லொறி மீது சொகுசுப் பேருந்து மோதிய விபத்தில் 6 பேர் பரிதாபமாக பலி!!

தெலங்கானா மாநில தலைநகர் ஹைதராபாத்தில் இருந்து ஆந்திர மாநிலம் ஏலூரு நோக்கி நேற்றிரவு 42 பயணிகளை ஏற்றிக்கொண்டு தனியார் சொகுசுப் பேருந்து சென்று கொண்டிருந்தது.

காலை 9 மணியளவில் சூரியாபேட்டை கோதாடா எனும் ஊருக்கு செல்ல வேண்டிய சொகுசு பேருந்தை ஓட்டுநர் அதிவேகமாக இயக்கியுள்ளார்.  இன்று அதிகாலை 4 மணியளவில் கோதாடா அருகே துவாரகுண்டா எனும் இடத்தில் பேருந்து சாலை வளைவில் திரும்ப முயன்றுள்ளது.

அப்போது முன்னால் இரும்பு லோடுடன் பழுதாகி நிறுத்திவைக்கப்பட்டிருந்த லாரியின் பின்புறம் பயங்கரமாக மோதி விபத்துக்குள்ளானது.

இந்த கோர விபத்தில் பேருந்தில் ஆழ்ந்த தூக்கத்தில் இருந்த சின்னா (32), ஜோஷ்னா (29), நாகேந்திர பாபு (21) மற்றும் ஷாஹினா (30) உள்ளிட்ட 6 பேர் சம்பவ இடத்திலேயே உயிரிழந்தனர்.

மேலும் இந்த கோர விபத்தில் 20 பயணிகள் படுகாயமடைந்து கோதாடா அரசு மருத்துவமனையில் சிகிச்சைக்காக அனுமதிக்கப்பட்டுள்ளனர்.

விபத்து ஏற்படுத்திய பேருந்து ஓட்டுநர் மல்லிகார்ஜுனா தூக்க கலக்கத்தில் இருந்ததாகவும், அதிவேகமாக பேருந்தை இயக்கியதால்தான் விபத்து நடந்ததாகவும் தெரியவந்துள்ளது.

விபத்து குறித்து தகவல் அறிந்த தெலங்கானா முதல்வர் ரேவந்த் ரெட்டி, ஆந்திர முதல்வர் சந்திரபாபு நாயுடு மற்றும் பவன் கல்யாண் ஆகியோர் சமூக வலைத்தளத்தில் தங்களின் ஆழ்ந்த அனுதாபங்களை தெரிவித்துள்ளனர்.

காயமடைந்தவர்களுக்கு உயரிய சிகிச்சை அளிக்கும்படி அதிகாரிகளுக்கு உத்தரவிட்டுள்ள கோதாடா போலீஸார் வழக்குப்பதிவு செய்து விசாரணை நடத்தி வருகின்றனர்.

ஆற்றில் குதித்து ஒரே குடும்பத்தைச் சேர்ந்த 3 பேர் விபரீத முடிவு!!

ஆந்திரப் பிரதேசத்தில் ஒரே குடும்பத்தைச் சேர்ந்த 3 பேர் கோதாவரி ஆற்றில் குதித்து உயிரிழந்த சம்பவம் தொடர்பான விசாரணையில், துப்பாக்கிச் சூடு பயிற்சியாளர் ஒருவர் உத்தரப் பிரதேசத்தில் கைது செய்யப்பட்டுள்ளார்.

ஆந்திர மாநிலம் காக்கிநாடா மாவட்டத்தைச் சேர்ந்த பஞ்சாயத்து ராஜ் துறை உதவிப் பொறியாளர் தில்லப்புடி நூக்கராஜு, அவரது மனைவி மீனா மற்றும் மகள் சௌஜன்யா ஆகிய மூவரும் ராஜமுந்திரி அருகே கோதாவரி ஆற்றில் குதித்து உயிரிழந்தனர்.

கடந்த ஆகஸ்ட் 16 மற்றும் 17ஆம் தேதிக்கு இடைப்பட்ட இரவில் நடைபெற்ற இச்சம்பவத்தில், அவர்களுடன் ஆற்றில் குதித்த 10 வயது பேரன் மட்டும் மீனவர்களால் உயிருடன் மீட்கப்பட்டான்.

சம்பவ இடத்தில் கைப்பற்றப்பட்ட தற்கொலைக் குறிப்பில், துப்பாக்கிச் சூடு பயிற்சியாளரான ஷேக் சாதிக் கான் என்பவர் தங்களை நிதி ரீதியாகவும் மன ரீதியாகவும் அச்சுறுத்தி, தற்கொலைக்குத் தூண்டியதாகக் குறிப்பிடப்பட்டிருந்தது.

