வவுனியாவில் பைரவா திரைப்படம் பார்க்கச் சென்ற இளைஞர்களுக்குள் திரையரங்குக்குள் குழப்பம் ஏற்பட்டுள்ளது. திரையரங்குக்கு சென்ற பொலிசார் நிலமையை கட்டுக்குள் கொண்டு வந்துள்ளனர். நேற்று முன்தினம் மாலை இடம்பெற்ற இச் சம்பவம் தொடர்பில் மேலும் தெரியவருவதாவது,

வவுனியாவில் உள்ள திரையரங்கில் மாலை 5மணிக்கு போடப்பட்ட பைரவா திரைப்பட காட்சியைப் பார்த்துக் கொண்டிருந்த இளைஞர்கள் சிலர் திரைப்பட காட்சிகளைப் பார்த்து கூச்சல் போட்டுக் கொண்டிருந்துள்ளனர். இதன்போது இரு இளைஞர் குழுக்களுக்கிடையில் வாய்தர்க்கம் ஏற்பட்டு குழப்பம் ஏற்பட்டுள்ளது.

இதனையடுத்து சம்பவம் தொடர்பில் வவுனியா பிரதி பொலிஸ்மா அதிபர் அலுவலகத்தின் தமிழ் மொழி மூல தொலைபேசி முறைப்பாட்டுப் பிரிவுக்கு தகவல் வழங்கப்பட்டுள்ளது.

உடனடியாக விரைந்து செயற்பட்ட பொலிசார் திரையரங்குக்கு சென்று அங்கு ஏற்பட்ட குழப்ப நிலையைக் கட்டுக்குள் கொண்டு வந்தனர். திரைப்படக் காட்சி தொடர்ந்து இடம்பெற்றது.

 
வவுனியா, ஓமந்தை சோதனைச்சாவடி அமைந்திருந்த பகுதியில் இருந்து இராணுவம் நேற்று மாலை முதல் வெளியேறும் நடவடிக்கையில் ஈடுபட்டுள்ளது.

கடந்த யுத்த காலத்தில் வடக்கில் இருந்து தெற்கிற்கும், தெற்கில் இருந்து வடக்கிற்குமான நுழைவாயிலாகவும் மக்களையும் பொருட்களையும் சோதனையிடும் பிரதான சோதனைச்சாவடியாகவும் இருந்த இப்பகுதி 21 பேருக்கு சொந்தமான 24 ஏக்கர் காணியாக காணப்பட்டிருந்தது.

இந் நிலையில் யுத்தம் நிறைவடைந்தன் பின்னர் இக்காணின் உரிமையாளர்கள் தொடச்சியாக தமது காணிகளை மீள் ஒப்படைக்கவேண்டும் என கோரிக்கை விடுத்து வந்த நிலையில் தற்போது இராணுவம் அப்பகுதியில் இருந்து வெளியேறும் நடவடிக்கையில் ஈடுபட்டுள்ளது.

புதிய அரசாங்கம் அமைக்கப்பட்ட போது குறித்த பகுதியில் சோதனை நடவடிக்கைகள் நிறுத்தப்பட்டிருந்த போதிலும் இராணுவம் அப்பகுதியில் நிலைகொண்டிருந்தது. தற்போது இராணுவம் தமது தேவைக்காக அமைத்திருந்த கட்டிடங்களை அகற்றி வருவதுடன் தளபாடங்களையும் அப்புறப்படுத்துவதற்கான செயற்பாட்டை முன்னெடுத்துள்ளது.

இந் நிலையில் குறித்த காணியின் உரிமையாளர்கள் மகிழ்ச்சி வெளியிட்டுள்ள நிலையில் சில தினங்களில் இக் காணிகள் உத்தியோகபூர்வமாக கையளிப்பதற்கான ஏற்பாடுகளும் முன்னெடுக்கப்பட்டு வருகின்றது.

 
வவுனியா கண்ணாட்டி கணேசபுரம் பகுதியில் இன்று (15.01.2017) காலை 8.30 மணியளவில் தமது கிராமத்திலுள்ள கிராம அபிவிருத்திச்சங்கத்தின் புதிய நிர்வாகத்தினை தெரிவு செய்யுமாறு தெரிவித்து அப்பகுதி மக்கள் ஒன்றினைந்து ஆர்ப்ப்பாட்டத்தில் ஈடுபட்டனர். இச்சம்பவம் குறித்து மேலும் தெரியவருகையில்,

வவுனியா கண்ணாட்டி கணேசபுரம் பகுதியிலுள்ள இரண்டு கிராம அபிவிருத்திச்சங்கங்களின் புதிய நிர்வாகத்தினை பொதுமக்கள் முன்நிலையில் மேற்கொள்ளுமாறு தெரிவித்து அப்பகுதி மக்களால் இன்று காலை ஆர்ப்பாட்டம் ஒன்று முன்னெடுக்கப்பட்டுள்ளது.

