சுவாதி படுகொலையை அவ்வளவு எளிதில் யாரும் மறந்திருக்க மாட்டார்கள். அவளோடு பழகிய நாட்கள் இனி வருமா என்ற ஏக்கம் மட்டும் எனக்குள் இருக்கிறது என்கிறார் சுவாதியின் நெருங்கிய தோழி ஒருவர். பெயரை குறிப்பிட வேண்டாம் என்ற நிபந்தனையுடன் பேசிய சுவாதியின் தோழி மேலும் தெரிவிக்கையில்,.

சுவாதிக்கு ஜெனரல் ஷிப்ட் என்றால் சென்னை கடற்கரையிலிருந்து செங்கல்பட்டு செல்லும் மின்சார ரயிலில் காலை 6.15 மணிக்கு நுங்கம்பாக்கத்தில் ஏறுவார். இடையில் நான் ஏறுவேன். எனக்காக அவர் ஹேண்ட் பேக்கை வைத்து இடம் பிடித்து வைத்திருப்பார்.

ரயிலில் தான் இருவரும் டிபன் சாப்பிடுவோம். எப்போதும் ஜாலியாக பேசுவோம். இதனால் செங்கல்பட்டு வருவது கூட எங்களுக்குத் தெரியாது. அவர் கோபப்பட்டு நான் பார்த்ததே இல்லை என்று சொல்லும் போதே அவரது கண்கள் நீரால் நிறைந்தன.

சில நிமிடத்துக்குப் பிறகு தன்னை ஆசுவாசப்படுத்திக்கொண்டு பேசத் தொடங்கிய அவர், சுவாதி படுகொலை நடந்த வாரம் எனக்கு நைட் ஷிப்ட். இதனால் அவளுடன் நான் செல்லவில்லை. இதனால் தனியாக ரயிலில் சென்றுள்ளார் சுவாதி.

எங்கள் நட்பு வட்டாரம் பெரியது. அனைவரும் சகஜமாக பேசுவோம். சிலரை உறவு முறை சொல்லி அழைப்போம். எங்கள் குரூப்பில் எல்லோருக்கும் ஒரு செல்ல பெயர் இருக்கிறது.

சுவாதிக்கு கூட செல்லப் பெயர் வைத்திருந்தோம். அது என்னவென்றால் ‘நான் ஸ்டாப்’ என்பதே அந்தப் பெயர். அதற்கு காரணமே அவள் பேச தொடங்கினால் யாரையும் குறுக்கே பேச விடமாட்டார்.

அலுவலகத்திலும் அவள் அப்படித் தான். கொடுக்கிற வேலைத்திட்டத்தைக் கூட நேர்த்தியாக செய்து முடிப்பார்.. இதனால் எல்லோருக்கும் அவளைப் பிடிக்கும். அவளை யாராலும் மறக்க முடியாது.

நானும், அவளும் கூட சில நேரங்களில் சண்டை போட்டுள்ளோம். அதையெல்லாம் மறந்துவிட்டு அடுத்த நிமிடமே பேசிவிடுவார். அனைவர் மீதும் இரக்கப்படுவாள். அவளுக்கு இந்த நிலைமை என்று நினைக்கும் போது மனசுக்கு கஷ்டமாக இருக்கிறது.

சுவாதி, தன்னை கட்டிடத் தொழிலாளி ஒருவன் பின்தொடர்ந்து வருவதாக ஒரு முறை சொல்லி இருக்கிறாள். ஆனால் அவர் யார் என்று தெரியாது.

சுவாதியைக் கொலை செய்யும் அளவுக்கு அவர் செல்வார் என்று யாருமே நினைக்கவில்லை. சுவாதியைப் போல ஒரு தோழியை வாழ்க்கையில் இழந்ததை எது கொடுத்தாலும் ஈடுசெய்ய முடியாது.

நினைவுகள் மூலம் அவள் இன்னும் நண்பர்கள் மனதில் வாழ்ந்து கொண்டு இருக்கிறாள். சுவாதியின் ஸ்பெஷாலிட்டி என்னவென்றால், ஆச்சரியப்படும்படியாக பரிசு கொடுப்பாள்.

