மணிப்பூரின் இரும்பு பெண்மணி இரோம் சர்மிளா, 16 ஆண்டு கால உண்ணாவிரதத்தை இன்று முடிக்கிறார்.

மணிப்பூரில் 16 ஆண்டுகளுக்கு முன்னர் 2000-ம் ஆண்டு பொலிஸ் வாகன அணிவகுப்பின்மீது குண்டுவெடிப்பு நடத்தப்பட்டது. அதைத் தொடர்ந்து பாதுகாப்பு படையினர் நடத்திய துப்பாக்கிச்சூட்டில் 10 பேர் கொல்லப்பட்டனர்.

அதில் பலர் அப்பாவி பொதுமக்கள் ஆவார்கள். அந்த சம்பவத்தில் ஈடுபட்ட பாதுகாப்பு படையினருக்கு, ஆயுதப்படைகள் சிறப்பு அதிகார சட்டம் என்ற சட்டம் பாதுகாப்பு கவசமாக அமைந்தது. அந்த சட்டம், சந்தேகத்தின் அடிப்படையில் யாரையும் சுட்டுக்கொல்வதற்கு பாதுகாப்பு படைக்கு அதிகாரம் தருகிறது. அதை எதிர்த்து முறையிடவும் முடியாது.

இதனால் அந்த கொடிய சட்டத்தை ரத்து செய்யக்கோரி, அப்போது (2000-ம் ஆண்டு நவம்பர் 2ம் திகதி) மனித உரிமை காவலரான இரோம் சானு சர்மிளா (வயது 44), உண்ணாவிரதம் தொடங்கினார். அவர் எந்த உணவையும் சாப்பிட மறுத்து வருகிறார். எந்த பானத்தையும் குடிக்கவும் மறுத்து வருகிறார்.

அவர் தற்கொலைக்கு முயற்சித்ததாக பல முறை கைது செய்யப்பட்டும், விடுதலை செய்யப்பட்டும், உண்ணாவிரதத்தை மட்டும் முடிவுக்கு கொண்டு வரவில்லை. இதனால் அங்குள்ள மக்களால் அவர் இரும்புப்பெண்மணியாக கருதப்படுகிறார்.தற்போது அவர் அங்குள்ள ஜவகர்லால் நேரு ஆஸ்பத்திரியில் அனுமதிக்கப்பட்டுள்ளார். அவருக்கு வலுக்கட்டாயமாக மூக்கில் ஒரு டியூப்பை செருகி அதன் மூலம் திரவ உணவு செலுத்தப்பட்டு வருகிறது.

இந்த நிலையில் கடந்த ஜூலை 26 ஆம் திகதி இரோம் சர்மிளா இம்பால் கோர்ட்டில் ஆஜர்படுத்தப்பட்டார். அதன்பின்னர் வெளியே வந்த அவர் நிருபர்களிடம் பேசினார். அப்போது அவர், “நான் எனது உண்ணாவிரதத்தை ஆகஸ்டு மாதம் 9-ந் திகதி முடித்துக்கொள்கிறேன். வரக்கூடிய சட்டசபை தேர்தலில் நான் போட்டியிடுகிறேன்” என கூறினார். அதன்படி தனது 16 ஆண்டு கால உண்ணா விரத போராட்டத்தை நாளை இரோம் சர்மிளா முடித்துக்கொள்கிறார்.

இரோம் சர்மிளாவின் சகோதரர் இரோம் சின்காஜித் பிடிஐ செய்தி நிறுவனத்து அளித்த பேட்டியில்,”நாளை ஜூடிசியல் மாஜிஸ்திரேட்டு நீதிமன்றத்தில் இரோம் சர்மிளா ஆஜர்படுத்தப்படுகிறார். இதையடுத்து, நீதிமன்ற காவலில் உள்ள அவரை நாளை கோர்ட்டு விடுவிக்க இருக்கிறது.

