இலங்கையர்கள் 599 பேர் கடந்த ஆண்டு வெளிநாடுகளில் உயிரிழந்துள்ளதாக வெளிநாட்டலுவல்கள் அமைச்சர் அறிவித்துள்ளது.

இதில் 103 பேர் விபத்துக்களில் சிக்கி உயிரிழந்துள்ளதாகவும் அறிவிக்கப்பட்டுள்ளது. இதற்கு மேலதிகமாக 12 பேர் கொலை செய்யப்பட்டுள்ளனர்.

31 பேர் தற்கொலை செய்து கொண்டுள்ளதோடு 386 பேர் நோய்கள் காரணமாக உயிரிழந்துள்ளதாக வெளிநாட்டலுவல்கள் அமைச்சின் 2014 ஆம் ஆண்டின் செயற்பாட்டு அறிக்கையில் தெரிவிக்கப்பட்டுள்ளது.

அத்தோடு வெளிநாடுகளில் தொழில் செய்யும் போது உயிரிழந்த இலங்கையர்களின் நெருங்கிய உறவினர்களுக்கு நஷ்ட ஈடு பெற்றுக் கொடுப்பதற்காக வெளிநாட்டலுவல்கள் அமைச்சு தெரிவித்துள்ளது.

வெளிநாடுகளில் தொழில்புரியும் இலங்கையர்களுக்கு நியாயமான சம்பளங்கள், கொடுப்பனவுகள் கிடைக்காமையால் நெருக்கடிகளை சந்தித்துள்ளோருக்கு அவற்றை பெற்றுக் கொடுப்பதற்கான நடவடிக்கைகளை அமைச்சு மேற்கொண்டுள்ளதாகவும் அறிவிக்கப்பட்டுள்ளது.

காத்­தான்­குடி கடற்­க­ரையில் கட­ல­ரிப்பு ஏற்­பட்­டுள்ள கடல் பிர­தே­சங்­களில் நீரா­டு­வதை தவிர்த்து கொள்­ளு­மாறு கரை­யோரம் பேணல் மற்றும் கரை­யோர வள முகா­மைத்­துவ திணைக்­க­ளத்தின் காத்­தான்­குடி பிர­தே­சத்­திற்­கான அதி­காரி ஜே.மெக்கில் தெரிவித்தார்.

காத்­தான்­குடி ஏத்­துக்கால் கடற்­க­ரையில் கடந்த ஒரு­மா­த­மாக இடம் பெற்­று­வந்த கட­ல­ரிப்பு தற்­போது ஓர­ளவு குறைந்­துள்ள நிலையில் இப்­ப­கு­தி­யி­லுள்ள கடலில் நீரா­டு­வதை முற்­றாக தவிர்த்து கொள்­ளு­மாறு அவர் கேட்டுக் கொண்டார்.

குறிப்­பாக உள்­ளூர்­வா­சிகள் மற்றும் சுற்­று­லாத்­துறை­யினர் கட­ல­ரிப்பு ஏற்­பட்­டுள்ள இந்­தப்­பி­ர­தே­சத்­தி­லுள்ள கடலில் நீரா­டு­வதை முற்­றாக தவிர்த்து கொள்­ளு­மாறும் அவர் கேட்டுக் கொண்டார்.

இந்­தப்­பி­ர­தே­சத்தில் ஏற்­பட்ட கட­ல­ரிப்­பினால் இது­வரை சுமார் 30 அடிப்­பி­ர­தேசம் கட­லுக்குள் சென்று விட்­டது. அத்­தோடு இங்கு கரை­யோரம் கட்­டப்­பட்­டி­ருந்த மீனவர் தங்­கு­மி­டக்­கட்­ட­டத்தின் மல சல கூட கட்­டடத்தின் அத்­தி­வாரக் கட்ட­டமும் இடிந்து விழுந்­துள்­ளது.

இந்த கட­ல­ரிப்பை தடுப்­ப­தற்­கான முதல் நட­வ­டிக்­கை­யாக மண் மூடைகள் கட்­டப்­பட்டு கட­ல­ரிப்பு ஏற்­பட்ட இந்த இடங்­களில் போடப்­பட்­டுள்­ள­தா­கவும் அவர் மேலும் குறிப்­பிட்டார்.

இந்த கட­ல­ரிப்பு நிலை­மை­களை அடிக்கடி பார்வையிட்டு எமது திணைக்கள மேலதிகாரிகளுக்கும் காத்தான்குடி பிரதேச செயலாளருக்கும் அடிக்கடி அறிக்கையிட்டு வருவதாகவும் அவர் மேலும் தெரிவித்தார்.

தமிழ் அர­சியல் கைதி­களின் விவ­காரம் தொடர்பில் பிர­தமர் ரணில் விக்­கி­ர­ம­சிங்க தலை­மையில் சட்ட மா அதி­பரை உள்­ள­டக்­கிய உயர்­மட்டக் கூட்டம் எதிர்வரும் 20ஆம் திகதி நடை­பெ­ற­வுள்­ளது.