கடந்த ஜூலை மாதம் உயிரிழந்த சௌஜன்யாவின் கணவர் ஜகதீஷ் ரெட்டியின் மரணத்திலும் சாதிக் கானுக்குத் தொடர்பு இருக்கலாம் என உறவினர்கள் அளித்த புகாரின் பேரில் விசாரணை விரிவுபடுத்தப்பட்டுள்ளது.

சாதிக் கான் மீது தற்கொலைக்குத் தூண்டுதல், கொலை, மிரட்டல், பணம் பறிப்பு மற்றும் கட்டாய மதமாற்றம் தொடர்பான பிரிவுகளின் கீழ் வழக்குகள் பதிவு செய்யப்பட்டுள்ளன.

செல்போன் மற்றும் ஆன்லைன் பணப் பரிவர்த்தனைகளைத் தவிர்த்துப் தலைமறைவாக இருந்த சாதிக் கானைப் பிடிக்க 10-க்கும் மேற்பட்ட தனிப்படைகள் அமைக்கப்பட்டன.

5 மாநிலங்களில் தீவிரத் தேடுதல் வேட்டை நடத்தப்பட்ட நிலையில், உத்தரப் பிரதேசத்தின் மீரட் நகரில் இருந்த அவரைப் போலீசார் கைது செய்து ஆந்திராவிற்கு அழைத்து வந்தனர்.

கைது செய்யப்பட்ட சாதிக் கானை நீதிமன்றத்தில் ஆஜர்படுத்தி சிறையில் அடைத்துள்ளனர்.

இவ்வழக்கின் பின்னணியில் உள்ள தீவிரத்தைக் கருத்தில் கொண்டு, இதனை சிபிஐ அல்லது தேசிய புலனாய்வு முகமை விசாரணைக்கு மாற்ற வேண்டும் என முன்னாள் எம்பி விஜயசாய் ரெட்டி வலியுறுத்தியுள்ளார்.

அமெரிக்காவில் கொலை செய்யப்பட்ட இந்திய இளம்பெண் : குற்றவாளி சிக்கினார்!!

An Indian man wanted in the United States for allegedly murdering his former roommate has been arrested: இந்திய இளம்பெண்ணொருவர் அமெரிக்காவில் சடலமாக மீட்கப்பட்ட விடயத்தில், அவரைக் கொலை செய்ததாக கருதப்படும் நபரை பொலிசார் கைது செய்துள்ளார்கள்.

அமெரிக்காவின் மேரிலேண்டில் வாழ்ந்துவந்த இந்திய இளம்பெண்ணான நிகிதா (Nikitha Rao Godishala, 27), டிசம்பர் மாதம் 31ஆம் திகதி மாயமானார்.

ஜனவரி மாதம் 2ஆம் திகதி, அர்ஜூன் ஷர்மா (26) என்னும் நபர், நிகிதாவைக் காணவில்லை என பொலிசில் புகாரளித்துள்ளார். இந்த அர்ஜூன், நிகிதா தங்கியிருந்த அதே குடியிருப்பில் அவருடன் தங்கியிருந்தவர் ஆவார்.

நிகிதாவை தீவிரமாகத் தேடிவந்த பொலிசார், ஜனவரி மாதம் 3ஆம் திகதி, அர்ஜூன் வாழ்ந்துவந்த அடுக்குமாடிக் குடியிருப்பிலேயே நிகிதாவின் உயிரற்ற உடலைக் கண்டு பிடித்தார்கள்.

அர்ஜூன் தலைமறைவாகிவிட, அமெரிக்க பொலிசார், அவரைக் கைது செய்ய வாரண்ட் பிறப்பித்திருந்தார்கள்.

முரணான தகவல்கள் அர்ஜூன் நிகிதாவின் காதலர் என அமெரிக்க பொலிசார் தெரிவித்திருந்த நிலையில், அவர் தன் மகளுடைய காதலர் அல்ல என்றும், அவர் தன் மகளுடைய அறைத்தோழர் மட்டுமே என்றும்,

இருவருக்கும் பணம் கொடுக்கல் வாங்கல் விடயத்தில் ஏற்பட்ட பிரச்சினை காரணமாகவே தன் மகளை அர்ஜூன் கொலை செய்துவிட்டதாகவும் நிகிதாவின் தந்தை கூறியுள்ளார்.

அத்துடன், ஜனவரி மாதம், அர்ஜூன் தமிழ்நாட்டில் கைது செய்யப்பட்டதாக ஹிந்துஸ்தான் டைம்ஸ் பத்திரிகை செய்தி வெளியிட்டிருந்தது.

