வெளிநாட்டு வேலைவாய்ப்பு நிமித்தம் சென்றுள்ளவர்கள் எதிர் நோக்கும் பிரச்சினைகளுக்கு உதவுவதற்காக நடமாடும் சேவைகளை பிரிடோ நிறுவனம் ஏற்பாடு செய்துள்ளது.

இந்த நடமாடும் சேவை நாளை காலை 9 மணிமுதல் டயகம நகர மண்டபத்தில் நடைபெறும் என குறிப்பிடப்பட்டுள்ளது.

வெளிநாட்டு வேலைவாய்ப்பு பெற்று சென்ற பலர் விசேடமாக வீட்டுப் பணிப்பெண்களாக சென்றுள்ள பெண்களில் பலர் பல்வேறு விதமான பிரச்சினைகளை எதிர் நோக்குகின்றனர்.

இடைத்தரகர்களால் ஏமாற்றப்படுதல், மத்திய கிழக்கில் வேலை செய்யும் வீடுகளில் துன்புறுத்தப்படுதல், இதன் காரணமாக அங்கிருந்து தப்பி தூதரகத்தில் தஞ்சமடைதல், அல்லது தற்கொலை செய்துகொள்ளுதல் ஒப்பந்த காலம் முடிவடைந்த பின்னரும் திருப்பி அனுப்பாமல் தடுத்து வைக்கப்படுதல்.

நீண்ட காலம் குடும்பத்தோடு தொடர்புகள் இல்லாத நிலையில் இருத்தல், காணமால் போதல், சம்பளம் முறையாக கிடைக்காமை, போன்ற பல்வேறு பிரச்சினைகளால் பலர் பாதிக்கப்பட்டுள்ளனர்.

இவ்வாறானவர்கள் தங்கள் பிரச்சினைகளுக்கு நிவாரணம் பெற வெளிநாட்டு வேலை வாய்ப்பு பணியத்தில் முறைப்பாடு செய்தல் வேண்டும்.

எனினும் பலருக்கு இவ்வாறு முறைப்பாடு செய்யும் முறை தெரியாதிருத்தல், முறைப்பாடு செய்யும் போது சமர்ப்பிக்கப்பட வேண்டிய ஆவணங்கள் பற்றிய தெளிவு இல்லாமை என்பவற்றால் முறைப்பாடுகளை செய்ய முடியாத நிலையில் உள்ளனர்.

குறித்த, நடமாடும் சேவை மூலமாக வெளிநாட்டு வேலைவாய்ப்பு பணிகயத்தின் முறைப்பாட்டு பிரிவுக்கு சமர்ப்பித்து தகுந்த நடவடிக்கை மேற்கொள்ள பிரிடோ நிறுவனம் உதவிகளைச் செய்ய திட்டமிட்டுள்ளது.

மேற்கூறிய பிரச்சினைகள் உள்ளவர்கள் தங்களிடம் உள்ள ஆவணங்களுடன் இந்த நடமாடும் சேவையில் கலந்து கொண்டு பயன் பெறலாம். இதன்போது கொண்டு வர வேண்டிய ஆவணங்கள் தொடர்பான விபரங்களை 0772277441 – 071 4661486 என்ற இலக்கத்தோடு தொடர்பு கொண்டு அறிந்து கொள்ள முடியும் எனவும் குறித்த நிறுவனத்தார் தெரிவித்துள்ளனர்.

நாட்டைச் சுற்றியுள்ள கடற் பிரதேசங்களில் மணிக்கு 70 கிலோ மீற்றர் வேகத்தில் பலத்த காற்று வீசக்கூடும் என வளிமண்டலவியல் திணைக்களம் தெரிவித்துள்ளது.

இந்நிலைமை காரணமாக மீனவர்கள் மற்றும் கடற்படையினர் கடும் அவதானத்துடன் இருக்குமாறு அபாய எச்சரிக்கை விடுக்கப்பட்டுள்ளது.

இதேவேளை தரைப்பிரதேசத்தில் திடீரென கடும் காற்று வீசக்கூடும் என்றும் இன்று வெளியிடப்பட்டுள்ள குறித்த அறிக்கையில் குறிப்பிட்டுள்ளது.

மேலும் சில பிரதேசங்களில் மழை பொழியும் சாத்தியம் உள்ளதாக குறிப்பிடப்பட்டுள்ளது.

