தொலைபேசி சேவை வழங்குநர் நிறுவனங்களுக்கு ஏற்பட்ட நட்டத்தை ஈடு செய்யும் வகையில் இணைய டேட்டாவுக்கான கட்டணம் அதிகரிக்கப்பட்டுள்ளதாக நிதியமைச்சர் தெரிவித்துள்ளார்.

இணைய டேட்டா மூலம் வைபர், வட்ஸ் அப், பேஸ்புக் போன்றவைகளில் அழைப்பு பெற்றுக் கொள்வதனால் தொலைபேசி அழைப்புக்கான சேவையை வழங்கும் நிறுவனங்களுக்கு நட்டம் ஏற்படுகிறது.

அதற்கமைய அதன் நட்டத்தை ஓரளவு சமப்படுத்துவதற்காக இணையத்தள சேவை கட்டணத்தை அதிகரிக்க நேரிட்டுள்ளதாக நிதி அமைச்சர் ரவி கருணாநாயக்க தெரிவித்துள்ளார்.

இன்று இடம்பெற்ற ஊடகவியலாளர் சந்திப்பில், டிஜிட்டல் தொழில்நுட்பத்தின் ஊடாக எதிர்வரும் புரட்சிகரமான பயணம் ஆரம்பிக்கப்படும் என பிரதமர் தெரிவித்துள்ளார். இவ்வாறான சந்தர்ப்பத்தில் இணையத்தள சேவை கட்டணம் அதிகரிக்கபடுவது ஏன் என ஊடகவியலாளர் ஒருவர் கேள்வி எழுப்பியுள்ளார்.

இவ்வாறான கட்டணங்கள் அதிகரிப்பின் ஊடாக டெலி கம்யூனிகேஷன் நிறுவனங்கள் மற்றும் அரசாங்கத்திற்கு சில வருமானத்தை பெற்றுக் கொள்வதற்காக இவ்வாறு கட்டணம் அதிகரிக்கப்பட்டதாக நிதியமைச்சர் குறிப்பிட்டார்.

தொலைப்பேசி சிம் அட்டை ஒன்றை பதிவு செய்யும் போது 250 ரூபாய் அறிவிடுவதற்கு தீர்மானிக்கப்பட்டுள்ளாகவும், தொலைப்பேசி ஊடாக ஏற்படுகின்ற அவசியமற்ற பிரச்சினைகளை வேறு பக்கம் திருப்பிக் கொள்வதற்காக தான் என அமைச்சர் மேலும் குறிப்பிட்டுள்ளார்.

முகநூலில் யாழ்.மேல் நீதிமன்ற நீதிபதி மா.இளஞ்செழியனை விமர்சித்த இளைஞர் ஒருவரைபொலிஸார் கைதுசெய்து குற்றப் புலனாய்வுப் பிரிவினரிடம் ஒப்படைத்துள்ளனர்.

யாழ்.பல்கலைக்கழக மாணவர்களின் சுட்டுச் சம்பவத்திற்கு பின்னர் வவுனியாமாவட்டத்தினைச் சேர்ந்த ந. ஜக்சன் என்ற இளைஞரே யாழ். மேல் நீதிமன்ற நீதிபதியைகடுமையான பல விமர்சனங்களை முன் வைத்து விமர்சித்திருந்தார்.

அந்த விமர்சனத்தின் பின்னர், குறித்த நபர் நேற்று புதன்கிழமை யாழ். நீதிமன்றில்அவருக்கு எதிரான காசு சம்பந்தப்பட்ட வழக்கு ஒன்றிற்கு வருகை தந்திருந்த போது,நீதிபதியினால் அடையாளப்படுத்தப்பட்டதன் பின்னர் பொலிஸார் அவரை கைதுசெய்துபொலிஸ் நிலையத்திற்கு அழைத்துச் சென்றிருந்தனர்.

மேற்படி நபர் பொலிஸ் நிலையத்தில் வைத்து விசாரணைக்குட்படுத்தப்பட்ட நிலையில்,இன்று வியாழக்கிழமை குற்றப் புலனாய்வுப் பிரிவினரிடம் ஒப்படைக்கப்பட்டுள்ளார்.

மேலதிக விசாரணைகளை குற்றப்புலனாய்வுப் பிரிவினர் மேற்கொள்வார்கள் என்றும், அதன்பின்னர் நீதிமன்றில் ஆஜர்ப்படுத்துவதற்கான நடவடிக்கையினை அவர்கள்மேற்கொள்வார்கள் என்றும் யாழ்ப்பாணம் பொலிஸார் தெரிவித்தனர்.

யுவதி ஒருவர் நீர்தேக்கத்தில் குதித்து உயிரை மாய்த்து கொள்ள முயற்சித்த போது ரயில் பாதையில் சிக்கி உயிர் தப்பியுள்ளார்.

இந்த சம்பவம் நேற்றைய தினம் தலவாக்கலை பிரதேசத்தில் இடம்பெற்றுள்ளது.

