ரஜினியின் புதிய படத்தை நான் இயக்கவில்லை : இயக்குனர் கே.எஸ்.ரவிகுமார்!!

December 18, 2013

ரஜினியின் அடுத்த படத்தை நான் இயக்கவில்லை என்று இயக்குனர் கே.எஸ்.ரவிக்குமார் மறுத்துள்ளார். ரஜினி நடித்த கோச்சடையான் படம் முடிந்து ரிலீசுக்கு தயாராகிறது. இதையடுத்து ரஜினி அடுத்து நடிக்கப்போகும் படம் பற்றி பல்வேறு யூகங்கள் கிளம்பிய வண்ணம் உள்ளன.

ரஜினியின் அடுத்த படத்தை இயக்குனர் கே.எஸ்.ரவிக்குமார் அல்லது கே.வி.ஆனந்த் இயக்குவார் என செய்திகள் பரவி உள்ளன. ரஜினியை வைத்து ஏற்கனவே பல படங்களை கே.எஸ்.ரவிகுமார் இயக்கியுள்ளார்.

கடைசியாக ராணா படத்தை இயக்க முனைந்தபோது ரஜினிக்கு உடல் நலக்குறைவு ஏற்பட்டது. இதையடுத்து ராணா படம் கைவிடப்பட்டது. எனவே மீண்டும் கே.எஸ்.ரவிக்குமாருக்கே வாய்ப்பு கொடுத்து தனது படத்தை ரஜினி இயக்க வைப்பார் என கூறப்பட்டது. இதனை கே.எஸ்.ரவிகுமார் மறுத்த அவர் கூறியதாவது..

ரஜினியின் அடுத்த படத்தை நான் இயக்கப் போவதாக தொடர்ந்து வதந்திகள் வந்த வண்ணம் உள்ளன. இதற்கு பலமுறை பதில் சொல்லி விட்டேன். ரஜினியின் அடுத்த படத்தை நான் இயக்கப் போவதில்லை. சுதீப் படத்தை இயக்கப் போகிறேன். இந்த படம் சம்பந்தமான விவரங்கள் விரைவில் அதிகாரபூர்வமாக அறிவிக்கப்படும் என்று அவர் கூறினார்.

சீனாவில் நிகழ்ந்த அதிசயம் : இழந்த கரம் மீண்டும் பொருத்தப்பட்டது!!(படங்கள்)

December 18, 2013

சீனாவில் துண்டான வாலிபரின் கையை காலில் ஒட்ட வைத்து வளர்த்து பின்னர் அதை வாலிபருக்கு மீண்டும் பொருத்தி மருத்துவர்கள் சாதனை படைத்துள்ளனர்.

சீனாவின் ஹூனான் மாகாணத்தில் ஷாங்டே என்ற ஊரை சேர்ந்தவர் ஜியாவோ வெய்(வயது 20). இவர் கடந்த நவம்பர் மாதம் 10ம் திகதி தொழிற்சாலையில் வேலை பார்த்து கொண்டிருந்த போது எதிர்பாராத விதமாய் இயந்திரத்தினுள் இவரின் வலது கையை மாட்டி கொண்டு தூண்டானது.

இதனால் வலியேற்பட்டு தாங்கமுடியால் அவர் கூச்சலிட்டரார். அச்சத்ததை கேட்டு மற்ற தொழிலாளர்கள் அங்கு விரைந்து அவரை உடனடியாக மருத்துவமனையில் சேர்த்தனர். இச்சம்பவத்தில் துண்டான அவரின் கை ஒன்று காலுடன் செயலடைய செய்வதற்காக ஒரு மாத காலம் ஒட்டப்பட்டது.

நல்ல செயலாற்ற முன்னேற்றத்தை கண்ட பின் அக்கரத்தை காலிருந்து பிரித்து சத்திர சிகிச்சை மூலம் வலது கை இருக்கும் பகுதியில் இணைத்தனர்.

தற்போது ஜியாவோ வெய்யின் வலது கரம் வழக்கம் போல் நன்றாக செயல்படுகிறது என்று மருத்துவர்கள் தெரிவித்தனர். கை திரும்ப கிடைத்த சந்தோஷத்தில் கண்ணீரோடு ஜியாவோ வெய் மருத்துவர்களுக்கு நன்றி தெரிவித்தார்.

