போலியான பெயர்களை பயன்படுத்தி பல்வேறு இடங்களில் திருமண மோசடி செய்து வந்த ஆசாமியொருவரை விளக்கமறியலில் வைக்குமாறு நீதிமன்றம் உத்தரவிட்டுள்ளது.கடவத்தை கிரில்லவல பிரதேசத்தைச் சேர்ந்த குறித்த நபர் பத்திரிகைகளில் வெளியாகும் மணமகன் தேவை விளம்பரங்கள் மூலம் வசதியான பெண்களை தொடர்பு கொண்டு திருமணம் செய்வதாக வாக்களித்து ஏமாற்றுவதை வாடிக்கையாக கொண்டுள்ளார்.

இதன்போது பெண்களை துஷ்பிரயோகம் செய்வதுடன், அவர்களிடமிருந்து நகை, பணம் போன்றவற்றையும் தந்திரமான முறையில் பறித்துக் கொண்டுள்ளார். ஹிமால் சஜீவன என்ற பெயரைக்கொண்ட குறித்த நபர் இதற்காக பல்வேறு போலிப் பெயர்களில் தயாரிக்கப்பட்ட மோசடி அடையாள அட்டைகளைப் பயன்படுத்தியுள்ளார்.இவர் குறித்து நீர்கொழும்பு, மாத்தறை, கந்தரை போன்ற பொலிஸ் நிலையங்களில் முறைப்பாடுகளும் செய்யப்பட்டுள்ளது.

இந்நிலையில் கடவத்தை பொலிசாரினால் கைது செய்யப்பட்ட சந்தேக நபரிடமிருந்து போலி அடையாள அட்டைகளும் கைப்பற்றப்பட்டுள்ளது.மஹர நீதிமன்றத்தில் ஆஜர் செய்யப்பட்ட சந்தேக நபரை எதிர்வரும் 03ம் திகதி வரை விளக்கமறியலில் வைக்குமாறு நீதிபதி உத்தரவிட்டுள்ளார்.

அதிக மதுபோதையில் சுயநினைவின்றி இருந்த பாடசாலை மாணவி ஒருவர், அநுராதபுரம் பொலிஸாரினால் மீட்கப்பட்டுள்ளார். அநுராதபுரம் பொலிஸ் தலைமையகத்திற்கு கிடைத்த தகவலுக்கமைய இவரை அநுராதபுரம் வித்தியாலய மாவத்தையில் இருந்து மீட்டு, வைத்தியசாலையில் அனுமதித்துள்ளதாகவும் பொலிஸார் குறிப்பிட்டுள்ளனர்.

மேலும் குறித்த மாணவி நேற்றைய தினம் தனக்கு பிரத்தியேக வகுப்பு இருப்பதாக கூறி தனது காதலருடன் இணைந்து சென்றுள்ளதாகவும், இதன்போது அவரது காதலன் மதுவுடன் போதை மாத்திரை ஏதாவது கலந்து பருகக் கொடுத்த பின்னர் மாணவியை துஸ்பிரயோக படுத்தியிருக்கலாம் என பொலிஸார் சந்தேகம் வெளியிட்டுள்ளனர்.

எனினும் குறித்த இடத்திலிருந்து மாணவியின் காதலன் தப்பிச்சென்றுள்ளதாகவும் பொலிஸார் குறிப்பிட்டுள்ளனர். குறித்த மாணவி இன்று காலை வரை சுயநினைவுக்கு வராததால் இவரிடம் மருத்துவ பரிசோதனைகள் மேற்கொள்வதில் சிரமம் ஏற்பட்டுள்ளதாகவும் வைத்தியசாலை வட்டாரங்கள் தெரிவித்துள்ளன.

இராணுவ சிப்பாய் ஒருவரை தொடர்ந்து மூன்று நாட்களாக பாலியல்வல்லுறவுக்குட்படுத்திய மதகுருவை மாதம்ப பொலிஸார் கைது செய்துள்ளனர்.மாதம்பை சத்சிரிகம விகாரையை சேர்ந்த 25 வயதுடைய மதகுருவையே பொலிஸார் கைதுசெய்துள்ளதாக தெரிவிக்கப்பட்டுள்ளது.