ஆனால், அர்ஜூன் ஆக்ராவில் கைது செய்யப்பட்டுள்ளதாகவும், இம்மாதம், அதாவது, ஆகத்து மாதம் 25ஆம் திகதி பாட்டியாலா நீதிமன்றத்தில் ஆஜர் செய்யப்பட்டதாகவும் தற்போது தகவல்கள் வெளியாகியுள்ளன.

இந்நிலையில், அர்ஜூன் கைது குறித்து அமெரிக்க அதிகாரிகளுக்கு தகவலளிக்கட்டுள்ளதாகவும், அவரை அமெரிக்காவுக்கு நாடுகடத்தும் முயற்சிகள் துவக்கப்பட்டுள்ளதாகவும் அமெரிக்க அதிகாரிகள் தெரிவித்துள்ளார்கள்.

கையடக்க தொலைபேசி வெடித்து 19 வயது இளைஞன் பரிதாபமாக உயிரிழப்பு!!

மட்டக்களப்பு – கல்குடா, கருங்காலிச்சோலை பகுதியில் கையடக்க தொலைபேசி வெடித்ததில் 19 வயது இளைஞரொருவர் உயிரிழந்துள்ளார். இந்த சம்பவம் நேற்று வியாழக்கிழமை (27( மாலை 6.00 மணிக்கு இடம்பெற்றுள்ளதாக பாசிக்குடா பொலிஸார் தெரிவித்துள்ளனர்.

கல்குடா,கருங்காலிச்சோலை வீதியைச்சேர்ந்த 19 வயதுடைய கமலேஸ்வரன் சங்கீதன் என்ற இளைஞனே இவ்வாறு உயிரிழந்துள்ளார்.

குறித்த இளைஞன் நேற்று மாலை வீட்டில் உறங்குவதற்கு சென்ற நிலையில், கையடக்க தொலைபேசியை மின்சாரத்தின் ஊடாக சார்ஜ் செய்து கையடக்க தொலைபேசியை நெஞ்சில் பகுதியில் வைத்து உறங்கியுள்ளார். இதன்போது கையடக்க தொலைபேசி சூடாகி வெடித்து தீப்பற்றியெரிந்துள்ளது.

இதன் காரணமாக படுகாயமடைந்த இளைஞரை வைத்தியசாலைக்கு கொண்டு சென்று அனுமதித்தபோது அவர் ஏற்கனவே உயிரிழந்துள்ளதாக வைத்தியர்கள் தெரிவித்துள்ளதாக ஆரம்பக்கட்ட விசாரணையில் தெரியவந்துள்ளது.

இதனையடுத்து உயிரிழந்தவரின் சடலம் பிரேத பரிசோதனைக்காக வைத்தியசாலை பிரேத அறையில் வைக்கப்பட்டுள்ளது.  இது தொடர்பான மேலதிக விசாரணைகளை கல்குடா பொலிஸார் மேற்கொண்டு வருகின்றனர்.

எச்சரிக்கை நிலையில் வெப்பச்சுட்டெண் : நாட்டு மக்களுக்கு விடுக்கப்பட்டுள்ள எச்சரிக்கை!!

நாட்டின் சில பகுதிகளில் இன்று (28.08.2026) பகல் வேளையில் வெப்பச்சுட்டெண் ‘எச்சரிக்கை’ நிலையை எட்டும் என எச்சரிக்கப்பட்டுள்ளது.  வளிமண்டலவியல் திணைக்களம் இன்று (28) இந்த எச்சரிக்கை விடுத்துள்ளது.

அதன்படி, கிழக்கு மாகாணம் மற்றும் பொலன்னறுவை, யாழ்ப்பாணம், கிளிநொச்சி, முல்லைத்தீவு, வவுனியா மற்றும் மொனராகலை ஆகிய மாவட்டங்களுக்கு இந்த வெப்பமான காலநிலை எச்சரிக்கை விடுக்கப்பட்டுள்ளது.

சூரிய ஒளியில் நீண்ட நேரம் வெளியில் இருப்பது சோர்வு மற்றும் தசப்பிடிப்புக்களை ஏற்படுத்தக்கூடும் என்றும் எச்சரிக்கப்பட்டுள்ளது. எனவே பொதுமக்கள் போதியளவு நீரைப் பருகுமாறும், வெளிப்புற நடவடிக்கைகளைக் கட்டுப்படுத்துமாறும் அறிவுறுத்தப்பட்டுள்ளனர்.

பேரழிவு ஏற்படலாம் நேபாள வெள்ளப்பெருக்கையடுத்து இலங்கைக்கு விடுக்கப்பட்டுள்ள எச்சரிக்கை!!