சமந்தாவின் துணிச்சல்!!

December 18, 2013

ட்விட்டரில் கருத்து தெரிவித்து பரபரப்பை ஏற்படுத்தி இருக்கிறார் சமந்தா. ஆம் ஆத்மி கட்சி குறித்தும் ஐந்து மாநிலங்களுக்கான தேர்தல் குறித்தும் பல விவாதங்கள் நடைபெற்றுக் கொண்டிருக்கின்றன.

இந்த தருணத்தில் ஆம் ஆத்மி கட்சிக்கு ஆதரவாக ட்விட்டரில் தன் கருத்தைத் துணிச்சலாகத் தெரிவித்துள்ளார் சமந்தா.

ஆம் ஆத்மி கட்சி ஒரு இனிய தொடக்கம். மக்கள் மாற்றத்தை விரும்புகிறார்கள். அந்த மாற்றம் டெல்லியில் இருந்து ஆரம்பாகி இருப்பது இன்னும் சிறப்பு என்று கூறி இருக்கிறார்.

இவரது கருத்தை வரவேற்று சமந்தாவின் காதலர் சித்தார்த்தும் பதில் கருத்து வெளியிட்டு இருக்கிறார்.

சமந்தாவின் தில்லான கருத்தால் மற்ற நடிகர், நடிகைகள் இடையே பரபரப்பு ஏற்பட்டுள்ளது. இது எங்கே போய் முடியும் என்று தெரியவில்லை.

சுயநினைவிழந்தவரை அடையாளம் காட்டிய பேஸ்புக் தகவல்!!

December 18, 2013

விழுப்புரம் மாவட்டம், சங்கராபுரம் தாலுகா, போய்குனம் பகுதியை சேர்ந்த தணிகைவேலு (33) சவுதி அரேபியா நாட்டில் வேலை செய்து வந்தார். அவர் திடீரென மூளைக் கட்டியால் பாதிக்கப்பட்டு நினைவுத் திறனை இழந்துவிட்டார்.

நினைவுத் திறனை இழந்த தணிகைவேல் சவுதியில் உள்ள ஜெட்டாவில் இந்திய தூதரக அலுவலகம் முன் சுயநினைவின்றி விழுந்து கிடந்ததால் அவரை இந்திய தூதரக அதிகாரிகள் தனியார் மருத்துவமனையில் சிகிச்சைக்கு சேர்த்தனர். ஆனால் சுயநினைவிழந்ததால் அவர் யார் என்ற விவரம் தெரியாமல் தவித்த அதிகாரிகள் அவரை எப்படி தாய்நாட்டிற்கு திருப்பி அனுப்புவது என திணறிவந்தனர்.

பல்வேறு முயற்சிகளுக்குபின் தூதரக அதிகாரிகள் செந்தமிழ் நல மன்றம் என்ற தமிழ் அமைப்பை அணுகினர். அவர்கள் அவரது தற்போதைய புகைப்படத்தை பேஸ்புக்கில் வெளியிட்டனர். அவரது புகைப்படத்தை 8000 பேர் பகிர்ந்துள்ள நிலையில் அதில் ஒருவர் அவரை கண்டுபிடித்து அவரது குடும்பத்திற்கு தகவல் கொடுத்துள்ளார் என அரபு செய்தி நிறுவனம் தகவல் தெரிவித்துள்ளது.
தணிகவேலு மனைவியிடம் அவரது விசாவின் நகல் இருந்ததையடுத்து, உடனடியாக இந்திய தூதரக அதிகாரிகள், சவுதி தூதரக அதிகாரிகளை தொடர்பு கொண்டு, அவரை இந்தியாவிற்கு அனுப்ப ஒத்துழைக்குமாறு கேட்டுக்கொண்டனர்.
இந்திய பணியாளர்கள் அவரின் மருத்துவ செலவையும், பாஸ்போர்ட் அலுவலகத்துக்கு செலுத்தவேண்டிய அபராதம் மற்றும் இந்திய பயணத்திற்கான விமான கட்டணத்தையும் செலுத்த முன்வந்தனர். இந்திய தூதரக அதிகாரிகள் உரிய சிகிச்சை அளிக்க ஏற்பாடு செய்யுமாறு தமிழக அரசுக்கு கடிதம் எழுதியுள்ளனர். அதுவரை அவரை அங்குள்ள மருத்துவமனையில் வைத்திருக்க இந்திய தூதரக அதிகாரிகள் முடிவு செய்துள்ளது பாராட்டத்தக்கது.

