சீனாவின் முதலாவது தொங்கும் புகையிரத சேவையின் சோதனை ஓட்டம் வெற்றியளித்துள்ளதாக அந்நாட்டு ஊடகங்கள் தெரிவிக்கின்றனர்.

சீனாவின் சிச்சுவான் மாகாணத்தின் தலைநகர் செஞ்க்டுவில் நேற்று இந்த புகையிரத சேவையின் சோதனை ஓட்டம் இடம்பெற்றுள்ளது

குறித்த புகையிரதமானது இலித்தியம் பேட்டரி மின்சக்தியில் இயங்குவதோடு, மணிக்கு 60 கிலோ மீற்றர் வேகத்தில் செல்லுமென தெரிவிக்கப்படுகின்றது.

முதல் கட்டமாக 300 மீற்றர் புகையிரத பாதையில் புகையிரத சோதனை ஒட்டம் வெற்றிகரமான நடந்ததாக அறிவிக்கப்பட்டுள்ளது.

இந்த புகையிரதத்தில் 120 பயணிகள் பயணிக்க முடியும் என திட்டத்தின் பிரதான வடிவமைப்பாளரான ஜியாடெங் பல்கலைக்கழகத்தின் பேராசிரியர் ஜாய் வான்மிங் தெரிவித்துள்ளார்.

ஒரு கிலோ மீற்றர் சுரங்க புகையிரத பாதையினை அமைக்க செலவாகும் தொகையை விட 5 இல் ஒரு வீதமே தொங்கு புகையிரத பாதையை அமைக்க செலவாகும் என அவர் கூறியுள்ளார்.

மேலும் குறித்த புகையிரதத்திற்கு இலித்தியம் பேட்டரிகள் பயன்படுத்துவதால் சுற்றுச் சூழலுக்கு உகந்ததாக இருப்பதாகவும், குறித்த புகையிரத பாதையின் நீளத்தை 1.2 கிலோ மீற்றர் தூரத்திற்கு விரிவாக்க உள்ளதாகவும், பின்னர் 10 ஆயிரம் கிலோ மீற்றர் தூரத்திற்கு புகையிரத பாதையினை விரிவாக்கப்படும் எனவும் தெரிவித்துள்ளார்.

தொலைந்த ஐபோனை கண்டுபிடிக்கும் செயலியை சோதிக்கும் நோக்கில் உலகின் மிக உயரமான கட்டிடத்தில் இருந்து தனது ஐபோனை நபர் ஒருவர் தூக்கி வீசியுள்ளார்.துபாயில் அமைந்துள்ள உலகின் மிக உயரமான கட்டிடத்தின் உச்சியில் இருந்து நபர் ஒருவர் தமது ஐபோனை தூக்கி விசியுள்ளார். ஐபோனில் உள்ள தொலைந்த போன ஐபோனை கண்டுபிடிக்கும் குறிப்பிட்ட செயலியை சோதிக்கும் பொருட்டே அந்த நபர் தனது ஐபோனை தூக்கி வீசியுள்ளார்.

செப்டம்பர் துவக்கத்தில் வெளியானது ஐபோன் 7 பிளஸ். இந்நிலையில் பலரும் பலவகையில் தங்களது ஐபோனை சோதித்து பார்த்துள்ளனர்.ஆனால் குறிப்பிட்ட இந்த நபர் வேறு மாதிரி தமது ஐபோனை சோதிக்க திட்டமிட்டுள்ளார். இதற்கென துபாயின் புர்ஜ் காலிபா கட்டிடத்தின் உச்சத்திற்கு சென்ற அவர், அங்கிருந்து தமது 749 டொலர் ஐபோனை தூக்கி வீசியுள்ளார்.

ஆனால் குறிப்பிட்ட செயலியை பயன்படுத்தியும் தமது ஐபோன் சிக்கவில்லை என்றே அவர் தெரிவித்துள்ளார். காரணம் அந்த ஐபோனானது மொத்தமாக சிதைந்துபோனதுதான் என்று கூறப்படுகிறது.குறிப்பிட்ட நபர் இதுபோன்று ஐபோனை சோதனைக்கு உட்படுத்துவது இது முதன்முறையல்ல. முன்னர் ஒருமுறை திரவ நிலையில் இருக்கும் நைட்ரஜனில் ஐபோனை விட்டு சோதித்தார். அதன் பின்னர் மைக்ரோ ஓவனில் வைத்து சூடாக்கினார். தற்போது உலகின் உயரமான கட்டிடத்தில் இருந்து தூக்கி வீசியுள்ளார்.இதுவரை இவர் 8 ஐபோன்களை இதுபோன்று சோதனைக்கு உட்படுத்தியுள்ளார் என்பது குறிப்பிடத்தக்கது.

ஜேர்மனியில் குடியிருப்பு ஒன்றில் பெட்டிக்குள் மறைத்து வைத்திருந்த நிலையில் பச்சிளம் குழந்தை ஒன்றை பொலிசார் மீட்டுள்ள சம்பவம் அதிர்ச்சியை ஏற்படுத்தியுள்ளது.ஜேர்மனியின் Hanover பகுதியில் இருந்து 19 வயது இளைஞர் ஒருவர் பொலிசாருக்கு தகவல் ஒன்றை அளித்துள்ளார். அதில், தமது குடியிருப்பில் பச்சிளம் குழந்தை ஒன்று பெட்டிக்குள் மறைத்து வைக்கப்பட்ட நிலையில் இருப்பதாகவும், குறிப்பிட்ட பெட்டியில் எலும்புக்கூடு ஒன்றும் இருப்பதாகவும் அந்த இளைஞர் பொலிசாருக்கு தெரிவித்துள்ளார்.