மக்களை புறக்கணித்து செயற்படும் அதிகாரிகளை உடனடியாக இடமாற்றம் செய், ஐந்து வருடம் கிராமத்தில் சேவை செய்யும் உத்தியோகத்தர்கள் கிராமத்தில உண்மை செயற்பாட்டாளர்களை புறக்கணிப்பது ஏன், இரத்துச் செய் இரத்தச் செய் புதிய நிர்வாகத்தை இரத்துச் செய், வேண்டும் வேண்டும் பாதிக்கப்பட்ட மக்களுக்களுக்கு நீதி வேண்டும். என பல்வேறு சுலோகங்களை தாங்கியவாறு இவ் ஆர்ப்பாட்டத்தில் ஈடுபட்டனர்.

பல ஆண்டுகளாக நிர்வாகம் தெரிவு செய்யப்படவில்லை, தற்போதைய நிர்வாகத்தினர் கிராமத்தின் தேவைகளை அறிந்து கிராமத்தில் அபிவிருத்தி மேற்கொள்ளப்படவில்லை கிராமசேவையாளர் தமக்கு வேண்டியவர்களை நிர்வாகத்தில் உள்ளாங்கி செயற்பட்டு வருகின்றார், பொதுக்கூட்டம் வைப்பதாகத் தெரிவித்து கிராம அபிவிருத்திச்சங்கத்தினை தெரிவு மேற்கொண்டுள்ளதாகவும் இதனை அப்பகுதியிலுள்ள மக்கள் எதிர்ப்பதாகவும் தமது கிராமத்திலுள்ளவர்களை கிராம அபிவிருத்திச்சங்கத்தில் இணைத்துக்கொள்ளுமாறு தெரிவித்து ஆர்ப்பாட்டத்தினை அப்பகுதி மக்கள் மேற்கொண்டுள்ளனர்.

ஆர்ப்பாட்டம் இடம்பெற்ற பகுதிக்குச் சென்ற வன்னி மாவட்ட நாடாளுமன்ற உறுப்பினரும் குழுக்களின் பிரதித்தலைவருமான செல்வம் அடைக்கலநாதன, வன்னி மாவட்ட நாடாளுமன்ற உறுப்பினர் கே.கே.மஸ்தான், வடமாகாண சபை உறுப்பினர் செ.மயூரன், அப்பகுதி மக்களின் கருத்துக்களைக் கேட்டறிந்ததுடன், புதிய நிர்வாகத்தெரிவினை மேற்கொள்வதற்கு வவுனியா மாவட்ட அரசாங்க அதிபருடன் நாளை கலந்துரையாடி தீர்வினைப் பெற்றுத்தருவதாகவும் தெரிவித்தனர்.

வவுனியாவில் நாளை (16.01.2016) திறந்து வைக்கப்படவுள்ள புதிய பேரூந்து நிலையத்திறப்பு விழா நிகழ்வினை மக்கள் பிரதிநிதிகள், வடமாகாணசபை உறுப்பினர்கள், நாடாளுமன்ற உறுப்பினர்கள் புறக்கணிக்க வேண்டுமேன வடமாகாணசபை உறுப்பினர் செந்தில்நாதன் மயூரன் தெரிவித்துள்ளார்.

வவுனியாவில் நாளை மத்திய அமைச்சர்களினால் உத்தியோகபூர்வமாகத் திறந்து வைக்கப்படவுள்ள புதிய மத்திய பேரூந்து நிலையத்திறப்பு விழாவில் மக்கள் பிரதிநிதிகள், பாராளுமன்ற உறுப்பினர்கள், வடமாகாணசபை உறுப்பினர்கள் என பலர் புறக்கணிக்கப்பட்டுள்ளதாகவும் வடமாகாண முதலமைச்சர் வெளிநாடு சென்றுள்ள நிலையில் அவரையும் புறக்கணித்து இப்பேரூந்து நிலையம் திறக்கப்பட உள்ளதையிட்டு நாம் அனைவரும் ஒன்றிணைந்து நாளை திறந்துவைக்கப்படவுள்ள பேரூந்து நிலையத்தின் திறப்பு விழாவினை புறக்கணிக்கவேண்டும் என அவர் தெரிவித்துள்ளார்.

வவுனியா யாழ் வீதியில், புதிய பஸ் நிலையத்திற்கு அருகாமையில் நியூ லங்கா மருத்துவ நிறுவனம் (NEWLANKA CHANNELING) தனது சேவைகளை நாளை (16.01.2017) திங்கட்கிழமை முதல் ஆரம்பிக்கின்றது.

Nawaloka Metropolis நிறுவனத்தின் நவீன ஆய்வுகூட வசதிகளுடன் இணைந்ததாக, Ultra Sound Scanning, ECG வசதிகளுடன் வெளிநோயாளர் பிரிவு, மருந்தகம் என்பனவற்றையும் உள்ளடக்கியதாக இந்நிறுவனம் இயங்கவுள்ளது.

