கடந்த ஜனவரி தொடக்கம் ஒக்டோபர் வரையிலான காலப்பகுதியில் 778 வர்த்தகர்களுக்கு எதிராக வழக்குத் தாக்கல் செய்யப்பட்டுள்ளதாக வவுனியா மாவட்ட பாவனையாளர் அலுவல்கள் அதிகாரசபை தெரிவித்துள்ளது.

குறிக்கப்பட்ட விலையை விட கூடுதலான விலைக்கு பொருட்களை விற்பனை செய்தமை, கட்டுப்பாட்டு விலையை விட கூடுதலான விலைக்கு பொருட்களை விற்பனை செய்தமை, காலாவதியான பொருட்களை விற்பனைக்கு காட்சிப்படுத்தியமை, காலாவதியான பொருட்களை விற்பனை செய்தமை, விலைகளை காட்சிப்படுத்தாமல் அத்தியாவசியப் பொருட்களை விற்பனை செய்தமை,

இறக்குமதியாளர் மற்றும் விநியோகத்தர் ஆகக்கூடிய விலை என்பன குறிப்பிடாது பொருட்களை விற்பனை செய்தமை, பொருட்களில் உள்ள விலையை அழித்து அதிகரித்த விலை சுட்டுத்துண்டு ஒட்டியமை, பொருட்களை விற்பனை செய்யும் போது மிகுதிப்பணத்திற்கு பதிலாக மாற்றுப்பணடம் வழங்கியமை, வியாபார நிலையத்தில் நடப்பு ஆண்டிற்கான முத்திரை இடப்படாத தராசு வைத்திருந்தமை என்பவற்றுக்கு எதிராகவே குறித்த வழக்குகள் தாக்கல் செய்யப்பட்டுள்ளது.

இதன்படி இவ்வாண்டு ஜனவரி மாதம் முதல் ஓகஸ்ட் மாதம் வரை வவுனியா, மன்னார், முல்லைத்தீவு, கிளிநொச்சி மாவட்டங்களைச் சேர்ந்த 634 வர்த்தகர்களுக்கு எதிராகவும் செப்ரெம்பர், ஒக்டோபர் மாதங்களில் வவுனியா முல்லைத்தீவு பகுதியைச் சேர்ந்த 144 வர்த்தகர்களுக்கு எதிராகவும் வழக்குத் தாக்கல்கள் செய்யப்பட்டுள்ளன என பாவனையாளர் அலுவல்கள் அதிகார சபை தெரிவித்துள்ளது.

 
தேசிய இளைஞர் சேவைகள் மன்றத்தின் நெடுங்கேணி பிரதேச இளைஞர் சேவைகள் அதிகாரி சதீஸ்குமார் தலைமையில் கடந்த 18.11.2016 (வெள்ளிக்கிழமை) தொடக்கம் 20.11.2016 (ஞாயிற்றுக்கிழமை) வரை இளைஞர் தலைமைத்துவ முகாம் வவுனியா மதியாமடு விவேகானந்த வித்தியாலயத்தில் வெகு சிறப்பாக நடைபெற்றது.

இவ் இளைஞர்களின் தலைமைத்துவ வழிகாட்டல் முகாமில் நடைபெற்ற தீப்பாசறை நிகழ்வின் பிரதம அதிதியாக வட மாகாண சபை உறுப்பினர் ஜி.ரி.லிங்கநாதன் கலந்து சிறப்பித்ததுடன்,

சிறப்பு அதிதிகளாக தமிழ் தேசிய இளைஞர் கழகத்தின் தலைவர் சுந்தரலிங்கம் காண்டீபன், சமனங்குளம் கிராம சேவையாளர் மா.சுரேந்தர், நெடுங்கேணி பிரதேச இளைஞர் கழக பிரதேச சம்மேளன தலைவர் இ.சஜீவன் ஆகியோருடன் வவுனியா பிரதேச இளைஞர் சேவைகள் அதிகாரி அஜித் சந்திரசேன, நிஸ்கோ திட்ட இயக்குனர் ரி.அமுதராஜ் ஆகியோர் கலந்து சிறப்பித்திருந்தமை குறிப்பிடத்தக்கது.

தீப்பாசறை நிகழ்வுகளை தமிழ் தேசிய இளைஞர் கழகத்தின் செயலாளர் ஸ்ரீ.கேசவன் தலைமையேற்று நடாத்தியதுடன், உப தலைவர்களில் ஒருவரான க.மயூரதன் நிகழ்வுகளை தொகுத்து வழங்கினார். தமிழ் தேசிய இளைஞர் கழகத்தின் பொருளாளர் த.நிகேதன், மற்றும் உறுப்பினர் ஜெ.கஜுரன் ஆகியோர் ஒழுங்கமைப்புகளை மேற்கொண்டு இருந்தமை குறிப்பிடத்தக்கது.

 
வவுனியா மன்னார் வீதி பட்டாணிச்சூர் பகுதியில் இன்று (24.11.2016) ஏற்பட்ட விபத்தில் ஒருவர் படுகாயமடைந்து வவுனியா பொது வைத்தியசாலையில் அனுமதிக்கப்பட்டுள்ளார். இச் சம்பவம் பற்றி தெரியவருவதாவது..

