பிரித்தானியாவில் ஓநாய் ஆர்வலர்கள் ஒன்று திரண்டு தங்களது முந்தைய கின்னஸ் சாதனையை முறியடிக்க ஓநாய் போன்று ஊளையிட்ட நிகழ்ச்சி பார்வையாளர்களை வெகுவாக கவர்ந்துள்ளது.பிரித்தானியாவில் உள்ள லெய்டன் புசார்ட் நகரின் பூங்காவில் இந்த விநோத நிகழ்ச்சி நடைபெற்றது.

இதில் அப்பகுதியில் உள்ள ஓநாய் விரும்பிகள் 464 பேர் ஒன்று திரண்டு ஒரே வார இறுதியில் அதிகம் பேர் ஊளையிட்டதற்கான கின்னஸ் சாதனையை நிகழ்த்தியுள்ளனர்.குறிப்பிட்ட நிமிடத்துக்கு இவர்கள் அனைவரும் தொடர்ந்து ஓலமிட்டு அந்த நகரையே மிரட்டியுள்ளனர்.

இந்த சிறப்பு சாதனை நிகழ்த்தும் நிகழ்ச்சியில் பலர் தங்களுக்கு விருப்பமான ஓநாய்களைப் போல அலங்காரத்துடன் வந்திருந்தனர்.இந்த மாத இறுதியில் வித்தியாசமான உடை அலங்காரங்களுடன் சிறுவர்கள் முதல் பெரியவர்கள் வரை கொண்டாடப்படும் ஹாலோவீன் பண்டிகையை வரவேற்கும் விதத்திலும் இந்த சாதனை நிகழ்வு அமைந்துள்ளது.

முன்னதாக கடந்த 2013-ம் ஆண்டு அமெரிக்காவின் மின்னசோட்டா மாகாணத்தின் செயின்ட் க்ளவுட் பல்கலைக்கழகத்தில் 296 மாணவர்கள் ஒன்றாகச் சேர்ந்து ஊளையிட்ட சாதனையை இவர்கள் முறியடித்துள்ளனர் என்பது குறிப்பிடத்தக்கது.

துருக்­கி­யி­லி­ருந்து சட்­ட­வி­ரோ­த­மாக படகுப் பய­ணத்தை மேற்­கொண்ட சிரி­யாவைச் சேர்ந்த நிறை மாதக் கர்ப்­பிணிப் பெண்­ணொ­ருவர், கிரேக்கத் தீவான லெஸ்பொஸ் கடற்­க­ரையில் ஆரோக்­கி­ய­மான குழந்­தை­யொன்றைப் பிர­ச­வித்­துள்ளார்.

அவர் மேற்­படி கடற்­க­ரையை வந்­த­டைந்து சிறிது நேரத்தில் குழந்­தையைப் பிர­ச­வித்­துள்ளார். அவ­ருக்கு குழந்­தையைப் பிர­ச­விக்க மருத்­துவ உத்­தி­யோ­கத்­தர்­களும் பிர­தே­ச­வா­சி­களும் உத­வி­யுள்­ளனர்.

இத­னை­ய­டுத்து அவர் மேல­திக மருத்­துவ கவ­னிப்­புக்­காக மருத்­து­வ­ம­னைக்கு கொண்டு செல்­லப்­பட்டார். குடி­யேற்­ற­வா­சி­களை அடை­யாளம் கண்டு பதி­வு­செய்­வ­தற்­கான முத­லா­வது நிலை­யத்தை எதிர்­வரும் 10 நாட்­க­ளுக் குள் திறப்­ப­தாக கிரேக்கம் உறு­தி­ய­ளித்­தி­ருந்த நிலை­யி­லேயே இந்தச் சம்­பவம் இடம்­பெற்­றுள்­ளது.

அந்­நாடு ஒவ்­வொரு இரு மாதங்­க­ளுக்கு ஒரு தடவையும் 10,000 குடியேற்ற வாசிகளையும் அகதிகளையும் மீளக் குடி யமர்த்த எதிர்பார்த்துள்ளது.

பிரேசிலில் கடற்கரையில் ஆயிரக்கணக்கான மாடுகள் இறந்த நிலையில் கரையொதுஙகி இருப்பதால், துர்நாற்றம் வீசி அப்பகுதி மக்கள் கடுமையாக பாதிக்கப்பட்டுள்ளனர்.

பிரேசிலில், லெபனான் கப்பல் ஒன்று கடந்த வாரம் ஐந்தாயிரம் மாடுகள் மற்றும் 750 டன் எண்ணெய்யுடன் பாரா பகுதிக்கு வந்தது. விபத்தில் சிக்கிய இந்தக் கப்பல், கடலில் மூழ்கியதால், கப்பலில் இருந்த ஆயிரக்கணக்கான மாடுகள் உயிரிழந்து கரை ஒதுங்கின.

தொன்கணக்கில் எண்ணெய் கடலில் கலந்துள்ளதால், கடல் உயிரினங்கள் மட்டுமில்லாமல், அப்பகுதி மீனவர்களும் கடுமையாக பாதிக்கப்பட்டுள்ளனர். இந்தநிலையில் இறந்த மாடுகள் கரைஒதுங்கி துர்நாற்றம் வீசுவதால், அப்பகுதியில் வசிக்கும் மக்கள் கடும் அவதிக்குள்ளகியுள்ளனர். கப்பல் மூழ்கியது பற்றி விசாரணை மேற்கொள்ளப்பட்டு வருகிறது.