மாலபே பிரதேசத்தில் நடாத்திச் சென்ற விபச்சார விடுதிக்கு குறித்தப் பிரதேச மக்கள் கல்லெறி தாக்குதல் நடத்தியுள்ளதாக தலங்கம பொலிஸார் தெரிவித்துள்ளனர்.மேலும் மாலபே ரொபட் குணவர்த்தண மாவத்தையில் குறித்த விபச்சார விடுதியை நடாத்திச் செல்பவர் அரசியல்வாதி ஒருவரின் செயலாளர் என்றும் தெரிவிக்கப்பட்டுள்ளது.

அத்துடன் கொள்ளுப்பிட்டியிலிருந்து குறித்த விபச்சாரிகள் அழைத்து வரப்படுவதாகவும், இவர்கள் வெளிநாட்டுப் பெண்கள் என்றும் பொலிஸார் குறிப்பிட்டுள்ளனர்.இதேவேளை இலங்கைக்கு வரும் வெளிநாட்டவர்களும், இலங்கையில் உள்ள செல்வந்தர்களுமே குறித்த விபச்சார விடுதியை தேடி வருவதாகவும் குறிப்பிடப்பட்டுள்ளது. அத்துடன் தங்கும் விடுதியாகவே குறித்த விபச்சார விடுதி நடாத்தி வந்துள்ளதாகவும், இதற்கு அண்மையில் இரண்டு பிரதான பாடசாலைகள் அமைந்துள்ளதாகவும் பொலிஸார் தெரிவித்துள்ளனர்.

போர் நடைபெற்ற சமயத்தில் நடந்த மனித உரிமை மீறல்கள் சம்பந்தமாக தேடி அறிவதற்காக உண்மையை கண்டறிதல் மற்றும் நல்லிணக்க ஆணைக்குழுவை விரைவில் ஆரம்பிக்க உள்ளதாக பிரதமர் ரணில் விக்ரமசிங்க தெரிவித்துள்ளார்.இராணுவ சிரேஷ்ட அதிகாரிகளை சிலரை நேற்று அலரி மாளிகைக்கு அழைத்து பிரதமர் இது குறித்து விளக்கியுள்ளார்.

பாதுகாப்புச் செயலாளர் கருணாசேன ஹெட்டியாராச்சியும் இதில் கலந்து கொண்டார்.உண்மையை கண்டறிதல் மற்றும் நல்லிணக்க ஆணைக்குழுவினால் தீர்க்க முடியாத வழக்குகள் உயர் நீதிமன்றத்திற்கு கொண்டு செல்லப்படும்.வெளிநாட்டு சட்டத்தரணிகளின் ஆலோசனைகளை பெற்றுக்கொண்ட போதிலும் அவர்கள் வழக்கு விசாரணைகளில் பங்கேற்க மாட்டார்கள் எனவும் பிரதமர் இதன் போது தெளிவுப்படுத்தியுள்ளார்.வடக்கு, கிழக்கு ஆகிய மாகாணங்களில் முன்னெடுக்கப்படும் அபிவிருத்தி சம்பந்தமாகவும் விரிவாக தெளிவுப்படுத்தியுள்ள பிரதமர், போர் நடைபெற்ற காலத்தில் கைப்பற்றிய தனியார் காணிகளை உரிமையாளர்களிடம் கையளிக்கும் அவசியம் குறித்தும் சுட்டிக்காட்டியுள்ளார்.

போரின் போது நடந்த மனித உரிமை மீறல்கள் சம்பந்தமான நடத்தப்படும் விசாரணைகளை துரிதமாக நடத்துமாறு எந்த சர்வதேச அமைப்பும் இலங்கைக்கு அழுத்தங்களை கொடுக்கவில்லை.எனினும் தற்போதைய நிலைமையின் கீழ் மனித உரிமைகளை பாதுகாக்கும் விதம் தொடர்பில் செயற்பட வேண்டிய அத்தியவசியம் இருக்கின்றது.உண்மையை கண்டறியதல் மற்றும் நல்லிணக்க ஆணைக்குழுவை எதிர்வரும் ஜூன் மாதம் ஆரம்பிக்க முடியும் எனவும் பிரதமர் ரணில் விக்ரமசிங்க மேலும் தெரிவித்துள்ளார்.

மொரட்டுவை நகரில் உடம்பு முழுதும் தீயால் எரிந்த நிலையில் உள்ள இளைஞன் ஒருவனை காணக்கூடியதாக உள்ளது.காதல் விவகாரத்தில் தனக்குத்தானே தீவைத்துக் கொண்டுள்ளதாக அவர் தெரிவித்தார்.