இந்தக் கூட்­டத்தில் நீதி­ய­மைச்சர் விஜ­ய­தாஸ ராஜபக் ஷ, சட்டமும் ஒழுங்கு சிறைச்சாலைகள் அமைச்சர் திலக் மாரப்­பன, தேசிய கலந்­து­ரை­யாடல்கள் அமைச்சர் மனோ கணேசன், மீள்­கு­டி­யேற்ற அமைச் சர் டி.எம்.சுவா­மி­நாதன் ஆகி­யோரும் பங்­கேற்­க­வுள்­ளனர்.

இதற்­கான தீர்­மானம் நேற்­றைய அமைச்­ச­ரவைக் கூட்­டத்தில் எடுக்­கப்­பட்­டுள்­ளது. ஜனா­தி­பதி மைத்­தி­ரி­பால சிறி­சேன தலை­மையில் நேற்று ஜனா­தி­பதி செய­ல­கத்தில் அமைச்­ச­ரவைக் கூட்டம் இடம்­பெற்­றது.

இதன்­போது தமிழ் அர­சியல் கைதிகள் தமது விடு­த­லையை வலி­யு­றுத்தி சாகும்­வ­ரை­யி­லான உண்­ணா­வி­ரதப் போராட்­டத்தில் ஈடு­பட்­டுள்­ளமை தொடர்பில் தேசிய கலந்­து­ரை­யாடல் அமைச்சர் மனோ கணேசன் அமைச்­ச­ர­வையின் கவ­னத்­திற்கு கொண்­டு­வந்­துள்ளார்.

தமிழ் அர­சியல் கைதி­களில் ஒரு பிரி­வினர் விசா­ரணைக் கைதி­க­ளா­கவும் பிறி­தொரு பிரி­வினர் தண்­டனைக் கைதி­க­ளா­கவும் தமது வாழ்­நாளில் கணி­ச­மான பகு­தியை சிறை­களில் கழித்து வரு­கின்­றனர். இவர்கள் இன்று உண்­ணா­வி­ரதப் போராட்­டத்தில் ஈடு­பட்­டுள்­ளனர். சிலர் உடல்­நிலை பாதிக்­கப்­பட்டு வைத்­தி­ய­சா­லை­க­ளிலும் அனு­ம­திக்­கப்­பட்­டுள்­ளனர்.

கடந்த ஆட்­சியில் நில­விய நிலைமை இந்த நல்­லாட்­சி­யிலும் நில­வு­வதை அனு­ம­திக்கக் கூடாது என்று அமைச்சர் மனோ கணேசன் அமைச்­ச­ர­வையில் சுட்­டிக்­காட்­டி­யுள்ளார்.
இதன்­போது கருத்துத் தெரி­வித்த ஜனா­தி­பதி மைத்­தி­ரி­பால சிறி­சேன பிர­தமர், நீதி­ய­மைச்சர், சிறைச்­சா­லைகள் அமைச்சர் ஆகியோர் இவ்­வி­டயம் தொடர்பில் சட்ட மா அதி­ப­ருடன் ஆலோ­சித்து அறிக்கை சமர்ப்­பிக்க வேண்டும் என்று தெரி­வித்தார்.

கைதிகள் விவ­காரம் தொடர்பில் எனது தலை­மையில் நீதி­ய­மைச்சர் விஜ­ய­தாஸ ராஜபக் ஷ, சிறைச்­சா­லைகள் அமைச்சர் திலக் மாரப்­பன, தேசிய கலந்­து­ரை­யா­டல்கள் அமைச்சர் மனோ கணேசன், மீள்­கு­டி­யேற்ற அமைச்சர் சுவா­மி­நாதன் ஆகி­யோரை உள்­ள­டக்­கிய குழு சட்ட மா அதி­பரை அழைத்து கலந்­து­ரை­யாடி இப்­பி­ரச்­சி­னையை மேலும் நீடிக்க விடாது முடி­வுக்குக் கொண்­டு­வர வேண்டும் என்­பதே எனது நிலைப்­பா­டாகும் என்று இங்கு பிர­தமர் ரணில் விக்­கி­ர­ம­சிங்க கருத்துத் தெரி­வித்­துள்ளார்.

அத்­துடன் நாளை (இன்று) சிங்­கப்பூர் பய­ணத்தை மேற்­கொள்­வ­தனால் அங்கு சென்று திரும்­பிய பின்னர் 20ஆம் திகதி இது தொடர்பான முதற்கூட்டத்தினை நடத்துவோம் என்றும் பிரதமர் சுட்டிக்காட்டியுள்ளார்.

அமைச்சரவையின் இந்த முடிவு குறித்து உண்ணாவிரதத்தில் ஈடுபடும் தமிழ் அரசியல் கைதிகளுக்கு அமைச்சர் மனோ கணேசன் அறிவிப்பதற்கு ஏற்பாடாகியிருந்தது.