வவுனியாவிலிருந்து பயணித்த வவுனியா நகரசபைக்கு சொந்தமான உழவு இயந்திரத்துடன் (ட்ரக்ரர்) மன்னார் பகுதியிலிருந்து வவுனியா நோக்கி பயணித்த கயஸ் ரக வாகனம் ஒன்று உழவு இயந்திரத்தை கடந்து செல்ல முற்பட்ட வேளையில் உழவு இயந்திரத்தின் பெட்டியில் கயஸ் வாகனம் மோதுண்டதினாலேயே இவ்விபத்து ஏற்பட்டுள்ளதாக அறியப்படுகிறது.

இதில் கயஸ் வாகனத்தின் சாரதி காயமடைந்த நிலையில் வவுனியா பொது வைத்தியசாலையில் அனுமதிக்கப்பட்டுள்ளார்

சம்பவ இடத்திற்கு விரைந்த வவுனியா போக்குவரத்துப் பொலிஸார் மேலதிக விசாரணைகளை மேற்கொண்டு வருகின்றனர்.

 
வவுனியா தெற்கிலுப்பைக்குளம் 7ம் ஒழுங்கை மற்றும் கோவில்குளம் 10ம் ஒழுங்கை ஆகிய வீதிகளில் புனரமைப்புக்காக வீதியில் கொட்டப்பட்டு கிடக்கும் மண்குவியலால் பொதுமக்கள் பாரிய அசௌகரியங்களுக்கு முகங்கொடுக்கின்றனர்.

கடந்த 15 நாட்களுக்கு மேலாக வீதியின் நடுவில் கொட்டப்பட்டுக் கிடக்கும் மண்குவியலினால் மழை நேரத்தில் வீதியில் பயணிக்க முடியாமால் உள்ளதாக பொதுமக்கள் விசனம் தெரிவிக்கின்றனர்.

நேற்று முன்தினம் இரவு இவ் மண்குவியலில் மோதி ஒருவர் விபத்துக்குள்ளாது குறிப்பிடத்தக்கது.

அத்துடன் தற்போது மழை பெய்துவருவதால் இம் மண் குவியல்களால் இவ்விடம் வயல் போன்று காட்சி தருகின்றது. பயணிக்கும் வாகனங்கள் வீதியில் இருந்து வழுக்கி பயணிக்க முடியாமல் திணறுவதைக் காணக் கூடியதாக உள்ளது.

இவற்றுக்கு உரியவர்கள் கவனமெடுக்க வேண்டும் என்பதே மக்களின் எதிர்பார்ப்பாகும்.

வவுனியா பத்தினியார்மகிழங்குளம் பகுதியில் நேற்று முன்தினம் (22.11.2016) காலை சடலமாக மீட்கப்பட்ட குடும்பஸ்தர் மீது இருவர் தாக்குதல் நடத்தியதால் அவர் சம்பவ இடத்தில் உயிரிழந்துள்ளதாக வவுனியா பொலிஸ் நிலைய பொறுப்பதிகாரி சோமரத்தின விஜயமுனி நேற்று (23.11.2016) காலை தெரிவித்தார். இச் சம்பவம் சம்பவம் தொடர்பாக அவர் கருத்துத் தெரிவிக்கையில்..

கடந்த 21.11.2016 காலை பொலிசாரின் அவசர தொலைபேசிக்கு ஒருவர் அழைப்பினை ஏற்படுத்தி வவுனியா பத்தினியார்மகிழங்குளம் பகுதியில் ஒரு குடும்பத்தில் சண்டை இடம்பெறுவதாக தகவல் வழங்கப்பட்டுள்ளது. சிறிது நேரத்தில் சென்ற பொலிசார் விசாரணையின்போது கணவன் மனைவி இடையே ஏற்பட்ட குடும்பப்பிரச்சினை என்பதை அறிந்ததும் அவர்களுக்கு பொலிசார் ஆலோசனைகள் வழங்கிவிட்டு அங்கிருந்து சென்றுவிட்டனர்.

பின்னர் அன்று மாலை அதே வீட்டில் மனைவியின் பிறந்ததினம் இடம்பெற்றுள்ளது. அதில் நான்குபேர் கலந்து கொண்டு மது அருந்தியுள்ளனர். அளவிற்கு அதிகமாக மது அருந்தப்பட்டுள்ளது. அதில் நிலை தடுமாறிய இருவர் காலை பொலிசாரின் அவசர தொலைபேசிக்கு அழைப்பு ஏற்படுத்தப்பட்டது யார் என வினவியதுடன் கருத்து முரன்பாடுகளும் அவர்களுக்கிடையே ஏற்பட்டுள்ளது.

