அமெரிக்க டொலர் 133 மில்லியன் முதலீட்டுடன் புதிய ஹோட்டல் நிர்மாணவேலைத்திட்டம் 7 ற்காக அமெரிக்கா இலங்கையில் முதலீடு செய்துள்ளதாக இலங்கைமுதலீட்டு சபை தெரிவித்துள்ளது. சமர் சீசன், சோபியா கொழும்பு, த கோல்டன், கிரவுன் ஹோட்டல், கோல் ஹெரிடேஜ்லங்கா, மெரின் ட்ரைவ் ஹோட்டல் போன்றவையே இலங்கையில்அமைக்கப்படவுள்ளதாகவும், இதற்கான ஒப்பந்தங்கள் இலங்கையின் முதலீட்டு சபையுடன்ஏற்படுத்திக் கொள்ளப்பட்டுள்ளதாகவும் தெரிவிக்கப்பட்டுள்ளது.

இதற்கமைய குறித்த ஹோட்டலிற்கான நிர்மாணப் பணிகள் எதிர்வரும் வருடங்களில்ஆரம்பிக்கப்படும் எனவும் இலங்கை முதலீட்டு சபை தெரிவித்துள்ளது. அத்துடன் இலங்கையில் யுத்தத்திற்கு பின்னர் சுற்றுலா வியாபாரம் அதிகம்வளர்ச்சியடைந்துள்ளதாகவும், இதன் காரணமாக உலக நாடுகளில் உள்ள பெரிய ஹோட்டல்நிறுவனங்களின் முதலீட்டாளர்கள் இலங்கையில் முதலீடு செய்ய ஆர்வமாகஇருப்பதாகவும் முதலீட்டுச் சபை குறிப்பிட்டுள்ளது.

அவிசாவளை, கரதன, நான்காம் தூண் பிரதேசத்தில் யுவதி ஒருவர் கூட்டு பாலியல் துஷ்பிரயோகத்திற்கு உள்ளாகியுள்ளார். 26 வயதுடைய ஒரு குழந்தையின் தாய் ஒருவரே கூட்டு பாலியல் துஷ்பிரயோகத்திற்கு உள்ளாகியுள்ளார் என பொலிஸார் தெரிவித்துள்ளனர். குறித்த யுவதி தனது 6 மாத குழந்தையுடன் வீட்டியில் தனியாக இருந்த சந்தர்ப்பத்தில் 5 காமுகர்களால் கூட்டு பாலியல் துஷ்பிரயோகத்திற்கு உள்ளாகியுள்ளார்.

அவரின் கணவர் விட்டுச்சென்றுள்ள நிலையில், குறித்த பெண்ணின் சகோதரி வீட்டில் தனது குழந்தையுடன் வசித்து வந்துள்ளார் என்றும், சம்பவ நாள் அன்று பெண்ணின் சகோதாரியும் அவரது கணவரும் வீட்டில் இருக்கவில்லை எனவும் பொலிஸார் மேலும் தெரிவித்துள்ளனர்.சம்பவம் தொடர்பாக இதுவரையில் இரு சந்தேகநபர்கள் கைது செய்யப்பட்டுள்ளதாகவும் மற்றைய சந்தேகநபர்களை தேடிவருவதாகவும் பொலிஸார் தெரிவித்துள்ளனர்.

முதலை இறைச்சியுடன் பொலன்னறுவை பகுதியில் நபர் ஒருவர் கைது செய்யப்பட்டுள்ளதாக பொலிஸார் தெரிவித்துள்ளனர். குறித்த நபர் பொலன்னறுவை – தேசிய பூங்கா பகுதி பரகாசு வில்லுவ பிரதேசத்தில் வைத்து கைது செய்யப்பட்டதாக பொலிஸார் கூறியுள்ளனர்.

இவ்வாறு கைது செய்யப்பட்ட நபர் மெதிரிகிரிய பிரதேசத்தினை சேர்ந்தவர் எனவும், குறித்த நபர் பல நாட்களாக இவ்வாறு முதலைகளை கொலை செய்து வந்துள்ளதாகவும் பொலிஸாரின் மேலதிக விசாரணைகள் மூலம் தெரியவந்துள்ளது.

கட்டுப்பாட்டு விலை நிர்ணயிக்கப்பட்டுள்ள அத்தியவசியப் பொருட்களும் அதற்கான கட்டுப்பாட்டு விலைகளும் அரசாங்கத்தினால் வெளியிடப்பட்டுள்ளன.