அனைத்துத் துறைகளையும் சார்ந்த விசேட வைத்திய நிபுணர்களின் சேவைகளையும் இங்கு பெற்றுக்கொள்ள முடியும், நிறுவனம் ஆரம்பிக்கப்படுவதை முன்னிட்டு பல சலுகைகளை நிறுவனத்தினர் அறிவித்துள்ளனர்.

குறித்த சலுகைகளாவன,
1. வெளி நோயாளர் பிரிவு இலவசமாகச் சேவைகளை வழங்கும்.
2. ECG பரிசோதனை முற்றிலும் இலவசம்
3. ஏனைய பரிசோதனைகளுக்கு 25 வீதம் வரையான விலைக்கழிவு உண்டு.
4. மருந்துகளுக்கு 5 வீத விலைக்கழிவு உண்டு.

சிறப்புச் சலுகைகளாக
* தினமும் முதலில் பதிவு செய்யும் பத்துப் பயனாளிகளுக்கு விசேட வைத்தியர்களைப் பார்வையிடும்போது வைத்தியரின் கட்டணம் இலவசமாகும்.

* ஏனைய நோயாளிகள் அனைவருக்கும் விசேட வைத்திய நிபுணரைப் பார்வையிடும்போது வைத்தியசாலைக் கட்டணம் இலவசமாகும்.

* ஒவ்வொரு வார இறுதியிலும் சிறுநீரக நிபுணரின் சிகிச்சை இலவசமாக வழங்கப்படும்.

* Ultra Sound Scanning பரிசோதனை செய்யும்போது 50 வீத கட்டணக்கழிவு உண்டு.

* முதல் வாரத்தில் பதிவு செய்யும் கர்ப்பிணித்தாய்மார்கள் அனைவருக்கும் பிரசவம் வரையான Ultra Sound Scanning இலவசம்.

இவற்றை விட ஆரம்ப தினத்தில் உடல் பரிசோதனை, வைத்திய ஆலோசனைகள், குருதிக் குளுக்கோஸ் பரிசோதனை என்பன இலவசமாக வழங்கப்படவுள்ளன.

இவை அனைத்தும் வரையறுக்கப் பட்ட காலப்பகுதிக்கே வழங்கப்பட உள்ளன. அத்துடன் சலுகைகள் அனைத்தும் முன்பதிவு செய்துகொள்பவர்களுக்கு மட்டுமே வழங்கப்படும். எனவே தொலைபேசி மூலமோ/ நேரிலோ முன்பதிவு செய்து சலுகைகளைப் பெற்றுப்பயனடையுமாறு நிறுவனத்தினர் அன்புடன் அழைக்கிறார்கள்.

Newlanka Channeling
52 யாழ் வீதி,
வவுனியா
தொலைபேசி : 0244930095, 0244930096

வவுனியாவில் நேற்று இரவு 10.30 மணியளவில் கைக்குண்டு, இடியன் துப்பாக்கி என்பனவற்றுடன் காட்டில் வசித்து வந்த கணவன் மனைவி ஆகிய இருவரையும் ஓமந்தைப் பொலிசார் கைது செய்துள்ளதாக தெரிவித்துள்ளனர். இச்சம்பவம் குறித்து மேலும் தெரியவருகையில்..

ஓமந்தைப் பொலிசார் நேற்று மேற்கொண்ட நடவடிக்கையின்போது வவுனியா பாலமோட்டை, காட்டுப்பகுதியில் சந்தேகத்திற்கு இடமான முறையில் வசித்து வந்த கணவன் மனைவி ஆகியோரைக்கைது செய்துள்ளதாகவும் அவர்களிடம் மேற்கொண்ட விசாரணைகளின்போது இவர்களிடமிருந்து கைக்குண்டு இடியன் துப்பாக்கி என்பனவற்றைக் கைப்பற்றியுள்ளதாகவும் இவர்கள் இருவரும் காட்டில் பல காலமாக வசித்து வந்துள்ளதாகவும் கணவன் மீது மாங்குளம், ஓமந்தை ஆகிய பொலிஸ் நிலையங்களில் கசிப்பு உற்பத்தி செய்துவருவதாக முறைப்பாடு பதிவு செய்யப்பட்டுள்ளதாகவும் பொலிசார் மேலும் தெரிவித்துள்ளனர்.

இவர்கள் பாலமோட்டை கோவில்குஞ்சுக்குளம் பகுதியைச் சேர்ந்தவர்கள் என்பதுடன் இவர்களிடம் மேற்கொண்ட விசாரணைகளின் பின்னர் வவுனியா மாவட்ட நீதவான் நீதிமன்றில் ஆஜர்படுத்த நடவடிக்கை மேற்கொண்டுள்ளதாக பொலிசார் மேலும் தெரிவித்தனர்.