விஜயகாந்த் மகனுடன் ஜோடி சேர்வாரா ஸ்ரீதேவி மகள்?

December 18, 2013

விஜயகாந்த் மகன் சண்முக பாண்டியன் சகாப்தம் படத்தின் மூலம் ஹீரோவாக அறிமுகமாகிறார். காதல், காமெடி, ஆக்ஷன் என்று முழு கமர்ஷியல் படமாக இது உருவாகிறது.

இதில் சண்முக பாண்டியனுக்கு ஹீரோயினாக யாரை நடிக்க வைக்கலாம் என்று தீவிரமாக ஆலோசித்து வருகிறார்கள். ஸ்ரீதேவி மகள் ஜான்வியை நடிக்க வைத்தால் நன்றாக இருக்கும் என்பதால் ஜான்வுயை நடிக்க வைக்க முயற்சித்து வருகிறார்கள்.

ஏற்கனவே ஜான்வியை டோலிவுட்டில் அறிமுகப்படுத்தியே ஆக வேண்டும் என சிலர் உறுதியுடன் இருக்கின்றனர். அல்லு அர்ஜூன் உட்பட சில பெரிய ஹீரோக்களின் படங்களில் ஜான்வி நடிகக் அழைப்புகள் வந்தன.

ஆனால் ஜான்வி இதுவரை சினிமாவில் என்ட்ரி ஆகவில்லை.
விஜயகாந்த் மகனுடன் தமிழில் அறிமுகம் ஆனாலும் அதில் ஆச்சர்யம் இல்லை.

வவுனியா சிறுவர் துஸ்பிரயோக வழக்கில் தேரருக்கு விளக்கமறியல் நீடிப்பு!!

December 18, 2013

சிறுவர் துஷ்பிரயோக குற்றச்சாட்டின் பேரில் கைது செய்யப்பட்ட வவுனியா, அட்டமஸ்கட சிறுவர் இல்லத்தின் பொறுப்பாளரான தேரரும் மற்றுமொரு சந்தேகநபரும் தொடர்ந்து விளக்கமறியலில் வைக்கப்பட்டுள்ளனர்.

சந்தேகநபர்களான தேரரும் சிறுவர் இல்லத்தின் காவலாளியும் வவுனியா நீதவான் நீதிமன்றத்தில் நேற்று ஆஜர்படுத்தப்பட்டனர்.

இதனையடுத்து அவர்களை எதிர்வரும் 31 ஆம் திகதி வரை தொடர்ந்து விளக்கமறியலில் வைக்குமாறு உத்தரவு பிறப்பிக்கப்பட்டுள்ளது.

இந்த சந்தேகநபர்களுக்கு எதிராக முன்வைக்கப்பட்டுள்ள முறைபாடுகள் தொடர்பிலான விசாரணைகள் பூர்த்தி செய்யப்படாத நிலையில் அவர்களுக்கான விளக்கமறியல் நீடிக்கப்பட்டுள்ளது.

சந்தேகநபர்களுக்கு எதிராக வவுனியா சிறுவர் நன்னடத்தை பராமரிப்பு சேவைகள் நிலையத்தில் 5 சிறார்களின் பெற்றோர்கள் முறைப்பாடு செய்திருந்தமை குறிப்பிடத்தக்கது.

உலகின் இளவயது பட்டதாரியாக 11 வயது தமிழ் மாணவி!!

December 18, 2013

தகவல் தொழில்நுட்பத்தில் உலகின் மிக இளவயது பட்டதாரியாக, கண்டியைச் சேர்ந்த 11வயது தமிழ்ச் சிறுமியான வாசின்யா பிறேமானந்தா அறிவிக்கப்பட்டுள்ளார்.

பிரித்தானிய கணினிச் சமூகம் (British Computer Society ) இதற்கான அறிவிப்பை வெளியிட்டுள்ளது.