அவள் கொடுத்த கீ செயின் இன்னும் என்னிடம் உள்ளது. அதைப் பார்க்கும் போதெல்லாம் அவளுடைய நினைவு வருகிறது. அடுத்து எங்கள் நட்பு வட்டாரத்தில் விருந்து கொடுத்து அசத்துவோம்.

இப்போது அந்த விருந்து நடப்பதில்லை.சுவாதி கொலை செய்யப்பட்ட தகவலைக் கேட்டதும் அலுவலகத்தில் எல்லோருக்கும் ஒரே அதிர்ச்சி.

அடுத்து சுவாதியின் கொலை வழக்கில் குற்றவாளியைக் கண்டுப்பிடிக்க காலதாமதமானதும், போலீஸார் எங்களிடம் (நண்பர்களிடம்) எல்லாம் விசாரித்தார்கள்.

எல்லோரும் தங்களுக்குத் தெரிந்ததை சொன்னோம். சில தகவல்கள் போலீசுக்கு உறுதுணையாக இருந்தன.

ஆனால் சுவாதி குறித்த தவறான தகவல்களையும், வதந்திகளையும் சிலர் பரப்பி விட்டனர். அது எங்களுக்கு வருத்தமாக இருந்தது.

இப்போது என் அருகில் அமர்ந்த சுவாதி இல்லாமல், செங்கல்பட்டு மின்சார ரயிலில் அலுவலகத்துக்குச் செல்கிறேன்.

அவள் இல்லாத பயணத்தைத் தவிர்க்க, இருப்பிடத்தை செங்கல்பட்டுக்கு மாற்ற முடிவு செய்துள்ளேன் என்றார் சோகம் வழிய.

-விகடன்-

குடியை குடியை கெடுக்கும் என எத்தனையோ முறை சொன்னாலும் ஒழிந்தபாடில்லை, மதுவால் அழிந்த குடும்பங்கள் ஏராளம்.

இதனால் தினமும் எத்தனையோ சாலை விபத்துகள் ஏற்படுகின்றன, இதுபோன்ற விபத்துகளை தடுக்க 9ம் வகுப்பு படிக்கும் மாணவன் புதிய கருவி ஒன்றை கண்டுபிடித்துள்ளான்.

சிவகங்கை மாவட்டம் திருவேலங்குடி அரசு பள்ளியை சேர்ந்த 9ம் வகுப்பு மாணவர் பிரேம்குமார், மது அருந்தி விட்டு வாகனத்தை ஸ்டார்ட் செய்தாலே, இன்ஜின் ஸ்டார்ட் ஆகாத வகையில் ஒரு கருவியை கண்டுபிடித்துள்ளார்.

இதுகுறித்து அந்த மாணவன் கூறுகையில், புத்தாக்க அறிவியல் ஆய்வு விருதுக்காக மது போதையால் ஏற்படும் உயிர் இழப்பைத் தடுக்க ஒரு கருவியை உருவாக்கினேன்.

இக்கருவியில் பொருத்தப்பட்டுள்ள அல்கஹால் சென்சார் மது வாடையை உணரும். இத்துடன் Capacitor, Transistor சேர்ந்த ஒரு Integrated Circuit இணைக்கப்பட்டுள்ளது.

மது வாடையை உணர்ந்தவுடன் சாவி போட்டு ஸ்டார்ட் செய்யும் இடத்திற்கு செல்லும் மின்சாரத்தை தடுத்து விடும். இதனால் இன்ஜின் இயக்கம் தானாக நின்று விடும்.

மது குடித்து விட்டு, எவ்வளவுதான் உருண்டு புரண்டாலும் வாகனம் ஸ்டார்ட் ஆகாது, இந்த கருவியை டூவீலரிலும் வைக்கலாம் என்று தெரிவித்துள்ளார்.

இந்தியாவில் திருமணத்திற்கு சம்மதம் தெரிவிக்காத தங்கையை அண்ணன் கொலை செய்ய முயன்ற சம்பவம் பரபரப்பை ஏற்படுத்தியுள்ளது.

இந்தியாவின் உத்திரபிரதேச மாநிலத்தை சேர்ந்தவர் மொகமது நயீம், இவர் தனது தங்கையான ஷப்னத்திற்கு திருமணம் செய்து வைக்க ஏற்பாடுகள் செய்துள்ளார். ஆனால் அவரது தங்கை ஒருவரை காதலிப்பதாகவும், அவரையே திருமணம் செய்து கொள்ளப்போவதாகவும் கூறியுள்ளார்.

