இலங்கை மற்றும் மேற்கிந்திய தீவுகளுக்கு இடையிலான இரண்டாவது டெஸ்ட் போட்டியில் 72 ஓட்டங்களால் இலங்கை அணி வெற்றிபெற்றுள்ளது. அதன்படி மேற்கிந்திய தீவுகளுக்கு எதிரான டெஸ்ட் தொடரை 2-0 என இலங்கை அணி கைப்பற்றியுள்ளது.

முதல் இன்னிங்ஸில் முதலில் துடுப்பெடுத்தாடிய இலங்கை அணி 200 ஓட்டங்களை பெற்றநிலையில் சகல விக்கெட்டுக்களையும் இழந்தது. இலங்கை அணி சார்பில் மிலிந்த சிறிவர்த்தன 68 ஓட்டங்களைப் பெற்றுக் கொடுத்தார்.

இரண்டாவது இன்னிங்ஸில் இலங்கை அணி 206 ஓட்டங்களை பெற்றநிலையில் சகல விக்கெட்டுக்களையும் இழந்தது.
இதில் இலங்கை அணி சார்பில் மெத்திவ்ஸ் 46 ஓட்டங்களைப் பெற்றுக் கொடுத்தார்.

முதல் இன்னிங்ஸில் துடுப்பெடுத்தாடிய மேற்கிந்திய தீவுகள் அணி 163 ஓட்டங்களை பெற்றது. மேற்கிந்திய தீவுகள் சார்பில் கே.சி. ப்ரதாவைடே 47 ஓட்டங்களைப் பெற்றுக்கொடுத்தார்.

இதன்படி இந்த போட்டியில் மேற்கிந்திய தீவுகள் அணி வெற்றி பெற வேண்டுமானால் இரண்டாவது இன்னிங்ஸில் 244 ஓட்டங்களைப் பெற வேண்டியிருந்தது.

இந்த நிலையில் இரண்டாவது இன்னிங்ஸில் துடுப்பெடுத்தாடிய மேற்கிந்திய தீவுகள் அணி 171 ஓட்டங்களை பெற்றுக் கொண்டது.

இதன் மூலம் இலங்கை அணி 72 ஓட்டங்களால் தொடரைக் கைப்பற்றியுள்ளது.

இன்றைய போட்டியின் நாயகனாக சிறிவர்தனவும் தொடரின் நாயகனாக ரங்கன ஹேரத்தும் தெரிவுசெய்யப்பட்டனர்.

தென்னாபிரிக்க அணி ஏராளமான சாதனைகளை படைத்தது. அதன் விவரம் வருமாறு..

* 45 ஆண்டுகால ஒரு நாள் கிரிக்கெட் போட்டி வரலாற்றில் ஒரே இன்னிங்சில் மூன்று வீரர்கள் சதம் அடிப்பது இது 2வது முறையாகும். அரிய நிகழ்வுகளில் ஒன்றான இத்தகைய அளப்பரிய சாதனையை இதற்கு முன்பும் தென்னாபிரிக்கா தான் செய்திருக்கிறது. கடந்த ஜனவரி மாதம் ஜோகன்னஸ்பர்க்கில் நடந்த மேற்கிந்தியத் தீவுகள் அணிக்கு எதிரான ஒரு நாள் போட்டியில் தென்னாபிரிக்க வீரர்களில் அம்லா (153 ரன்), ரோசவ் (128 ரன்), டிவில்லியர்ஸ் (149 ரன்) சதம் அடித்திருந்தனர்.

* ஒரு நாள் கிரிக்கெட்டில் இந்திய மண்ணில் 400 ரன்களுக்கு மேல் குவிக்கப்படுவது இது 6வது முறையாகும்.

* ஒரு நாள் கிரிக்கெட்டில் இதுவரை 17 முறை 400 ரன்களுக்கு மேல் எடுக்கப்பட்டுள்ளன. இதில் அதிக முறை 400 ரன்களுக்கு மேல் குவித்த அணி என்ற பெருமையை தென்னாபிரிக்கா தட்டிச்சென்றுள்ளது. நேற்றைய ஆட்டத்தையும் சேர்த்து தென்னாபிரிக்கா 6 முறை 400 ரன்களை தாண்டியுள்ளது. இந்திய அணி 5 முறை 400 ரன்களை கடந்திருக்கிறது.