இதன்பின்னர் 15 தினங்களுக்கு முன் அறிவித்தபடி தனது உண்ணா விரத போராட்டத்தை நாளை முறைப்படி கைவிடுவார். விடுதலைக்கு பிறகு அவர் எங்கு செல்வார் என்று தெரியவில்லை. அவர் ஒருவேளை வீட்டிற்கு வந்து தங்க விரும்பினால், நாங்கள் அவரை வரவேற்க ஆர்வமாக உள்ளோம்.ஆனால், இது அவரின் விருப்பத்தை பொறுத்தது” என்றார்.

எவரெஸ்ட் சிகரத்தில் ஏறிய, தமிழர் என்ற சாதனையை படைத்த ஊட்டி இராணுவ வீரருக்கு, அவரது சொந்த ஊரில் மகத்தான வரவேற்பு அளிக்கப்பட்டது.

நீலகிரி மாவட்டம், ஊட்டி லவ்டேல் பகுதியைச் சேர்ந்தவர் சிவகுமார், இந்திய இராணுவத்தின் மெட்ராஸ் ரெஜிமென்ட் இரண்டாம் படைப்பிரிவில் அவர் பணியாற்றி வருகிறார்.

இந்திய இராணுவக்குழு சார்பில் தெரிவு செய்யப்பட்ட, 14 பேர் கொண்ட எவரெஸ்ட் மலை ஏறும் குழுவில் சிவகுமாரும் இணைத்துக்கொள்ளப்பட்டார்.

இந்நிலையில் கடந்த மே மாதம் 18ஆம் திகதி எவரெஸ்ட் சிகரத்தின் உச்சியை சிவக்குமார் அடைந்தார். அங்கு, தேசிய மற்றும் இராணுவக் கொடியை சக வீரர்களுடன் ஏற்றினார்.

இதற்காக, இந்திய ஜனாதிபதி உள்ளிட்டவர்களின் பாராட்டுக்களை பெற்ற சிவகுமார் நேற்று அவரது சொந்த ஊருக்கு திரும்பினார்.

இதன் போது அவருக்கு குடும்பத்தினர் மற்றும் ஊர் மக்கள் ஆகியோர் இணைந்து உற்சாக வரவேற்பு அளித்ததுடன், பாராட்டுக்களையும் தெரிவித்தனர்.

இதேவேளை, மலேஷியாவில் வாழும் தமிழர், புதுச்சேரியில் வாழும் தமிழர் என, இருவர் எவரெஸ்ட் சிகரத்தின் உச்சியை அடைந்துள்ள போதும், தமிழகத்தில் வசிக்கும் முதல் நபர் என்ற பெருமை, சிவகுமார் பெற்றுள்ளார்.

ஈரோட்டின் அந்தியூர் தாலுகாவை சேர்ந்தவர் சென்னிமலை, இவரது மகள் சசிகலா கோபிச்செட்டிபாளையத்தில் உள்ள கல்லூரி ஒன்றில் மூன்றாம் ஆண்டு படித்து வருகிறார்.

இவரும், அதே பகுதியை சேர்ந்த ஆட்டோ டிரைவர் ரமேசும் கடந்த இரண்டு ஆண்டுகளாக காதலித்து வந்தனர். இவர்களது காதலுக்கு பெற்றோர் எதிர்ப்பு தெரிவிக்கவே கடந்த மாதம் இருவரும் ஊரை விட்டு ஓடிவந்த சென்னையில் உள்ள கோயில் ஒன்றில் கடந்த மாதம் 5ம் திகதி திருமணம் செய்து கொண்டனர்.

இதற்கிடையே சசிகலாவை கண்டுபிடித்து தருமாறு அவரது தந்தை பொலிசில் புகார் கொடுத்தார்.

இதனை அறிந்து கொண்ட தம்பதியினர் சசிகலா- ரமேஷ் பூந்தமல்லி பொலிஸ் நிலையத்தில் ஆஜராகினர். இந்த தகவல் சசிகலாவின் பெற்றோருக்கு தெரிவிக்கப்பட்டு, உடனடியாக அவர்கள் சென்னைக்கு வரவே பொலிசார் இருதரப்பினருடன் பேச்சுவார்த்தை நடத்தினர்.