பாதிக்கப்பட்ட இராணுவ சிப்பாய் ஹிக்கடுவையை சேர்ந்தவர் எனவும், வவுனியாவில்உள்ள கனகராயன்குளம் இராணுவ முகாமில் உள்ளவர் என பொலிஸார் குறிப்பிட்டுள்ளனர் .குறித்த மதகுரு இராணுவ சிப்பாயுடன் முகப்புத்தகம் மூலம் நட்பு கொண்டிருந்தார்என சமூக ஊடக வலைத்தளம் மூலம் தெரியவந்துள்ளது.

இராணுவ சிப்பாய் கொத்மலையில் உள்ள பயிற்சி நிலையம் ஒன்றிற்கு வருகைதந்திருந்தார். அந்த நிலையில் மதகுருவின் விகாரையிலேயே தங்கியுள்ளார்.அதன் பின்னர் குறித்த சிப்பாய் சுகயீனம் காரணமாகவைத்தியசாலையில் அனுமதிக்கப்பட்டுள்ளார்.அதன் போதே சிப்பாய்வல்லுறவுக்கு உட்படுத்தப்பட்டது தெரியவந்துள்ளது.

விசாரணைகளின் பின்னர் மதகுருவை கைது செய்ததாகவும், சிலாபம் நீதிமன்றில்முன்னிலைப்படுத்த உள்ளதாகவும் பொலிஸார் குறிப்பிட்டுள்ளனர்.இருப்பினும் சம்பவம் தொடர்பில் மாதம்ப பொலிஸார் மேலதிக விசாரணைகள்முன்னெடுத்து வருகின்றனர்.

கொழும்பு காலிமுகத்திடலுக்கு அருகில் நிர்மாணிக்கப்படும் கொழும்பு துறைமுக நகரை ஆசிய பசுபிக் பிராந்தியத்தின் நிதி நகரமாக மாற்றும் அமைச்சரவை பத்திரம் அமைச்சரவையில் தாக்கல் செய்யப்பட உள்ளதாக தெரியவருகிறது.

எவ்வாறாயினும் பிரதமர் ரணில் விக்ரமசிங்க, இந்தோனேசியாவின் ஜகர்த்தா நகரில் நடைபெறும் 12ஆவது உலக இஸ்லாமிய பொருளாதார மாநாட்டில் கலந்து கொள்ளவதற்காக இன்று அங்கு புறப்பட்டுச் சென்றுள்ளார்.இதனால், குறித்த அமைச்சரவை பத்திரத்தை நாளைய தினம் அமைச்சரவையில் தாக்கல் செய்ய முடியாத நிலைமை ஏற்பட்டுள்ளது.

எவ்வாறாயினும் அமைச்சரவை பத்திரம் தாக்கல் செய்யப்பட்ட பின்னர், இந்தியாவின் சென்னை மற்றும் மத்திய கிழக்கு நாடுகளுக்கு இடையிலான நிதி நகரமாக கொழும்பு துறைமுக நகரம் உத்தியோகபூர்வமாக அறிவிக்கப்பட உள்ளது. இலங்கை சுதந்திரமடைந்த பின்னர், முதல் முறையாக இவ்வாறான நிதி நகரம் அறிவிக்கப்படுகின்றமை குறிப்பிடத்தக்கது.

தலா ரூ.13 லட்சம் உதவித் தொகையுடன் அகதிகளை சொந்த நாட்டுக்கு திருப்பி அனுப்ப அவுஸ்திரேலியா முயற்சி மேற்கொண்டுள்ளது.உள் நாட்டு போர் நடை பெறும் சிரியா, ஆப்கானிஸ்தான் மற்றும் இலங்கை உள்ளிட்ட நாடுகளில் இருந்து பலர் அகதிகளாக அவுஸ்திரேலியா சென்றுள்ளனர்.

தங்களுக்கு தஞ்சம் வழங்க வேண்டும் என அந்நாட்டு அரசிடம் கோரிக்கை வைத்துள்ளனர்.ஆனால் அவர்கள் மனுஸ் தீவில் உள்ள தடுப்பு முகாமில் அடைத்து வைக்கப்பட்டுள்ளனர்.பல ஆண்டுகளாக இவர்கள் அங்கு தங்க வைக்கப்பட்டுள்ளதற்கு பப்புவா நியூ கினியா சுப்ரீம் கோர்ட்டு சமீபத்தில் கண்டனம் தெரிவித்துள்ளது.

