எதிர்வரும் 23 மற்றும் 26ம் திகதிகளில் ஆட்பதிவுத் திணைக்களத்தின் ஒருநாள் சேவை இடம்பெறாது என்று அந்த திணைக்களம் கூறியுள்ளது.

ஆட்பதிவுத் திணைக்களம் பத்தரமுல்லை, சுஹுருபாய கட்டிடத்திற்கு மாற்றப்பட இருப்பதனால் இந்த தீர்மானம் மேற்கொள்ளப்பட்டிருப்பதாக அரசாங்க தகவல் திணைக்களம் வெளியிட்டுள்ள அறிக்கையில் கூறப்பட்டுள்ளது.

எதிர்வரும் 27ம் திகதி அந்த திணைக்களம் சுஹுருபாய கட்டிடத்திற்கு மாற்றப்படும் என்று தெரிவிக்கப்பட்டுள்ளது.

எவ்வாறாயினும் 27ம் திகதி முதல் ஆட்பதிவுத் திணைக்களத்தின் அனைத்து சேவைகளும் வழமை போன்று இடம்பெறும் என்று அரச தகவல் திணைக்களம் கூறியுள்ளது.

தமது பிள்ளைகள் மற்றும் பேரப்பிள்ளைகளை காணமுடியாது மன உளைச்சலுக்கு உள்ளான 71 வயதான இரண்டு பிள்ளைகளின் தந்தையொருவர் தற்கொலை செய்துகொண்டுள்ளார்.

இந்த சம்பவம் தம்புள்ளை பிரதேசத்தில் இடம்பெற்றுள்ளதாக பொலிஸார் தெரிவித்துள்ளனர். குறித்த நபர் விஷம் குடித்து தற்கொலை செய்துகொண்டுள்ளதாக தெரிவிக்கப்படுகின்றது.

இந்த சம்பவம் தொடர்பில் மேலும் தெரியவருவதாவது, மஹவல ரதலவெவ பிரதேசத்தை சேர்ந்த இவர், தம்புள்ளை பிரதேசத்தில் உள்ள உறவினரின் வீட்டில் தங்கியிருந்துள்ளார்.

இந்நிலையில், குறித்த நபர் தனது பிள்ளைகளிடம் தொலைபேசி மூலம் தொடர்புகொண்டு தான் உங்களை பார்க்க வேண்டும் என தனது பிள்ளைகளிடம் கோரியுள்ளார்.

இதனையடுத்து, ஹொரனை பகுதியில் வசித்து வந்த வந்த மகன் ஒருவர், தந்தையை காண சென்றுள்ளார். இதன் போது தனது பேரப்பிள்ளைகளை காண ஆசையாக இருப்பதாக தனது மகனிடம் தெரிவித்துள்ளார்.

எனினும் அந்த ஆசை நிறைவேறாத காரணத்தினால் குறித்த நபர், கடும் மன உளைச்சலில் இருந்ததாக தெரிவிக்கப்படுகின்றது. இந்நிலையிலேயே அவர் விஷம் குடித்து உயிரிழந்துள்ளதாக தெரிவிக்கப்படுகின்றது.

இலங்கையில் 16 – 25 வயதிற்கு உட்பட்ட இளைஞர் தற்கொலைகள் அதிகரித்துள்ளதாக தெரிவிக்கப்படுகின்றது.

அவ்வாறு தற்கொலை செய்து கொள்பவர்களில் இளம் பெண்களின் எண்ணிக்கை அதிகரித்துள்ளதாக சமூக மருத்துவ ஆலோசகர் அமில சந்திரசிறி தெரிவித்துள்ளார்.
இது தொடர்பில் தொடர்ந்து கருத்து வெளியிட்டவர்,

தற்கொலை செய்துக் கொள்வது இலங்கையின் பிரதான சுகாதார மற்றும் பொருளாதார பிரச்சினை என்று கூறுவதில் தவறில்லை. ஏன் என்றால் இலங்கையில் 2015ஆம் ஆண்டில் தற்கொலையின் மூலம் மாத்திரம் 3051 உயிரிழப்புகள் ஏற்பட்டுள்ளது. நாம் டெங்கு மற்றும் புற்று நோய் குறித்து பேசுகின்றோம். அதற்காக மாவட்ட குழுக்கள் உள்ளன. அதற்கு அவசியமான செலவுகளும் மேற்கொள்ளப்படுகின்றன.

டெங்கு நோயினால் வருடத்தில் 150 உயிரிழப்புகள் ஏற்படுகின்றது. எலி காய்ச்சல் காரணமாக 100 பேர் உயிரிழக்கின்றார்கள். எனினும் டெங்கு மற்றும் எலி காய்ச்சல் போன்றவற்றை பேசும் அளவில் தற்கொலை குறித்து பேசுவதில்லை. எனினும் கிட்டத்தட்ட 3000 பேர் வரையில் வருடமொன்றுக்கு தற்கொலையின் காரணமாக இலங்கையில் உயிரிழக்கின்றனர்.

