தமிழகத்தின் முன்னாள் முதலமைச்சர் மறைந்த ஜெ.ஜெயலலிதாவின் மரணம் தொடர்பில் பல்வேறு மர்மங்கள் நீடித்துள்ளன.

கடந்த செப்டம்பர் மாதம் 22ஆம் திகதி திடீர் உடல்நல குறைவு காரணமாக சென்னை அப்பலோ வைத்தியசாலையில் அனுமதிக்கப்பட்ட ஜெயலலிதா கடந்த 5ஆம் திகதி உயிரிழந்தார்.

இந்நிலையில் ஜெயலலிதா உயிரிழந்ததை தொடர்ந்து, அவரின் மரணம் குறித்து இன்று வரையிலும் பல்வேறு மர்மங்கள் நீடித்துகொண்டிருக்கின்றன.

குறிப்பாக ஜெயலலிதாவின் உயிரிழப்புக்கு அவரின் நெருங்கிய தோழியான சசிகலாவே காரணம் எனவும், அவர் மூளைச்சாவு அடைந்துள்ளார், அவரின் கால்கள் அகற்றப்பட்டுள்ளன என தெரிவித்து பல்வேறு தகவல்கள் வெளியாகியுள்ளன.

எனினும், இதற்கு வைத்தியசாலை உள்ளிட்ட தரப்புகள் மறுப்பு வெளியிட்டு வந்தமையும் குறிப்பிடத்தக்கது. மேலும் ஜெயலலிதாவின் முகத்தில் காணப்பட்ட புள்ளிகளும் பெரும் சர்சையை ஏற்படுத்தியிருந்தன.

இந்நிலையில் தற்போது ஜெயலலிதாவின் இறுதி சடங்கின் போது எடுக்கப்பட்ட காணொளி ஒன்றில், அவரின் கால்கள் அகற்றப்பட்டுள்ளது போன்று இருப்பதாக தெரிவிக்கப்படுகின்றது.

இது குறித்த காணொளி ஒன்று தற்போது சமூக வலைதளங்களில் வைரலாக பரவி வருகின்றமையும் குறிப்பிடத்தக்கது.

தமிழகத்தின் மறைந்த முதல்வர் ஜெயலலிதாவின் மரணத்தில் மர்மம் நிலவுவதால், அவரது உடலை தோண்டி எடுத்து பிரேதப் பரிசோதனை செய்ய வேண்டும் என பெங்களூரை சேர்ந்த சமூக செயற்பாட்டாளர் வலியுறுத்தியுள்ளார் என தெரிவிக்கப்படுகின்றது.

இது தொடர்பாக நரசிம்ம மூர்த்தி ‘தி இந்து’ விடம் கருத்து வெளியிடுகையில், கடந்த செப்டம்பர் மாதம் வரை நலமுடன் இருந்த ஜெயலலிதா திடீரென இரவில் மருத்துவ மனையில் அனுமதிக்கப்பட்டார்.

சாதாரண காய்ச்சல், நீர்ச்சத்து குறைப்பாடு, ஓரிரு நாட்களில் வீடு திரும்புவார் என முதலில் சொன்னார்கள். அடுத்த சில தினங்களில் வெளிநாட்டு மருத்துவர்களை வரவழைத்து சிகிச்சை அளித்தார்கள்.

அவரது உடலுக்கு என்ன பிரச்சினை என வெளிப்படையாக அறிவிக்காததால் எனக்கு சந்தேகம் ஏற்பட்டது.

இந்நிலையில் கடந்த 4 ஆம் திகதி இரவு திடீரென ஜெயலலிதாவுக்கு மாரடைப்பு என அப்பல்லோ மருத்துவமனை அறிவித்தது.

இதேவேளை 70 நாட்களுக்கு மேலாக மருத்துவமனையில் தீவிர சிகிச்சைப் பிரிவில் இருந்ததுடன் உடல்நிலை முற்றிலும் தேறிய‌ ஒருவருக்கு எப்படி திடீரென மாரடைப்பு வரும் என சந்தேகம் எழுந்தது.

கடந்த 5ஆம் திகதி அவர் இறந்துவிட்டதாக அறிவிக்கப்பட்டது.

செல்வி ஜெயலலிதாவின் உடலை அவசர அவசரமாக மறுநாள் மாலையே அடக்கம் செய்துள்ள‌னர்.

மேலும் ஜெயலலிதா உடலுக்கு அஞ்சலி செலுத்துவதற்காக மக்கள் வெளி ஊர்களில் இருந்து வந்துகொண்டிருந்த நிலையில் உடனடியாக அடக்கம் செய்ய வேண்டிய அவசியம் என்ன?

ஜெயலலிதாவின் மரணத்தில் மர்மம் இருப்பதால், அவரது உடலை தோண்டி எடுத்து பிரேத பரிசோதனை நடத்த உத்தரவிட வேண்டும். நரசிம்ம மூர்த்தி எனத் தெரிவித்துள்ளமை குறிப்பிடத்தக்கது.

மும்பையில் தனது மனைவியை வெட்டி சூட்கேஸில் அடைத்து வீசிய கணவனை பொலிசார் கைது செய்துள்ளனர்.

மும்பையில் காண்டிவலி ரயில் நிலைய பகுதியில் கடந்த நவம்பர் 14 ஆம் திகதி உடல் வெட்டி கூறுபோட்டு சூட்கேஸில் அடைக்கப்பட்ட நிலையில் ஒரு பெண்ணின் சடலம் கிடந்தது.

