இம்மாதம் 23ம் திகதி முதல் 29ம் திகதி வ​ரை தேசிய சட்ட வாரம் அமுல்படுத்தப்படவுள்ளது. நீதி அமைச்சு, இலங்கை சட்டத்தரணிகள் சங்கம் மற்றும் சட்ட உதவி ஆணைக்குழு ஆகியன இணைந்து நாடு முழுவதும் பல்வேறு செயற்பாடுகளை இந்தவாரத்தில் முன்னெடுக்கவுள்ளது.

அதன்படி கொழும்பு, கண்டி, காலி, யாழ்ப்பாணம், அனுராதபுரம், மாத்தறை, மட்டக்களப்பு மற்றும் புத்தளம் போன்ற மாவட்டங்களில் சட்ட ஆலோசனை நிலையங்களை நடத்தவுள்ளது.

இந்தவாரத்தில், ஜனாதிபதி சட்டத்தரணிகள் மற்றும் சிரேஷ்ட சட்டத்தரணிகளூடாக மக்களுக்கு நேரடியான சட்ட ஆலோசனைகள் வழங்கவுள்ளதாக நீதியமைச்சு தெரிவித்துள்ளது.

அத்துடன் நீதித்துறை விடயங்களில் பொதுமக்களை நேரடியாக பாதிக்கும் பிரச்சினைகள் சம்பந்தமாக அறியத் தருவதற்கு அவசர தொலைபேசி இலக்கங்கள் இரண்டும் அறிமுகப்படுத்தப்பட்டுள்ளன.

0113 133 864, 0113 133 862 என்ற தொலைபேசி இலக்கங்களினூடாக இந்த சேவையை பெற்றுக் கொள்ள முடியும் என்று தெரிவிக்கப்பட்டுள்ளது.தேசிய சட்ட வாரத்தின் நிறைவு விழா பிரதமர் தலைமையில் வரும் 28ம் திகதி கொழும்பில் இடம்பெறவுள்ளதாக தெரிவிக்கப்பட்டுள்ளது.

தமிழ் அர­சியல் கைதி­களில் 62 பேரை இரண்டு கட்­டங்­க­ளாக பிணையில் விடு­விப்­பது என்றும் ஏனை­ய­வர்­களின் விடு­தலை குறித்து அமைச்­ச­ரவைக் குழு­வொன்­றினை அமைத்து ஆராய்ந்து நட­வ­டிக்கை எடுப்­பது என்றும் பிர­தமர் ரணில் விக்­கி­ர­ம­சிங்க தலை­மையில் நடை­பெற்ற உயர்­மட்டக் குழுக் கூட்­டத்தில் தீர்­மானம் எடுக்­க­ப்பட்­டுள்­ளது.

பிர­தமர் ரணில் விக்­கி­ர­ம­சிங்க தலை­மையில் பாரா­ளு­மன்றக் கட்­டடத் தொகு­தியில் அர­சியல் கைதி­களின் விடு­தலை தொடர்­பாக ஆராயும் உயர்­மட்டக் கூட்டம் நேற்று மாலை நடை­பெற்­றது.

இந்தக் கூட்­டத்தில் எதிர்க்­கட்சித் தலைவர் இரா. சம்­பந்தன், நீதி அமைச்சர் விஜ­ய­தாச ராஜபக் ஷ, புனர் வாழ்வு மீள் குடி­யேற்ற அமைச்சர் டி.எம். சுவா­மி­நாதன், தேசிய கலந்­து­ரை­யா­டல்கள் அமைச்சர் மனோ கணேசன் வெளிவிவ­கார அமைச்சர் மங்­கள சம­ர­வீர, கூட்­ட­மைப்பு எம்.பிக்­க­ளான மாவை சேனா­தி­ராஜா, எம்.ஏ. சுமந்­திரன், செல்வம் அடைக்­க­ல­நாதன், தர்­ம­லிங்கம் சித்­தார்த்தன் ஆகி­யோரும் சட்­டமா அதிபர் திணைக்­க­ளத்தின் சார்பில் பிரதி சொலிஸ்டர் ஜெனரல் தலை­மை­யி­லான குழு­வி­னரும் பங்­கேற்­றி­ருந்­தனர்.

