கிளிநொச்சி, யூனியன்குளம் காட்டுப்பகுதியில் இருந்து உருக்குலைந்த நிலையில்சடலம் ஒன்று மீட்கப்பட்டுள்ளது.

இன்று செவ்வாய்க்கிழமை குறித்த பகுதிக்கு விறகு வெட்டச் சென்றவர்களால் பொலிஸாருக்கு வழங்கப்பட்ட தகவலையடுத்து குறித்த காட்டுப் பகுதிக்குச்சென்ற கிளிநொச்சிப் பொலிஸார் சடலத்தை மீட்டுள்ளனர்.

இது குறித்து கிளிநொச்சி மாவட்ட பொலிஸ் தலைமையகப் பொறுப்பதிகாரி தலைமையிலான குழுவினர்முதலாம் கட்ட விசாரணைகளை மேற்கொண்டு வருகின்றனர்.

குறித்த பகுதியில் சடலமாக மீட்கப்பட்டவர் சுமார் அறுபத்தி ஐந்து வயதுமதிக்கத்தக்க ஓர் ஆண் எனவும் அவர் தன்வசம் வைத்திருந்த பொருட்களைபார்க்கும் போது அவர் மனநலம் பாதிக்கப்பட்டவராக இருக்கலாம் என பொலிசார்சந்தேகிக்கின்றனர்.

குறித்த சடலமானது யூனியன்குளம் மக்கள் குடியிருப்பில் இருந்து பல கிலோமீற்றர்தொலைவில் காட்டுப்பகுதியில் இருப்பதாகவும், குறித்த சடலம்உருக்குலைந்த நிலையில் துர்நாற்றம் வீசுவதாகவும் அங்கிருக்கும் எமதுசெய்தியாளர் தெரிவிக்கின்றார்.

அத்துடன் குறித்த பகுதியில் மண்ணகழ்வுமற்றும் மரங்கடத்தல் போன்ற சட்டவிரோத செயற்பாடுகள் நடைபெறுவதற்கானதடயங்களும் இருப்பதாகத் தெரிவிக்கின்றார்.

அத்துடன் கிளிநொச்சி குற்றத் தடகவியல் பொலிஸாருக்கு அழைப்புவிடுக்கப்பட்டுள்ளதாகவும், மேலதிக சோதனைகளையும், விசாரணைகளையும் ஆரம்பிக்கஇருப்பதாக பொலிஸார் தெரிவிக்கின்றனர்

18 வருடங்களுக்கு முன்னர், விடுதலைப் புலிகளின் தற்கொலைத் தாக்குதலுக்கு இலக்காகி பருத்தித்துறை கடலில் மூழ்கிய வலம்புரி கப்பல், இலங்கை கடற்படை சுழியோடிகளால் கண்டுபிடிக்கப்பட்டுள்ளது.

கடற்படைக்குச் சொந்தமான இந்த பயணிகள் கப்பல், யாழ்ப்பாணத்திலிருந்து திருகோணமலை நோக்கிப் பயணித்த போதே தாக்குதலுக்கு இலக்காகியிருந்தது.

இந்த தாக்குதலில் 20 கடற்படை வீரர்கள் உயிரிழந்ததுடன், கப்பலில் இருந்து ஒருவரையும் காப்பாற்ற முடியாமல் போனதாக கடற்படைத் தரப்பு குறிப்பிட்டுள்ளது.

அந்த காலத்தில் நிலவிய சீரற்ற வானிலை மற்றும் பாதுகாப்பு காரணங்களின் அடிப்படையில் கடலில் மூழ்கிய கப்பலை கடற்படையினரால் மீட்க முடியவில்லை.

சிவில் சுழியோடி ஒருவரால் வழங்கப்பட்ட தகவலின் பிரகாரம் பருத்தித்துறைக்கு 8 கடல் மைல்கள் தொலைவிலுள்ள கடலில் மூழ்கியிருந்த கப்பலை நேற்று (03) கண்டுபிடிக்க முடிந்ததாக கடற்படைத் தரப்பு குறிப்பிட்டுள்ளது.

கடற்படைக்கு சொந்தமான இந்த கப்பலின் சிதைவடைந்த பாகங்களை கடலுக்கு அடியில் காணமுடிவதுடன், அதன் ஒருபகுதி கடலுக்கடியில் புதைந்துள்ளதாகவும் தெரிவிக்கப்பட்டுள்ளது.

மரம் முறிந்து விழுந்ததால் சிறுவன் ஒருவன் உயிரிழந்த சம்பவம் அக்கரப்பத்தனை பொலிஸ் பிரிவுக்கு உட்பட்ட சென்ரெகுலஸ் தோட்டத்தில் நேற்று இடம்பெற்றுள்ளது.

