சமந்தாவிற்க்கு விரைவில் திருமணம் நடைபெற இருப்பதால் அவர் கவர்ச்சியாக நடிப்பதற்கு காதலர் குடும்பத்தினர் தடை விதித்துள்ளனர்.

நடிகை சமந்தாவுக்கு திருமணம் முடிவாகி உள்ளது. இளம் நடிகர் ஒருவரை விரைவில் மணந்து கொள்வேன் என்று அவர் அறிவித்து இருந்தார். அந்த நடிகர் யார் என்று தெரிந்துகொள்வதில் பட உலகினர் மற்றும் ரசிகர்கள் மத்தியில் பரபரப்பு நிலவியது. தற்போது அவர் நடிகர் நாகசைதன்யா என்று தெரியவந்துள்ளது.

இவர் தெலுங்குப் பட உலகில் முன்னணி கதாநாயகனும் நடிகர் நாகார்ஜுனாவின் மகனும் ஆவார். சமந்தாவும், நாகசைதன்யாவும் தெலுங்குப் படத்தில் ஜோடியாக நடித்தனர். அப்போது இருவருக்கும் காதல் மலர்ந்ததாக கூறப்படுகிறது.

நாகசைதன்யாவின் தாயார் சமீபத்தில் சமந்தாவின் வீட்டுக்கு நேரில் சென்று ஒருநாள் முழுவதும் அவருடன் தங்கி இருந்தார். அப்போது சமந்தாவின் நடவடிக்கைகள் அவருக்கு பிடித்து விட்டதால் திருமணத்துக்கு முழு சம்மதத்தை தெரிவித்ததாக கூறப்படுகிறது.

இந்த வருடம் இறுதியில் சமந்தா-நாகசைதன்யா நிச்சயதார்த்தத்தை நடத்தவும் அடுத்த வருட ஆரம்பத்தில் திருமணத்தை நடத்தவும் இரு வீட்டாரும் முடிவு செய்துள்ளனர்.

இந்த நிலையில் சமந்தா படங்களில் கவர்ச்சியாக நடிப்பதற்கு நாகசைதன்யா குடும்பத்தினர் தடை விதித்துள்ளதாக தகவல் வெளியாகி உள்ளது. ஏற்கனவே பல படங்களில் சமந்தா கவர்ச்சியாக நடித்து இருந்தார். சூர்யாவுடன் அஞ்சான் படத்தின் பாடல் காட்சியொன்றில் துணிச்சலாக நீச்சல் உடையில் தோன்றி பரபரப்பை ஏற்படுத்தினார்.

தற்போது அவர் நடித்து வரும் படங்களிலும் கவர்ச்சியாக நடிக்க இயக்குனர்கள் நிர்ப்பந்திக்கின்றனர். ஆனால் நாகசைதன்யா குடும்பத்தினர் இனிமேல் சமந்தா கவர்ச்சி காட்சிகளில் நடிக்க கூடாது என்று கட்டுப்பாடு விதித்துள்ளனர்.

நாகசைதன்யா வசதியான பாரம்பரிய குடும்பத்தில் இருந்து வந்தவர். இவரது தாத்தா நாகேஸ்வரராவ் பழம்பெரும் நடிகர் ஆவார். ஐதராபாத்தில் சொந்தமாக ஸ்டுடியோக்கள் மற்றும் தொழில் நிறுவனங்கள் உள்ளன. சமந்தாவும் காதலர் குடும்பத்தினர் கௌரவத்தை காப்பாற்ற கவர்ச்சியாக நடிப்பதில்லை என்று முடிவெடுத்துள்ளார்.

பிரபலங்கள் ஒன்றாக நிகழ்ச்சிகளுக்கு வந்தாலே அவர்களை இணைத்து கிசுகிசுக்கள் வர ஆரம்பித்து விடுகின்றன.அப்படி தான் ராணா, திரிஷா இருவரும் காதலிக்கிறார்கள் என்ற வதந்திகளும் வந்தது.

திரிஷா நிச்சயதார்த்தம் நின்றதில் இருந்து மறுபடியும் இருவரும் காதலிக்க ஆரம்பித்துவிட்டனர் என செய்திகள் வர ஆரம்பித்து விட்டன.

இந்நிலையில் இதுகுறித்து ராணா, நான் நாயகிகளிடம் நட்பு ரீதியாக தான் பழகுகிறேன். அப்படி தான் திரிஷாவுடனும் பழகுகிறேன். நான் நடிகைகள் யாரையும் இதுவரை காதலிக்கவில்லை என்றார்.

திண்டுக்கல் மாவட்டம் பழனி தாலுகா பாலசமுத்திரம் பகுதியைச் சேர்ந்தவர் கணேசன். இவர், மதுரை உயர்நீதிமன்றக் கிளையில் தாக்கல் செய்த மனுவில் பின்வருமாறு தெரிவித்துள்ளார்..

கொடைக்கானல் அடிவாரத்தில் இருந்து பாலாறு அணை வரை கால்வாய் செல்கிறது. பாலசமுத்திரம், அய்யம்புலி ஆகிய கிராமங்களை ஒட்டி இந்த கால்வாய் செல்கிறது. இந்த கால்வாயை நம்பி இந்த 2 கிராமங்களை சேர்ந்த மக்கள் விவசாயம் செய்து வருகின்றனர்.

பாலசமுத்திரம் கால்வாயை ஒட்டி உள்ள 4 ஏக்கர் 88 சென்டு நிலத்தை கடந்த ஆண்டு மார்ச் மாதம் ராஜம்மாள் என்பவரிடம் இருந்து நடிகர் மாதவன் விலைக்கு வாங்கி உள்ளார்.

இதன்பின்பு, நடிகர் மாதவன் கால்வாயின் ஒரு பகுதியை ஆக்கிரமித்து அங்கு மின் கம்பம் அமைத்துள்ளார். மேலும், ஆக்கிரமிக்கப்பட்டுள்ள இடத்தில் தென்னை மற்றும் கொய்யா மரங்களை வைத்துள்ளார்.

இதுகுறித்து திண்டுக்கல் கலெக்டர், பழனி மின்வாரிய செயற்பொறியாளர், பழனி தாசில்தார் ஆகியோருக்கு பலமுறை மனு கொடுத்தும் நடவடிக்கை எடுக்கவில்லை.

இதுபோன்று புகார் மனு கொடுத்ததை அறிந்த நடிகர் மாதவனின் ஆட்கள் எனக்கு மிரட்டல் விடுத்தனர். ஆக்கிரமிப்புகளை அகற்றவில்லை என்றால் விவசாயத்துக்கு பாதிப்பு ஏற்படும். எனவே, ஆக்கிரமிப்புகளை அகற்ற அதிகாரிகளுக்கு உத்தரவிட வேண்டும். இவ்வாறு மனுவில் கூறப்பட்டிருந்தது.

இந்த மனு நீதிபதிகள் கே.கே.சசிதரன், பி.கோகுல்தாஸ் ஆகியோர் முன்னிலையில் விசாரணைக்கு வந்தது. மனுதாரர் சார்பில் வக்கீல் அருள் வடிவேல்சேகர் ஆஜரானார்.

மனுவை விசாரித்த நீதிபதிகள், இந்த வழக்கு சம்பந்தமாக திண்டுக்கல் கலெக்டர், பழனி மின்வாரிய செயற்பொறியாளர், பழனி தாசில்தார், நடிகர் மாதவன் ஆகியோர் பதிலளிக்க நோட்டீஸ் அனுப்ப உத்தரவிட்டனர்.