உடல் முழுதும் தீயால் வெந்த நிலையில் இருக்கும் இவரை சந்திக்கும் நபர்களிடம் காதலி விட்டுச் சென்ற சோகத்தில், நெருப்பு வைத்துக் கொண்டதாக தெரிவித்து வருகின்றார்.

மத்திய, சப்ரகமுவ, மேல் மற்றும் தென் மாகாணங்களில் இன்று வெள்ளிக் கிழமை அடிக்கடி மழை பெய்யக்கூடும் என வளிமண்டலத் திணைக்களம் தெரிவித்துள்ளது.

கிழக்கு மற்றும் ஊவா மாகாணங்களில் பிற்பகல் வேளைகளில் இடியுடன் கூடிய மழை பெய்யக்கூடும் எனவும், மத்திய மலைப் பிரதேசத்திலும், நாட்டின் கடற்கரைப்பிரதேசங்களிலும் அதிக காற்று வீசக்கூடும் எனவும் வளிமண்டலத்திணைக்களம் கூறியுள்ளது.

கிழக்கு கடற்கரைப் பிராந்தியங்களில் சில இடங்களில் மழை அல்லது இடியுடன்கூடிய மழை பெய்யக்கூடும் எனவும் அவர் கூறினார்.

காற்று மணித்தியாலத்திற்கு 40 முதல் 50 மீட்டர் வேகத்தில் தென்மேற்கு திசையில் இருந்து வீசும் எனவும் வளிமண்டலத் திணைக்களம் தெரிவித்துள்ளது.

தனது தாயாரை கத்தியால் குத்திய மகனை கண்டிப் பொலிஸார் கைது செய்துள்ளனர். 63 வயதுள்ள தாயையே 43 வயதுடைய மகன் கத்தியால் குத்தியதாக கைதானதாக கண்டி பொலிசார் தெரவித்தனர்.

இச்சம்பவம் நேற்றுக் காலை 5.30 மணியளவில் இடம் பெற்றதாகவும் இது ஒரு குடும்பப் பிரச்சினை காரணமாக இடம் பெற்றிருக்கலாம் எனவும் பொலிஸார் சந்தேகிக்கின்றனர்.

இதனை அடுத்து சந்தேநபரை அவரின் இரு சகோதரர்கள் தாக்கியதாகவும் தெரியவந்துள்ளது.

குறிப்பிட்ட பெண்ணின் இடுப்புப் பகுதியில் காயமேட்பட்டுள்ளதுடன் அவர் தற்போது கண்டி வைத்தியசாலையில் சேர்க்கப்பட்டுள்ளார்.

இச் சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.

பாடசாலையில் கறாத்தே கற்பதற்கு பெற்றோர் அனுமதிக்காமையால் மாணவன் ஒருவன் தற்கொலை செய்ய முயன்று வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளார்.

தரம் 6 கல்வி கற்கும் யாழ்ப்பாணம், அளவெட்டி தெற்கை சேர்ந்த யதீஸ் தேனினியன் எனும் மாணவனே இவ்வாறு தற்கொலை செய்து உயிரிழந்தவராவர்.

குறித்த மாணவனை பாடசாலையில் கறாத்தே பயிலுவதற்காக பெற்றோரிடம் கடிதம் வாங்கி வருமாறு பாடசாலையின் அதிபர் கூறியுள்ளார்.

இதனையடுத்து தந்தை தற்போது கறாட்டி பயில்வதில் ஈடுபட்டால் கல்வியில் பாதிப்பு ஏற்பட்டு விடும் என தெரிவித்து கடிதம் வழங்க மறுத்துள்ளார்.

இதனால் கவலையுடன் பாடசாலை சென்ற குறித்த மாணவனுக்கு தாய் 20 ரூபாய் பணம் கொடுத்து அனுப்பியுள்ளார். எனினும் அப் பணத்தை அம் மாணவன் வீதியில் வீசி விட்டு செல்லவே அதனை அவதானித்த அவனது சகோதரன் இச் சம்பவத்தை தாயிடம் கூறியுள்ளார்.

இதனால் தாய் அம் மாணவனிடம் காசை வீசியமை தொடர்பாக தந்தைக்கு கூறப் போவதாக எச்சரித்துள்ளார்.