நேற்று மாலை 04 மணியளவில் இச்சம்பவம் இடம்பெற்றுள்ளதுடன், 13 வயதுடைய குனசீலன கபிலாசன் என்ற பாடசாலை மாணவனே உயிரிழந்துள்ளான்.

வீட்டின் பின் புறத்தில் உள்ள கொய்யா மரத்தில் இருந்த கிளைகளை வெட்டியபோது மரம் முறிந்து விழுந்ததில் சிறுவனின் தலையில் பலத்த காயம் ஏற்பட்டுள்ளது.

நுவரெலியா மாவட்ட வைத்தியசாலைக்கு கொண்டு செல்லும் வழியில் மாணவன் உயிரழிழந்துள்ளான்.

சம்பவம் தொடர்பான விசாரனையை அக்கரப்பத்தனை பொலிஸார் மேற்கொண்டு வருகின்றனர்.

சிகரெட்டுக்கான விலை ஏழு ரூபாவால் அதிகரித்துள்ளதாக, நிதி அமைச்சர் ரவி கருணாநாயக்க தெரிவித்துள்ளார். இன்று முதல் அமுலுக்கு வரும் வகையில் இந்த நடவடிக்கை மேற்கொள்ளப்பட்டுள்ளது.

நிதி அமைச்சில் தற்போது இடம்பெறும் ஊடகவியலாளர் சந்திப்பிலேயே ரவி கருணாநாயக்க இந்த விடயத்தை கூறியுள்ளார்.

இதேவேளை, பெறுமதி சேர் வரித் திருத்தம் தொடர்பான சட்டமூலம் இன்று பாராளுமன்றத்தில் சமர்ப்பிக்கப்படவுள்ளதாகவும் அவர் இதன்போது மேலும் சுட்டிக்காட்டியுள்ளார்.

பெருமளவான அரச பணியாளர்கள் தமது அதிகளவான நேரத்தை பேஸ்புக் மற்றும் இணையத்தளங்களில் செலவிடுவதாக பிரதி அமைச்சர் வைத்தியர் அனோமா கமகே தெரிவித்துள்ளார்.

நாட்டில் உள்ள அதிகளவான இளைஞர், யுவதிகள் அரசாங்க தொழிலையே எதிர்பார்ப்பதாகவும், இது தொடர்பில் தனக்கு ஒரு நாளைக்கு 50இற்கும் மேற்பட்ட அழைப்புகள் வருவதாகவும் அவர் தெரிவித்துள்ளார்.

அத்துடன் வரும் அழைப்புக்கள் தமக்கு அரச அலுவலகங்களில் சாதாரண கூட்டும் தொழிலையாவது பெற்றுத்தருமாரு கோருவதாகவும் பிரதி அமைச்சர் தெரிவித்துள்ளார்.

அம்பாறை மாவட்டத்தில் நேற்று இடம்பெற்ற நிகழ்வொன்றில் கலந்துக்கொண்ட போதே அவர் இதனைத் தெரிவித்துள்ளார்.

எனவே அரசாங்க பணிகளில் எதிர்பார்ப்புடன் காத்திருக்கும் இளைஞர், யுவதிகளை அவர்களது திறமைக்கு ஏற்ற தகுதியான தொழில்களுக்கு அவர்களை திசை திருப்புவது கட்டாயம் என்றும் அவர் குறிப்பிட்டுள்ளார்.

மேலுமொரு வேலையை செய்ய வேண்டிய இடத்தில் 25 பேர் இருப்பதாலேயே எமது நாடு முன்னேற்றம் அடையாமைக்கு முக்கிய காரணம் என்றும் பிரதி அமைச்சர் அனோமா சுட்டிக்காட்டியுள்ளார்.

இன்று தனியார் துறைகளில் அதிக வேலைவாய்ப்புக்கள் காணப்படுவதாகவும், இதனூடாக தமது திறமைகளை வளர்த்துக்கொள்ள இளைஞர்களுக்கு வாய்ப்புள்ளதாகவும் அவர் குறிப்பிட்டுள்ளார்.

மின்சார கட்டணத்தை 5 வீதத்தால் அதிகரிப்பது தொடர்பில், மின்சார சபையினால் மக்கள் பயன்பாட்டு ஆணைக்குழுவிற்கு யோசனையொன்று முன்வைக்கப்பட்டுள்ளது.

இத தொடர்பில் மின்சக்தி மற்றும் புதுப்பித்தல் சக்தி பிரதியமைச்சர் அஜித் பீ பெரேராவிடம் தொடர்புகொண்டபோது…

மின்சார கட்டணத்தை அதிகரிப்பது தொடர்பில் ஆராய்ந்து மேலதிக நடவடிக்கைகள் எடுக்கப்படவுள்ளதாக பிரதியமைச்சர் தெரிவித்தார்.