கண்டியிலுள்ள கொழும்பு அனைத்துலகப் பாடசாலையில் 8ம் வகுப்பில் கல்வி கற்று வரும் வாசின்யா, பிரித்தானிய கணினிச் சமூகத்தின் தகவல் தொழில்நுட்ப பட்டத்தை (BCS IT)பெற்றுள்ளார்.

இவரே உலகில் தகவல் தொழில்நுட்பத்தில் ஆகக்குறைந்த வயதில் பட்டம் பெற்றவராவார். இவர் எட்டு வயதில் இருக்கும் போதே, இவர் கபொத சாதாரணதரப் பரீட்சையில் ஆங்கிலப் பாடத்தில் ஏ தரச் சித்தியைப் பெற்று சாதனை படைத்திருந்தார்.

அத்துடன் எட்டு வயதிலேயே கணினி அனுமதிப்பத்திரத்தைப் பெற்றுக் கொண்ட இவர் உலகின் இளம்வயது இணையத்தள மேம்பாட்டாளராகவும் அறிவிக்கப்பட்டிருந்தார்.

இவர் வர்த்தகரான பிறேமானந்தா நடராஜா மற்றும் லக்சிதா பிறேமானந்தா ஆகியோரின் மகளாவார்.

வடக்கு மக்களை முதலமைச்சர் விக்னேஸ்வரன் ஒருபோதும் விட்டுக்கொடுக்க மாட்டார் : செல்வம் அடைக்கலநாதன்!!

December 18, 2013

வட மாகாண தமிழ் மக்களை முதலமைச்சர் சீ.வி.விக்னேஸ்வரன் ஒருபோதும் விட்டுக்கொடுக்க மாட்டார் என தமிழ்த் தேசியக் கூட்டமைப்பின் பாராளுமன்ற உறுப்பினர் செல்வம் அடைக்கலநாதன் தெரிவித்தார்.

இராணுவத்தினையும் ஆளுநரையும் வைத்து வடக்கு மக்களை அடக்கி ஆட்சி நடத்துவதில் அரசாங்கம் வெட்கப்பட வேண்டும் எனவும் அவர் தெரிவித்தார்.

மேலும் இரணைமடு – யாழ்ப்பாணம் நீர் விநியோகத்திட்டம் தொடர்பில் எழுந்துள்ள பிரச்சினைகளுக்கு விரைவில் தீர்வு காணப்படும். கூட்டமைப்புக்குள் பல்வேறு கருத்துக்கள் முன்வைக்கப்பட்டாலும் முரண்பாடுகள் இல்லை எனவும் அவர் தெரிவித்தார்.

ஆஷஸ் டெஸ்ட் தொடரை வெற்றிபெற்றது அவுஸ்திரேலியா!!

December 18, 2013

வரலாற்று சிறப்பு மிக்க ஆஷஸ் டெஸ்ட் தொடரை அவுஸ்திரேலியா வென்றுள்ளது. அவுஸ்திரேலியா- இங்கிலாந்து அணிகள் ஆஷஸ் டெஸ்ட் தொடரில் பங்கேற்று விளையாடி வருகிறது. இதில் முதலிரண்டு டெஸ்டில் அவுஸ்திரேலியா வெற்றி பெற்றது.

இந்நிலையில் மூன்றாவது டெஸ்ட் பெர்த்தில் தொடங்கியது இதில் முதல் இன்னிங்சில் 385 ஓட்டங்கள் எடுத்தது. இதனை அடுத்து ஆடிய இங்கிலாந்து அணி அனைத்து விக்கெட்டுகளையும் இழந்து 251 ஓட்டங்கள் எடுத்தது.

இதன் பின்பு 2வது இன்னிங்சை ஆடிய அவுஸ்திரேலிய அணி 6 விக்கெட்டுகள் இழப்பிற்கு 369 ஓட்டங்கள் எடுத்த நிலையில் ஆட்டத்தை டிக்ளேர் செய்வதாக அறிவித்தது.

இதனை தொடர்ந்து 2வது இன்னிங்சை தொடங்கிய இங்கிலாந்து அணி, 103.2 ஓவர்களில் அனைத்து விக்கெட்டுகளையும் இழந்து 353 ஓட்டங்கள் எடுத்தது. இதனால் 150 ஓட்டங்கள் வித்தியாசத்தில் அவுஸ்திரேலியா வெற்றி பெற்றது.