எலஸ்வத்த பிரதேசத்தில் தங்கியிருந்த பிரித்தானிய யுவதி ஒருவரிடம் தவறாக நடக்க முற்பட்ட இளைஞர் ஒருவர் உப்புவெளி பிரதேசத்தில் வைத்து கைதுசெய்யப்பட்டுள்ளார்.

குறித்த யுவதி இலங்கை இளைஞர்கள் இருவருடன் இணைந்து எலஸ்வத்த பகுதியில் உள்ள ஹோட்டல் ஒன்றில் மதுபான விருந்தினை ஏற்பாடு செய்துள்ளார்.

இந்த விருந்து முடிந்ததும் அதில் ஒரு இளைஞர் குறித்த யுவதியிடம் தவறாக நடக்க முற்பட்டுள்ளதாக தெரிவிக்கப்பட்டுள்ளது.

இந்த சம்பவம் தொடர்பில் குறித்த யுவதி உப்புவெளி பொலிஸ் நிலையத்தில் முறைபாடு செய்ததை அடுத்து சந்தேகநபரை பொலிஸார் கைது செய்துள்ளனர்.

சுமார் 400 ஆண்டுகள் பழமை வாய்ந்த மன்னார் மடு மாதா ஆடித்திருவிழாவின் விண்ணேற்பு விழா வெகுவிமர்சையாக நேற்று நடைபெற்றது.

மடு மாதா தேவாலயத்தின் வருடாந்த திருவிழா கடந்த ஆறாம் திகதி கொடியேற்றத்துடன் ஆரம்பமானது. வருடாந்த திருவிழாவின் இறுதி நாளான நேற்று மடு தேவ மாதாவின் விண்ணேற்புத் திருவிழா விமர்சையாக நடைபெற்றது.

மடு மாதா அன்னைக்கு, கொழும்பு பேராயர் கர்தினால் மெல்கம் ரஞ்சித் ஆண்டகை தலைமையில் திருவிழா திருப்பலி ஒப்புக் கொடுக்கப்பட்டது.

மன்னார் மறை மாவட்ட அப்போஸ்தலிக்க பரிபாலகர் கிங்ஸ்லி சுவாம்பிள்ளை, கண்டி. மறை மாவட்ட ஆயர் வியன்னி பெனாண்டோ, காலி மறை மாவட்ட ஆயர் றேமன் விக்கிரமசிங்க, அனுராதபுரம் மறை மாவட்ட ஆயர் நோபட் அந்ராடி ஆகியோர் இணைந்து கூட்டுத்திருப்பலி ஒப்புக்கொடுத்தனர்.

திருப்பலியை தொடர்ந்து திருச்சொரூப பவனி இடம்பெற்று திருச்சொரூப ஆசிர்வாதத்துடன் நிறைவடைந்தது.

விண்ணேற்புத் திருவிழாவில் நாட்டின் பல பாகங்களிலிரும் பெருந்திரளான பக்தர்கள் வருகைதந்திருந்தனர்.

திருவிழா இறுதியில் நிதி அமைச்சர் ரவி கருணாநாயக்க மடு திருத்தலத்திற்கு அன்பளிப்பு தொகையினை வழங்கி வைத்தார்.

அத்துடன், மன்னார் மாந்தை ஆலய காணிக்கான உறுதிப்பத்திரத்தை அமைச்சர் ஜோன் அமரதூங்க, மன்னார் மறைமாவட்ட அப்போஸ்தலிக்க பரிபாலகர் ஜோசப் கிங்சிலி சுவாமிப்பிள்ளை ஆண்டகையிடம் வழங்கி வைத்தார்.

கிளிநொச்சி ஊற்றுப்புலம் என்னும் கிராமத்தில் வறுமைக்கோட்டின் கீழ் வசித்துவரும் வ.பிரேம்குமார் அவரது மனைவி மற்றும் நான்கு பிள்ளைகள்.

பிரேம்குமார் அன்றாடம் கூலி வேலைகளுக்கு சென்றே தனது குடும்ப செலவுகளை சமாளித்து வருகின்றார்.

இவரது மகனான பிரேம்குமார் டனுஜன் ஊற்றுப்புலம் அ.த.க பாடசாலையில் தரம் 6ல் கல்வி கற்றுவந்த வேளையில் 2 மாதங்களுக்கு முன்பு பாடசாலையில் மயக்கமுற்று விழுந்தார்.

உடனடியாக வைத்தியசாலையில் அனுமதிக்கப்பட்டு பின்பு மேலதிக சிகிச்சைக்காக பொரளை தேசிய வைத்தியசாலையில் அனுமதிக்கப்பட்டார்.

