ராம்குமார் பிணம் புழு புளுத்து நாறிப்போனாலும் இந்த போலி இந்திய ஜனநாயகதுல நீதி கிடைக்காது என தேசிய கொடியை எரித்து கைதான திலீபன் மகேந்திரன் குறிப்பிட்டுள்ளார்.

சுவாதி படுகொலை வழக்கு தொடர்பாக கைதுசெய்யப்பட்ட ராம்குமார் சிறையில் மர்மமாக முறையில் உயிரிழந்தார். இந்நிலையில், செப்டம்பர் 27ம் திகதிக்குள் மருத்துவரை முடிவு செய்து ராம்குமாரின் பிரேத பரிசோதனையை முடிக்க சென்னை உயர்நீதிமன்றம் உத்தரவிட்டுள்ளது.

இதுகுறித்து திலீபன் மகேந்திரன் தனது பேஸ்புக் பக்கத்தில் வெளியிட்டுள்ள பதிவு,

ராம்குமார் ஜெயிலுக்கு போனபோதே நா போஸ்ட் போட்டேன் ஜெயில்லயே கொன்றுவானுங்கன்னு .. செஞ்சிட்டானுங்க…

நா ராம்குமார் கொல செய்யலன்னு சொன்ன போது என்ன வித்யாசமான ஜந்துவ பாக்குற மாதிரி பாத்த சமூகம். இப்ப ராம்குமார் அப்பாவின்னு உலகமே சொல்லுது ..

ராம்குமார் பொனம் புழு புளுத்து நாறிப்போனாலும் இந்த போலி இந்திய ஜனநாயகதுல நீதி மயிரு கெடைக்காது..

ராம்குமார் போஸ்ட்மார்டம் விசாரனை செப்ட் -27 தள்ளி வைப்பு.. இதுதான் உன் இந்திய தேசம்னா?… நா தேசவிரோதிதான்டா ..

நாளை மதியம் 2 மணிக்கு முழு தகவலுடன் போஸ்ட் போட்ரேன்..வேர என்னத்த சொல்ல? என கூறியுள்ளார்.

மயிலாடுதுறை அருகே கல்லூரி மாணவி கொலையில் 2 மாணவர்கள் கைது செய்யப்பட்டுள்ளனர். காதலித்து விட்டு ஏமாற்றியதால் கொன்றதாக காதலன் பரபரப்பு வாக்குமூலம் அளித்துள்ளார்.

கடந்த 20ம் திகதி மயிலாடுதுறை அடுத்த ஆக்கூர் அப்பராஜபுர பகுதியில், பூம்புகாரில் உள்ள கல்லூரியில் 2ம் ஆண்டு படித்து வரும் தீபா மர்மமான முறையில் வாய்க்காலில் கொலை செய்யப்பட்டு கிடந்துள்ளார்.

இந்நிலையில், கடைசியாக தீபிகாவிற்கு வந்த அழைப்பை வைத்து பொலிசார் வழக்கு பதிவு செய்து விசாரணை மேற்கொண்டதில் 2 பேர் சிக்கியுள்ளனர்.

இந்நிலையில் நேற்று முன்தினம் நாதல்படுகை கிராமத்தை சேர்ந்த அரசன் (வயது-21) பொலிசில் சரண் அடைந்துள்ளார்.

சம்பவம் குறித்து அரசன் அளித்துள்ள வாக்குமூலத்தில்: அண்ணாமலை பல்கலையில், எம்.பி.ஏ.படித்து வரும் நான், இதற்கு முன்பாக பூம்புகார் கல்லூரியில் தீபிகாவுடன் படித்தேன். அப்போதே அவருடன் காதல் ஏற்பட்டது.

இந்நிலையில், தீபிகாவுக்கும், மணிகண்டன் என்பவருக்கும் திருமணம் நிச்சயிக்கப்பட்டது. என்னை காதலித்தவள் இன்னொருவரை திருமணம் செய்து கொள்ளக்கூடாது என்று அவளை கொலை செய்ய திட்டமிட்டேன்.