பதில் பொலிஸ்மா அதிபர் பூஜித ஜெய­சுந்­தர மற்றும் பயங்­க­ர­வாத தடுப்புப் பிரிவின் பிரதிப் பொலிஸ்மா அதிபர் ஆகி­யோரும் இந்தக் கூட்­டத்தில் பங்­கேற்­றனர்.இந்த கூட்­டத்­தின்­போது தமிழ் அர­சியல் கைதி­களை பொது மன்­னிப்­ப­ளித்து விடு­விக்க வேண்­டி­யது அவ­சி­ய­மாகும். அர­சியல் கைதிகள் விட­யத்தில் இனியும் இழுத்­த­டிப்புப் போக்கு மேற்­கொள்­ளக்­கூ­டாது. இம்­மாதம் 7ஆம் திக­திக்குள் அர­சியல் கைதி­களின் விடு­தலை தொடர்பில் உரிய நட­வ­டிக்கை எடுக்­கப்­படும் என்று அர­சாங்கம் உறு­தி­ய­ளித்­தி­ருந்­தது. அந்த உறு­தி­மொ­ழியை நிறை­வேற்ற வேண்டும் என்று எதிர்க்­கட்சித் தலைவர் இரா. சம்­பந்தன் வலி­யு­றுத்­தினார்.

அர­சியல் கைதி­க­ளுக்கு பொது மன்­னிப்பு அளிப்­பது கடி­ன­மாக உள்­ளது. அதனால் கட்டம் கட்­ட­மாக அவர்­க­ளுக்கு பிணை வழங்க நட­வ­டிக்கை எடுக்­கலாம் என்று அரச தரப்பில் கருத்து முன்­வைக்­கப்­பட்­டுள்­ளது. இதன்­போது தெகி­வளை குண்டுத் தாக்­குதல் உட்­பட பாரிய குற்­றச்­செ­யல்­க­ளுடன் தொடர்­பு­டைய சந்­தே­க­ந­பர்­க­ளுக்கு பிணை வழங்­கு­வது கடி­ன­மாகும் என்று சட்­டமா அதிபர் திணைக்­க­ளத்தின் சார்பில் கலந்­து­கொண்ட அதி­கா­ரிகள் சுட்­டிக்­காட்­டி­யுள்­ளனர்.

அர­சியல் கைதி­களில் 32 பேரை முதற்­கட்­ட­மாக பிணையில் விடு­தலை செய்­வது என்றும் இரண்டாம் கட்­ட­மாக 30 பேரை பிணையில் விடு­விப்­பது என்றம் ஏனை­ய­வர்கள் விடயம் தொடர்பில் அமைச்­ச­ரவை உப­கு­ழுவை அமைத்து ஆராய்ந்து தீர்­மானம் எடுக்­கப்­படும் என்றும் இந்தக் கூட்­டத்தில் முடிவு செய்­யப்­பட்­டுள்­ளது.

குற்­ற­வா­ளி­க­ளா­ககக் கரு­தப்­பட்டு நீதி­மன்­றத்­தினால் தீர்ப்பு வழங்­கப்­பட்­ட­வர்கள் விட­யத்தில் அர­சாங்­க­மா­னது எத்­த­கைய நட­வ­டிக்­கை­யி­னையும் எடுக்க முடி­யாது. ஜனா­தி­ப­தியே இவ்­வி­ட­யத்தில் முடி­வு­செய்ய வேண்டும் என்றும் இந்தக் கூட்­டத்தில் தெரி­விக்­கப்­பட்­டுள்­ளது.

அர­சி­யல்­கை­தி­களின் விடு­தலை தொடர்பில் பிர­தமர் ரணில் விக்­கி­ர­ம­சிங்க தலைமையிலான இந்த உயர்மட்டக் குழுவானது கடந்த மாதம் 19ஆம் திகதி முதல்தடவையாக கூடி ஆராய்ந்திருந்தது. கடந்த மாதம் 26ஆம் திகதி இரண்டாவது கூட்டம் இடம்பெற்றிருந்தது. நேற்று பாராளுமன்றக் கட்டடத் தொகுதியில் இடம்பெற்ற மூன்றாவது கூட்டத்திலேயே இந்தத் தீர்மானங்கள் எடுக்கப்பட்டுள்ளமை குறிப்பிடத்தக்கதாகும்.

கல்விப் பொதுத் தராதர உயர்தரப் பரீட்சையின் பொறியியல் மற்றும் உயிரியல் தொழில்நுட்ப பாடங்களுக்கான செயல்முறைப் பரீட்சை நாளை நடைபெறவுள்ளது.

தெரிவு செய்யப்பட்ட 62 மத்திய நிலையங்களில் குறித்த செயல்முறைப் பரீட்சை நடைபெறவுள்ளதுடன் இதற்காக 5074 பேர் தோற்றவுள்ளனர். குறித்த செயல்முறைப் பரீட்சை நளைய தினம் மாத்திரம் நடைபெறும்.

உயர்தரப் பரீட்சையில் முதல் தடவையாக இம்முறை பொறியியல் மற்றும் உயிரியல் தொழிநுட்ப பாடங்களுக்கான செயன்முறை பரீட்சை நடைபெறவுள்ளமை குறிப்பிடத்தக்கது.