இவர் நரம்பியல் நோயினால் பாதிக்கப்பட்டு இருப்பதாகவும் இவருக்கு சத்திரசிகிச்சை செய்வதற்கு15 00 000 (பதினைந்து லட்சம் ருபாய்) தேவை எனவும் வைத்தியர்கள் தெரிவித்துள்ளனர்.

அன்றாடம் கூலித்தொழில் செய்யும் பிரேம்குமாரால் இவ்வளவு பெரிய தொகையை திரட்ட முடியாதுள்ளதனால், உறவுகளான உங்களிடம் உதவிக்கரம் நீட்டியுள்ளார்.

உயிருக்குப் போராடும் இச் சிறுவனின் உயிரைக் காப்பாற்ற அன்புள்ளம் கொண்டவர்கள் உதவிடுங்கள்.

தொலைபேசி இலக்கம் – 0766770518
வங்கி கணக்கிலக்கம்- வ.பிரேம்குமார்
048200100049138
மக்கள் வங்கி
கிளிநொச்சி

தேசிய அடையாள அட்டை-760873861V

 
அகில இன நல்லுறவு ஒன்றியத்தினால் மன்னார் மாவத்திலுள்ள சமூக சேவையாளர்களுக்கான சாமஸ்ரீ விருது வழங்கும் நிகழ்வு கடந்த வெள்ளிக்கிழமை அன்று மன்னார் நகரசபை மண்டபத்தில் நடைபெற்றது.

குறித்த நிகழ்வின் பிரதம விருந்தினராக வன்னி மாவட்ட பாராளுமன்ற உறுப்பினரும் மாவட்ட அபிவிருத்திக்குழு இணைத் தலைவருமான கே.காதர் மஸ்தான் கலந்துகொண்டார்.

இந்த நிகழ்வில் மன்னார் மாவட்டத்தின் தன்னலம் பாராத சமூக சேவையாளர்கள் கௌரவிக்கப்பட்டதுடன் அவர்களுக்கான விருதுகளும் வழங்கி வைக்கப்பட்டன.

நிகழ்வில் பாராளுமன்ற உறுப்பினர் காதர் மஸ்தான் உரையாற்றுகையில்..

சமூகத்தில் நாம் புகழையும் விருதுகளையும் நோக்கியதாகத்தான் எமது சேவைகள் இருக்குமென்றால் அது சமூகசேவையல்ல, மாறாக எந்தவித சுயலாப நோக்கமுமின்றி எம்மால் சமூகத்திற்கு சேவை செய்ய முடியுமானால் அதுவே சமூக சேவை.

இந்த நிகழ்வில் கௌரவிக்கப்படும் நீங்கள் தன்னலமற்ற, புகழை எதிர்பார்க்காமல் சேவையாற்றிவர்கள் என்றே நான் கருதுகின்றேன் அதனால்தான் இந்த கௌரவிப்பு நிகழ்வு உங்களுக்காகவே ஏற்பாடு செய்யப்பட்டுள்ளது. உங்களது சேவை இனிவரும் காலங்களிலும் தொடரட்டும் என தெரிவித்தார்.

குறித்த நிகழ்வில் பாராளுமன்ற உறுப்பினர் மஸ்தான் உட்பட, மாகாண சபை உறுப்பினர்கள், மதகுருமார்கள், சமூகசேவையாளர்கள், ஊடகவியலார்கள், மக்கள், என பலரும் கலந்துகொண்டனர்.

சட்டவிரோதமாக அவுஸ்திரேலியா செல்ல முற்பட்ட 17 இலங்கையர்களை கடற்படையினர் இன்று (15) மட்டக்களப்பு மேற்க கடற்பரப்பில் வைத்து கைதுசெய்துள்ளனர்.

குறித்த இலங்கையர்கள் வாழைச்சேனை பகுதியிலிருந்து படகொன்றின் மூலம் அவுஸ்திரேலியாவுக்கு சட்டவிரோதமாக செல்ல முற்பட்டுள்ளனர்.

இதேவேளை கைதுசெய்யப்பட்ட நபர்களை கடற்படையினர் திரகோணமலை துறைமுகத்துக்கு அழைத்துவந்துள்ளதுடன், மேலதிக நடவடிக்கைகளுக்காக குற்றப்புலனாய்வு பிரிவு திணைக்களத்தின் கடல்சார் பிரிவினரிடம் ஒப்படைத்துள்ளனர்.