* தென்னாபிரிக்கா மலைக்க வைத்த 438 ரன்களே, மும்பை வான்கடே மைதானத்தில் மட்டுமல்ல, இந்திய மண்ணிலும் ஒரு அணியின் அதிகபட்சமாக பதிவாகியிருக்கிறது. இந்த மைதானத்தில் இதற்கு முன்பு 2011-ம ஆண்டு உலக கோப்பையின் போது கனடாவுக்கு எதிராக நியூசிலாந்து 6 விக்கெட்டுக்கு 358 ரன்கள் எடுத்ததே அதிகபட்சமாக இருந்தது.

* தென்னாபிரிக்க அணித் தலைவர் டிவில்லியர்சுக்கு இது 23வது சதமாகும். இதன் மூலம் அதிக சதங்கள் எடுத்தவர்களின் பட்டியலில் இந்திய வீரர் விராட் கோலியுடன் 5வது இடத்தை பகிர்ந்துள்ளார்.

* தென்னாபிரிக்க தொடக்க ஆட்டக்காரர் 32 வயதான ஹஷிம் அம்லா நேற்று 15 ரன்கள் எடுத்த போது ஒரு நாள் போட்டியில் 6 ஆயிரம் ரன்களை தொட்டார். இதன் மூலம் அதிவேகமாக 6 ஆயிரம் ரன்களை கடந்தவர் என்ற பெருமையை அவர் பெற்றார். 126 ஒரு நாள் போட்டிகளில் பங்கேற்று அதில் களம் இறங்கிய 123-வது இன்னிங்சிலேயே இந்த மைல்கல்லை அம்லா கடந்துள்ளார். இதற்கு முன்பு இந்தியாவின் விராட் கோலி கடந்த ஆண்டு தனது 136வது இன்னிங்சில் 6 ஆயிரம் ரன்களை எட்டியதே இந்த வகையில் உலக சாதனையாக இருந்தது. அதனை அம்லா தகர்த்துள்ளார்.

* தென்னாபிரிக்கா மயிரிழையில் சாதனை ஒன்றை நழுவவிட்டது. 2006ம் ஆண்டு நெதர்லாந்துக்கு எதிராக இலங்கை அணி 9 விக்கெட்டுக்கு 443 ரன்கள் சேர்த்ததே இந்த நாள் வரை ஒரு நாள் போட்டியில் ஒரு அணியின் அதிகபட்ச ஓட்டங்களாக இருக்கிறது. நேற்றைய ஆட்டத்தில் கடைசி 3 பந்துகளில் 10 ரன்கள் எடுத்தால் உலக சாதனை என்ற நிலைமையில்,தென்னாபிரிக்க அணி கடைசி 3 பந்துகளில் 4 ஓட்டங்கள் மட்டுமே எடுத்தது.

* தென்னாபிரிக்கா தனது இன்னிங்சில் மொத்தம் 20 சிக்சர்கள் விளாசியது. ஒரு இன்னிங்சில் அதிக சிக்சர் அடித்த 2வது அணி என்ற சிறப்பை தென்னாபிரிக்க அணி பெற்றது. 2014ம் ஆண்டு மேற்கிந்தியத் தீவுகள் அணிக்கு எதிராக நியூசிலாந்து 22 சிக்சர்கள் எடுத்ததே அதிகபட்சமாக நீடிக்கிறது.

* குயின்டன் டி கொக் இந்தியாவுக்கு எதிராக 9 இன்னிங்சில் 5 சதங்கள் அடித்துள்ளார். இதன் மூலம் குறைந்த இன்னிங்சில் ஒரு அணிக்கு எதிராக 5 சதங்கள் அடித்தவர் என்ற சாதனை அவர் வசம் ஆனது. பாகிஸ்தானின் சல்மான்பட் இதே இந்தியாவுக்கு எதிராக 18 இன்னிங்சில் 5 சதங்கள் எடுத்ததே முந்தைய சாதனையாக இருந்தது.

