சிறிய பெண் பிள்ளைகளின் புகைப்படத்தை பயன்படுத்தி தயாரிக்கப்பட்ட சர்ச்சைக்குரிய பேஸ்புக் பக்கத்தை முடக்குவதற்கு நடவடிக்கை மேற்கொண்டுள்ளதாக கணனி அவசர பிரிவு தெரிவித்துள்ளது.

அந்த பேஸ்புக் பக்கம் தொடர்பில் பல முறைப்பாடுகள் கிடைத்துள்ளது. அந்த பக்கத்தை அதிகமாக பார்வையிட வேண்டும் என்பதற்காக, அதன் உரிமையாளர் பாலியல் கவர்ச்சியை ஏற்படுத்தும் வகையில் சிறுமிகளின் புகைப்படத்தை பயன்படுத்தியுள்ளதாக தகவல் கிடைத்துள்ளதென கணனி அவசர பிரிவின் பொறியியலாளர் ரொஷான் சந்திரகுப்தா தெரிவித்துள்ளார்.

பேஸ்புக் பயன்பாட்டாளர்கள் விரும்பியதனை போன்று புகைப்படம் பதிவிடுவதற்கும், அவ்வாறான பக்கங்களை தயாரித்து நடத்தி செல்வதற்கும் உள்ள சுதந்திரம் காரணமாக இவ்வாறான பிரச்சினை ஏற்படும் என அவர் மேலும் சுட்டிக்காட்டியுள்ளார்.

தங்கள் புகைப்படங்களை நண்பர்கள் மாத்திரம் பார்க்கும் வகையில் உள்ள பேஸ்புக் பாதுகாப்பு முறையை பயன்படுத்துவதன் ஊடாக இவ்வாறு புகைப்படம் திருடப்படுவதனை தடுக்க முடியும் எனவும், புகைப்படங்களை வேறு செயற்பாட்டிற்காக பயன்படுத்தப்படுவதனை தடுத்துக் கொள்ள முடியும் என அந்த பிரிவு நினைவுப்படுத்தியுள்ளது.

2015ம் ஆண்டு முதல் தனது மகளை துஷ்பிரயோகத்திற்கு உட்படுத்திய தந்தை ஒருவரை கைது செய்துள்ளதாக கொடிகாமம் பொலிஸார் தெரிவித்துள்ளனர். யாழ். கொடிகாமம் தவசிக்குளம் பகுதியில் இந்த சம்பவம் இடம்பெற்றுள்ளது.

பொலிஸ் நிலையத்தில் பதிவு செய்யப்பட்ட முறைப்பாட்டுக்கு அமைவாக சந்தேகநபரை கைது செய்துள்ளதாக பொலிஸார் குறிப்பிட்டுள்ளனர்.

சிறுமியின் தாயார் கணவரை விட்டு பிரிந்து வாழ்ந்து வரும் நிலையில், குறித்த சிறுமி தந்தையுடனும், உறவினர்களுடனும் வசித்து வந்துள்ளதாக தெரிவிக்கப்படுகின்றது.

இந்நிலையில், குறித்த சிறுமி கல்வி நடவடிக்கைகளுக்காக அண்மையில் பெண்கள் விடுதியில் சேர்க்கப்பட்ட நிலையில், தனக்கு நடந்த கொடுமைகளை விடுதியில் உள்ளவர்களிடம் தெரிவித்துள்ளனர்.

இதனையடுத்து, விடுதி பொறுப்பாளரால் இந்த விடயம் தொடர்பில் கொடிகாமம் பொலிஸ் நிலையத்தில் பதிவு செய்யப்பட்ட முறைப்பாட்டுக்கு அமைவாக சந்தேகநபரை பொலிஸார் கைது செய்துள்ளனர்.