இதையறிந்த மும்பை கிரைம்பிரான்ச் குழுவினர் சம்பவ இடத்திற்கு சென்று பெண்ணின் உடலை கைப்பற்றி அது யாருடையது என அறிய சடலத்தின் கைரேகையை வைத்து ஆதார் கார்டு வழங்கும் மையத்தில் சோதனை செய்தனர். ஆனால் யார் என கண்டுபிடிக்க முடியவில்லை.

இதையடுத்து, சமூக வலைதளங்கள், பத்திரிக்கைகளில் கொலைசெய்யப்பட்ட பெண்ணின் புகைப்படத்தை வெளியிட்டு யார் என்பதை அறிய முற்பட்டனர்.

இந்நிலையில், இந்த விளம்பரத்தை பார்த்த மும்பை போரிவாலி போய்சர் பகுதியைச் சேர்ந்த ஒருவர் தகவல் அளித்துள்ளார்.

அதில், கொலை செய்யப்பட்டுள்ளது பிரியங்கா வர்மா(29) எனவும், பிரியங்கா வர்மா (29), அவரது கணவன் தினேஷ் வெர்மா (35) என்று கூறினார்.

இந்த தகவலைக் கொண்டு பொலிசார் விசாரனை மேற்கொண்டதில், பிரியங்கா வர்மா தனது கணவரை விட்டு வேறொருவருடன் தொடர்பில் இருந்ததாகவும், அதனால் அவரது கணவன் தினேஷ் வர்மா தனது நண்பர் கௌதமுடன் சேர்ந்து, கொலை செய்து விட்டு தனது குழந்தையுடன் தினேஷ் தலைமறைவாகி விட்டதாகவும் தெரிய வந்துள்ளது.

இதையடுத்து, தினேஷ்,கெளதமை தேடிய பொலிசார் கெளதமை கைது செய்து தீவிர விசாரணை மேற்கொண்டனர்.

விசாரணையில், கள்ளத்தொடர்பில் இருந்ததாக சந்தேகித்து, தினேஷின் மனைவி பிரியங்கா வர்மாவை கொள்ள கெளதம் மற்றும் புல்மாடியும் உதவியுள்ளனர். பிரியங்கா வர்மாவை கொலை செய்து சூட்கேசில் வைத்து மும்பை காண்டிவலி ரயில் நிலையத்தில் வீசினார் என கெளதம் வாக்குமூலம் அளித்துள்ளார்.

இதையடுத்து தப்பி ஓடிய தினேஷ் வர்மா மற்றும் புல்மாட்டியை பொலிசார் தேடிவருகின்றனர்.

காஞ்சிபுரம் அருகே அழகாக இல்லை என்பதால் பெற்ற குழந்தையை கால்வாயில் வீசிய தாயால் பெரும் பரபரப்பு ஏற்பட்டுள்ளது.

காஞ்சிபுரம் வள்ளல் பச்சையப்பன் தெர் சந்து பகுதியைச் சேர்ந்தவர் நடராஜன் (சமையல் உரிமையாளர்). இவரது மனைவி திலகவதி.

நிறைமாத கர்ப்பிணியாக இருந்த திலகவதி கடந்த வியாழக்கிழமை ஒரு ஆண் குழந்தையை பெற்றெடுத்துள்ளார்.

இந்நிலையில், குழந்தை பிறந்ததை கண்டு மகிழ்ச்சியடைவதற்கு மாறாக குழந்தையின் முகம் சரியில்லை என வருந்தியுள்ளார்.

இதனால், அழகாக இல்லாத குழந்தை வேண்டாமென்று முடிவெடுத்த திலகவதி மற்றும் அவரது கணவர் நடராஜன் இருவரும் சேர்ந்து தனது வீட்டிற்கு அருகில் செல்லும் மஞ்சள் நீர் கால்வாயில் குழந்தையை வீசியதாக கூறப்படுகிறது.

இந்நிலையில், நேற்று குழந்தையின் சடலம் கால்வாயில் மிதப்பதைக் கண்ட அப்பகுதி மக்கள் பொலிசாரிடம் தகவல் கொடுத்துள்ளனர்.

தகவல் பெற்ற பொலிசார் சம்பவ இடத்திற்கு விரைந்து வந்து குழந்தையின் சடலத்தை மீட்டு விசாரணை மேற்கொண்டு வருகின்றனர்.

அப்போது, அப்பகுதி மக்கள் அனைவரும் சம்பவ இடத்திற்கு வந்த நிலையில் திலகவதி மட்டும் வெளியே வரவில்லை.

இதனால், சந்தேகித்த பொலிசார் திலகவதி வீட்டிற்கு சென்று கதவை தடியுள்ளனர். ஆனால் நீண்ட நேரமாகியும் திலகவதி கதவை திறக்காததால் கதவை உடைத்துக் கொண்டு பொலிசார் வீட்டின் உள்ளே சென்றனர்.

பொலிசாரைக் கண்ட திலகவதி கதறி அழுது குழந்தையை கால்வாயில் வீசி கொன்றதை ஒப்புக்கொண்டார்.

இதையடுத்து, திலகவதியை பொலிசார் விசாரணைக்கு அழைத்துச் சென்றுள்ளனர்.

மேலும், தலைமறைவாகியுள்ள திலகவதியின் கணவரை பொலிசார் தேடிவருகின்றனர்.