அகதிகளை அடைத்து வைத்திருப்பது சட்ட விரோதம். எனவே அந்த முகாம்களை மூட வேண்டும் எனவும் உத்தரவிட்டது.இதனால் அகதிகளை அவர்களது சொந்த நாட்டுக்கே திருப்பி அனுப்ப அவுஸ்திரேலியா அரசு முடிவு செய்துள்ளது.இதற்கு முன்பு ரூ.6½ லட்சம் உதவி தொகை வழங்கி அவர்களை அனுப்ப இருப்பதாக அவுஸ்திரேலியா தெரிவித்தது.

சுப்ரீம் கோர்ட்டு தீர்ப்புக்கு பிறகு தற்போது இந்திய ரூ.13 லட்சம் வழங்கி அவர்களை அனுப்ப முயற்சி மேற் கொண்டுள்ளது.அதற்கான பேச்சு வார்த்தை நடந்து வருகிறது. அதற்காக அகதிகள் நடவடிக்கை குழு அமைக்கப்பட்டுள்ளது

ஸ்ரீலங்கன் எயார்லைன்ஸ் நிறுவனத்தின் விளம்பர தூதுவராக பொலிவூட் நடிகை ஜாக்குலின் பெர்னாண்டஸ் நியமிக்கப்பட்டுள்ளார்

இதற்கான உடன்படிக்கை நேற்று கையெழுத்தானது. இதற்கான கடிதப்பரிமாறல்கள், ஜாக்குலின் பெர்னாண்டஸ் மற்றும் ஸ்ரீலங்கன் எயார்லைன்ஸ் நிறுவனத்தலைவர் அஜித் டயஸ் ஆகியோருக்கு இடையில் மும்பாயில் வைத்து பரிமாறிக்கொள்ளப்பட்டது.
இந்த உடன்படிக்கையின் கீழ் ஸ்ரீலங்கன் எயார்லைன்ஸ், இந்தியா பிரசன்னம் வலுப்பெறுவதாக தெரிவிக்கப்பட்டுள்ளது.

இது தொடர்பில் கருத்துரைத்துள்ள ஜாக்குலின், சிறுவயதில் இருந்து ஸ்ரீலங்கன் எயார்லைன்ஸில் பயணம் செய்யும் தமது நாட்டின் விமானசேவையில் தூதுவராக நியமிக்கப்பட்டமை பெருமையளிக்கிறது என குறிப்பிட்டுள்ளார்.

மனைவியை வேறு ஒர் நபரைக் கொண்டு பாலியல் ரீதியாக துன்புறுத்தியதாக கணவர் ஒருவருக்கு நீதிமன்றம் சிறைத்தண்டனை விதித்துள்ளது.

சட்ட ரீதியாக திருமணம் செய்துகொண்ட மனைவியை, தனது எதிரிலேயே வேறு ஒருவரைக் கொண்டு கடுமையான பாலியல் வன்கொடுமைகளுக்கு உள்ளாக்கி திருப்தி அடைந்த நபருக்கு 22 ஆண்டு சிறைத்தண்டனை விதிக்கப்பட்டுள்ளது.

வேறு ஒர் நபர் ஆயுதம் ஒன்றை காண்பித்து அச்சுறுத்தி மனைவி பாலியல் ரீதியாக வன்கொடுமைக்கு உள்ளாவதனை குறித்த கணவர் பார்த்துக் கொண்டிருந்துள்ளார்.

இந்தக் குற்றச் செயல்களில் ஈடுபட்ட கணவர் மற்றும் பாலியல் வன்கொடுமையில் ஈடுபட்ட நபர் ஆகியோருக்கு நீதிமன்றம் 22 ஆண்டு கால கடூழிய சிறைத்தண்டனையும் தலா இருபதாயிரம் ரூபா அபராதமும், குற்றவாளிகள் தலா 150,000 ரூபா நட்டஈடு வழங்க வேண்டுமெனவும் நீதிமன்றம் உத்தரவிட்டுள்ளது.

கேகாலை உயர் நீதிமன்ற நீதவான் தம்மிக்க கனேபொல இந்த தண்டனையை அண்மையில் விதித்துள்ளார்.

2012ம் ஆண்டு ஜூலை மாதம் 10ம் திகதி இந்த சம்பவம் இடம்பெற்றுள்ளதாகத் தெரிவிக்கப்படுகிறது.

கேகாலை பல்லேகனுகல அமிதிரிகல என்னம் இடத்தில் இந்த சம்பவம் இடம்பெற்றுள்ளது. தண்டனை அறிவிக்கப்பட்டபோது பாதிக்கப்பட்ட பெண் இரு கரங்களையும் கூப்பி நீதவானுக்க நன்றி தெரிவித்துள்ளார்.