இலங்கையில் தற்கொலைக்கு முயற்சிப்பது தொடர்பில் தரவுகள் சேர்க்கப்படாது. எனினும் ஆய்வுகளில் தெரியவந்துள்ளது. ஒரு நாட்டில், பிரதேசங்களில் தற்கொலைகள் எத்தனை இடம்பெறுகின்றதோ அது போன்று 10 முதல் 30 வரை தற்கொலைக்கு முயற்சிப்பதாக தெரியவந்துள்ளது. இலங்கையில் வருடத்திற்கு தற்கொலை செய்து கொள்ள முயற்சிக்கும் எண்ணிக்கை கிட்டத்த 10 ஆயிரமாகும்.

இலங்கையில் தற்கொலை செய்வதற்கு முயற்சிப்பவர்களுக்குள் இரண்டு விசேட அறிகுறிகள் காணப்படுகின்றது. ஒன்று குறைந்த வயதுடையவர்கள், அதாவது 15 முதல் 25 வயதுடையவர்களே தற்கொலைக்கு முயற்சிக்கின்றனர். அதேபோல் தற்கொலை செய்து கொள்ள முயற்சிப்பவர்களில் பெரும்பான்மையினர் பெண்களாகும்.

பொதுவாக உலகின் ஏனைய நாட்டை சேர்ந்த ஆண்களே தற்கொலை செய்துக் கொள்கின்றனர். எனினும் இலங்கையில் மாற்றம் ஒன்றை காண முடிகின்றது.

இந்த தற்கொலையின் பிரதான காரணம், குடும்பத்தின் நெருங்கியவர்களுடன், அம்மா, அப்பா, சகோதரர்கள், சகோதரிகள் அல்லது காதலன் காதலியுடன் ஏற்படுத்திக் கொள்கின்ற மோதல்களே காரணமாகியுள்ளதென அவர் மேலும் தெரிவித்துள்ளார்.

நாடாளவிய ரீதியில் 2 ஆயிரத்து 436 பேர் எச்.ஐ.வி. தொற்றுக்கு உள்ளாகியுள்ளதாக தெரிவித்த சுகாதார அமைச்சர் ராஜித சேனாரத்ன 394 பேர் மரணடைந்ததற்கான பதிவுகள் உள்ளதாகவும் குறிப்பிட்டார்.

பாராளுமன்றத்தில் இன்று வாய்மூல விடைக்கான கேள்வி நேரத்தின்போது ஐக்கிய தேசியக் கட்சியின் மாத்தறை மாவட்ட பாராளுமன்ற உறுப்பினர் புத்திக பத்திரண எழுப்பிய கேள்விக்கு பதிலளிக்கையிலேயே அவர் மேற்கண்டவாறு குறிப்பிட்டார்.

தற்போது இலங்கையில் எச்.ஐ.வி தொற்றுக்கு உள்ளாகியுள்ள ஆட்களின் எண்ணிக்கை எத்தனை?, இவர்களில் எயிட்ஸ் நோயாளர்கள் என அடையாளம் காணப்பட்டுள்ளவர்கள் எண்ணிக்கை எத்தனை?, கடந்த ஐந்து வருடங்களில் மரணித்த ஆட்களின் எண்ணிக்கை எவ்வளவு?, இதுவரையில் மரணித்துள்ளவர்களின் மொத்த எண்ணிக்கை எத்தனை?, பாதிக்கப்பட்டவர்களின் ஆயுட் காலத்தை அதிகரிப்பதற்கு எடுத்துள்ள நடவடிக்கை எவ்வளவு? எச்.ஐ.வி.யை கட்டுப்படுத்துவதற்கு எடுத்துள்ள நடவடிக்கை என்ன? என புத்திக பதிரண கேள்வியெழுப்பினார். அமைச்சர் ராஜித சேனாராத்ன மேலும் தெரிவிக்கையில்,

நாடாளவிய ரீதியில் 631 பேர் எயிட்ஸ் நோயாளர்களென அடையாளங் காணப்பட்டுள்ளனர். இதுவரையில் 394 பேர் மரணித்துள்ளனர். 2011 ஆம் ஆண்டில் 32 பேரும், 2013 இல் 30 பேரும், 2013 இல் 27 பேரும், 2014 இல் 26 பேரும் 2015 இல் 31 பேரும் எயிட்ஸ் நோய் காரணமாக உயிரிழந்துள்ளனர். எச்.ஐ.வி. தொற்றுக்கு உள்ளாகியுள்ள ஆட்களின் ஆயுட் காலத்தை அதிகரிக்கச்செய்வதற்கு மருத்துவ மட்டத்தில் அரசாங்கம் பல நடவடிக்கைகளை எடுத்துள்ளது.