ஆனால் சசிகலா கணவர் ரமேசுடன் தான் சேர்ந்து வாழ்வேன் என பிடிவாதமாக கூறியதுடன், திருவேற்காடு பகுதியில் வாடகைக்கு வீடு எடுத்து தங்கி குடும்பம் நடத்தி வந்தனர்.

இந்நிலையில் தன்னுடைய மகள் பிரிந்து போன துக்கம் தாங்காமல் அவரது தந்தை தற்கொலைக்கு முயற்சித்ததாக தெரிகிறது, இந்நிலையில் இவருக்கு அதிகளவு சொத்து இருந்த காரணத்தால் சசிகலாவின் பெரியப்பா மகனான அத்தாணி கிராமத்தை சேர்ந்த நந்தகுமார் (32) சதித்திட்டம் தீட்டினார்.

இதற்காக ரமேஷ்- சசிகலாவை நோட்டமிட்ட நந்தகுமார், நான்கு பேருடன் சேர்ந்து சசிகலாவை கடத்தி சென்றார். இதனையடுத்து ரமேஷ், சசிகலாவை மர்மநபர்கள் கடத்தி சென்றனர் என திருவேற்காடு பொலிஸ் நிலையத்தில் புகார் அளித்தார்.

இதைத்தொடர்ந்து வேலூர் குற்றப்பிரிவு ஏ.டி. எஸ்.பி. உமா சங்கர் தலைமையில் மாவட்டம் முழுவதும் பொலிசார் உஷார்படுத்தப்பட்டனர்.

பொலிசாரின் சோதனையில் சசிகலா கடத்தப்பட்ட கார், பள்ளிகொண்டா சுங்கசாவடியை கடந்து சென்றது கண்டுபிடிக்கப்பட்டது, மேலும் ஆம்பூர் பைபாஸ் சாலையில் கார் செல்வதும் கண்டுபிடிக்கப்பட்டது.

இதனையடுத்து உஷாரான பொலிசார் எடுத்த துரித நடவடிக்கையின் பேரில் காரை மடக்கி பிடித்ததுடன் சசிகலாவையும் மீட்டனர்.

கடத்தலில் ஈடுபட்ட நந்தகுமார், காரை ஓட்டிச்சென்ற அந்தியூரை சேர்ந்த கருப்பண்ணன் (48), சித்தேஸ்வரன் (43), சந்தோஷ்குமார் (27), கணபதி (36) ஆகியோர் கைது செய்யப்பட்டனர்.

அவர்களிடம் விசாரணை நடத்தியபோது, காதலனுடன் சசிகலா ஓட்டம் பிடித்தது அவரது தந்தை உள்பட அனைவரையும் மிகவும் பாதித்தது.
சசிகலா பெயரில் அதிக சொத்தும் உள்ளது. சசிகலாவையும் இழந்து சொத்தையும் இழக்க அவர்கள் விரும்பவில்லை.

எனவே ரமேசிடம் இருந்து சசிகலாவை பிரித்து சொத்தை அபகரிக்க திட்டமிட்டு கடத்தினோம் என வாக்குமூலம் அளித்தனர். இவர்களிடம் தொடர்ந்து விசாரணை நடத்தப்பட்டு வருகிறது.

பீகார் மாநிலத்தில் உள்ள கிராமம் ஒன்றில் சிறுமியை மிரட்டி பல முறை பலாத்காரம் செய்த இளைஞருக்கு அங்குள்ள கிராம நிர்வாகம் 1000 ரூபாய் அபராதம் விதித்து விடுவித்துள்ள சம்பவம் அதிர்ச்சியை ஏற்படுத்தியுள்ளது.

பீகார் மாநிலத்தில் சித்பூர் கிராமத்தில்தான் இந்த அரிய சம்பவம் நிகழ்ந்துள்ளது. இங்குள்ள தலித் சமூகத்தை சேர்ந்த சிறுமி ஒருவரை அப்பகுதியில் உள்ள இளைஞன் ஒருவன் மிரட்டி பாலியல் துஷ்பிரயோகம் செய்துள்ளான்.