நேபாளம் மற்றும் திபெத் எல்லை பகுதியில் திடீரென ஏற்பட்ட வெள்ளப்பெருக்கு, அப்பகுதியில் நிலநடுக்கம் மற்றும் பனிச்சரிவு காரணமாகவே உருவாகியுள்ளது என பேராதனை பல்கலைக்கழகத்தின் புவியியல் துறையின் முன்னாள் சிரேஷ்ட பேராசிரியர் அத்துல சேனாரத்ன தெரிவித்துள்ளார்.

இந்திய மற்றும் சீன எல்லைப் பகுதிக்கு அருகில் எதிர்பாராத விதமாக ஏற்பட்ட இந்த நிலநடுக்கத்தைத் தொடர்ந்து, பனி மற்றும் பாறைகள் சரிந்து த்ரிசூலி ஆற்றில் விழுந்ததால் இந்த பாரிய வெள்ளப்பெருக்கு ஏற்பட்டுள்ளதுடன், பலரும் அடித்துச் செல்லப்பட்டு பெருமளவிலான சேதங்களும் ஏற்பட்டுள்ளன.

இத்தகைய இயற்கை பேரழிவுகள் உலகளவில் புதிதல்ல எனக் குறிப்பிட்ட அவர், 1980 களில் கொலம்பியாவில் ஏற்பட்ட நிலநடுக்கத்தைத் தொடர்ந்து சேற்றுச்சரிவு ஏற்பட்டு ஆயிரக்கணக்கான மக்கள் உயிரிழந்த நிகழ்வை நினைவுகூர்ந்தார்.

இலங்கையிலும் இத்தகைய ஆபத்துகள் ஏற்படுவதற்கான சாத்தியக்கூறுகள் உள்ளன என எச்சரித்த அவர், டித்வா சூறாவளி காலத்தில் சரசவிகம பகுதியில் நிலச்சரிவு காரணமாக நீர் செல்லும் வாய்க்கால்கள் அடைபட்டு,

பின்னர் சேற்றுடன் கூடிய வெள்ளம் கிராமத்திற்குள் பாய்ந்ததால் 20 இற்கும் மேற்பட்டோர் உயிரிழந்த சம்பவத்தைச் சுட்டிக்காட்டினார்.

இலங்கையில் தளர்வான பாறை அடுக்குகள் கொண்ட மலைப்பாங்கான பகுதிகளில் நிலச்சரிவு ஏற்படும் போது, அருகில் உள்ள ஆறுகள் அல்லது ஓடைகள் அடைபட்டு,

பின்னர் நீர் தேங்கி திடீரென உடைந்து பெருக்கெடுக்கும் போது பெரும் வெள்ளப்பெருக்கும் பேரழிவும் ஏற்பட வாய்ப்புள்ளது.

எனவே, எதிர்காலத்தில் இவ்வாறான பேரழிவுகளிலிருந்து தப்பிக்க சாதாரண நிலச்சரிவு மண்டலங்களை மட்டும் வரைபடமாக்குவது போதாது என்றும்,

நிலச்சரிவால் ஆறுகள் அடைபட்டு திடீர் வெள்ளப்பெருக்கு ஏற்படக்கூடிய சாத்தியக்கூறுள்ள அபாயகரமான பகுதிகளைக் கண்டறிந்து வரைபடமாக்க வேண்டும் என்றும் அவர் வலியுறுத்தினார்.

இத்தகைய முன்கூட்டிய எச்சரிக்கை அமைப்புகள் மூலம் எதிர்காலத்தில் சரசவிகம போன்ற பேரழிவுகளைத் தடுக்க முடியும் என்றும் அவர் குறிப்பிட்டார்.

 

யாழ். நல்லூர் ஆலய திருவிழாவின் போது திடீரென வெளியேற்றப்பட்ட பெண்!!

யாழ். நல்லூர் கந்தசுவாமி ஆலய வருடாந்த மகோற்சவம் கடந்த 17ஆம் திகதி கொடியேற்றத்துடன் ஆரம்பமாகி, இடம்பெற்று வருகிறது. இந்நிலையில், ஆலயத்தில் திருவிழா இடம்பெற்றுக் கொண்டிருந்த போது பெண்ணொருவர் திடீரென வெளியேற்றப்படும் காணொளி ஒன்று சமூக வலைதளங்களில் பகிரப்பட்டு வருகின்றது.

எதற்காக குறித்த பெண் வெளியேற்றப்பட்டார் என்பதற்கான சரியான காரணம் தெரியாமல் கூட சிலர் முரண்பட்ட கருத்துக்களை முன்வைத்து வருகின்றனர்.