இதனிடையே அருகிலுள்ள வீட்டில் வசித்து வருபவர் கடந்த மூன்று மாதங்களுக்கு முன்னர் ஜேர்மனியிலிருந்து வந்து தனது வீட்டின் திருத்தப்பணிகளை மேற்கொண்டு வந்துள்ளார். அவருக்கும் இவர்களுக்கும் இடையே அடிக்கடி தகறாறு ஏற்பட்டு வந்துள்ளது.

எனவே பொலிசாரின் அவசர தொலைபேசிக்கு தகவலை அருகில் வசித்துவந்த குறித்த முன்னாள் பொலிஸ் உத்தியோகத்தர்தான் வழங்கியுள்ளதாக அவர் மீது சந்தேகம் ஏற்பட்டு மது அருந்தியவர்களில் இருவர் அவரின் வீட்டிற்குச் சென்று அவர்மீது தாக்குதல் மேற்கொண்டுள்ளனர்.

அதில் அவர் படுகாயமடைந்து சம்பவ இடத்திலே உயிரிழந்துள்ளார். அப்பகுதியில் சண்டை இடம்பெற்றுள்ளதை அங்கிருப்பவர்கள் விசாரணைகளில் தெரிவித்துள்ளனர்.

மேலும் மது அருந்தியவர்களில் இருவர் அவரின் வீட்டிற்குச் சென்று குறித்த முன்னாள் பொலிஸ் உத்தியோகத்தர் மீது தாக்குதல் நடத்தியதாக விசாரணைகளில் தெரிவித்துள்ளனர். வீட்டிற்கு முன்னால் சடலம் இருப்பதாக தொலைபேசி அழைப்பு ஏற்படுத்தப்பட்ட பின்னரே நேற்று முன்தினம் (22.11.2016) காலை நாங்கள் சென்று எமது விசாரணைகளை மேற்கொண்டுவருகிறோம்.

மேலதிக விசாரணைகளின் பின்னர் இன்று வவுனியா மாவட்ட நீதவான் நீதிமன்றில் சந்தேக நபர்களை ஆஜர்ப் படுத்த நடவடிக்கைகள் மேற்கொள்ளப்படவுள்ளதாக வவுனியா பொலிஸ் நிலைய பொறுப்பதிகாரி சோமரத்தின விஜயமுனி மேலும் தெரிவித்துள்ளார்.

அரச நிறுவனமான வவுனியா தொழில்நுட்பக் கல்லூரியில் 2017ம் ஆண்டிற்கான கற்கை நெறிகளுக்கான விண்ணப்பங்கள் கோரப்பட்டுள்ளன.

விண்ணப்ப முடிவத்திகதி 02.12.2016 ம் திகதி வரை நீடிக்கப்பட்டுள்ளதால் இச்சந்தர்ப்பத்தினைப் பயன்படுத்தி அனைவரும் விண்ணப்பிக்க முடியும்.

முழு நேரக் கற்கை நெறிகளுக்கு 17 – 29 வயதிற்கிடைப்பட்டவர்களும் ஆண்டு 9 வரை கல்வி கற்றுவிட்டு பாடசாலை இடைவிலகிய மாணவர்கள் தொடக்கம் க.பொ.த உயர்தரம் வரை கவ்வி கற்ற மாணவர்கள் வரை கல்வி கற்றுத் தமது தொழிற்பாதையைத் தெரிவு செய்து கொள்ள முடியும்.

முழு நேரக் கற்கை நெறி மாணவர்களுக்கான சலுகைகளாக

1) இலவசமான கற்கை நெறிகள்
2) மாதாந்தம் 1000 ரூபாவிற்கு மேற்படாத மாணவர் ஊக்குவிப்புக் கொடுப்பனவு
3) போக்குவரத்திற்கான பருவகாலச் சீட்டு
4) உள்நாட்டு வெளிநாட்டு வேலை வாய்ப்பு
5) 06 மாத காலத் தொழிற்பயிற்சி
6) சுயதொழில் கடன் பெறும் வாய்ப்பு
7) அரச அங்கீகாரம் பெற்ற சான்றிதழ்
8) ஒரே கற்கை நெறிக்கான இரு சான்றிதழ் (திணைக்களச் சான்றிதழும் NVQ தரச் சான்றிதழும்)
9) NVQ 3,4 மற்றும் டிப்ளோமா 5 தரச் சான்றிதழ்

தொழிலில் ஈடுபட்டிருக்கும் அரச மற்றும் தனியார் துறை உத்தியோகத்தர்கள் NCT NCT QS , NCT EE ஆகிய NVQ டிப்ளோமா கற்கை நெறிகளுடன் ICT (NVQ 4), NCAT (NVQ 4) மற்றும் ஆங்கிலக் கற்கைநெறிகளுடன் இணைந்து பூர்த்தி செய்வதன் மூலம் தமது பதவி உயர்வு மறறும் சம்பள உயர்வினைப் பெற முடியும்.

தொடர்புகட்கு
அதிபர்
தொழில்நுட்பக் கல்லூரி
வவுனியா
தொ.பே.இலக்கம் :
024 222 3664
0242050177
024 222 6720

விண்ணப்பப் படிவத்தினை அலுவலகத்தில் பெற்றுக் கொள்ளலாம்.