இவ்வாறு 16 அத்தியவசியப் பொருட்களுக்கு கட்டுப்பாட்டு விலை நிர்ணயிக்கப்பட்டு வர்த்தமானி அறிவித்தல் வெளியிட இருப்பதாக கைத்தொழில் மற்றும் வர்த்தக அமைச்சின் செயலாளர் டீ.எம்.கே.பீ தென்னகோன் கூறியுள்ளார்.

குறித்த பொருட்களை கட்டுப்பாட்டு விலைக்கு அதிக விலையில் இனிமேல் விற்பனை செய்யும் வர்த்தகர்களுக்கு எதிராக சட்ட நடவடிக்கை எடுக்கப்படும் என்று இன்று இடம்பெற்ற ஊடகவியலாளர் சந்திப்பில் அவர் கூறினார்.

அதன்படி கட்டுப்பாட்டு விலை நிர்ணயிக்கப்பட்டுள்ள 16 அத்தியவசியப் பொருட்களின் விபரங்கள் வருமாறு.

கோழி இறைச்சி (தோலுடன்) 410 ரூபா

கோழி இறைச்சி (தோல் இன்றி) 495 ரூபா

சிவப்பு பருப்பு – 169 ரூபா

சீனி 1 கிலோகிராம் – 95 ரூபா

நெத்தலி (தாய்லாந்து) 1 கிலோகிராம் – 495 ரூபா

நெத்தலி (டுபாய்) 1 கிலோகிராம் – 410 ரூபா

கடலை 1 கிலோகிராம் – 260 ரூபா

பயறு 1 கிலோகிராம் – 220 ரூபா

டின் மீன் – 140 ரூபா

இறக்குமதி செய்யப்பட்ட முழு ஆடைப்பால் மா – 810 ரூபா

உள்நாட்டு முழு ஆடைப்பால் மா – 735 ரூபா

கோதுமை மா 1 கிலோகிராம் – 87 ரூபா

உருளைக்கிழங்கு (உள்நாடு) 1 கிலோகிராம் – 120 ரூபா

பெரிய வெங்காயம் 1 கிலோகிராம் – 78 ரூபா

காய்ந்த மிளகாய் 1 கிலோகிராம் – 385 ரூபா

கருவாடு (கட்டா) 1 கிலோகிராம் – 1100 ரூபா

கருவாடு (சால) 1 கிலோகிராம் – 425 ரூபா

மாசி 1 கிலோகிராம் – 1500 ரூபா

சஸ்டஜன் பால்மா – 1500 ரூபா

 
நேற்று முன்தினம்(12.07.2016) செவ்வாய்க்கிழமை வட்டுக்கோட்டை இந்து வாலிபர் சங்கத்தினூடாக உடுவில்லை சேர்ந்த பரமனாதன் இராணி என்பவரின் இருதய சத்திர சிகிச்சைக்காக அவுஸ்திரேலியா நாட்டை சேர்ந்த துஸ்சியந்தன் அவர்களால் 25000 ரூபாவும் லண்டன் நாட்டை சேர்ந்த லோகஞானம் அவர்களால் 10000 ரூபாவும் சுழிபுரத்தை சேர்ந்த பாலா என்பவரினால் 5000 ரூபாவுமாக சத்திர சிகிச்சைக்காக ரூபா 40000 வங்கியில் வைப்பில்லிடப்பட்டு பற்றுச்சீட்டு வழங்கி வைக்கப்பட்டுள்ளது.

மேற்படி விண்ணப்பமானது அவரது மகள் ப.ரேகா என்பவரினால் வட்டுக்கோட்டை இந்து வாலிபர் சங்கத்திடம் கடந்த 24.06.2016 அன்று முன் வைக்கபட்டது. அதில் அதில் மேலும் தெரிவிக்கையில்..

1990ம் ஆண்டு தாங்கள் தையிட்டி காங்கேசன்துறை மண்னை விட்டு இடம்பெயர்ந்து உடுவில் தெற்கு புதுமடம் மானிப்பாயில் வசிக்கின்றோம். 2 பெண் பிள்ளைகளை சுமையாக தாங்கி வயதான தந்தையுடன் வாழ்கின்றோம். தற்போது எனது தாயாருக்கு இதயத்தில் 4 அடைப்புகள் இருப்பது கண்டுபடிக்கபட்டுள்ளது. நாங்கள் அன்றாட வாழ்வாதாரத்தை கூட பூர்த்தி செய்ய முடியாத வறுமைக்கோட்டின் கீழ் வாழ்ந்து வருகின்றோம்.