நல்லூர் கந்தசுவாமி ஆலயத்தில் இருக்கும் விதிமுறைகளை யாராக இருந்தாலும் பின்பற்ற வேண்டியது அவசியம். அந்தவகையில், ஆலயத்தின் உட்பகுதியில் இருந்து புகைப்படங்கள் எடுக்க அனுமதி இல்லை.

எனவே, குறித்த பெண் அதனை மீறியதாகவும் அவரை வெளியில் இருந்து புகைப்படம் எடுக்குமாறு அறிவுறுத்தி வெளியேற்றியதாகவும் தெரிவிக்கப்படுகின்றது.

இது உட்பட சர்வதேசத்தில் மற்றும் நாட்டில் இடம்பெற்ற முக்கிய விடயங்கள் குறித்து ஆராய்கின்றது நாட்டு நடப்பு நிகழ்ச்சி,

 

கோர விபத்தில் பெண் உட்பட இருவர் பலி!!

காலி, அம்பலன்வத்தை, அனகாரிக தர்மபால மாவத்தையில் நடந்த மோட்டார் சைக்கிள் மற்றும் முச்சக்கரவண்டி விபத்தில் பெண் ஒருவரும் ஆண் ஒருவரும் பரிதாபமாக உயிரிழந்துள்ளனர்.

அம்பலன்வத்தையிலிருந்து கராப்பிட்டிய நோக்கிச் சென்ற முச்சக்கரவண்டியும், எதிரே கராப்பிட்டியவிலிருந்து அம்பலன்வத்தை நோக்கிச் சென்ற மோட்டார் சைக்கிளும் நேருக்கு நேர் மோதியே இந்தக் கோர விபத்து இடம்பெற்றுள்ளது.

விபத்தின்போது முச்சக்கரவண்டியின் பின்னாசனத்தில் பயணித்த கனம்பிட்டியைச் சேர்ந்த 59 வயதுடைய பெண் சம்பவ இடத்திலேயே உயிரிழந்தார்.

மேலும், மோட்டார் சைக்கிளில் பயணித்த ஹீன்பந்தலையைச் சேர்ந்த 49 வயதுடைய ஆண் பலத்த காயங்களுடன் காலி தேசிய வைத்தியசாலையில் அனுமதிக்கப்பட்டு, தீவிர சிகிச்சைப் பிரிவில் சிகிச்சை பெற்று வந்த நிலையில் உயிரிழந்தார்.

அம்பலன்வத்தையிலிருந்து கராப்பிட்டிய நோக்கிச் சென்ற முச்சக்கரவண்டி கட்டுப்பாட்டை இழந்து வீதியை விட்டு விலகி அருகிலிருந்த மின்சாரக் கம்பத்தில் மோதியதோடு, மோட்டார் சைக்கிளுடனும் மோதியுள்ளது.

இந்தச் சம்பவம் தொடர்பான மேலதிக விசாரணைகளைக் காலி போக்குவரத்துப் பொலிஸார் முன்னெடுத்து வருகின்றனர்.

சிறைச்சாலையில் உயிரிழந்த நபர் மீண்டும் உயிருடன் : அதிர்ச்சியில் குடும்பத்தினர்!!

வாரியப்பொல சிறைச்சாலையில் தடுத்து வைக்கப்பட்டிருந்த சந்தேகநபர் ஒருவர் சிறைச்சாலையினுள் இறந்துவிட்டதாக நான்னேரிய பொலிஸாரால் உறவினர்களுக்கு அறிவிக்கப்பட்ட நிலையில் உயிருடன் வீட்டிற்கு வந்த சம்பவமொன்று பதிவாகியுள்ளது.

குருநாகல் – கல்கமுவ, கோகோபன்குளம் கிராமத்தில் ஒருவர் உயிரிழந்துவிட்டதாக பொலிஸாரால் அதிகாரப்பூர்வமாக அறிவிக்கப்பட்டு, இறுதிக்கிரியைக்கான அனைத்து ஏற்பாடுகளும் செய்யப்பட்டுள்ளன.

இந்த நிலையில், இறந்ததாக கூறப்பட்டவர் தனது இறுதிக்கிரியைக்கு உயிருடன் வீட்டிற்கு வந்துள்ளார். கோகோபன்குளம், கல்கமுவ பகுதியைச் சேர்ந்த டி. எம். கீர்த்திசேன என்பவர் நேற்று (24) திடீரென தனது வீட்டிற்கு வந்துள்ளார்.

கிராமம் முழுவதும் இறுதிக்கிரியைக்கான சுவரொட்டிகள் ஒட்டப்பட்டு, இறுதிச்சடங்கு மற்றும் தகனத்திற்கான அனைத்து ஏற்பாடுகளும் செய்யப்பட்டு வந்த நிலையில், கீர்த்திசேன உயிருடன் வீட்டிற்குத் திரும்பி வந்துள்ளமை குழப்பத்தினையும், பரபரப்பையும் ஏற்படுத்தியுள்ளது.