 
நிந்­தவூர் அல் -­ அஷ்ரக் தேசியப் பாட­சாலை மாண­வ­னான ஆதம்­பாவா முஹம்­மது அல்-­அஸீம், பாவ­னைக்கு உத­வாத முச்­சக்­கர வண்டி ஒன்றின் இயந்­தி­ர­மொன்றை கொள்­வ­னவு செய்து, தனது தொழி­ல்நுட்ப திறனை பயன்­டுத்தி அம்பியூலன்ஸ் வாகனம் ஒன்றை தயா­ரித்­துள்ளார்.

தரம் 13 பொறி­யியல் முறைமை தொழி­ல்நுட்­ப­வியல் பிரிவில் கல்வி கற்கும் ஆதம்­பாவா முஹம்­மது அல்-­அஸீமின் செயற்­பாட்டை பாட­சாலை சமூ­கத்­தினர் பாராட்­டி­யுள்­ளனர்.

அவ­ருக்­கான பாராட்டு வைபவம் கடந்த திங்­கட்­கி­ழமை நடை­பெற்­றது. இதில் அல் – அஷ்ரக் தேசியப் பாட­சாலை அதிபர் மற்றும் பிர­தேச கல்வி அதிகாரிகள் கலந்து கொண்டு இம்மாணவனை பாராட்டினர்.

நாடளாவிய ரீதியில் அதிக டெங்கு நோயாளர்கள் பதிவாகியுள்ள இரண்டாவது மாவட்டமாக யாழ்ப்பாணம் காணப்படுகின்றது. யாழ். மாவட்டத்தில் கடந்த 16 நாட்களில் 291 பேர் டெங்கு காய்ச்சலால் பாதிக்கப்பட்டுள்ளனர்.

உடுவில், சாவகச்சேரி மற்றும் யாழ். மாநகர சபைக்குட்பட்ட பகுதிகளிலேயே அதிகமான டெங்கு நோயாளர்கள் பதிவாகியுள்ளதாக யாழ். மாவட்ட பிராந்திய சுகாதார சேவைகள் பணிப்பாளர் டொக்டர் கனகராஜா நந்தகுமாரன் குறிப்பிட்டார்.

டெங்கு நோயினால் பாதிக்கப்பட்டவர்கள் யாழ். மாவட்டத்தில் உள்ள பல வைத்தியசாலைகளில் சிகிச்சை பெற்று வருகின்றனர். டெங்கு காய்ச்சாலால் யாழ். மாவட்டத்தில் கடந்த வருடம் மூவர் உயிரிழந்திருந்தமை குறிப்பிடத்தக்கது.

ஆங்கிலேய ஆட்சியில் அடிமைப்பட்டுக் கிடந்தவர்களை தனது புரட்சிகரமான கவிதைகளால் தட்டி எழுப்பியவர் மகாகவி சுப்பிரமணிய பாரதியார்.

தனது தனிச்சிறப்பு வாய்ந்த கட்டுரைகளால் மக்களிடையே விடுதலை வேட்கையைத் தூண்டிய பாரதியாரின் 98 ஆண்டுகால பழமையான புகைப்படம் ஒன்று தற்போது கிடைத்துள்ளது.

புதுடெல்லியில் கிடைத்த இந்த புகைப்படத்தை சென்னை பல்கலைக்கழகத்தில் தமிழ்த்துறையின் பேராசிரியர் மணிகண்டன் நேற்று (16) சென்னையில் நடந்த ஒரு விழாவில் வெளியிட்டுள்ளார்.

முன்னாள் மதராஸ் மாகாணத்தின் விக்டோரியா ஹாலில் 2-3-1919 அன்று நடந்த கருத்தரங்கில் பாரதியார் பேச வந்தபோது இந்த புகைப்படம் எடுக்கப்பட்டுள்ளது.

தலையில் முண்டாசு கட்டி, முறுக்கு மீசையுடன் கம்பீரமாக தோற்றமளிக்கும் இந்த பழமையான புகைப்படத்தையும் சேர்த்து பாரதியாரின் அசல் புகைப்படங்களின் எண்ணிக்கை ஆறாக உயர்ந்துள்ளது.