இதனால் தனக்கு இந்த திருமணத்தில் விருப்பம் இல்லை என கூறியுள்ளார். இது வெளியில் தெரிந்தால் குடும்பம் மானம் கெட்டு விடும் என அறிந்த மொகமது நயீம், தங்கையை கொலை செய்ய முடிவு செய்துள்ளார்.

சம்பவ தினத்தன்று தொழுகை முடிந்து வீடு திரும்பிய மொகமது நயீம், கையில் வைத்திருந்த துப்பாக்கியால் ஷப்னத்தை நோக்கி சுட்டுள்ளார்.
பாய்ந்து வந்த குண்டு அவர் கழுத்தில் அணிந்திருந்த உலோக அணிகலன் மீதுபட்டது, உடனடியாக அவரை அருகில் உள்ள மருத்துவமனையில் அனுமதித்துள்ளனர்.

இதுகுறித்து பொலிசார் கூறியதாவது, துப்பாக்கி குண்டு அவர் கழுத்தில் அணிந்திருந்த உலோக அணிகலன் மீது பட்டதால் உயிருக்கு ஆபத்து ஒன்றும் இல்லை, விரைவில் குணமாகி விடும். அவருக்கு நினைவு திரும்பிய பிறகு அவர் அளிக்கும் வாக்குமூலம் மூலமாகவே குற்றவாளி கைது செய்யப்படுவார் என கூறியுள்ளனர்.

இருப்பினும் ஷப்னம் தற்போது மருத்துவமனையில் தீவிர சிகிச்சை பிரிவில் அனுமதிக்கப்பட்டு சிகிச்சை பெற்று வருகிறார் என்பது குறிப்பிடத்தக்கது.

திருவண்ணாமலையில் பொது இடத்தில் வைத்து தந்தை மகன் ஆகியோரை பொலிசார் கண்மூடித்தனமாக தாக்கியுள்ளதாக பரபரப்பை ஏற்படுத்தியுள்ளது.

திருவண்ணாமலை மாவட்டம் செங்கம் டவுன் தோக்கவாடியை சேர்ந்தவர் ஆட்டோ டிரைவர் ராஜா (38). இவரது மனைவி உஷா (35), மகன் சூரியா (18).

இவர்கள் மூன்று பேரும் உறவினர் திருமணத்துக்காக நகை வாங்க நேற்று மதியம் செங்கம் பழைய பஸ் நிலையம் அருகில் உள்ள நகை கடைக்கு வந்துள்ளனர்.அப்போது நகையை தேர்வு செய்வதில் கணவன், மனைவி இடையே வாய்த்தகராறு ஏற்பட்டிருக்கிறது.

செங்கம் பிரதான சாலையில் உள்ள பிராதான கடையின் முன்பாக தம்பதியினர் குடும்ப பிரச்சனை தொடர்பாக வாக்குவாதத்தில் ஈடுபட்டுள்ளனர்,

அப்போது அங்கு வந்த பொலிசார் பிரச்சனையில் ஈடுபட்ட மூவரையும் எச்சரிக்கை செய்துள்ளனர், இருப்பினும் வாக்குவாதம் தொடர்ந்ததால், ஆத்திரம் அடைந்த பொலிசார் கணவன் மற்றும் மகனை சரமாரியாக அடித்துள்ளனர்

சரியாக விசாரிக்காமலேயே பொது இடத்தில் வைத்து காவல் துறையினர் தாக்குதல் நடத்தியதற்கு பொதுமக்கள் கண்டனம் தெரிவித்துள்ளனர்.

இதுகுறித்து செங்கம் நகர மக்கள் கூறும்போது, “குற்றச்செயல்களில் ஈடுபடுபவர்களிடம் பொலிசார் மென்மையாக நடந்து கொள்கின்றனர். பாமர மக்களிடம் அதிகாரத்தைப் பயன்படுத்தி, இதுபோன்று காட்டு மிராண்டித்தனமாக தாக்கி அவர்களை அவமதிப்புடன் அவர்களுக்கு காயங்களையும் ஏற்படுத்துகின் றனர்.