சிறைச்சாலை மற்றும் அதிகாரிகளுக்கு இடையே தகவல் பரிமாற்றத்தில் ஏற்பட்ட குழப்பம் காரணமாக இந்த சம்பவம் இடம்பெற்றுள்ளதாக உறவினர்கள் கடும் எதிர்ப்பை தெரிவித்து வருகின்றனர்.

பதுளை மயக்கவியல் வைத்திய நிபுணரின் மரணம் தொடர்பில் வெளியான தகவல்!!

காணாமல்போன நிலையில் சடலமாக மீட்கப்பட்டிருந்த பதுளை போதனா வைத்தியசாலையில் மயக்கவியல் வைத்திய நிபுணரின் மரணம் தொடர்பில் பொலிஸார் பல தகவல்களை வெளியிட்டுள்ளனர்.

சிறப்பு மயக்கவியல் வைத்திய நிபுணரான பிரபாத் அனுராத தயரத்ன என்பவரே நேற்று காலை (24) சடலமாக கண்டெடுக்கப்பட்ட நிலையில், மஹியங்கனை வனப்பகுதியில் சுமார் 800 மீட்டர் தொலைவில் பாறையில் சடலமாக மீட்கப்பட்டுள்ளார்.

மர்மமான முறையில் உயிரிழந்த வைத்தியரின் உடலுக்கு அருகில் 3 வகையான மருந்து மாத்திரைகள் கண்டெடுக்கப்பட்டதாக பொலிஸார் கூறுகின்றனர்.

இதன் காரணமாக வைத்தியர் தற்கொலை செய்துகொண்டிருக்கலாம் என பொலிஸார் சந்தேகிக்கின்றனர்.

இதற்கிடையில், பதுளை போதனா வைத்தியசாலையின் வைத்தியர் பாலித ராஜபக்ச வைத்தியரின் மரணம் தொடர்பில் பல தகவல்களை வெளியிட்டுள்ளார்.

நேற்று காலை சுமார் 10.00 மணியளவில் பிரபாத்துக்கு அறுவை சிகிச்சை இருந்தது. அதன் பிறகு, அவர் தொலைபேசி அழைப்புகளுக்கு பதிலளிக்கவில்லை.

என்ன நடந்தது என்பதை எங்களால் கற்பனை செய்துகூட பார்க்க முடியவில்லை.தனது கடமையை முறையாகச் செய்தவர்.

கொழும்பு பல்கலைக்கழகத்தில் மருத்துவப் பட்டம் பெற்ற சிறப்பு வைத்தியர் பிரபாத் அனுராதா, இரண்டு பிள்ளைகளின் தந்தையும் ஆவார். அவர் நீண்ட காலமாக மன அழுத்தத்திற்காக மருந்து உட்கொண்டு வந்ததும் தெரியவந்துள்ளது என்றும் தெரிவித்துள்ளார்.

வவுனியாவில் இருந்து உறவினர் வீட்டுக்கு சுற்றுலா சென்ற சிறுமி பரிதாபமாக பலியான சோகம்!!

கம்பளை, புப்புரெஸ்ஸ – டெல்டாவத்தை பகுதியில் உறவினர் வீட்டுக்கு வவுனியாவில் இருந்து சென்ற மூன்று வயது சிறுமி உயிரழந்துள்ளார். தண்ணீர் என நினைத்து வீட்டில் இருந்த பசுப்பால் பதப்படுத்தப் பயன்படும் இரசாயன திரவத்தை பருகியதால் சிறுமி உயிரிழந்துள்ளார்.

கம்பளை, வைத்தியசாலையில் மேற்கொள்ளப்பட்ட பிரேத பரிசோதனையில் இந்த விடயம் தெரியவந்துள்ளது. வவுனியா, செட்டிக்குளம் பகுதியை வசிப்பிடமாக கொண்ட தினேஷ்காரம் ஹயனிகா என்ற சிறுமியே இவ்வாறு உயிரிழந்துள்ளார்.

 

சிறுமியின் தாய், தந்தை உள்ளிட்ட பலர் டெல்டாவத்தையிலுள்ள உறவினர் வீட்டுக்கு சென்றுள்ளனர்.

வவுனியாவிலிருந்து சென்ற குழுவினர் நேற்று பகல் குளித்துவிட்டு, மாலையில் வீட்டின் வெளிப்பகுதியில் நின்று மகிழ்ச்சியாக பொழுதை கழித்துள்ளனர்.