லங்கா வைத்தியசாலையில் சத்திரசிகிச்சை மேற்கொள்வதற்க்கு ரூபா 800000 தேவையாக உள்ளது. எங்களின் பெயரில் உள்ள காணியையும் நகைகளையும் அடகுவைத்து அவரின் வைத்திய சிகிச்சைக்காக பணம் சேர்த்துள்ளபோதும் போதுமானதக இல்லை. எனவே தங்களிடமும் இவ் உதவியை வேண்டி நிற்கின்றோம் என குறிப்பிடப்பட்டுள்ளது.

இந்த வருடத்தின் இதுவரையான காலப்பகுதியில் டெங்கு நோயினால் 42 பேர் உயிரிழந்துள்ளனர்.

இதுவரை 20,000 அதிகமானோர் டெங்கு நோயாளர்களாக இனங்காணப்பட்டுள்ளதாக சுகாதார அமைச்சு வெளியிட்டுள்ள அறிக்கையில் தெரிய வந்துள்ளது. அதிகமான டெங்கு நோயாளர்கள் மேல் மாகாணத்தில் இருந்து பதிவாகியுள்ளமை குறிப்பிடத்தக்கது.

இந்த நிலைமையை கட்டுப்பாட்டுக்குள் கொண்டுவருதற்காக விசேட வேளை திட்டங்கள் முன்னெடுக்கப்பட்டு வருகின்றது.

50 வருடத்திற்கு முன்னர் முதலாவது டெங்கு நோயளர் இனங்காணப்பட்டதுடன் அன்றில் இருந்து இதிவரை வருடா வருடம் டெங்கு நோயாளர்களின் எண்ணிக்கை அதிகரித்து காணப்படுகின்றமை குறிப்பிடத்தக்கது.

உள்நாடு கடமைக்கு உரிய நேரத்தில் சமுகமளிக்காது தம்புள்ளையில் ஒரு விபத்து ஏற்பட காரணமான பொலிஸ் அதிகாரியொருவர் உடனடியாக வேலை நீக்கம் செய்யப்பட்டுள்ளார்.

தம்புள்ளை நகரில் நேற்று முன்தினம் மாணவர்கள் சிலர் வீதியின் மஞ்சள் கடவையில் விபத்துக்குள்ளாகினர். இதன் போது அங்கு கடமையிலிருக்க வேண்டிய பொலிஸ் அதிகாரி சமூகமளித்திருக்காத நிலையில் அவர் வேலை நீக்கம் செய்யப்பட்டுள்ளார்.

காலை 6.00 மணிக்கு கடமைக்கு சமூகமளித்திருக்க வேண்டிய தம்புள்ளை பொலிஸ் இன்ஸ்பெக்டரான சம்பந்தப்பட்ட பொலிஸ் அதிகாரி மேற்படி விபத்து இடம்பெறும் போது கூட கடமைக்குத் திரும்பியிருக்கவில்லை என அவர் மீது குற்றம் சாட்டப்பட்டுள்ளது.

இச் சம்பவம் தம்புள்ளை நகரில் தம்புலிகம மகா வித்தியாலயத்திற்கு முன்பாக உள்ள மஞ்சள் கடவையில் இடம்பெற்றுள்ளது.

வீதியில் வேகமாக வந்த ‘கெப்’ வண்டி மோதியதில் அந்த பாடசாலையில் 6 மற்றும் 7ம் வகுப்புகளில் கல்வி கற்கும் மூன்று மாணவச் சிறுவர்கள் காயமடைந்துள்ளனர்.

இந்த விபத்து இடம்பெற்ற வேளையில் ஒரு பொலிஸ் அதிகாரி அங்கு கடமையிலிருந்துள்ளார்.

எனினும் சம்பந்தப்பட்ட தம்புள்ளை பொலிஸ் தலைமையக குற்றத்தடுப்பு விசாரணைப் பிரிவு பொலிஸ் சப் இன்ஸ்பெக்டர் அங்கு கடமைக்குச் சமூகமளித்திருக்கவில்லை என்றும் தெரிவிக்கப்படுகின்றது