ஆறு மாதங்களுக்கு ஒரு முறை மின்சார கட்டணத்தை அதிகரிப்பது தொடர்பில் யோசனை முன்வைக்கப்படுவது வழமையாகும் என அவர் குறிப்பிட்டார்.

ஆயினும் இந்த வருடம் மின்சார கட்டணம் எந்த வகையிலும் அதிகரிக்கப்படவில்லை என மின்சக்தி மற்றும் புதுப்பித்தல் சக்தி பிரதியமைச்சர் அஜித் பீ பெரேரா கூறினார்.

மின்சார சபையினால் அமைச்சிடம் சமர்ப்பிக்கப்பட்டுள்ள யோசனை தொடர்பில் ஆராய்ந்து தீர்மானம் எடுக்கவுள்ளதாக அவர் தெரிவித்தார்.

மேலும் இந்த விடயம் தொடர்பில் மக்கள் பயன்பாட்டு ஆணைக்குழுவின் அறவீட்டு முறைமைகள் மற்றும் பொருளாதார விவகார பிரிவின் பணிப்பாளர் காஞ்சன சிரிவர்தனவிடம் நியூஸ்பெஸ்ட் வினவியது.

ஆணைக்குழுவிற்கு இது தொடர்பில் யோசனை முன்வைக்கப்பட்டுள்ளதுடன், அதனை ஆராய்ந்து தீர்மானம் எடுக்கவுள்ளதாக மக்கள் பயன்பாட்டு ஆணைக்குழுவின் அறவீட்டு முறைமைகள் மற்றும் பொருளாதார விவகார பிரிவின் பணிப்பாளர் காஞ்சன சிரிவர்தன மேலும் தெரிவித்துள்ளார்.

சிறு வயதின் பின்னர் தலைநகர் கொழும்பிற்கு கூட செல்லாத பெண் ஒருவருக்கு அவுஸ்திரேலிய பொலிஸார் அபராதம் விதித்து அதனை செலுத்துமாறு அறிவித்துள்ளனர்.

அனுராதபுரம், திரப்பன பிரதேசத்தைச் சேர்ந்த 46 வயதான சோமரத்னகே தயாவதி என்ற பெண்ணுக்கே இவ்வாறு அபராதம் விதிக்கப்பட்டுள்ளது.

அவுஸ்திரேலியாவின் விக்டோரியா பிராந்திய பொலிஸார், போக்குவரத்து விதிகளை மீறிய குற்றச்சாட்டுக்காக இரண்டு அபராதங்களை விதித்துள்ளனர்.

குறித்த பெண், ஏ013589868 என்ற இலக்கத்தை உடைய சாரதி அனுமதிப்பத்திரத்திற்கு உரிமையானவர்.

2006ம் ஆண்டு செப்டம்பர் மாதம் 4ம் திகதி மோட்டார் போக்குவரத்து திணைக்களத்தினால் இந்த அனுமதிப்பத்திரம் வழங்கப்பட்டுள்ளது.

தபால் மூலம் சாரதி அனுமதிப்பத்திரம் அனுப்பி வைக்கப்பட்ட போதிலும் அதில் தயாவதியின் புகைப்படத்திற்கு பதிலாக ஆண் ஒருவரின் புகைப்படம் காணப்பட்டுள்ளது.

இந்த சாரதி அனுமதிப்பத்திரத்தை திரும்பவும் மோட்டார் போக்குவரத்து திணைக்களத்திற்கு அனுப்பி வைத்து சரியான புகைப்படத்துடன் கூடிய அனுமதிப்பத்திரத்தை தயாவதி பெற்றுக் கொண்டுள்ளார்.

எனினும், அவுஸ்திரேலியாவின் விக்டோரியா பிராந்தியத்தில் வேகமாக வாகனத்தை செலுத்தியதாகத் தெரிவித்து அம்மாநில பொலிஸார் இரண்டு தடவைகள் 300 மற்றும் 379 டொலர்கள் அபராதம் விதித்துள்ளனர்.

மேலும் இஸ்ரேலில் இலத்திரனியல் சமிக்ஞைகளை உதாசீனம் செய்து வாகனம் செலுத்தியதாகவும் இதே சாரதி அனுமதிப்பத்திர இலக்கத்தை உடைய நபருக்கு எதிராக குற்றம் சுமத்தி அபராத அறிவிப்பு விடுக்கப்பட்டுள்ளது.

இந்த விடயம் குறித்து பொலிஸாருக்கு அறிவித்த போதிலும் எவ்வித நடவடிக்கையும் எடுக்கப்படவில்லை என தயாவதி தெரிவித்துள்ளார்.