மொத்தம் 5 டெஸ்ட் போட்டிகள் கொண்ட தொடரை 3-0 என்ற கணக்கில் அவுஸ்திரேலியா வெற்றிபெற்றதுடன், தொடரையும் கைப்பற்றியுள்ளது.

வவுனியா மெனிக்பாம் வீட்டு மலக்குழியில் இருந்து சடல எச்சங்கள் மீட்பு!!(படங்கள்)

December 17, 2013

வவுனியா, மெனிக்பாம் மூன்றாம் யூனிட் பகுதியில் உள்ள வீடொன்றின் மலசலக்குழியில் இருந்து ஆணொருவரின் சடல எச்சங்கள் இன்று செட்டிகுளம் பொலிஸாரால் மீட்கப்பட்டுள்ளன. இச் சம்பவம் தொடர்பில் பொலிஸார் தெரிவிக்கையில்..

சம்பவம் இடம்பெற்ற வீட்டில் நீண்ட நாட்களாக வசித்து வந்த பெண் மற்றும் அவரது கணவன் தொடர்பில் எவ்வித தகவலும் இல்லாததோடு வீடும் பூட்டப்பட்டுள்ளதாக புலனாய்வு பிரிவுக்கு கிடைத்த தகவலின் அடிப்படையில் புலனாய்வாளர்கள் விசாரணைகளை மேற்கொண்டனர்.

இந்நிலையில் அயலவர்கள் கடந்த சில வரடங்களுக்கு முன்னர் துர்நாற்றம் வீசிய சம்பவம் தொடர்பிலும் தெரிவித்ததை அடுத்து குற்றத்தடுப்பு பிரிவை சேர்ந்த உதவி பொலிஸ் அத்தியட்சகர் ஜே.எம். சோமரட்ண தலைமையிலான குழுவினர் மேலதிக விசாரணைகளை மேற்கொண்டனர்.

வீட்டு உரிமையாளரான பெண்ணை கடந்த 15ஆம் திகதி கைது செய்ததுடன் சம்பவம் தெடர்பிலும் விசாரணைகளை மேற்கொண்டிருந்தனர்.

இந்நிலையில் மேற்படி பெண் பொலிஸாருக்கு கடந்த 2011.11.09 அன்று இரவு குறித்த வீட்டில் வசித்து வந்த முனியாண்டி துரைச்சாமி ஆகிய தனது கணவருக்கும் வசந்தகுமாரி ஆகிய தமக்குமிடையில் தர்க்கம் ஏற்பட்டுள்ளது.

இதன்போது கணவன் வைத்திருந்த கோடரியை பறித்து கணவனை தாக்கியதால் கணவன் உயிரிழந்ததாகவும் அதன் பின்னர் மலசலக்குழியில் சடலத்தை போட்டு மூடியதாகவும் செட்டிகுளம் பொலிஸாருக்கு மனைவி வாக்குமூலம் அளித்துள்ளார் என பொலிஸார் தெரிவித்தனர்.

இந்நிலையில் இன்று சம்பவம் இடம்பெற்ற பகுதிக்கு சென்ற வவுனியா நீதிவான் ஏ.சி.ரிஸ்வான் விசாரணைகளை மேற்கொண்டதுடன் மலசலகுழியை உடைக்குமாறு பணித்து அதற்குள் உள்ள பொருட்கள் மனித உடல் எச்சங்களை பார்வையிட்டதுடன் மேலதிக விசாரணைகளை மேற்கொள்ளுமாறு பொலிஸாருக்கு பணித்திருந்தார்.

இதனடிப்படையில் கைது செய்யப்பட்ட பெண் விளக்கமறியலில் வைக்கப்பட்டுள்ளதுடன் செட்டிகுளம் பொலிஸார் விசாரணைகளை மேற்கொண்டுள்ளனர்.

தரம் 6 மாணவர் அனுமதிக்கான வெட்டுப் புள்ளிகள் அறிவிப்பு!!