* 2002ம் ஆண்டில், பாகிஸ்தானின் அப்ரிடி ஒரு நாள் போட்டியில் 48 சிக்சர்கள் துவம்சம் செய்ததே ஒரு ஆண்டில் வீரர் ஒருவரின் அதிகபட்ச சிக்சர் எண்ணிக்கையாக இருந்தது. அந்த நீண்ட கால சாதனைக்கு டிவில்லியர்ஸ் முற்றுப்புள்ளி வைத்து இருக்கிறார். டிவில்லியர்ஸ் இந்த ஆண்டில் மட்டும் 58 சிக்சர்கள் (20 ஆட்டம்) அடித்திருக்கிறார். இதில் நடப்பு தொடரில் எடுத்த 20 சிக்சர்களும் அடங்கும்.

ஐந்­தா­வது ஒரு நாள் கிரிக்கெட் போட்­டியில் தென்­னா­பி­ரிக்கா 214 ஓட்­டங்கள் வித்­தி­யா­சத்தில் வெற்றிபெற்­றது. இதன் மூலம் ஒரு நாள் தொடரை 3–-2 என வெற்றிபெற்றது. இந்­தி­யா­விற்கு சுற்றுப்­ப­யணம் மேற்­கொண்­டுள்ள தென்­னா­பி­ரிக்க அணி 5 போட்­டிகள் கொண்ட ஒருநாள் தொடரில் பங்­கேற்­றது.

முதல்நான்கு போட்­டி­களின் முடிவில் தொடர் 2–2 என சம­நி­லையில் இருந்­தது. ஐந்­தா­வது மற்றும் கடைசி போட்டி மும்பை வான்­கடே மைதா­னத்தில் நேற்று நடை­பெற்­றது. இந்­தப்­போட்­டியில் நாணய சுழற்­சியில் வெற்­றி­பெற்ற தென்­னா­பி­ரிக்க அணி முதலில் துடுப்­பெ­டுத்­தாடத் தீர்மானித்தது.

தென்­னா­பி­ரிக்க அணிக்கு கொக், அம்லா சிறப்­பான ஆரம்­பத்தைக் கொடுத்­தனர். அம்லா 23 ஓட்டங்க­ளுடன் ஆட்­ட­மி­ழக்க, அடுத்து கள­மி­றங்­கினார் டுபிௌசிஸ்.

இந்­திய பந்­து­வீச்சை எளி­தாக சமா­ளித்த இந்த இரு­வரும் சதம் விளா­சினர். இந்­நி­லையில் 102 ஓட்டங்­க­ளுடன் ஆட்­ட­மி­ழந்தார் கொக். அதன்பின் இணைந்த டுபிௌசிஸ், டிவி­லியர்ஸ் ஜோடி அதி­ர­டி­யாக ஓட்டக் குவிப்பில் ஈடு­பட்­டது.

இரு­வரும் மாறி மாறி பவுண்­ட­ரி­க­ளாக விளா­சினர். சதம் கடந்த டுபிௌசிஸ் 133 ஓட்­டங்கள் பெற்றிருந்த வேளையில் காயம் கார­ண­மாக ‘ரிட்­டையர்ட் ஹர்ட்’ முறையில் வெளி­யே­றினார்.

இந்­திய பந்­து­வீச்சை சித­ற­டித்த டிவி­லியர்ஸ் 119 ஓட்­டங்­க­ளுடன் ஆட்­ட­மி­ழந்தார். இது இந்தத் தொடரில் டிவி­லியர்ஸ் பெற்ற 3ஆவது சத­மாகும். 50 ஓவர்கள் முடிவில் தென்­னா­பி­ரிக்கா 4 விக்கெட்­டுக்கள் இழப்­பிற்கு 438 ஓட்­டங்­களை குவித்­தது.

கடின இலக்கை விரட்­டிய இந்­திய அணி 36 ஓவர்­க­ளி­லேயே 224 ஓட்­டங்­க­ளுக்கு சகல விக்­கெட்­டுக்­க­ளையும் இழந்­து படு­தோல்­வி­ய­டைந்­தது.

இதன் மூலம் தென்­னா­பி­ரிக்கா 214 ஓட்­டங்கள் வித்­தி­யா­சத்தில் வெற்றி பெற்­றது. இதன் மூலம் இந்தி­ய மண்ணில் ஒருநாள் தொடரை முதல்­மு­றை­யாக கைப்­பற்றியுள்ளது தென்னாபிரிக்க அணி.

