தமிழக முதல்வர் ஜெயலலிதா உடல் நல கோளாறு காரணமாக கடந்த பத்து நாட்களாக அப்பலோ மருத்துவமனையில் தங்கி சிகிச்சை பெற்று வருகிறார். அவர் குணமாக பல்வேறு விதமான வழிபாடுகளும் பிரார்த்தனைகளும் நடைபெற்று வருகிறது.

இந்நிலையில் அதிமுக முன்னாள் அமைச்சர் பா.வளர்மதி, செய்தி தொடர்பாளர் சி.ஆர் சரஸ்வதி ஆகியோர் சென்னையில் உள்ள ஒரு கோவிலில் சிறப்பு பூஜைகள் செய்தனர். அப்போது நேர்த்தி கடனாக அவர்கள் மண்சோறு சாப்பிட்டனர்.

பின்னர் அவர்கள் செய்தியாளர்களிடம் கூறும் போது, முதல்வர் குணமடைந்து வருகிறார், விரைவில் அவர் வீடு திரும்புவார் என அவர்கள் நம்பிக்கையோடு தெரிவித்தார்கள்.

விழுப்புரம் கிழக்கு புதுச்சேரி சாலையில் நாட்டு வெடிகுண்டு வீசி ரவுடி ஜனா கொலை செய்யப்பட்டுள்ளார். குயிலப்பாளையத்தை சேர்ந்த ரவுடி ஜனா கொலை செய்தது யார் என்பது குறித்து பொலிசார் விசாரணை மேற்கொண்டு வருகின்றனர்.

விழுப்புரம் நீதிமன்றத்தில் ஆஜராகிய ரவுடி ஜனாவை மர்ம நபர்கள் வெடிகுண்டு வீசி கொலை செய்த சம்பவம் பரபரப்பை ஏற்படுத்தியுள்ளது.

விழுப்புரம் மாவட்டம், குயிலாப்பாளையத்தில் மணிகண்டன் தலைமையிலான ரவுடி கும்பலும், பூபாலன் தலைமையிலான ரவுடி கும்பலும் மாறி மாறி மோதிக் கொள்வார்கள். வழக்கு ஒன்றின் விசாரணைக்கு ஆஜராக மணிகண்டன் கும்பலைச் சேர்ந்த ஜனா என்கிற ஜனார்த்தனன் விழுப்புரம் நீதிமன்றத்திற்கு 6 பேருடன் இருசக்கர வாகனத்தில் வந்துள்ளார்.

ஆஜராகிவிட்டு நீதிமன்றத்தில் இருந்து இருசக்கர வாகனத்தில் திரும்பியபோது, அவரை பின் தொடர்ந்த இருசக்கர வாகனத்தில் வந்த கும்பல், வெடிகுண்டு வீசியும், அரிவாளால் வெட்டிவிட்டு மின்னல் வேகத்தில் தப்பியது.

இதில் ஜனா சம்பவ இடத்திலேயே தலை சிதறி உயிரிழந்தார். தகவல் அறிந்த மாவட்ட எஸ்.பி.நரேந்திர நாயர் சம்பவ இடத்தில் நேரில்சென்று பார்வையிட்டு விசாரணை மேற்கொண்டார்.

புறா­வொன்றை தாம் கைது செய்­துள்­ள­தாக இந்­திய பொலிஸார் நேற்று தெரி­வித்­துள்­ளனர். இந்­திய பிர­தமர் நரேந்­திர மோடிக்கு எச்­ச­ரிக்கை விடுக்கும் குறிப்­பொன்றை இப்­புறா சுமந்து சென்­ற­மையே இதற்குக் காரணம்.

பஞ்சாப் மாநி­லத்தில் பாகிஸ்தான் எல்­லைக்கு அரு­கி­லுள்ள பதான்கோட் நகரில் இப்­பு­றாவை இந்­திய எல்லைக் காவல் படை­யினர் ஞாயி­றன்று மாலை கண்­டு­பி­டித்­தனர் என பதான் கோட் பொலிஸ் இன்ஸ்­பெக்டர் ராகேஷ் குமார் நேற்று தெரி­வித்­துள்ளார்.

இப்­புறா சுமந்து சென்ற குறிப்பில் “மோடி, நாம் 1971 இல் இருந்­த­வர்­களைப் போன்­ற­வர்­களல்ல. இப்­போது, ஒவ்­வொரு குழந்­தையும் இந்­தி­யா­வுக்கு எதி­ராக போரா­டு­வ­தற்குத் தயா­ராக இருக்­கி­றது” என உருது மொழியில் எழு­தப்­பட்­டி­ருந்­தா­கவும் அவர் தெரி­வித்­துள்ளார்.

1971 ஆம் ஆண்டில் இந்­தி­யா­வுக்கும் பாகிஸ்­தா­னுக்கும் இடையில் இறு­தி­யாக முழு அள­வி­லான போர் நடை­பெற்­றது.

அப்­போரில் கிழக்குப் பாகிஸ்­தா­னி­லி­ருந்த இலட்­சக்­க­ணக்­கான பாகிஸ்தான் படை­யினர் சர­ண­டைந்­த­துடன், கிழக்குப் பாகிஸ்தான் ஆனது பங்­க­ளாதேஷ் எனும் சுதந்­திர நாடா­கி­யமை குறிப்­பி­டத்­தக்­கது.