December 17, 2013

தரம் 5 புலமைப்பரில் பரீட்சைக்கு தோற்றி சித்தி பெற்றுள்ள மாணவர்களை தரம் 6 பாடசாலைக்கு அனுமதிப்பதற்கான வெட்டுப் புள்ளிகள் அறிவிக்கப்பட்டுள்ளன.

வெட்டுப்புள்ளி விபரங்கள் வருமாறு..

கொழும்பு றோயல் மற்றும் விசாகா கல்லூரி – 186

கண்டி தர்மராஜா கல்லூரி – 184

ஆனந்தா, மகமாய மற்றும் மல்லியதேவ ஆண்கள் கல்லூரி – 183

மல்லியதேவ மகளீர் கல்லூரி, தேவி பாலிக்கா கல்லூரி – 182

வவுனியா அட்டம்பகஸ்கட சிறார் இல்லத்தை மூட உத்தரவு!!

December 17, 2013

வவுனியா அட்டம்பகஸ்கட செத்செவன சிறுவர் இல்லத்தின் செயற்பாடுகளுக்குத் தடைவிதித்துள்ள வவுனியா மாவட்ட நீதிமன்றம் மறு அறிவித்தல் வரையில் அதனை மூடி வைக்குமாறு அதிகாரிகளுக்கு உத்தரவிட்டுள்ளது.

அட்டம்பகஸ்கட சிறுவர் இல்லம் சிறுவர் இல்ல விதிமுறைகள், ஒழுங்குகளைக் கடைப்பிடித்து நடத்தப்படவில்லை என்று சிறுவர் நன்னடத்தைப்பிரிவு அதிகரிகள் நீதிமன்றத்தின் கவனத்திற்குக் கொண்டு வந்ததையடுத்தே இந்த உத்தரவு பிறப்பிக்கப்பட்டுள்ளது.

அதேநேரம் அட்டம்பகஸ்கட சிறுவர் இல்லத்தில் இடம்பெற்றதாகத் தெரிவிக்கப்படுகின்ற சிறுவர் மீதான துன்புறுத்தல்கள் மற்றும் பாலியல் துஸ்பிரயோகம் தொடர்பாகக் கைது செய்யப்பட்டுள்ள அந்த இல்லத்தின் நிர்வாகியான பௌத்த மதகுரு கல்யாணதிஸ்ஸ தேரரை மேலும் 14 நாட்களுக்கு விளக்கமறியலில் வைக்குமாறு வவுனியா மாவட்ட நீதவான் வி.இராமகமலன் உத்தரவிட்டுள்ளார்.

அவரைப் பிணையில் செல்ல அனுமதிக்க வேண்டும் என்று அவரது சார்பில் வாதாடிய சட்டத்தரணிகள் விடுத்த கோரிக்கையை நீதவான் நிராகரித்துள்ளார்.

இந்த வழக்கில் பாதிக்கப்பட்ட சிறுவர்கள் சார்பில் சட்டத்தணிகளான இராஜகுலேந்திரா மற்றும் வி.என்.தம்பு ஆகியோர் ஆஜராகியிருந்தனர்.

இந்த வழக்கு தொடர்பான விசாரணைகளை நடத்தி வருகின்ற சிறுவர் பாதுகாப்பு அதிகார சபையின் அதிகாரியை அடுத்த தவணைக்கு நீதிமன்றத்தில் ஆஜராக வேண்டும் என்றும் இந்த வழக்குகள் தொடர்பிலான அறிக்கையை சமர்ப்பிக்க வேண்டும் நீதிமன்றம் உத்தரவிட்டுள்ளது.

ஆர்யா, விஜய் சேதுபதிக்கு ஜோடியான கார்த்திகா!!

December 17, 2013

எஸ்.பி.ஜனநாதன் இயக்கும் புறம்போக்கு படத்தில் ஆர்யாவும், விஜய் சேதுபதியும் நடிக்கின்றனர். இது முழுக்க முழுக்க ஆக்ஷன் படமாக உருவாக இருக்கிறது. இப்படத்தை யு.டி.வியுடன், எஸ்.பி.ஜனநாதனின் பைனரி பிக்சர்ஸ்ம் இணைந்து தயாரிக்கவுள்ளது.