இச்சம்பவம் குறித்து தெரிய வந்த பொலிசார் உடனடியாக குறிப்பிட்ட குடியிருப்புக்கு விரைந்த பொலிசார் அங்கிருந்து அந்த பச்சிளம் குழந்தையை மீட்டுள்ளனர்.குழந்தைக்கு உயிர் இன்னும் இருந்தபடியால் உடனடியாக மருத்துவமனைக்கு அனுப்பி வைத்தனர். தற்போது குழந்தை ஆபத்து கட்டத்தை தாண்டியுள்ளதாக மருத்துவமனை வட்டாரங்கள் தெரிவித்துள்ளனர்.

இதனிடையே இந்த விவகாரம் தொடர்பாக குறிப்பிட்ட தகவலை அளித்த அந்த இளைஞரின் 22 வயது காதலியை பொலிசார் கைது செய்துள்ளனர்.இவரே அந்த குழ்னதைகளுக்கு தயாராக இருக்க வாய்ப்பு உள்ளதாக பொலிசாரின் முதற்கட்ட விசாரணையில் தெரிய வந்துள்ளது.அவரது பணியிடத்தில் இருந்து கைது செய்த பொலிசார் எதிர்வரும் வெள்ளியன்று நீதிமன்றத்தில் அவரை சமர்ப்பிக்கவும் திட்டமிட்டு வருகின்றனர்.

குறிப்பிட்ட வழக்கு தொடர்பாக தகவல் அளித்த இளைஞரை இதுவரை பொலிசார் கைது செய்யவில்லை.குறிப்பிட்ட இளம் பெண்ணின் மீது கொலை குற்றம் மற்றும் கொலைக்கு திட்டமிடுதல் உள்ளிட்ட பிரிவுகளில் வழக்கு பதிந்துள்ளனர். பெட்டியில் இருந்த இன்னொரு குழந்தையின் உடல் சில மாதங்களுக்கு முன்னர் இறந்திருக்கலாம் என பொலிசார் நம்புகின்றனர்.

குறித்த வழக்கு தொடர்பாக அக்கம்பக்கத்தினர் மற்றும் அந்த இளைஞனையும் பொலிசார் விசாரித்து வருகின்றனர்.இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.

ஐரோப்பிய நாடுகளில் வசிக்கும் 18 வயதான வாலிபர்களுக்கு இலவச ரயில் பயணச்சீட்டு வழங்க ஆலோசனை மேற்கொண்டு வருவதாக ஐரோப்பிய ஆணையம் தெரிவித்துள்ளது.ஐரோப்பிய நாடுகளில் வசிக்கும் வாலிபர்களுக்கு இந்நாடுகளின் பெருமையை உணர்த்தும் வகையில் இந்த ஏற்பாடு மேற்கொள்ளப்பட்டு வருகிறது.

இதன் அடிப்படையில், 18 வயதை அடையும் ஒரு வாலிபர் மற்றும் இளம்பெண்ணுக்கு அவர்களுடைய பிறந்த நாளில் இலவச ரயில் பயணச்சீட்டு வழங்கப்படும்.இந்த பயணச்சீட்டை வைத்து ஐரோப்பாவில் உள்ள 30 நாடுகளுக்கு எந்தவித கட்டணமும் இல்லாமல் ஒரு மாதத்திற்கு பயணம் மேற்கொள்ளலாம்.

எனினும், Interrail எனப்படும் இந்த ரயில் பயணச்சீட்டை பெற முடியாத Estonia, Latvia, Lithuania, Cyprus மற்றும் Malta ஆகிய ஐரோப்பிய நாடுகளை சேர்ந்த வாலிபர்களுக்கு மாற்று ஏற்பாடு செய்து தரப்படும்.இந்த திட்டம் குறித்து ஐரோப்பிய ஆணைய தலைவரான Jean-Claude Juncker பேசிய போது, ‘இத்திட்டம் மூலம் 18 வயதை தொடும் ஒரு வாலிபர் தனது அடுத்த ஒரு மாத ரயில் பயணத்தின் மூலம் 479 யூரோ சேமிக்க முடியும்.

ஐரோப்பிய நாடுகளில் தற்போது 18 வயதான வாலிபர்கள் சுமார் 5.4 பில்லியன் நபர்கள் உள்ளனர். இதன் அடிப்படையில் மதிப்பிட்டால், 18 வயதான வாலிபர்களுக்கு ஒரு மாத இலவச ரயில் பயணச்சீட்டு வழங்குவதன் மூலம் ஒவ்வொரு ஆண்டும் 1.5 பில்லியன் யூரோ செலவாகும்.இந்த திட்டம் குறித்து ஐரோப்பிய பாராளுமன்றத்தில் அடுத்த மாதம் ஆலோசனை மேற்கொண்ட பிறகு இறுதி அறிவிப்பு வெளியிடப்படும் என தெரிவித்துள்ளார்.