வெளிநாடு ஒன்றிலிருந்து அரிய வகை பறவையொன்று இலங்கை வந்துள்ளமை கண்டுபிடிக்கப்பட்டுள்ளது.

குறித்த பறவை கொழும்பு, திம்பிரிகஸ்யாய பிரதேசத்தில் கீழே விழுந்து கிடந்த நிலையில் அடையாளம் காணப்பட்டுள்ளது.

காயமடைந்த பறவையை கொழும்பு பல்கலைக்கழகத்திற்கு கொண்டு சென்று சிகிச்சை வழங்கியுள்ளதாக பேராசரியர் சம்பத் செனவிரத்ன தெரிவித்துள்ளார்.

தற்போது நல்ல உடல் நிலையில் பறவை உள்ளதாகவும், நுகேகொடையில் உள்ள ஈர நிலத்தில் இந்த பறவை விடுவிக்கப்படவுள்ளது.

இந்த சுற்றுலா பறவை தென்கிழக்கு ஆசியாவில் இருந்து வந்துள்ளதாக அவர் தெரிவித்துள்ளார். Malayan night heron என இந்த பறவை இனம் அழைக்கப்படுகின்றது.

குறித்த பறவை இனத்திற்கு கொழும்பு மற்றும் யாழ்ப்பாணத்தில் சாதகமான சூழல் காணப்படுவதால் இலங்கை வருதாக தெரிவிக்கப்படுகிறது.

ஏ.டி.எம். (தானியங்கி டெல்லர் இயந்திரங்கள்) ஊடாக பணம் எடுக்கும் போது வாடிக்கையாளர்களிடமிருந்து 5 ரூபா புதிய வரி அறவீடு செய்யப்படாது என நிதி அமைச்சர் ரவி கருணாநாயக்க தெரிவித்துள்ளார்.

கொழும்பு நட்சத்திர ஹோட்டல் ஒன்றில் வரவு செலவுத் திட்டம் தொடர்பில் நேற்று நடைபெற்ற கருத்தரங்கு ஒன்றில் அவர் இதனைத் தெரிவித்துள்ளார்.

அவர் மேலும் கூறுகையில், நிதி கொடுக்கல் வாங்கல்கள் தொடர்பிலான வரி வங்கி வாடிக்கையாளர்களிடமிருந்து அறவீடு செய்யப்படாது.

நிதி நிறுவனங்கள் மற்றும் வங்கிகளினால் மேற்கொள்ளப்படும் கொடுக்கல் வாங்கல்களின் போது 5 ரூபா வரி அறவீடு செய்யப்பட உள்ளது.

இதன்படி, வங்கியின் வாடிக்கையாளர்கள் தானியங்கி டெல்லர் இயந்திரங்களின் ஊடாக பணம் எடுக்கும் போது புதிதாக 5 ரூபா வரி அறவீடு செய்யப்படாது என அவர் குறிப்பிட்டுள்ளார்.

இது எனது கணவர் என சடலமொன்றுக்கு மூன்று பெண்கள் உரிமை கோரி நீதிமன்றின் உதவியை நாடியுள்ளனர். கம்பஹா மேலதிக நீதவான் நீதிமன்றில் இந்த விசித்திரமான சம்பவம் இடம்பெற்றுள்ளது.

வாகன விபத்து ஒன்றில் உயிரிழந்த நபர் தமது கணவர் எனவும் அவரது சடலத்தை தம்மிடம் ஒப்படைக்குமாறும் கோரி மூன்று பெண்கள் உரிமை கோரியுள்ளனர். குறித்த மூன்று பெண்களும் சட்ட ரீதியான விவாக சான்றிதழ்களை சமர்ப்பித்துள்ளனர்.

பிள்ளைகளுக்கு பாதிப்பு ஏற்படாத வகையில் உயிரிழந்தவரின் இறுதிக் கிரியைகளை நடத்துவது குறித்து பேச்சுவார்த்தை நடத்தி நீதிமன்றில் முன்னிலையாகுமாறு மூன்று பெண்களுக்கும், கம்பஹா மேலதிக நீதவான் லலித் கண்ணங்கர உத்தரவிட்டுள்ளார்.

