஸ்கந்தராஜா இராசமாணிக்கம் குரல் கொடுத்து வருகிறார்.

ஸ்ரீஸ்கந்தராஜா ஈழத்தமிழர்கள் சார்பில் அரசியலில் ஈடுபடும் அனைவரும் அறிந்த, அதே நேரம் சுவிஸ் அரசியலில் ஈடுபடும் இளைய தலைமுறையினருக்கு தன்னாலான அனைத்து உதவிகளையும் செய்து வருவர் என்பது சுட்டிக்காட்டத்தக்கதாகும்.

இவரின் அரசியல் பிரவேசத்தின் குறிக்கோள் புலம் பெயர்ந்த வெளிநாட்டு மக்களின் கல்வி, பொருளாதாரம், பாதுகாப்பு, காலை கலாசார மேம்பாட்டுக்காக அர்ப்பணிப்புடன் செயல்படல்.

அடுத்த தலைமுறை அரசியலில் பிரவேசிக்க நாம் அதற்கான அடித்தளத்தை இடவேண்டும் இதுவே தனது முக்கிய குறிக்கோள் என்ற கருத்தை அவர் பல இடங்களில் பதிவு செய்துள்ளார்.

அதற்கேற்ப வெளிநாட்டினர் பிரஜாவுரிமை பெற்றிருந்தாலும் குற்றங்கள் புரிந்திருப்பின் அவர்களை நாடு கடத்தவேண்டும் என்று கொண்டுவரப்பட்ட சட்டத்தை சோஷலிச ஜனநாயக கட்சியின் சார்பில் கடுமையாக எதிர்த்து பிரசாரம் செய்தமையும், அந்த சட்டத்தை சுவிஸ் மக்கள் ஆதரிக்காமையால் வர இருந்த ஆபத்து தடுக்கப்பட்டததையும் சுட்டிக்காட்டலாம்.

அத்தோடு அண்மையில் கொண்டுவரப்பட்ட வெளிநாட்டினருக்கு பிறக்கும் குழந்தைகள், அதாவது அடுத்த தலைமுறையினர் சுவிஸில் பிறந்தால் அவர்களுக்கு சுவிஸ் பிரஜாவுரிமை கிடைக்கவேண்டும்.

சோஷலிச ஜனநாயக கட்சியின் கோரிக்கை வெற்றிபெற்றதும் அதிலும் ஸ்ரீஸ்கந்தராஜா முனைப்புடன் செயல்பட்டார் என்பதையும் குறிப்பிடலாம்.

எனவே சொலத்தூர்ன் மாநிலத்தில் OLTEN-GÖSGEN தொகுதியில் போட்டியிடும் ஸ்ரீஸ்கந்தராஜா இராசமாணிக்கம் அவர்கள் வெற்றிபெற வாக்களிப்போம்.

வெளிநாட்டு பிரஜாவுரிமை பெற்ற சுவிஸ் பிரஜைகளுக்காக அல்லது அகதிகளுக்காக குரல் கொடுக்கும் சோஷலிச ஜனநாயக கட்சியில் அனைவரிடமும் நன்மதிப்பை பெற்ற, நம் தமிழ் உறவான இவரின் முயற்சிக்கு துணை நிப்போம்.

சொலத்தூர்ன் மாநிலத்தில் வசிக்கும் தாய்த்தமிழ் உறவுகள் உங்கள் நண்பர்கள் மற்றும் அயலவர்களிடம் இந்த செய்தியை கொண்டு சென்று அவரின் வெற்றிக்கு வழிவகை செய்வோம்.

ஒருவர் இரண்டு வாக்குகள் அளிக்கலாம் என்பதும் குறிப்பிடத்தக்க விடயமாகும். சோஷலிச ஜனநாயக கட்சி-SP LISTE-3 க்கு வாக்களித்து தமிழர் பிரதிநிதித்துவத்தை உறுதிப்படுத்துவோம்.

தாயிடமிருந்து குழந்தைக்கு எச்.ஐ.வி. எய்ட்ஸ் வைரஸ் பரவுவதை தடுக்கும் நாடு என்ற வகையில் இலங்கைக்கு சான்றிதழ் ஒன்று கிடைக்கவுள்ளது.

இந்த வருட இறுதிக்குள் உலக சுகாதார அமைப்பிடமிருந்து இந்த சான்றிதழ் கிடைக்கவுள்ளதாக தேசிய பாலியல் நோய் மற்றும் எய்ட்ஸ் தடுப்பு அமைப்பு இந்த தகவலை வெளியிட்டுள்ளது.

இது குறித்து அந்த அமைப்பின் பணிப்பாளர், வைத்தியர் சிசிர லியனகே கருத்து தெரிவிக்கையில், 2016ஆம் ஆண்டு இறுதிக்குள் தாய்மார்களில் 95 சதவீதமானர்வள் எயிட்ஸ் பரிசோதனைக்கு உட்படுத்தப்பட்டுள்ளனர்.

இதேவேளை, கியுபா மற்றும் தாய்லாந்து ஆகிய நாடுகள் தாயிடமிருந்து குழந்தைக்கு எய்ட்ஸ் பரவுவதை தடுத்த நாடுகள் என உலக சுகாதார அமைப்பு பெயரிட்டுள்ளமை குறிப்பிடத்தக்கது.