இதன் காரணமாக ராஜமோகன் என்ற நண்பனை அழைத்துக்கொண்டு அப்பராஜபுரம் சென்றேன். அப்போது தீபிகாவுக்கு போன் செய்து உனக்கு கிப்ட் வாங்கி வந்திருக்கிறேன். இப்போவே கொடுக்க வேண்டும். வாய்க்கால் அருகே வா என்று கூறினேன்.

பின்னர், தயங்கியபடி வந்த தீபிகாவை அருகில் இருந்த கட்டையால் தலையில் ஓங்கி அடித்தேன். இதில் மயங்கி விழுந்து விட்டாள். உடனே நான் அங்கிருந்து ஓடி விட்டேன் அதன் பிறகு பொலிசில் சரண் அடைந்தேன் என்று கூறியுள்ளார்.

ஒடிசாவில் இறந்த தாயின் உடலை ஆம்புலன்சில் கொண்டு செல்லாமல் தள்ளுவண்டியில் கொண்டு சென்ற மகனின் செயல் அதிர்ச்சியை ஏற்படுத்தியுள்ளது.

ஒடிசாவின் ஜாஜ்பூர் மாவட்டத்தை சேர்ந்தவர் குணா. இவருடைய தாய் பானா திரிகா(65), கடந்த சில தினங்களாகவே வயிற்றுவலியால் அவதிப்பட்டு வந்துள்ளார்.

இதனால் குணா, தன் தாயை அருகில் உள்ள அரசு மருத்துவமனையில் அனுமதித்தார்.

அவரை பரிசோதனை செய்த மருத்துவர்கள் உடல்நிலை மிகவும் மோசமாக உள்ளதாகவும், கட்டாக்கில் உள்ள அரசு மருத்துவமனையில் அனுமதிக்கும்படியும் அறிவுறுத்தியுள்ளனர்.

ஆனால் துரதிஷ்டவசமாக கட்டாக் மருத்துவமனைக்கு அழைத்துச் செல்வதற்குள், சிகிச்சை பெற்ற மருத்துவமனையிலேயே பரிதாபமாக உயிரிழந்தார்.

மருத்துவமனையிலிருந்து தன் சொந்த ஊருக்கு 4 கி.மீற்றர் தூரம் என்பதால், குணா, தன் தாயின் சடலத்தை எடுத்துச் செல்வதற்காக ஆம்புலன்ஸ் ஊழியரிடம் விலை பேசியுள்ளார்.

ஆனால் அவரோ அதிகமாக கேட்டுள்ளார், பணம் இல்லாத காரணத்தினால் மனமுடைந்த குணா அருகில் இருந்த தள்ளுவண்டியில் தன் தாயின் சடலத்தை வைத்து சொந்த ஊருக்கு கொண்டு சென்றார்.

தன் தாயின் சடலத்தை கொண்டு சென்ற குணாவின் வீடியோ தற்போது சமூகவலைத்தளங்களில் வைரலாக பரவி வருகிறது.

கார் விபத்தில் இறந்ததாக கூறப்பட்டவர், தானாக முன்வந்து காரின் முன்பு தற்கொலை செய்து கொண்டது சிசிடிவி காட்சியின் மூலம் அம்பலமாகியுள்ளது.

ஹைதராபாத்தின் முக்கிய சாலையான லாங்கர் ஹவுஸ் பாலத்தில் கடந்த செப்டம்பர் 14 ஆம் திகதி 40 வயது மதிக்கத்தக்க ஒருவர், கார் மோதியதில் இறந்ததாக செய்திகள் வெளியானது. இதனால் கார் ஓட்டி வந்த பாரி என்பவரை பொலிசார் கைது செய்தனர்.