இதன் போதே இந்தச் சிறுமி வீட்டுக்குள் சென்று ஜன்னல் மீது வைக்கப்பட்டிருந்த குறித்த திரவத்தை குடித்துள்ளதாக தெரிவிக்கப்படுகிறது.

இலங்கைக்கு இழுத்து வரப்பட்ட ஆபத்தான நபர் : பட்டாசு வெடித்து கொண்டாடிய மக்கள்!!

ஆபத்தான நபரான லலித் கண்ணங்கர கைது செய்யப்பட்டதனை வரவேற்று ஹன்வெல்ல, வத்தரேகா, மீகோடா மற்றும் கலகெதர உள்ளிட்ட பல பகுதிகளில் மக்கள் பட்டாசுகளை வெடித்து தங்கள் மகிழ்ச்சியை வெளிப்படுத்தியுள்ளனர்.

டுபாயில் ஒழுங்கமைக்கப்பட்ட குற்றவாளியான லலித் கண்ணங்கர என்ற பஸ் லலித் கைது செய்யப்பட்டு இலங்கைக்கு இழுத்து வரப்பட்டுள்ளார். இதனை ஹன்வெல்ல, வத்தரேகா, மீகோடா மற்றும் கலகெதர உள்ளிட்ட பல பகுதிகளில் மக்கள் கொண்டாடி மகிழ்ந்துள்ளனர்.

மேலும், அப்பகுதிகளில் அரசாங்கத்திற்கு நன்றி தெரிவிக்கும் பதாகைகளும் காட்சிப்படுத்தப்பட்டன. யாசகர்கள் உட்பட அனைத்து மக்களிடமும் பஸ் லலித் லட்சக்கணக்கான ரூபாய்களை பறித்துள்ளதாக அப்பகுதி மக்கள் குற்றம் சாட்டுகின்றனர்.

இந்நிலையில் குறித்த நபரினால் பாதிக்கப்பட்ட மக்கள் மகிழ்ச்சியை வெளிப்படுத்தியுள்ளமை குறிப்பிடத்தக்கது.

தங்கத்தின் விலையில் தலைகீழ் மாற்றம் : இன்று பதிவாகியுள்ள புதிய நிலவரம்!!

இலங்கையில் தங்கத்தின் விலை இன்றைய தினம் (25.08.2026) சிறு வீழ்ச்சியை பதிவு செய்துள்ளதாக அகில இலங்கை நகையக வியாபாரிகள் சங்கம் தெரிவித்துள்ளது.

இதேவேளை நேற்றைய தினம் (24.08.2026) 24 கரட் தங்கம் ஒரு பவுண் 386,000 ரூபாய்க்கு விற்பனை செய்யப்பட்டிருந்தது. இந்த நிலையில், இன்று அதன் விலை 2000 ரூபாயால் குறைந்துள்ளது.

அதன்படி, இன்றைய தங்க விலை நிலவரப்படி 24 கரட் தங்கம் ஒரு பவுண் 384,000 ரூபாயாகவும், 22 கரட் தங்கம் ஒரு பவுண் 353,300 ரூபாயாகவும் விற்பனை செய்யப்படுகிறது.

மேலும், 24 கரட் தங்கம் ஒரு கிராம் 48,000 ரூபாயாகவும், 22 கரட் தங்கம் ஒரு கிராம் 44,163 ரூபாயாகவும் விற்பனை செய்யப்படுகின்றமை குறிப்பிடத்தக்கது.

 

இலங்கையில் எச்சரிக்கை மட்டத்தில் கடும் வெப்பநிலை : பொதுமக்களுக்கு அவசர அறிவுறுத்தல்!!

நாட்டின் சில பகுதிகளில் இன்று வெப்பமான வானிலை அதிகரிக்கக்கூடும் என இயற்கை இடர் முன்னெச்சரிக்கை மையம் எச்சரித்துள்ளது. இதன்படி இன்றைய தினம் (25) செம்மஞ்சள் மட்டத்திலான அம்பர் எச்சரிக்கையை விடுத்துள்ளது.

இதற்கமைய, கிழக்கு மற்றும் வடமத்திய மாகாணங்களுக்கும், வவுனியா, முல்லைத்தீவு மற்றும் மொனராகலை மாவட்டங்களுக்கும் பொருந்தும் என அறிவிக்கப்பட்டுள்ளது.

இதேவேளை, பகல் வேளையில் மனித உடலால் உணரப்படும் வெப்பத்தின் அளவு சில இடங்களில் எச்சரிக்கை மட்டம் வரை உயரக்கூடும் என தெரிவிக்கப்பட்டுள்ளது.