தம்மை விடுவிக்கக் கோரி, வெலிகடை மகசின் சிறைச்சாலையில் உண்ணாவிரதப் போராட்டத்தை மேற்கொண்டு வந்த தமிழ் அரசியல் கைதிகளில் ஆறு பேர் தற்போது கொழும்பு தேசிய வைத்தியசாலையில் அனுமதிக்கப்பட்டுள்ளனர்.

இலங்கைச் சிறைகளில் உள்ள தமிழ் அரசியல் கைதிகள் மேற்கொண்டுள்ள உண்ணாவிரதம் இன்று மூன்றாவது நாளாக தொடர்கின்றது. தமது விடுதலை குறித்த கோரிக்கையை முன்வைத்தே இவர்கள் இந்த நடவடிக்கையை ஆரம்பித்துள்ளனர்.

இதன்படி கொழும்பு மெகசின் சிறைச்சாலை, அனுராதபுரம், மட்டக்களப்பு, யாழ்ப்பாணம் மற்றும் களுத்துறை ஆகிய சிறைகளில் வாடும் அரசியல் கைதிகளே இவ்வாறு போராடி வருகின்றனர்.

இதேவேளை, நல்லாட்சியின் எடுத்துக்காட்டாக தமிழ் அரசியல் கைதிகள் விடுதலை செய்யப்பட வேண்டும். அதற்கான நடவடிக்கைகளை தொடர்ந்தும் தமிழ் தேசிய கூட்டமைப்பு முன்னெடுக்கும் என மட்டக்களப்பு மாவட்ட தமிழ் தேசிய கூட்டமைப்பின் பாராளுமன்ற உறுப்பினர் ஞா.சிறிநேசன் தெரிவித்தார்.

மட்டக்களப்பு சிறைச்சாலையில் உண்ணாவிரத போராட்டத்தினை மேற்கொண்டு வரும் தமிழ் அரசியல் கைதிகளை பாராளுமன்ற உறுப்பினர் இன்று காலை சென்று பார்வையிட்டார். இதன் பின்னர் ஊடகவியலாளர்கள் மத்தியில் கருத்து தெரிவித்த அவர்,

“நீண்டகாலமாக சிறையில் அடைக்கப்பட்டுள்ள தமிழ் அரசியல் கைதிகள் விடுதலையாகி தமது குடும்பத்தினருடன் சுதந்திரமாக வாழவேண்டும் என்று கருதுகின்றனர்.

சிறையில் உள்ள தமிழ் அரசியல் கைதிகளில் ஏழு குடும்பஸ்தர்கள் உள்ளனர். அவர்கள் தமது பிள்ளைகளின் கல்வி தொடர்பில் பெரும் அவலுடன் உள்ளனர். அத்துடன் பிள்ளைகளுக்கு சரியான கல்வியை வழிகாட்டியவர்கள் கூட அங்கு உள்ளனர்.

இவ்வாறு உள்ள தமிழ் அரசியல் கைதிகள் பொதுமன்னிப்பு அடிப்படையில் விடுதலை செய்யப்பட வேண்டும். அவர்களை விடுவிப்பதற்கான நடவடிக்கைகளை அரசியல்வாதிகள் மேற்கொள்ள வேண்டும். தங்களை யாரும் கவனிப்பதில்லையென்ற ஆதங்கமும் அவர்களிடம் உள்ளது.

தற்போது ஒரு நல்லாட்சி நடைபெற்றுக் கொண்டிருக்கும் போது, நல்லாட்சியின் கீழ் ஜனாதிபதி பல்வேறு செயற்றிட்டங்கள் மேற்கொண்டு வரும் வேளையில் அதன் அடையாளமாக போரினால் பாதிக்கப்பட்டவர்களுக்கும் சிறை பிடிக்கப்பட்டுள்ள கைதிகளுக்கும் சிறந்த ஒரு முடிவினை எடுக்கவேண்டும் என தமிழ் தேசிய கூட்டமைப்பு வலியுறுத்தி வருகின்ற செய்தியை சிறைக் கைதிகளிடம் தெரிவித்தேன்.

பொது மன்னிப்பு அடிப்படையிலோ வேறு வழிகளிலோ சிறை கைதிகளை விடுவிப்பதற்கான நடவடிக்கையினை தமிழ் தேசிய கூட்டமைப்பு மேற்கொண்டுவருகின்றது.

அற்ப சொற்ப விடயங்களுக்காக கைதுசெய்யப்பட்டு நாங்கள் அடைக்கப்பட்டுள்ளோம். விரைவில் விடுதலை பெற்று ஒரு ஜனநாயக சூழலில் வாழ்க்கையை நடாத்தவேண்டும் என்பதில் பெரும் அக்கரையாகவுள்ளனர், என்றார்.