தனக்கு தொடர்ந்து தொல்லை கொடுத்தால் தமிழக அரசியலையே திருப்பி போடும் செயலில் ஈடுபடுவேன் என மாநிலங்களவை உறுப்பினர் சசிகலா புஷ்பா மிரட்டல் விடுத்துள்ளார். டெல்லியில் செய்தியாளர்களை சந்தித்து பேசுகையில் அவர் இவ்வாறு கூறியுள்ளார். மேலும் அவர் கூறியதாவது..

நான் அடிமைகளின் கூடாரத்தில் இருக்க விரும்பவில்லை. இரு பெண்கள் மூலம் என் மீது பொய் வழக்கு போடுகிறார்கள். தொடர்ந்து இதுபோன்ற தொல்லை கொடுத்தால் தமிழக அரசியலையே திருப்பி போடும் செயலில் ஈடுபடுவேன் என மிரட்டல் விடுத்துள்ளார்.

இரு பெண்கள் அளித்த புகாரை தொடர்ந்து தூத்துகுடியில் சசிகலா புஷ்பா மற்றும் அவரது கணவர் மற்றும் மகன் மீது வழக்கு பதிவு செய்யப்பட்டுள்ளது.

இந்நிலையில், சசிகலா புஷ்பா மீது நாளைவரை எந்த நடவடிக்கையும் எடுக்க கூடாது என்று தமிழக அரசுக்கு டெல்லி உயர் நீதிமன்றம் உத்தரவிட்டுள்ளது.

சுதந்திர தினத்தை முன்னிட்டு நாட்டில் பாதுகாப்பு தீவிரபடுத்தப்பட்டுள்ளது. பாதுகாப்பு நடவடிக்கையின் ஒரு பகுதியாக ஒரு வார காலத்துக்கு மாநிலங்களில் உள்ள தேசியச் சின்னங்கள் முன்பு செல்ஃபி எடுக்க தடை விதிக்கப்பட்டுள்ளது. இதுகுறித்து சுற்றுலா துறை அமைச்சகம் சுற்றிக்கை ஒன்றை வெளியிட்டுள்ளது.

அதில் ஆகஸ்ட் 12ம் திகதி முதல் 18ம் திகதி வரை, மாநிலங்களில் உள்ள தேசியச் சின்னங்கள் முன்பு சுற்றுலாப் பயணிகள் யாரும் செல்ஃபி எடுத்துக் கொள்ள அனுமதிக்க வேண்டாம் என்று அறிவுறுத்தப்பட்டுள்ளது.

எதிர்வரும் ஆகஸ்ட் 12ம் திகதி முதல் ஆறு நாட்கள் வரை இந்தியாவின் தலைநகரின் மத்திய பகுதியான ராஜ்பாத்தில், சுற்றுலா துறை ஏற்பாட்டில் பாரத் பார்வ் நிகழ்ச்சி நடைபெறவுள்ளது.

பாரத் பார்வ், கலாச்சாரத்தை பிரதிபலிக்கும் ஒரு நிகழ்வு, இந்த நிகழ்வில் பிரதமர் நரேந்திர மோடி கலந்து கொள்கிறார். குடிமக்கள் மத்தியில் தேசப்பற்றை ஊக்குவிப்பதே இந்த நிகழ்வின் முக்கிய குறிக்கோளாகும்.

சுதந்திர தினம் மற்றும் பாரத் பார்வ் கொண்டாட்டத்தின் போது பயங்கரவாதத் தாக்குதல் நடத்தப்படலாம் என்ற எச்சரிக்கையை கவனத்தில் கொண்டே சுற்றுலா துறை இத்தடையை அமல்படுத்தியுள்ளது.

பாலியல் தொந்தரவு பற்றி, பொலிசில் புகார் அளித்துள்ள பெண் ஊழியர்களுக்கு, அவரது வழக்கு விசாரணை நிலுவையில் உள்ள போது சம்பளத்துடன் கூடிய 3 மாதம் விடுமுறை அளிக்கப்படும் என்று மத்திய அரசு தெரிவித்துள்ளது.