எனவே, அதிக வெப்பம் நிலவும் நேரங்களில் பொதுமக்கள் அவதானத்துடன் செயல்படுமாறு கேட்டுக்கொள்ளப்பட்டுள்ளனர்.

நல்லூரில் அதிக விலைக்கு குடிநீர் போத்தல் விற்றவருக்கு சுமார் 9 இலட்சம் அபராதம்!!

யாழ்ப்பாணம் – நல்லூர் பகுதியில் உள்ள பிரபல சைவ உணவகத்தில் தண்ணீர் போத்தலை அதிக விலைக்கு விற்ற குற்றத்திற்காக 9 இலட்சத்து 50 ஆயிரம் ரூபாய் தண்டம் விதிக்கப்பட்டுள்ளது.

குறித்த உணவகத்தில் அதிகூடிய விலைக்கு குடிநீர் போத்தல் விற்பனை செய்யப்படுவதாக யாழ்.

மாவட்ட பாவனையாளர் அதிகார சபையினருக்கு கிடைக்கப் பெற்ற தகவலுக்கு அமைய, மேற்கொள்ளப்பட்ட சோதனையில் விலை அதிகமாக விற்பனை செய்யப்பட்டமை உறுதிப்படுத்தப்பட்டது.

அதனை அடுத்து குறித்த உணவகத்திற்கு எதிராக, யாழ்ப்பாணம் மேலதிக நீதவான் நீதிமன்றில் தொடரப்பட்ட வழக்கில், இன்றைய தினம் (25.08.2026) நடைபெற்ற வழக்கு விசாரணையின் போது உணவாக

உரிமையாளருக்கு 09 இலட்சத்து 50 ஆயிரம் ரூபாய் தண்டம் விதித்த மன்று , தண்ட பணத்தினை செலுத்த தவறின் 06 மாத கால சிறைத்தண்டனை அனுபவிக்க வேண்டுமென கட்டளையிட்டது.

இதேவேளை குறித்த உணவகத்தில் முன்னரும் அதிக்கூடிய விலைக்கு குடிநீர் விற்ற குற்றத்திற்காக மன்றினால் தண்டம் அறவிடப்பட்ட நிலையில், மீண்டும் அதே குற்றத்தை புரிந்துள்ளமை குறிப்பிடத்தக்கது.

காதல் திருமணத்திற்கு எதிர்ப்பு : பெற்றோரை விஷ ஊசி செலுத்தித் கொன்ற பெண்!!

தெலுங்கானா மாநிலம் விகாரபாத் மாவட்டத்தைச் சேர்ந்த சுரேகா என்ற பெண், சங்கரெட்டியில் உள்ள தனியார் மருத்துவமனையில் செவிலியராகப் பணியாற்றி வந்தார்.

அங்கு வாலிபர் ஒருவரைக் காதலித்து வந்த நிலையில், இவர்களது திருமணத்திற்கு சுரேகாவின் பெற்றோர் கடும் எதிர்ப்பு தெரிவித்துள்ளனர்.

இதனால் ஆத்திரமடைந்த சுரேகா, பெற்றோர் தூங்கிக் கொண்டிருந்த சமயம் பார்த்து அவர்களுக்கு விஷ ஊசி செலுத்தி கொடூரமாகக் கொலை செய்தார்.

பெற்றோர் உடல்நலக் குறைவால் இறந்ததாக நாடகமாடிய போதிலும், காவல்துறையினரின் தீவிர விசாரணையில் உண்மை வெளிப்பட்டுச் சிறையில் அடைக்கப்பட்டார்.

சிறையில் இருந்த சுரேகா கடந்த சில நாட்களுக்கு முன்பு ஜாமீனில் வெளியே வந்தார். தொடர்ந்து சங்கரெட்டி சாந்தி நகரில் உள்ள ஒரு விடுதியில் அறை எடுத்துத் தங்கியுள்ளார்.

நீண்ட நேரமாகியும் அறை திறக்கப்படாததால் விடுதி ஊழியர்கள் அளித்த தகவலின் பேரில், காவல்துறையினர் கதவை உடைத்து உள்ளே சென்றனர். அங்குச் சுரேகா தனக்குத்தானே விஷ ஊசி செலுத்திக் கொண்டு பிணமாகக் கிடந்தது கண்டறியப்பட்டது.

சடலத்தைக் கைப்பற்றிய காவல்துறையினர் பிரேதப் பரிசோதனைக்காக அரசு மருத்துவமனைக்கு அனுப்பி வைத்துவிட்டு, இச்சம்பவம் குறித்துத் தொடர்ந்து விசாரணை நடத்தி வருகின்றனர்.

1...303132...4,735Page 31 of 4,735