இதன் முதற் கட்டப் படப்பிடிப்பு வருகிற ஜனவரியில் குலுமணாலியில் துவங்குகிறது. இந்நிலையில் இப்படத்தின் ஹீரோயினாக ராதா மகள் கார்த்திகா ஒப்பந்தமாகியுள்ளார்.

இரண்டு ஹீரோக்கள் படத்தில் இருந்தாலும் ஒரு ஹீரோயின் தானாம். இதனால் சந்தோஷத்தின் உச்சியில் இருக்கிறார், கார்த்திகா.

ஆர்யா, விஜய் சேதுபதி இருவருடனும் ஒரு டூயட் பாடலாவது இருக்கும் என்பதால் அடுத்தடுத்து வாய்ப்புகளைக் கைப்பற்றிவிடலாம் என்று நம்வுகிறாராம் கார்த்திகா.

தற்போது அருண்விஜய்யுடன் டீல் படத்தில் கார்த்திகா நடித்துக் கொண்டிருக்கிறார்.

அதிர்ஷ்ட எண் என்பதால் ஹோட்டல்களில் 9ம் இலக்க அறைகளில் தங்கும் ஹன்சிகா!!

December 17, 2013

நடிகைகளில் ஒவ்வொருவரும் வெவ்வேறு விஷயங்களில் நம்பிக்கை, சென்டிமென்ட் வைத்துள்ளனர். இவர்கள் குறிப்பிட்ட நம்பரை அதிர்ஷ்டமாக கருதுகிறார்கள். இன்னும் சிலருக்கு குறிப்பிட்ட நிறம் அதிர்ஷ்டமாக இருக்கிறது.

நடிகை ஹன்சிகாவுக்கு 9ம் நம்பர் அதிர்ஷ்டமாக இருக்கிறது. வெளியூர் படப்பிடிப்புகளுக்கு சென்று ஹோட்டல்களில் தங்கும்போது 9ம் நம்பர் அறையை கேட்டு வாங்குகிறார். அந்த அறை கிடைக்காவிட்டால் கூட்டு எண் 9 என வரும்படியான அறைகளில் தங்குகிறார்.

9ம் நம்பர் அறை கிடைக்காத ஹோட்டல்களில் தங்க மறுத்து வெளியேறி விடுகிறாராம். இதனால் ஹன்சிகாவுக்கு அறை பிடிப்பதில் படக்குழுவினருக்கு போதும்போதும் என்று ஆகிவிடுகிறதாம். இதுகுறித்து ஹன்சிகாவிடம் கேட்டபோது அவர் கூறியதாவது..

என்னைவிட எனது அம்மாவுக்கு அதிர்ஷ்ட விஷயங்களில் நம்பிக்கை அதிகம். என் அதிர்ஷ் எண் 9 என்று அவர் உறுதியாக நம்புகிறார். நீண்ட நாட்களாகவே 9ம் நம்பர் என்னுடன் வருகிறது. பள்ளியில் படித்தபோது என் ரோல் நம்பர் 9 எனது வீட்டு நம்பரும் ஒன்பதுதான். கார் லைசென்ஸ் நம்பரை கூட்டினாலும் ஒன்பது வரும்.

எனவேதான் ஹோட்டல்களில் தங்கும்போதுதான் அறை எண் ஒன்பது என்றோ அல்லது கூட்டு எண் ஒன்பதாக வரும்படியோ பார்த்துக் கொள்கிறேன். இது எனக்கு அதிஷ்ட எண்ணாக இருக்கிறது என்று ஹன்சிகா கூறினார்.

தன்னை விட சின்னப் பையனை திருட்டுக் கல்யாணம் செய்துக் கொண்டாரா காம்னா?

December 17, 2013

ஜெயம் ரவியுடன் இதயத்திருடன் படத்தில் அறிமுகமாகி, பின்னர் தெலுங்கு கன்னடம் என தன்னுடைய வித்தியாசமான நடிப்பை வெளிப்படுத்திய நடிகை காம்னா ஜெத்மலானி காதலரை திடீரென ரகசிய திருமணம் செய்துகொண்டதாக தகவல்கள் வெளியாகியுள்ளன.