மக்களவையில் நேற்று பேசிய மத்திய அமைச்சர் ஜிதேந்திர சிங், பணியிடங்களில் பெண்கள் பாலியல் துன்புறுத்தலுக்கு ஆளாவதாக தொடர்ந்து புகார்கள் வருவதாக குறிப்பிட்டார்.

பணிபுரியும் இடங்களில் பெண்களுக்கு ஏற்படும் பாலியல் துன்புறுத்தல் தொடர்பான சட்டப்பிரிவு 12ன் படி, சம்பந்தப்பட்ட பெண்களுக்கு, அவரது வழக்கு விசாரணை நிலுவையில் உள்ள போது மூன்று மாதம் விடுமுறை வழங்கப்படும் என்று கூறினார்.

அதற்கு அந்த பெண் எழுத்துப்பூர்வமாக கோரிக்கை விடுக்க வேண்டும் என்றும், பின்னர் குறிப்பிட்ட நிறுவனத்தாலோ அல்லது குழுவாலோ பரிந்துரை செய்யப்பட வேண்டும் என்றும் தெரிவித்தார்.

இதுவரை பெண் ஊழியர்கள் அளித்த பாலியல் புகார் குறித்த கேள்விக்கு, அவை குறித்த தகவல்கள் முறைப்படுத்தவில்லை என்று குறிப்பிட்டார்.

தவறான உறவுக்கு அழைத்தல், தவறான வார்த்தைகளை பயன்படுத்தி பெண்களுக்கு தொந்தரவு அளிப்பது, ஆபாச படங்களை காட்டுவது உள்ளிட்ட பல்வேறு பிரச்னைகளை பணியாற்றும் இடங்களில் பெண்கள் சந்திப்பதாக புகார் எழுந்துள்ளது.

குடும்ப பிரச்­சினை கார­ண­மாக கண­வனே மனை­வியை காருடன் எரித்த சம்­ப­வ­மொன்று தமிழகத்தில் இடம்­பெற்­றுள்­ளது.

சென்னை, தேனாம்­பேட்டை ஆல­யம்மன் கோயில் பகு­தியைச் சேர்ந்­தவர் பிரேமா(29). இவ­ருக்கு சுரேஷ் என்­ப­வ­ருடன் 15 ஆண்­டு­க­ளுக்கு முன்பு திரு­மணம் நடந்­துள்­ளது. இவர்­க­ளுக்கு மேனகா என்ற மகள் உள்ளார்.

குடும்ப பிரச்­சினை கார­ண­மாக இவர்கள் கடந்த 12 ஆண்­டு­க­ளுக்கு முன்னர் பிரிந்­தனர். பின்னர், தன் மகள் மேன­கா­வுடன் தாய் வீட்­டுக்கே பிரேமா சென்­றுள்ளார்.

இதற்­கி­டையே நாக­ராஜன்(33) என்­ப­வ­ருடன் பிரே­மா­வுக்கு பழக்கம் ஏற்­பட்­டுள்­ளது. இது நாளடைவில் காத­லாக மாறி­யது. ஒரு கட்­டத்தில் இரு­வரும் திரு­மணம் செய்து கொண்டு வாழமுடிவு செய்­தனர். அதன்­படி கடந்த 9 ஆண்­டு­க­ளுக்கு முன் நாக­ரா­ஜனும் பிரே­மாவும் திரு­மணம் செய்து கொண்­டனர். இதற்கு நாக­ராஜன் குடும்­பத்­தினர் கடும் எதிர்ப்பு தெரி­வித்­தனர்.

இதனால் நாக­ராஜன், பிரே­மா­வுடன் தேனாம்­பேட்­டை­யி­லேயே தனி­யாக வீடு ஒன்றை வாட­கைக்கு எடுத்து வாழ்ந்து வந்­தனர். இவர்­க­ளுக்கு யுஷ்வந்த்(4), நிஷந்த் ராஜ்(2) என்ற இரு மகன்கள் உள்ளனர்.

இதற்­கி­டையே நாக­ரா­ஜனின் தாய், உன் மனைவி குழந்­தை­களை அழைத்து கொண்டு புதி­ய­தாக கட்­டி­யுள்ள செங்­கல்­பட்டு வீட்­டிற்கு வந்­து­விடு என அழைத்­துள்ளார். இதை­ய­டுத்து கடந்த மூன்று மாதங்­க­ளுக்கு முன் நாக­ராஜன் மனைவி மற்றும் குழந்­தை­க­ளுடன் செங்­கல்­பட்டில் உள்ள புதிய வீட்டில் வசித்து வந்­தனர்.