யக்கல கிரிந்திவெல வீதியில் கடந்த 13ம் திகதி மோட்டார் சைக்கிளில் சென்ற 44 வயதான சரத் பண்டார என்பவர் விபத்துக்கு உள்ளாகி படுகாயமடைந்து கம்பஹா வைத்தியசாலையில் அனுமதிக்கப்பட்டு, சிகிச்சை பலனின்றி அதே தினத்தில் உயிரிழந்துள்ளார்.

உயிரிழந்தவரின் பிரேதப் பரிசோதனை கடந்த 14ம் திகதி கம்பஹா பெரியாஸ்பத்திரியில் மேற்கொள்ளப்பட்டுள்ளது.

உயிரிழந்தவரின் சடலத்தை பொறுப்பேற்றுக்கொள்ள மூன்று மனைவியர் வைத்தியசாலையில் முன்னிலையாகியுள்ளனர்.

இதன் காரணமாக குறித்த சம்பவம் தொடர்பில் நேற்று பொலிஸார் நீதிமன்றிற்கு அறிவித்திருந்தனர்.

உயிரிழந்தவரின் சடலம் கம்பஹா வைத்தியசாலையின் பிரேத அறையில் வைக்கப்பட்டுள்ளது.

உயிரிழந்த நபர் ரம்புக்கன கொட்டுவல்ல பிரதேசத்தில் 1996ம் ஆண்டில் பெண் ஒருவரை சட்ட ரீதியாக திருமணம் செய்து கொண்டுள்ளார்.

மேலும் 2005ம் ஆண்டில் தெரனியகல மஹாவதென்ன மற்றும் மல்வத்துகிரி பிட்டிய அபகஸ்பிட்டிய என்னும் பகுதிகளைச் சேர்ந்த இரண்டு பெண்களையும் சட்டரீதியாக திருமணம் செய்து கொண்டுள்ளார்.

உயிரிழந்த நபரின் ஒரு மனைவிக்கு தலா இரண்டு பிள்ளைகள் என்ற அடிப்படையில் மொத்தமாக ஆறு பிள்ளைகள் இருக்கின்றார்கள்.

இந்த மூன்று குடும்பத்தையும் உயிரிழந்த நபர் நன்றாக பராமரித்துள்ளார் என நீதிமன்றில் அறிவிக்கப்பட்டுள்ளது.

உயிரிழந்தவர் கட்டுநாயக்க பிரதேசத்தில் தொழிலில் ஈடுபட்டவர் எனவும், இரகசியமான முறையில் மூன்று பெண்களுடனும் குடும்பம் நடத்தியுள்ளார்.

இறுதியாக திருமணம் செய்து கொண்ட பெண், பத்து ஆண்டுகள் குடும்பம் நடத்திய தமது கணவரின் சடலத்தை ஒரு மணித்தியாலமேனும் வீட்டில் வைத்திருக்க அனுமதியளிக்குமாறு கோரியுள்ளார்.

மட்டக்களப்பில் பௌத்த தேரர் ஒருவர் நடந்து கொண்டுள்ள விதமானது எந்தவகையிலும் ஏற்றுக்கொள்ளப்பட முடியாத விடயமாகும். எனவே, இந்த விடயம் தொடர் பில் அரசாங்கம் பக்கச்சார்பற்ற விசார ணையை நடத்தும் என்று அமைச்சரவைப் பேச்சாளரும் அமைச்சருமான டாக்டர் ராஜித சேனாரத்ன தெரிவித்தார்.

மதத் தலைவர்கள் எப்போதும் அஹிம்சையுடனும் அமைதியான முறையிலும் சமூகங்கள் மத்தியில் நம்பிக்கை ஏற்படும் வகையிலும் நடந்து கொள்ள வேண்டும். இல்லாவிடின் பாரிய களங்கமே ஏற்பட்டு விடும் என்றும் அமைச்சர் சுட்டிக்காட்டினார்.

மட்டக்களப்பில் தேரர் ஒருவர் அரச அதிகாரிகளை கடும் தொனியில் விமர்சித்து தாக்குதல் நடத்த முயற்சி செய்ததாக கூறப்படும் சம்பவம் தொடர்பில் அரசாங்கத்தின் நிலைப்பாட்டினை அறிவிக்கையிலேயே அமைச்சர் ராஜித்த சேனாரத்ன மேற்கண்டவாறு குறிப்பிட்டார்.