மச்சக்காரன், ராஜாதி ராஜா போன்ற தமிழ்படங்களிலும் காம்னா நடித்துள்ளார். இவரும் பெங்களூரை சேர்ந்த சுராஜ் என்ற தொழிலதிபரும் கடந்த ஐந்து ஆண்டுகளாக காதலித்து வந்தனர். தற்போது இருவரும் ரகசிய திருமணம் செய்துகொண்டதாக திரையுலக பட்சிகள் அளிக்கும் தகவல்கள் உறுதிப்படுத்துகின்றன.

சினிமா நண்பர்கள் யாருக்கும் இந்த திருமணம் குறித்து தகவல்கள் கொடுக்காமல் இருவீட்டார்களின் உறவினர்கள் மட்டும் பேசிமுடித்து திருமணத்தை முடித்துவிட்டதாக கூறப்படுகிறது. இதற்கு பின்னணியில் ஒரு காரணமும் கதைக்கப்படுகிறது.

28 வயதை கடந்துவிட்ட காம்னா தன்னைவிட வயதில் குறைந்தவரை காதல் செய்ததால் முதலில் இருவீட்டிலும் எதிர்ப்பு இருந்தது. ஆனால், காதலர்கள் பிடிவாதமாக இருந்ததால் பின்னர் இருவீட்டினரும் சம்மதித்து காதும் காதும் வைத்தது போல் திருமணம் செய்துவைத்து விட்டதாகவும் கூறப்படுகிறது.

மேலும் காம்னாவை தனது மகனுக்குத்தான் திருமணம் செய்துவைக்க வேண்டும் என்று அவரது உறவினர் ஒருவர் தகராறு செய்து வந்ததால் திருமணத்தை வெகுவிமரிசையாக செய்யாமல் ரகசியமாக முடித்துவிட்டதாக காம்னாவின் நெருங்கிய தோழியாகவும் நடிகையாகவும் இருக்கும் ஒருவர் கூறியுள்ளதாகவும் கிசுகிசுக்கப்படுகிறது.

சென்னையில் புத்தாண்டில் நடனம் ஆட பிரியங்கா சோப்ராவுக்கு 6 கோடி சம்பளம்!!

December 17, 2013

பிரியங்கா சோப்ரா இந்தியில் முன்னணி நடிகையாக உள்ளார். கோடி கோடியாய் சம்பளம் வாங்குகிறார். விளம்பர படங்களில் நடித்தும் சம்பாதிக்கிறார். உலகம் முழுவதும் இவருக்கு ரசிகர்கள் உள்ளனர்.

புத்தாண்டு கொண்டாட்டங்களில் நடிகைகளை நடனம் ஆட வைக்க இந்தியா முழுவதும் உள்ள பெரிய நட்சத்திர ஹோட்டல்களின் நிர்வாகத்தினர் ஏற்பாடு செய்து வருகிறார்கள். இதற்காக பெரும் தொகைகளை அள்ளி கொடுக்கிறார்கள். அன்றைய தினம் படப்பிடிப்புகளை ரத்து செய்து விட்டு புத்தாண்டு நடன நிகழ்ச்சிகளில் பங்கேற்க நடிகைகள் தயாராகி வருகிறார்கள்.

சென்னை நட்சத்திர ஓட்டலில் 31ம் திகதி இரவு நடக்கும் புத்தாண்டு நிகழ்ச்சியொன்றில் நடனம் ஆட பிரியங்கா சோப்ராவை அணுகினர். அவரும் சம்மதித்தார். அதற்கு சம்பளமாக கேட்ட தொகைதான் ஹோட்டல் காரர்களை அதிர்ச்சியடைய வைத்ததாம். வெறும் 7 நிமிடங்கள் மட்டுமே ஆட 6 கோடி கேட்டுள்ளார். அத்துடன் மேடையில் பாடமாட்டேன். ஓரிரு பாடல்களுக்கு நடனம் மட்டுமே ஆடுவேன் என்று நிபந்தனையும் விதித்தாராம்.

பிரியங்கா சோப்ராவை விளம்பரப்படுத்தி டிக்கெட் கட்டணம் மூலம் இந்த தொகையை வசூலித்து விடலாம் என்று முடிவு செய்து அவரை ஒப்பந்தம் செய்ய ஹோட்டல் நிர்வாகம் முடிவு செய்து உள்ளதாம்.