முரட்டுத் தனமாக நடந்து கொண்ட அந்த 3 பொலிசாரில் 2 பேர் சீருடை அணிந்திருந்தனர். மற்றொருவர் (விஜயகுமார்) சாதாரண உடையில் இருந்துள்ளார்.

மனித உரிமை மீறலில் ஈடுபட்ட பொலிசார் மீது கடும் நடவடிக்கை எடுக்க வேண்டும். பொலிசார் என்பதால் 3 பேரையும் காப்பாற்றும் முயற்சியில் அதிகாரிகள் ஈடுபடக் கூடாது. அவர்கள் மீது வழக்கு பதிவு செய்ய வேண்டும் என்று கூறியுள்ளனர்.

இந்த சம்பவம் குறித்து மாவட்ட காவல் கண்காணிப்பாளர் இரா.பொன்னி விசாரணை நடத்தி உள்ளார். இதையடுத்து, பொது இடத்தில் கண்மூடித்தனமாக தாக்கிய 3 பொலிசாரும் வேலூர் ஆயுதப்படைக்கு மாற்றம் செய்யப்பட்டுள்ளனர்.

இதுகுறித்து விசாரணை நடத்தி நடவடிக்கை எடுக்க செங்கம் காவல் துணை கண்காணிப்பாளர் ஷாஜித்தாவுக்கு உத்தரவிடப்பட்டுள்ளது.

தமிழகத்தில் நபர் ஒருவர் 11 வயது மாணவியை கொலை செய்து புதைத்து விட்டு, தானும் தற்கொலை செய்து கொண்ட சம்பவம் பெரும் பரபரப்பை ஏற்படுத்தியுள்ளது.

சிவகங்கை மாவட்டம் மானாமதுரை அருகேயுள்ள கணபதியேந்தலை சேர்ந்தவர் ஜெயா, இவரது மகள் காளீஸ்வரி மேலநெட்டூர் கிராமத்தில் உள்ள அரசு பள்ளி ஒன்றில் 6ம் வகுப்பு படித்து வந்தார்.

வழக்கம் போல காளீஸ்வரி நேற்று காலை பள்ளிக்கு சென்றுள்ளார், மாலை வெகு நேரம் ஆகியும் காளீஸ்வரி வீடு திரும்பவில்லை.

இதனால் அதிர்ச்சியடைந்த ஜெயா பள்ளி சென்று விசாரித்த போது கார்த்திக் என்ற நபர் அழைத்து சென்றது தெரியவந்தது, இதனால் மாணவியின் அம்மா கார்த்திக்கை தொலைபேசி மூலம் தொடர்பு கொண்டார், அப்போது பதிலளித்த கார்த்திக் உன் மகளை கொலை செய்து புதைத்து விட்டேன் என கூறியுள்ளார்.

இதனால் நிலைகுலைந்த ஜெயா பொலிசில் புகார் செய்தார், மேலும் பொலிசார் விசாரித்த போது கார்த்திக் கழுத்து அறுத்த நிலையில் கண்மாயில் கிடப்பதாக தெரியவந்தது, உடனே பொலிசார் அங்கு சென்று அவரை மருத்துவமனையில் அனுமதித்தனர்.

பொலிசார் நீண்ட தேடுதல் வேட்டைக்கு பிறகு இன்று அதிகாலை காளீஸ்வரியின் உடலை புதைத்த இடத்தை கண்டுபிடித்தனர், இது மாவட்ட ஆட்சியர், துணை கண்காணிப்பாளர் முன்னிலையில் தோண்டி எடுக்கப்பட்டு பிரேத பரிசோதணைக்காக மருத்துவமனைக்கு அனுப்பி வைக்கப்பட்டது.

மேலும் இக்கொலை சம்பவம் குறித்து கார்த்திக் மாணவியை பாலியல் பலாத்காரம் செய்து கொலை செய்திருக்கலாம் அல்லது பலாத்கார முயற்சியில் இறந்திருக்கலாம் என கூறப்படுகிறது.

கழுத்து அறுக்கப்பட்டு நிலையில் கிடந்த கார்த்திக் பொலிசாருக்கு பயந்து தற்கொலை செய்து கொண்டாரா அல்லது அவரை வேறு யாரும் கழுத்தை அறுத்து சென்றுவிட்டார்களா என்ற கோணத்தில் பொலிசார் விசாரணை நடத்தி வருவதாக கூறப்படுகிறது.