அமைச்சர் இந்த விடயம் குறித்து மேலும் குறிப்பிடுகையில்,

மட்டக்களப்பு பகுதியில் தேரர் ஒருவர் காணி விவகாரம் ஒன்றில் அரச அதிகாரிகளை விமர்சித்துள்ளதாகவும் தாக்குதல் நடத்த முயற்சித்துள்ளதாகவும் தெரிவிக்கப்படுகிறது. இவ்வாறான சம்பவங்களை ஒருபோதும் ஏற்றுக் கொள்ள முடியாது.

யாருக்கும் யாரையும் தாக்க முடியாது. அது அடிப்படை உரிமையை மீறுவதாக அமைந்துவிடும். அதுமட்டுமன்றி பௌத்த தேரர் என்பவர் பௌத்த தர்மத்தின் மகிமையை மேம்படுத்தும் வகையில் செயற்பட வேண்டும்.

எக் காரணம் கொண்டும் பௌத்த தர்மத்திற்கு இழுக்கு ஏற்படும் வகையில் செயற்படக்கூடாது. அதாவது பௌத்த தர்மம் என்று மட்டுமல்ல எந்தவொரு மதத்தினதும் மதத் தலைவர்கள் அகிம்மைசயுடனும் அமைதியாகவும் நடந்து கொள்ள வேண்டும்.

இதன்மூலமே சமூகங்களை உரிய முறையில் வழிநடத்த வேண்டும். மதத் தலைவர்கள் சாதாரண மக்களைப் போன்று நடந்து கொள்ள முடியாது. அவர்களுக்கென்று மதிப்பும் கௌரவமும் இருக்கின்றது.

அந்த வகையில் மட்டக்களப்பில் பௌத்த தேரர் ஒருவர் நடந்து கொண்டுள்ள விதமானது எந்தவகையிலும் ஏற்றுக் கொள்ளப்பட முடியாத விடயமாகும்.

எனவே இந்த விடயம் தொடர்பில் அரசாங்கம் பக்கசார்பற்ற விசாரணையை நடத்தும் என்றார்.

நபர் ஒரு­வ­ருடன் சண்­டை­யிட்டுக் கொண்­டி­ருந்­த­போது தன்னை சண்­டை­யி­லி­ருந்து காப்­பாற்­று­வது போல வந்த நபர் தனது ஆடைகள் அனைத்­தையும் நீக்­கி­விட்டு அங்­கி­ருந்து தப்பிச் சென்­ற­தாக ரம்புக்கனை பிர­தே­சத்தை சேர்ந்த 27 வய­தான பெண்­ணொ­ருவர் முறைப்­பாடு செய்­துள்­ள­தாக ரம்புக்கனை பொலிஸார் தெரி­வித்­துள்­ளனர்.

இவ்­வாறு முறைப்­பாடு மேற்­கொண்­டதன் பின்னர் காய­ம­டைந்­தி­ருந்த நிலை­யி­லி­ருந்த பெண் ஞாயிற்றுக்­கி­ழமை கேகாலை பொது வைத்­தி­ய­சா­லையில் அனு­ம­திக்­கப்­பட்­ட­தாக தெரிவிக்கப்பட்டுள்­ளது.

இந்தப் பெண்ணும் மற்­றொரு நபரும் சண்­டை­யிட்டுக் கொண்­டி­ருந்த போது அய­லவர் ஒருவர் முன்வந்து, குறித்த பெண்ணை காப்­பாற்­று­வது போல அவரை இறுக்­க­மாக கட்­டிப்­பி­டித்து அவ­ரது அணைத்து ஆடை­க­ளையும் கிழித்து நீக்­கி­ய­தோடு அப்­பெண்ணின் உடலை ஸ்பரிசம் செய்­து­விட்டு தப்பிச் சென்­ற­தாக விசா­ர­ணை­களில் தெரிய வந்­துள்­ளது.