அப்­போது நாக­ராஜன் அம்­மா­வுக்கும் மனைவி பிரே­மா­வுக்கும் இடையே அடிக்­கடி பிரச்­சினை ஏற்பட்­டுள்­ளது. இதனால் மீண்டும் சண்டை போட்டு கொண்டு பிரேமா இரண்டு மகன்­க­ளுடனும் தாய் வீட்­டிற்கு சென்­றுள்ளார். ஆனால் நாக­ராஜன் செங்­கல்­பட்­டி­லேயே தாயுடன் வசித்து வந்துள்ளார்.  வாரத்­திற்கு ஒரு­முறை மட்டும் குழந்­தை­களை நாக­ராஜன் வந்து பார்த்து, செல­வுக்கு பணத்தை கொடுத்­து­விட்டு சென்­றுள்ளார்.

இந்­நி­லையில் கடந்த ஞாயிற்­றுக்­கி­ழமை பிரேமா உற­வுக்­காரர் கணேசன் என்­ப­வரின் காரை எடுத்து கொண்டு நாக­ராஜன் தனது மனைவி மற்றும் குழந்­தை­களை செங்­கல்­பட்­டுக்கு அழைத்து செல்ல வந்­துள்ளார்.

பின்னர் மனைவி மகன்களுடன் தனது உற­வினர் காரில் புறப்­பட்டு சென்­றனர். காரை நாக­ராஜன் ஓட்டிச் சென்றார். நந்­தனம் வீட்டு வசதி வாரிய குடி­யி­ருப்பு முதல் பிர­தான சாலையில் கார் சென்று கொண்டிருந்­த­போது காரின் உள்ளே திடீர் தீ விபத்து ஏற்­பட்­டது.

இந்த விபத்தில் பிரேமா மற்றும் இளைய மகன் நிஷந்த் ராஜ் ஆகி­யோ­ருக்கு தீக்­காயம் ஏற்­பட்­டது. ஓடும் காரில் தீவி­பத்து ஏற்­பட்­டதால் பொது மக்கள் அனை­வரும் அதிர்ச்­சி­ய­டைந்­தனர்.

இது­கு­றித்து தக­வ­ல­றிந்த தேனாம்­பேட்டை தீய­ணைப்பு வீரர்கள் விரைந்து வந்து காரில் ஏற்­பட்ட தீயை அணைத்­தனர். இந்த விபத்தால் நாக­ராஜன் மற்றும் மூத்த மகன் யஷ்வந்த் காயங்­க­ளின்றி உயிர்­தப்­பினர். காய­ம­டைந்த இரு­வ­ரையும் வைத்­தி­ய­சா­லையில் சேர்த்­தனர்.

இதற்­கி­டையே வைத்­தி­ய­சா­லையில் சிகிச்சை பெற்று வந்த பிரேமா கடந்த ஞாயிற்­றுக்­கி­ழமை இரவு உயி­ரி­ழந்தார்.

பிரேமா இறக்கும் முன்பு பொலி­ஸா­ரிடம் மரண வாக்­கு­மூலம் கொடுத்­துள்ளார். இது குறித்து தெரிவித்­துள்­ளதா­வது, நாக­ராஜன் செங்­கல்­பட்டில் உள்ள வீட்­டிற்கு பிரே­மா­வையும் இரண்டு மகன்க­ளையும் அழைத்து கொண்டு சென்ற போது இரு­வ­ருக்கும் இடையே தக­ராறு ஏற்­பட்­டுள்­ளது.

அப்­போது ஓடும் காரி­லேயே நாக­ராஜன் மறைத்து வைத்­தி­ருந்த பெட்­ரோலை எடுத்து பிரேமா மீது ஊற்றி காருடன் தீவைத்­து­விட்டு அவர் மட்டும் தப்பி ஓடி­விட்டார். உயி­ருக்கு போரா­டிய பிரேமா தனது குழந்­தை­களை காரில் இருந்து வெளியே தூக்கி வீசி­ய­தாக வாக்­கு­மூ­லத்தில் கூறி­ய­தாக பொலிஸார் தெரி­வித்­துள்­ளனர்.