விசாரணை நடைபெற்று கொண்டிருக்கும் நிலையில், தற்போது வழக்கின் திருப்பமாக கார் விபத்தில் இறந்ததாக கருதப்பட்டவர், தானாகவே கார் முன்பு பாய்ந்து தற்கொலை செய்து கொண்டது அங்கிருந்த சிசிடிவி கமெராவில் பதிவாகியுள்ளது.

அதில் வாகனங்கள் பல செல்லும் போது, சாலையின் ஓரத்தில் நின்று கொண்டிருந்த அந்த நபர், திடீரென காருக்கு அடியில் விழுந்துவிடுகிறார்.

காரை நிறுத்த முற்பட்டும் காரின் முன்சக்கரங்கள் அவரின் உடலில் ஏறியதால் சம்பவ இடத்திலேயே பரிதாபமாக உயிரிழந்தார்.

இக்காட்சிகளை கண்ட பொலிசார், பாரி மீது தொடுக்கப்பட்டுள்ள வழக்கை மறுபரீசிலனை செய்வதாகவும், காரை வேகமாக ஓட்டி வந்ததற்காக பாரி மீது வழக்கு தொடுக்கப்படும் எனவும் தெரிவித்துள்ளனர்.

இந்தியாவின் முதல் 10 பணக்காரர்கள் பட்டியலை ‘ஃபோர்ப்ஸ்’ பத்திரிகை வெளியிட்டுள்ளது.

அதில் ரிலையன்ஸ் தொழில் நிறுவனங்களின் தலைவர் முகேஷ் அம்பானியின் சொத்து மதிப்பு ரூ.15 இலட்சம் கோடி இந்திய ரூபா என்றும் அவர் இந்தியாவின் பணக்காரர்கள் பட்டியலில் முதலிடத்தில் இருப்பதாகவும் தெரிவிக்கப்பட்டுள்ளது.

கடந்த ஆண்டு முகேஷ் அம்பானியின் சொத்து ரூ.12 இலட்சம் கோடியாக இருந்தது. கடந்த 12 மாதங்களில் அவரது சொத்து 21 சதவீதம் அதிகரித்துள்ளது.

சமீபத்தில் ரிலையன்ஸ் நிறுவனம் ஜியோ 4ஜி செல்போன் சேவையைத் தொடங்கியது. இது இந்தியாவில் தொலைத்தொடர்பு துறையில் மிகப்பெரிய தாக்கத்தை ஏற்படுத்தியுள்ளமை குறிப்பிடத்தக்கது.

2 ஆவது இடத்தில் இந்தியாவின் மருந்துப்பொருட்கள் உற்பத்தித்துறையில் சாதனை மன்னனாகத் திகழும் திலிப் சங்வி உள்ளார். இவரது சொத்து 11 இலட்சம் கோடி இந்திய ரூபா.

3 ஆவது இடத்தில் இந்துஜா சகோதரர்களும் (இ.ரூ.10.1 இலட்சம் கோடி), 4 ஆவது இடத்தில் அசிம் பிரேம்ஜி (இ.ரூ.10 இலட்சம் கோடி), 5 ஆவது இடத்தில் பல்லோன்ஜி பிஸ்திரி (இ.ரூ.9.31 இலட்சம் கோடி), 6 ஆவது இடத்தில் லட்சுமி மிட்டல் (இ.ரூ.8.37 இலட்சம் கோடி), 7 ஆவது இடத்தில் கோத்ராஜ் குடும்பம் (இ.ரூ.8.31 இலட்சம் கோடி), 8 ஆவது இடத்தில் ஷிவ் நாடார் (இ.ரூ.7.64 இலட்சம் கோடி), 9 ஆவது இடத்தில் குமார் பிர்லா (இ.ரூ.5.89 இலட்சம் கோடி), 10 ஆவது இடத்தில் சைரஸ் பூனவாலா (இ.ரூ.5.76 இலட்சம் கோடி) ஆகியோர் உள்ளனர்.