தலவாக்கலை ரயில் பாலத்திலிருந்து மேல் கொத்மலை நீர்த்தேக்கத்திற்குள் குதித்து உயிரை மாய்த்துக் கொள்ள இந்த யுவதி முயற்சித்துள்ளார்.

பத்தனையில் அமைந்துள்ள பிரபல ஆசிரியர் பயிற்சி கலாசாலை ஒன்றின் பயிலுனர் ஆசிரிய மாணவியே இவ்வாறு தற்கொலைக்கு முயற்சித்துள்ளார்.

நீர்த் தேக்கத்தில் குதிக்க முயற்சித்த யுவதி தவறுதலாக புகையிரத பாதை கொங்கிரீட் தடுப்புக்காவலரணிற்குள் சிக்குண்ட நிலையில் இருந்த போது பொலிஸார் அவரை மீட்டுள்ளனர்.

21 வயதான குறித்த யுவதி வட்டகொட மடகும்புர பிரதேசத்தைச் சேர்ந்தவர் என்பது குறிப்பிடத்தக்கது.

ஓராண்டு காலமாக நீடித்து வந்த காதல் உறவு முறிவடைந்த காரணத்தினால் ஏற்பட்ட மன விரக்தியினால் யுவதி தற்கொலைக்கு முயற்சித்துள்ளதாக பொலிஸார் நடத்திய ஆரம்ப கட்ட விசாரணைகளின் மூலம் தெரியவந்துள்ளது.

காயமடைந்த யுவதி லிந்துலை வைத்தியசாலையில் சிகிச்சைக்காக அனுமதிக்கப்பட்டுள்ளார்.

இந்த சம்பவம் தொடர்பில் தலவாக்கலை பொலிஸார் விசாரணைகளை ஆரம்பித்துள்ளனர்.

இலங்கை வான்பரப்பினை விண்வெளி மையம் கடந்து செல்லும் நிகழ்வை இன்று அவதானிக்க முடியும் என அறிவிக்கப்பட்டுள்ளது.

இன்று மாலை 6.40 மணியளவில் இலங்கையின் வான் பரப்பில் விண்வெளி மையம் கடந்து செல்லும் என நாசா அறிவித்துள்ளது.

இதனை வெற்றுக் கண்களால் பார்வையிட இலங்கையர்களுக்கு வாய்ப்பு கிடைக்கும்.

எனினும் சீரற்ற காலநிலையால் மழையோ அல்லது முகில் கூட்டங்களோ அதிகமாக இருந்தால் பார்வையிடுவதில் சிக்கல் என அறிவிக்கப்பட்டுள்ளது.

பூமியில் நடக்கும் அனைத்து விதமான விடயங்களும் விண்வெளி ஆய்வு மையத்தின் ஊடாக கண்காணிக்கப்பட்டு வருகிறது. பூமியிலுள்ள பல சுவாரஸ்சிய தகவல்கள் இதன்மூலம் பெறப்படுகின்றமை குறிப்பிடத்தக்கது.

 
இலங்கையில் மிகப் பெரிய இராட்சத கடல் ஆமை ஒன்று கண்டுபிடிக்கப்பட்டுள்ளது. காலி மாவட்டத்தில் கடற்கரையோரத்தில் ஆமை இனங்காணப்பட்டுள்ளதாக அதிகாரிகள் தெரிவித்துள்ளனர்.

இலங்கையில் கடற்பிரதேசத்தில் காணப்படும் கடல் ஆமைகளில் இது மிகவும் பெரியதென தெரிவிக்கப்படுகிறது.

வழமையான ஆமைகளை விடவும், இந்த ஆமை மிகவும் வலிமை கொண்டதாக காணப்படுகிறது.

இந்த ஆமையை வீணை ஆமை அல்லது கடின தோல் கொண்ட ஆமை என கூறுவார்கள் என தெரிவிக்கப்பட்டுள்ளது.

தமது காலத்தையும் பணத்தை மற்றவர்களுக்காக செலவு செய்து தானங்களை வழங்க விரும்பும் மனிதர்கள் அதிகளவில் வாழும் 5 நாடுகளில் இலங்கையும் இடம்பெற்றுள்ளது.

அமெரிக்காவின் பிரபல நிறுவனமான கோல் அப் நிறுவனம் 146 நாடுகளை அடிப்படையாக கொண்டு இது தொடர்பாக நடத்திய ஆய்வுகளை நடத்தியுள்ளது.

இது ஒரு நாட்டின் பொருளாதார முன்னேற்றம் தொடர்பான அறிகுறியை வெளிப்படுத்துவதாக ஆய்வில் சுட்டிக்காட்டப்பட்டுள்ளது.

மியன்மார், அமெரிக்கா, அவுஸ்திரேலியா, நியூசிலாந்து, இலங்கை ஆகிய நாடுகள் மற்றவர்களுக்கு உதவி செய்வதில் முன்னணியில் இருக்கும் நாடுகளாகும்.