பின்னர் குறித்த பெண் உள்­ளா­டை­யுடன் மாத்­திரம் வீடு­வரை சென்­றுள்ள நிலையில் வீட்­டுக்கு சென்று வேறு ஆடையை அணிந்து கேகாலை பொது வைத்­தி­ய­சா­லையில் சென்று அனு­மதி பெற்­றுள்ளார்.

ஆடைகளை அகற்றிவிட்டு தப்பிச்சென்ற சந்தேகநபரை தேடி ரம்புக்கனை பொலிஸார் மேலதிக விசாரணைகளை மேற்கொண்டு வருகின்றனர்.

பலாங்கொடை ரஜவக்க பகுதியில் கூரிய ஆயுதத்தால் தாக்கப்பட்டு வர்த்தகர் ஒருவர் கொலை செய்யப்பட்டுள்ளார்.

குறித்த வர்த்தகர் மோட்டார் சைக்கிளில் தனது வீட்டிற்கு சென்று கொண்டிருந்த போது இவர் காட்டுப்பகுதியில் வைத்து கொலை செய்யப்பட்டுள்ளதாக பொலிஸார் தெரிவித்தனர்.

கொலை செய்யப்பட்டதன் பின்னர் இவரின் உடல் எரிக்கப்பட்டுள்ளதாக பொலிஸார் மேலும் தெரிவித்தனர்.

சம்பவத்தில் 33 வயதுடைய வர்த்தகர் ஒருவரே கொலை செய்யப்பட்டுள்ளார்.

இந்த கொலைச் சம்பவம் தொடர்பில் பலாங்கொடை பொலிஸார் விசாரணைகளை மேற்கொண்டு வருகின்றனர்.

ஆயுதங்களுடன் இலங்கை கடற்பரப்பில் இருந்து சென்ற படகு ஒன்றின் மீது இந்திய கடலோர படையினர் தாக்குதல் நடத்தியுள்ளதாக அந்நாட்டு ஊடகங்கள் தெரிவிக்கின்றன.

இந்திய கடலோர படையினருக்கு இலங்கை கடற்படையினரால் வழங்கப்பட்ட தகவல் அடிப்படையில் குறித்த படகினை ராமேஷ்வரம் ஓலைக்குடா பகுதியில் வைத்து இந்திய கடலோர படையினர் அடையாளம் கண்டுள்ளனர்.

இந்நிலையில் குறித்த படகில் இருந்த இரண்டு நபர்கள் இந்திய கடலோர படையினர் மீது துப்பாக்கித் தாக்குதல் நடத்தியதுடன் குறித்த பகுதியில் இருந்து தப்பிச் சென்றதாகவும் தெரிவிக்கப்பட்டுள்ளது.

குருநாகல் ரத்தரவூவ பகுதியில் இடம்பெற்ற துப்பாக்கிச் சூட்டு தாக்குதலில் உதவி பொலிஸ் இன்ஸ்பெக்டர் ஒருவர் உயிரிழந்துள்ளார்.

ரத்தருவ பகுதியில் உள்ள ஹோட்டலில் நிறுத்தி வைக்கப்பட்டிருந்த அடையாளம் தெரியாத கார் தொடர்பில் பொலிஸாருக்கு அறிவிக்கப்பட்டதை அடுத்து முன்னெடுக்கப்பட்ட சுற்றிவளைப்பின் போது, காருக்குள் இருந்த இருவரால் பொலிஸார் மீது துப்பாக்கி பிரயோகம் முன்னெடுக்கப்பட்டுள்ளது.

சம்பவத்தின் போது உதவி பொலிஸ் இன்ஸ்பெக்டர் ஸ்தலத்திலேயே உயிரிழந்துள்ளதுடன் மேலும் 3 பொலிஸ் உத்தியோகஸ்தர்கள் காயமடைந்த நிலையில் குருநாகல் ஆதார வைத்தியசாலையில் அனுமதிக்கப்பட்டுள்ளனர்.

துப்பாக்கி பிரயோகத்தின் பின்னர் சந்தேகநபர்கள் தப்பிச் சென்றுள்ளதுடன், அவர்களை தேடி குருநாகல் பொலிஸாரால் விசாரணைகள் ஆரம்பிக்கப்பட்டுள்ளன.