இந்நிலையில் சம்பவ தினமான கடந்த 17 ஆம் திகதி மாலை வீட்டின் பின்புறமாக உள்ள தற்காலிக கொட்டகைக்குள் சென்று அங்கு வாழைக்குலை தொங்க விடுவதற்காக வைக்கப்பட்டிருந்த கயிற்றில் தூக்கிட்டு தற்கொலை செய்ய முயன்றுள்ளார்.

இதன் போது அங்கு தனது துவிச்சக்கர வண்டியை நிறுத்த வந்த அவரது சகோதரன் தூக்கில் தொங்கிய தம்பியை காப்பாற்றி அவனை தாயுடன் இணைந்து தெல்லிப்பழை ஆதார வைத்தியசாலையில் அனுமதித்திருந்தனர்.

இதன் பின்னர் மேலதிக சிகிச்சைக்காக அன்று இரவு எட்டு மணியளவில் யாழ் போதனா வைத்தியசாலைக்கு மாற்றப்பட்டிருந்தார். எனினும் நேற்று காலை 4 மணியளவில் குறித்த மாணவன் சிகிச்சை பலனின்றி உயிரிழந்துள்ளார்.

இறக்குமதி செய்யப்படும் வாகனங்களின் வரி அதிகரிக்கப்பட்டதால் வாகனங்களின் விலை நேற்று நள்ளிரவு முதல் மேலும் அதிகரிக்கப்பட்டுள்ளன. வாகன இறக்குமதியாளர்கள் சங்கம் இதனைக் கூறியுள்ளது.

அதன்படி 1000 cc இற்கு மேற்பட்ட வாகனங்கள் மற்றும் முச்சக்கர வண்டிகளின் விலைகளே இவ்வாறு அதிகரிக்கப்பட்டுள்ளன.

நாட்டில் ஏற்பட்ட சீரற்ற காலநிலை காரணமாக இந்தமுறை (2016ம் ஆண்டுக்கான) கல்விப் பொதுத்தராதர சாதாரண தரப் பரீட்சை விண்ணப்பங்களை அனுப்புவதற்கான காலஎல்லை நீடிக்கப்பட்டுள்ளது.

நாட்டின் பல்வேறு பகுதிகளில் ஏற்பட்ட அனர்த்தங்கள் காரணமாகவே இந்த தீர்மானம் எடுக்கப்பட்டுள்ளதாக, பரீட்சைகள் ஆணையாளர் டப்ளியூ.எம்.என்.ஜே.புஸ்பகுமார வெளியிட்டுள்ள அறிக்கையில் தெரிவிக்கப்பட்டுள்ளது.

இதன்படி, விண்ணப்பிக்கும் கால எல்லை எதிர்வரும் ஜூன் மாதம் 10ம் திகதி வரை நீடிக்கப்பட்டுள்ளதாக அறிக்கையில் குறிப்பிடப்பட்டுள்ளது.

வெளிநாட்டுப் பிரஜைகள் இரண்டு பேர் அரச வங்கியொன்றில் ஐந்து லட்சம் ரூபாவை சுருட்டிக் கொண்டு நாட்டை விட்டுத்தப்பியோடி உள்ளதாக அறியக்கிடைத்துள்ளது.

கொழும்பு-07 டொரிங்க்டனில் உள்ள அரச வங்கியொன்றின் கிளைக்கு நேற்று வருகை தந்த வெளிநாட்டவர் இரண்டு பேர் அங்கிருந்த காசாளரை தந்திரமாக ஏமாற்றி ஐந்து லட்சம் ரூபாவை சுருட்டிக் கொண்டு லாவமாக நழுவியுள்ளனர்.

நேற்று மாலை குறித்த காசாளர் வங்கி அலுவல்களை முடித்து நாளாந்த கணக்கு வழக்கை ஒப்படைக்க முற்பட்டபோதுதான் தான் லாவகமாக ஏமாற்றப்பட்டு ஐந்து லட்சம் ரூபா பணத்தை பறிகொடுத்திருப்பதை உணர்ந்துள்ளார்.

இதனையடுத்து பொலிசாரின் அவசர உதவி நாடப்பட்டு, விமான நிலையத்தில் வைத்து குறித்த வெளிநாட்டுப் பிரஜைகளை மடக்கும் நோக்கில் பொலிசார் விரைந்துள்ளனர்.

எனினும் அவர்கள் இருவரும் அதற்கு முன்னரே விமான நிலையத்தின் ஊடாக நாட்டை விட்டும் வெளியேறியிருப்பதாக அறியக் கிடைத்துள்ளது.