இலங்கையர்கள் பின்பற்றும் மதங்களே அவர்கள் உதவும் மனநிலைமைக்கு காரணம் எனவும் இலங்கையில் பௌத்தம் மற்றும் இந்து மதங்கள் பெருமளவில் பின்பற்றப்படுவதாக கோல்அப் நிறுவனம் சுட்டிக்காட்டியுள்ளது.

இந்த இரண்டு மதங்களும் தானம் வழங்குவதை ஊக்குவிக்கின்றன. இலங்கை மக்கள் எப்போதும் முகத்தில் சிரிப்புடன் மற்றவர்களுக்கு உதவி செய்வதில் பின்நிற்பதில்லை எனவும் கோல் அப் நிறுவனம் குறிப்பிட்டுள்ளது.

ஒரு மாத காலம் இந்த ஆய்வு நடத்தப்பட்டுள்ளது. உலக மக்களின் 1.4 பில்லியன் மக்கள் சமூக சேவைகளுக்கு நிதி வழங்கியுள்ளனர். ஒரு பில்லியன் மக்கள் சமூக சேவைகளுக்காக உழைப்பு ரீதியான பங்களிப்பை வழங்கியுள்ளனர்.

2.2 பில்லியன் மக்கள் அனாதரவாக இருக்கும் நபர்களுக்கு உதவியுள்ளதாக ஆய்வில் கண்டறியப்பட்டுள்ளது.

அறவிடப்படும் தண்டப்பணம் அதிகரிக்கப்படவுள்ளதாக பொய்யான வதந்திகளை நம்பி ஏமார வேண்டாம் என மோட்டார் போக்குவரத்து திணைக்களம் தெரிவித்துள்ளது.

இதன் காரணமாக மோட்டார் போக்குவரத்து திணைக்களத்திற்கு அதுகமான மக்கள் வருகை தருவதாக மோட்டார் போக்குவரத்து திணைக்களத்தின் ஆணையாளர் நாயகம் ஜகத் சந்திரசிரி தெரிவித்தார்.

வேரகல மற்றும் நாராஹேன்பிட அலுவலகங்களில் அதிகமான மக்கள் வருகை தருவதாக அவர் மேலும் தெரிவித்தார்.

தண்டப்பணம் எந்த சந்தர்ப்பத்திலும் அதிகரிக்கப்படமாட்டாது என மோட்டார் போக்குவரத்து திணைக்களம் தெரிவித்துள்ளது.

கட்டுநாயக்க விமான நிலையத்தில் இயங்கும் குடிவரவு குடியகல்வு திணைக்களத்தின் கணினி கட்டமைப்பு தற்காலிகமாக செயலிழந்துள்ளதாக தெரியவருகிறது.

விமான நிலையத்திற்காக வழங்கப்பட்டுள்ள தொலைப்பேசி கட்டமைப்பில் ஏற்பட்டுள்ள மந்தமான நிலைமையே இதற்கு காரணம் என கண்டறியப்பட்டுள்ளது.

இதன் காரணமாக குடிவரவு, குடியகல்வு நடவடிக்கையில் சிக்கல் ஏற்பட்டுள்ளது. இதனால் பயணிகள் பெரிதும் சிரமப்பட்டதாக விமான நிலையத் தகவல்கள் தெரிவிக்கின்றன.

எனினும் சற்று நேரத்தில் நிலைமை கட்டுப்பாட்டுக்குள் கொண்டுவரப்படும் என குடிவரவு குடியகல்வு திணைக்கள கட்டுப்பாட்டாளர் நிஹால் ரணசிங்க தெரிவித்துள்ளார்.

மஸ்கெலியா கோர்த்தி தோட்டத்தில் மின்னல் தாக்கத்திற்கு இலக்காகிய 6 பேர் வைத்தியசாலையில் அனுமதிக்கப்பட்டுள்ளனர்.

மூன்று சிறார்களும், 32, 36 மற்றும் 42 வயதான மூவர் உள்ளிட்ட ஆறு பேர் மின்னல் தாக்கத்திற்குள்ளாகியுள்ளதாக பொலிஸ் ஊடகப் பிரிவு தெரிவித்துள்ளது.

மின்னல் தாக்கத்திற்கு இலக்கானவர்கள் மஸ்கெலியா மாவட்ட வைத்தியசாலையில் அனுமதிக்கப்பட்டுள்ளனர்.

இந்த அனர்த்தம் நேற்று (23) மாலை 4.30 அளவில் இடம்பெற்றுள்ளது.

மின்னல் தாக்கத்திற்கு இலக்கானவர்களின் நிலை பாரதூரமாக இல்லை எனவும் பொலிஸார் குறிப்பிட்டனர்.

சம்பவம் தொடர்பில் நோர்வூட் பொலிஸார் விசாரணைகளை மேற்கொண்டு வருகின்றனர்.