7வது வகுப்பு படித்து வந்த அந்த சிறுமி இதுகுறித்து தமது பெற்றோரிடம் தெரிவிக்க பயந்து மறைத்து வந்துள்ளார். ஆனால் இந்த விவகாரத்தை பெற்றோரிடம் தெரிவித்துவிடுவதாக கூறி அந்த நபர் சிறுமியை மிரட்டி வாய்ப்பு கிடைக்கும்போதெல்லாம் சிறுமியுடன் உறவில் ஏற்பட்டு வந்துள்ளதாக கூறப்படுகிறது.

இது கடந்த 6 மாதங்களாக தொடர்ந்து நடந்து வந்துள்ள நிலையில் சிறுமி கர்ப்பமானதாக தெரிய வந்துள்ளது. இந்த நிலையில் பெற்றோருக்கு இந்த விவகாரம் தெரிய வரவே, அவர்கள் நியாயம் கேட்டு கிராம நிர்வாகிகளிடம் முறையிட்டுள்ளனர்.

இதனைத் தொடர்ந்து இருதரப்பினரையும் அழைத்து விசாரணை மேற்கொண்ட கிராம நிர்வாகத்தினர் அதிர்ச்சி தரும் முடிவுக்கு வந்தனர்.

இதனிடையே இளைஞனின் பெற்றோர் இந்த விவகாரத்தினை சுமூகமாக முடித்து வைக்கும் பொருட்டு, பாதிக்கப்பட்ட சிறுமியை தங்களது மகனே திருமணம் செய்து கொள்வார் என உறுதியளித்துள்ளனர்.

ஆனால் கிராம நிர்வாகத்தினர் அதற்கு உடன்படாமல், சிறுமிக்கும் அந்த இளைஞனும் இடையே நடந்துள்ளது பாலியல் பலாத்காரம் அல்ல எனவும், இருவரும் பரஸ்பர ஒப்புதலுடன் கூடியே உறவில் ஈடுபட்டதாகவும் தெரிவித்துள்ளனர்.

மேலும் குற்றம்சாட்டப்பட்ட இளைஞருக்கு அபராதமாக 1000 ரூபாய் நிர்வாகத்தினரிடம் வழங்க வேண்டும் என தீர்ப்பு வழங்கியுள்ளனர்.
இச்சம்பவம் சமூகவலைதளங்களில் கடுமையான கண்டனத்திற்கு உள்ளாகி வருகிறது.

தமி­ழ­கத்தின் திரு­வண்­ணா­மலை மாவட்­டத்தில் ஆதி­ப­ரா­சக்தி அம்மன் கோவிலில் பக்தர் ஒருவர் கொதிக்கும் எண்­ணெயில் இருந்து கைகளால் எடுத்த வடை 11 ஆயிரம் இந்­திய ரூபா­வுக்கு ஏலம் போயுள்­ளது.

துரிஞ்­சி­குப்பம் கிரா­மத்­தி­லுள்ள ஆதி­ப­ரா­சக்தி அம்மன் கோவிலில் அண்­மையில் 16ஆம் ஆண்டு ஆடிப்­பூரம் விழா நடை­பெற்­றுள்­ளது.

இவ்­வி­ழாவில் கொதிக்கும் எண்­ணெ­யி­லி­ருந்து கைகளால் பக்­தர்கள் வடைகள் எடுக்கும் நிகழ்ச்சியும் இடம்­பெற்­றுள்­ளது.

அவ்­வாறு எண்­ணெ­யி­லி­ருந்து எடுக்கப்பட்ட வடை­களில் 7 வடைகள் ஏலம் விடப்­பட்­டன. அதில் முதல் வடை 11 ஆயி­ரத்து 100 ரூபா­வுக்கு ஏலம் விடப்­பட்­ட­தாக கோயில் நிர்வாகிகள் தெரிவித்துள்ளனர்.