இந்த போட்­டியில் இந்­தியா தோல்­வி­ய­டைந்­ததன் மூலம் ஒருநாள் அரங்கில் தனது இரண்­டா­வது மோச­மான தோல்­வியை சந்­தித்­துள்­ளது. இதற்கு முன் கடந்த 2000ஆம் ஆண்டு சார்­ஜாவில் நடந்த இலங்கை அணிக்கு எதி­ரான போட்­டியில் இந்­திய அணி 245 ஓட்­டங்கள் வித்­தி­யா­சத்தில் தோல்விய­டைந்­தது.

இந்­திய அணியின் ரஹானே அதி­க­பட்­ச­மாக 87 ஓட்­டங்­களும் தவான் 60 ஓட்­டங்­களும் எடுத்­தனர்.

ஒரு நாள் அரங்கில் 3 ஆவது அதி­க­பட்ச ஓட்ட எண்ணிக்கைஇதுவாகும். முத­லி­டத்தில் இலங்கை, நெதர்லாந்திற்கு எதிராக பெற்ற 443 ஓட்டங்கள் இருக்கி றது.

வான்கடே மைதானத்தில் பெறப்பட்ட அதிகபட்ச ஓட்ட எண்ணிக்கையும் இதுவாகும்.தொடர் நாயகனாக டிவிலியர்ஸும், ஆட்ட நாயகனாக கொக்கும் தேர்வு செய்யப்
பட்டனர்.

இந்தியாவுக்கு எதிரான 5வது மற்றும் கடைசி ஒருநாள் போட்டியில் தென்னாபிரிக்க அணி அதிரடியாக விளையாடி 50 ஓவர்கள் நிறைவில் நான்கு விக்கட்டுகளை மட்டும் இழந்து 438 ஓட்டங்களை பெற்றுக்கொண்டது.

தென்னாபிரிக்க கிரிக்கெட் அணி இந்திய மண்ணில் 5 போட்டிகள் கொண்ட ஒருநாள் தொடரில் விளையாடி வருகிறது. இந்த தொடர் 2-2 என்று சமநிலையில் உள்ளது. இந்த நிலையில் தொடரை தீர்மானிக்கும் 5வது மற்றும் கடைசி ஒருநாள் கிரிக்கெட் போட்டி மும்பை வான்கடே மைதானத்தில் இன்று நடைபெற்று வருகின்றது..

இதில் நாணய சுழற்சியில் வெற்றிபெற்ற தென்னாபிரிக்க அணித் தலைவர் டிவில்லியர்ஸ் முதலில் துடுப்பெடுத்தாட முடிவு செய்தார். இதன் படி தென்னாபிரிக்கா அணி திரடியாக விளையாடி 50 ஓவர்கள் நிறைவில் நான்கு விக்கட்டுகளை மட்டும் இழந்து 438 ஓட்டங்களை பெற்றுக்கொண்டது.

தென்னாபிரிக்க அணி சார்பாக டி கொக் 87 பந்துகளில் 109 ஓட்டங்களையும், டுப்லசிஸ் 115 பந்துகளில் 133 ஓட்டங்களையும்
அணித்தலைவர் டிவில்லியர்ஸ் 61 பந்துகளில் 119 ஓட்டங்களையும் பெற்றுக்கொண்டனர்.

இன்றைய போட்டியில் இந்திய பந்துவீச்சாளர்களின் பந்துகளை தென்னாபிரிக்க அணி வீர்கள் அனைவரும் தும்சம் செய்ததை காணக்கூடியதாக இருந்தது.

இன்றைய போட்டியில் தென்னாபிரிக்க அணி ஒருநாள் சர்வதேச போட்டிகளில் அதிக ஓட்ட சாதனையை 5 ஓட்டங்களால் தவறவிட்டது. இலங்கை அணியே ஒருநாள் போட்டிகளில் 443 ஓட்டங்களை பெற்று தொடர்ந்தும் முதலிடத்தில் உள்ளமை குறிப்பிடத்தக்கது.