இது குறித்து பிரே­மாவின் மூத்த மகன் தெரி­வித்­தி­ருப்­ப­தா­வது, “எனக்கு அப்பா செருப்பு வாங்கி கொடுத்தார். பின்னர் காரில் வீட்­டிற்கு வரும் போது அம்­மா­வுக்கும் அப்­பா­வுக்கும் சண்டை ஏற்­பட்டது. அப்போது அம்மா, பையில் இருந்த பெட்ரோலை எடுத்து மேலே ஊற்றி தீ வைத்து கொண்டார்” என கூறியுள்­ளான்.

இதையடுத்து உயிரிழந்த பிரேமா அளித்த மரண வாக்குமூலத்தின்படி சைதாப்பேட்டை பொலிஸார் நாகராஜனை கைது செய்தனர்.

 
ஒன்றரை வயதுடைய குழந்தையின் வயிற்றில் 3 கிலோ நிறையுடைய சிசுக்கட்டியொன்றை அறுவை சிகிச்சை மூலம் வெட்டியகற்றிய சம்பவமொன்று இந்தியாவின் ஈரோடு மாவட்டம் புஞ்சைபுளியம்பட்டியில் இடம்பெற்றுள்ளது. இச் சம்பவம் பற்றி மேலும் தெரியவருவதாவது,

ஈரோடு மாவட்டம் புஞ்சைபுளியம்பட்டியைச் சேர்ந்த ராஜூ மற்றும் சுமதி ஆகியோரின் ஒன்றரை வயது மகள் நிஷா.

குறித்த குழந்தைக்கு சில மாதங்களாக வயிறு வீங்கியபடி இருந்தது. இதனால், மேட்டுப்பாளையத்திலுள்ள தனியார் மருத்துவமனையில் சிகிச்சைக்காக குழந்தையை அனுமதித்தனர்.

ஸ்கேன் செய்து பார்த்த மருத்துவர்கள் குழந்தையின் வயிற்றில் சிசு வளர்வதை கண்டு பிடித்தனர். மேலும் கல்லீரல், மண்ணீரல் ஆகியவை இடம் மாறி இருப்பதையும் கண்டறிந்தனர்.

இதையடுத்து மருத்துவர் விஜியகிரி தலைமையிலான குழுவினர் உடனடியாக அறுவை சிகிச்சை செய்ய முடிவு செய்து, குழந்தை நிஷாவுக்கு 2 மணி நேரம் அறுவை சிகிச்சை செய்து 3 கிலோ எடை கொண்ட சிசு கட்டியை அகற்றினர்.

அந்த கட்டியில் குழந்தையின் முடி, தாடை எலும்புகள் உள்ளிட்டவை இருந்தன. அறுவை சிகிச்சைக்கு பின்னர் நிஷா ஆரோக்கியத்துடன் இருப்பதாக குழந்தையின் பெற்றோர்கள் தெரிவித்தனர்.

அறுவை சிகிச்சை மேற்கொண்ட மருத்துவர் விஜியகிரி கருத்துத் தெரிவிக்கையில்,

தாயின் வயிற்றில் இரட்டை கரு உருவாகும்போது அதில் ஒரு குழந்தை மற்றொரு குழந்தையை அரவணைத்து குழந்தையின் வயிற்றில் உள்ளடங்கி குழந்தையாக உருமாறியிருக்கிறது.

இதனை ஆங்கிலத்தில் டுவிண்டெரி எனக் கூறுவர். கருத்தரிக்கும் 10 இலட்சத்தில் ஒருவருக்கு மட்டுமே இதுபோன்ற விசித்திரமான நிகழ்வு நடைபெறும்.

உரியநேரத்தில் அறுவை சிகிச்சை செய்யாவிட்டால் குழந்தை வயிற்றில் இருந்த பனிக்குடம் உடைந்து அக்குழந்தையின் உயிருக்கு ஆபத்து ஏற்பட்டிருக்கும் எனத் தெரிவித்தார்.