போர் இடம்பெற்ற காலத்தில் சாரதி அனுமதிப்பத்திரம் பெற்றுக்கொண்டதனால் பயங்கரவாத செயற்பாடுகளுடன் தொடர்புடைய எவரும் தமது பெயரைக் கொண்ட கடவுச்சீட்டை பயன்படுத்துகின்றார்களா என்ற சந்தேகம் ஏற்பட்டுள்ளது என தயாவதி குறிப்பிட்டுள்ளார்.

கை, கால்கள் கட்டப்பட்ட நிலையில் மர்மமான முறையில் கொலைசெய்யப்பட்ட வர்த்தகர் ஒருவரின் சடலம் நேற்று திங்கட்கிழமை சிலாபம் வட்டக்களி வீடொன்றிலிருந்து சிலாபம் பொலிஸாரால் மீட்கப்பட்டது.

சிலாபம் வட்டக்களி புனித ஜுஸேவாஸ் தேவாலயத்துக்கு அருகே வர்ணகுலசூரிய நியூட்டன் ரோய் பெர்னாண்டோ வயது 45 என்ற இரண்டு குழந்தைகளின் தந்தையே இவ்வாறு மர்மமான முறையில் கொலை செய்யப்பட்டுள்ளார்.

கைகள் இரண்டும் பின்பகக்கமாகக் கட்டப்பட்டு கால்கள் அவர் அணிந்திருந்த சேர்ட் ஒன்றினால் கட்டப்பட்டிருந்த நிலையில் அவரது படுக்கை அறையில் அவர் சடலமாக மீட்கப்பட்டுள்ளார்.

மரணமான நபர் சுமார் 25 வருட காலம் இத்தாலியில் தொழில் புரிந்த பின் இலங்கை வந்து வட்டக்களி புனித ஜுஸேவாஸ் தேவாலயத்துக்கு அருகே காணியொன்றை கொள்முதல் செய்து அதில் வீடொன்றையும் கட்டி வசித்து வந்துள்ளார்.

நேற்று பகல் திடீரென சிலாபம் பொலிஸாருக்கு வந்த தொலைபேசி அழைப்பையடுத்து சிலாபம் பொலிஸார் ஸ்தலத்துக்கு விரைந்து சோதனை செய்தனர்.

இந்நிலையில் வீட்டின் மேல்மாடியில் படுக்கையறையில் அவரது சடலம் கண்டுபிடிக்கப்பட்டது.கழுத்து நெரிக்கப்பட்டு இவர் கொலை செய்யப்படடுள்ளதாக தெரிவித்த பொலிஸார் ஏதேனும் பணம் கொடுக்கல் வாங்கல் பிரச்சினைகள் தொடர்பாக இந்தக் கொலை நடைபெற்றிருக்கலாம் என சந்தேகம் வெளியிட்டனர்.

இத்தாலியிலிருந்து வந்த இந்நபர் வெளிநாட்டுக்கு ஏற்றுமதி செய்யப்படும் மோதா இன மீன்களை வளர்க்கும் தொழிலை செய்து வந்திருக்கிறார்.

இவரது மனைவி இவரைப் பிரிந்து வாழும் நிலையில் குளியாப்பிட்டிப் பகுதியில் இவர் வசித்து வருகிறார். 13 வயது மகள் சிலாபம் கன்னியர் மடத்தில் தங்கி கல்வி கற்றுவருகிறார். அவரது ஒரே மகன் இந்த வருடத்திலிருந்து தந்தையுடன் வீட்டில் இருந்து வந்துள்ளார்.

சம்பவ தினம் மகனைப் பாடசாலைக்கு அனுப்பி வைத்த பின் சுமார் 11 மணியளவில் வீட்டுக்கு வந்த வர்த்தகரை இரகசியமாக உட்புகுந்த கொலையாளிகள் கொலை செய்திருக்கலாம் எனப் பொலிஸார் சந்தேகிக்கின்றனர்.

சிலாம் சிரேஷ்ட பொலிஸ் அத்தியட்சகர் நுவன் ஏ. விதிசிங்க, உதவிப் பொலிஸ் அத்தியட்சகர் சனத் விக்கிரமசூரிய, பொலிஸ் பொறுப்பதிகாரி வசந்த குமார ஆகியோரின் ஆலோசணைக்கமைய குற்றப் பிரிவின் பொறுப்பதிகாரி வசந்தகுமார, சப்இன்ஸ்பெக்டர் விக்கிரமசிங்க உள்ளிட்ட பொலிஸ் அதிகாரிகள் விசாரணைகளை முன்னெடுத்து வருகின்றனர். இதுவரை சந்தேகநபர்கள் எவரும் கைதாகவில்லை.