எச்.ஐ.வி. பரவுவதைக் கட்டுப்படுத்துவதற்கும் பல நடவடிக்கைகள் முன்னெடுக்கப்பட்டுள்ளன.

குறிப்பாக பல்கலைக்கழகத்துக்கு மாணவர்கள் சேர்க்கப்படும்போதும் அரச சேவைக்கு ஊழியர்களை இணைத்துக்கொள்ளும்போதும் எச்.ஐ.வி. சோதனை நடத்துவதற்கு உத்தேசிக்கப்பட்டுள்ளளது. இதேபோன்று தான் சிறைச்சாலைகளில் தண்டனை பெற்ற கைதிகள், கர்ப்பணிப்பெண்கள் ஆகியோரையும் பரிசோதனை செய்யும் நடவடிக்கைகளும் முன்னெடுக்கப்படுகின்றன.

விழிப்புணர்வு அற்ற செயற்பாடுகளும் முன்னெடுக்கப்படுகின்றன. எவ்வாறாயினும் தெற்காசிய வலயத்தில் ஏனைய நாடுகளுடன் ஒப்பிடுகையில் இலங்கையில் எயிட்ஸ் நோய் தொற்றுக்குள்ளாவர்களின் எண்ணிக்கை ஒப்பீட்டளவில் குறைவாக உள்ளது என்றார்.

14 வய­தான சிறு­மியை பாலியல் வல்­லு­ற­வுக்கு உட்­ப­டுத்­திய நப­ரொ­ருவர் குற்றவாளியாகக் காணப்­பட்­ட­தை­ய­டுத்து குளி­யாப்­பிட்­டி உயர் நீதி­மன்ற நீதி­ய­ரசர் கிஹான் எச். குல­துங்க 10 வருட கடூ­ழிய சிறைத்தண்­டனை விதித்துத் தீர்ப்­ப­ளித்தார். சிறைத்தண்­ட­னைக்கு மேல­தி­க­மாக 25,000 ரூபா அப­ரா­தமும் பாதிக்­கப்­பட்ட யுவ­திக்கு ஒரு இலட்ச ரூபா நஷ்­ட­ஈடு வழங்­கும்­ப­டியும் நீதி­ய­ரசர் உத்­த­ர­விட்டார்.

இதற்கும் மேல­தி­க­மாக முத­லா­வது குற்­றச்­சாட்­டுக்கு இரண்டு வருட கடூ­ழியச் சிறைத் தண்­ட­னையும் 5000 ரூபா அப­ரா­தமும் விதித்த நீதி­ய­ரசர், சிறைத் தண்­ட­னை­களை ஒரே­ய­டி­யாக அனு­ப­விக்க வேண்­டு­மெ­னவும் உத்­த­ர­விட்டார்.

குளி­யாப்­பிட்­டியைச் சேர்ந்த ஆர்.கே. ஜயசேகர என்ற அலவ்வே மாமா என்ற நபருக்கே இத்தண்டனை விதிக்கப்பட்டது.

குவைத்தின் கைதான் நகரில் இடம்­பெற்ற சமையல் எரி­வாவு சிலிண்டர் வெடிப்பு சம்ப­வத்தில் இலங்கை பிரஜை ஒருவர் உயி­ரி­ழந்­துள்­ள­தாக தெரி­விக்­கப்­படு­கி­றது.

இந்தச் சம்­பவம் இலங்கை பிர­ஜைகள் தங்­கி­யி­ருந்த விடு­தி­யொன்றில் கடந்த 18 ஆம் திகதி இடம்­பெற்­றுள்­ளது.

இதில் இலங்கை பிர­ஜைகள் இருவர் பலத்த காயங்­க­ளுக்குள்­ளாகி வைத்தியசாலையில் சிகிச்சை பெற்று வந்­துள்ள நிலையில் இவர்­களுள் ஒருவர் சிகிச்சை பல­னின்றி உயி­ரி­ழந்­துள்­ள­தாகத் தெரி­விக்­கப்­ப­டு­கி­றது.

வெலி­மடை குருத்­த­லாவை பிர­தே­சத்தை சேர்ந்த நபர் ஒரு­வரே உயி­ரி­ழந்­துள்ளதாக தெரிவிக்கப்படுகிறது.

இவர் கள் தங்­கி­யி­ருந்த அறை­யி­லுள்ள சமை யல் எரி­வாயு சிலிண்டர் திடீரென வெடித்தபோது இந்த சம்பவம் இடம் பெற்றுள்ளது.