“இந்த எச்­ச­ரிக்கைக் குறிப்­பா­னது பாகிஸ்­தானைத் தள­மாகக் கொண்ட லக் ஷர் ஈ தெய்பா எனும் ஆயுதக் குழு­வினால் கையெ­ழுத்­தி­டப்­பட்­டுள்­ள­தாக தென்­ப­டு­கி­றது. எனவே நாம் இவ்­வி­டயம் தொடர்பில் தீவி­ர­மாக விசா­ரணை செய்­கிறோம்” எனவும் இன்ஸ்­பெக்டர் ராகேஷ் குமார் தெரி­வித்­துள்ளார்.

கடந்த வருடம் பாகிஸ்தான் புல­னாய்வுத் துறை­யி­னரால் பறக்க விடப்­பட்­ட­தாக சந்­தே­கிக்­கப்­பட்ட புறா­வொன்றை இந்­திய பொலிஸார் கைப்­பற்­றி­ய­துடன், அப்­பு­றா­வுக்குள் உளவு கெமரா இருக்­கலாம் என்ற சந்­தே­கத்தில் எக்ஸ் ரே சோத­னையும் நடத்­தப்­பட்­டது.

2013 ஆம் ஆண்டில் சிறிய கெமராவொன்று பொருத்தப்பட்ட நிலையில் உயிரிழந்த வல்லூறு ஒன்றை இந்திய பாதூகாப்புப் படையினர் கண்டுபிடித்தனர்.

அசிட் வீச்சில் பலியான மகள், அதனால் தற்கொலை செய்து கொண்ட தாய். இருவரின் பிரிவால் உடல்நலமுற்று தற்போது மரணமடைந்துள்ள தந்தை என ஒரு தலை காதலுக்கு மொத்த குடும்பமும் பலியாகியிருக்கும் நிகழ்வு சோகத்தை ஏற்படுத்தியுள்ளது.

புதுச்சேரி மாநிலம் காரைகாலை சேர்ந்தவர் ஜெயபால் (50) இவர் மனைவி சரஸ்வதி மற்றும் இவர்களது ஒரே மகள் வினோதினி.

வினோதினி சென்னையில் உள்ள ஒரு மென் பொருள் நிறுவனத்தில் பொறியாளராக வேலை பார்த்து வந்தார். கடந்த 2012 ஆம் வருடம் தீபாவளி பண்டிகையை தன் சொந்த ஊரான புதுச்சேரியில் கொண்டாடிய வினோதினி சென்னை திரும்ப பேருந்து நிலையத்தில் தன் தந்தையுடன் காத்திருந்தார்.

அப்போது வினோதினியை ஒரு தலையாக காதலித்து வந்த சுரேஷ் என்னும் இளைஞன் அங்கு ஆசிட் பாட்டிலுடன் வந்து வினோதினி முகத்தில் வீசியுள்ளான். இதில் முகம் வெந்த அவர் மருத்துவமனையில் சிகிச்சை பலனின்றி உயிரிழந்தார். கொலையாளி சுரேஷ் ஆயுள் தண்டனை பெற்று தற்போது சிறையில் இருக்கிறான். மகள் இறந்த துக்கம் தாளாமல் வினோதியின் தாய் சரஸ்வதி கடந்த இரண்டு ஆண்டுகளுக்கு முன்னர் தற்கொலை செய்து கொண்டார்.

மனைவி, மகள் என இருவரையும் இழந்த ஜெயபால் நடை பிணமாக வாழ்ந்து வந்துள்ளார். இந்நிலையில் அவர் குடி பழக்கத்துக்கும் அடிமையாகியுள்ளாக கூறப்படுகிறது. இந்நிலையில் நேற்று முந்தினம் இரவு வீடு வந்து தூங்கியவர் அடுத்த நாள் வெகு நேரமாகியும் எழவில்லை.

உடனே ஜெயபாலின் மைத்துனர் சக்திவேல் அவரை மருத்துவமனைக்கு கொண்டு செல்ல ஜெயபால் ஏற்கனவே இறந்து விட்டதாக மருத்துவர்கள் கூறியுள்ளனர். பொலிசாருக்கு தகவல் செல்ல அவர்கள் சடலத்தை கைபற்றி பிரேதபரிசோதனை செய்து அவர் உறவினர்களிடம் ஜெயபால் சடலத்தை ஒப்படைத்தனர்.

ஆயுள் தண்டணை பெற்று சிறையில் உள்ள சுரேஷ் தீர்ப்பு வெளியான அன்று தண்டணை குறைக்க கோரி நீதிமன்றத்தை நாட இருப்பதாக சொன்னது குறிப்பிடத்தக்கது.

தமிழக முதல்வர் ஜெயலலிதா உடல் நலகுறைவு காரணமாக கடந்த பத்து நாட்களாக சென்னை அப்பலோ மருத்துவனையில் தங்கி சிகிச்சை பெற்று வருகிறார்.

அவர் குணமடைந்து வருவதாகவும் இன்னும் சில நாட்கள் அவர் மருத்துவமனையில் தங்க வேண்டும் என்றும் முதல்வருக்கு மருத்துவமனை நிர்வாகம் அறிவுறித்தியுள்ளது.

ஜெயலலிதா விரைவில் குணமடைந்து வீடு திரும்ப வேண்டும் என அதிமுக நிர்வாகிகளும், தொண்டர்களும் பல்வேறு விதமான பூஜைகளும், பிரார்த்தனைகளும் செய்து வருகின்றனர்.

இந்நிலையில் சென்னையில் அதிமுகவின் தீவிர விசுவாசி ஒருவர் முதல்வர் நலம் பெற வேண்டி முதுகில் அலகு குத்தி பறவை காவடி எடுத்து வேண்டியுள்ளார். இந்த காட்சி பார்ப்போரை மெய் சிலிர்க்க வைக்கும் விதத்தில் அமைந்திருந்தது.