சந்தேக நபர் சாந்திகர்ம என்ற தோஷம் கழிக்கும் பூசாரியாக வேடம் பூண்டு இரு சிறுமிகள் மீது பாலியல் பலாத்காரம் புரிந்த ஒருவரை ஹசலக்க பொலிசார் கைது செய்துள்ளனர்.

இச் சம்பவம் இன்று இடம்பெற்றுள்ளது. அதில் 16 மற்றும் 13 வயதுடைய சிறுமிகள் பாதிக்கப்பட்டுள்ளனர்.

சந்தேக நபர் வெவ்வேறு பெயர்களில் பல்வேறு பிரதேசங்களிலும் நடமாடியுள்ளதாகத் தெரிய வருகின்றது.

40 வயதுடைய மேற்படி சந்தேக நபர் சாந்திகர்ம என்ற தோஷம் கழிக்கும் பூசாரியாக வேடம் பூண்டு வந்துள்ளார் எனவும் தெரியவந்துள்ளது.

குறிப்பிட்டசந்தேக நபரைக் கைது செய்த ஹசலக்க பொலிசார் நீதிமன்றில் ஆஜர்படுத்த நடவடிக்கைகளை மேற்கொண்டு வருகின்றனர்.

பல வருடங்களாக உறவுகளால் கைவிடப்பட்ட நிலையில் மயானத்தில் வாழ்ந்து வந்த முதியவர் ஒருரை ஹட்டன் பொலிஸார் மீட்டுள்ளனர்.

நீதிமன்ற உத்தரவுக்கமைய முதியோர் இல்லத்தில் அவரை ஒப்படைக்க பொலிஸார் நடவடிக்கை எடுத்துள்ளனர்.

குறிப்பிட்ட நபர் மஸ்கெலியா தோட்ட மயானத்தில் கடந்த 4 வருடங்களாக தங்கி இருந்தாக அயலவர்கள் தெரிவிக்கின்றனர். 70 வயது மதிக்கத்தக்க இவர் அவ்வழியாக செல்லும் மக்கள் வழங்கும் உணவுகளை உட்கொண்டு வாழ்ந்து வந்துள்ளார்.

தொடரும் சீரற்ற காலநிலையில் மயானத்தில் பாதிக்கப்பட்ட நிலையில் இவர் இருந்துள்ளார். இந்நிலையிலே மேற்படி முதியவரை பொலிஸார் மீட்டு நீதிமன்றத்தில் ஆஜர் படுத்தியுள்ளனர்.

குறித்த நபரின் நிலையை கவனத்திற்கொண்ட நீதவான் அவரை நோட்டன் சந்திரா முதியோர் இல்லத்தில் ஒப்படைக்குமாறு உத்தவிட்டார்.

இந்நிலையில் மனநலம் பாதிக்கப்பட்ட இவர், வலுவிழந்தவர் என்றும் அப்பகுதி மக்கள் தெரிவிக்கின்றனர்.

பெற்றோரின் அறிவுரைகளை பொறுக்க முடியாமல் 14 வயது சிறுமியொருவர் தூக்கிட்டு தற்கொலை செய்து கொண்ட சம்பவம் கல்கமுப மஹானான்னெரிய பகுதியில் இடம்பெற்றுள்ளது.

குறித்த இச்சம்பவத்தில் மஹானான்னெரிய பாடசாலையொன்றில் தரம் 9 இல் கல்வி பயிலும் சுலோசனா ரத்னாயக்க என்னும் 14 வயது சிறுமியே உயிரிழந்துள்ளார்.

குறித்த சிறுமி தனது தோழியின் காதலுக்கு உதவி செய்தமை பெற்றோருக்கு தெரிய வந்ததைத்தொடர்ந்து, அவர்கள் கண்டித்தமையினால் தூக்கிட்டு தற்கொலை செய்து கொண்டமை குறிப்பிடத்தக்கது.

ஜெய­ல­லி­தாவின் வெற்றி இலங்­கைக்கு ஆபத்­தா­னது என எச்­ச­ரிக்கை விடுக்கும் தேசப்­பற்­றுள்ள தேசிய இயக்கம் வடக்கு தமி­ழர்­க­ளுக்கு சுயநிர்­ணய உரி­மையைப் பெற்­றுக்­கொ­டுத்து தனித் தமிழீழத்தை பெற்றுக் கொடுக்கும் “இந்­தி­யாவின்” தலை­யீடு இலங்­கைக்குள் அதி­க­ரிக்கும் என்றும் அவ்­வி­யக்கம் தெரி­வித்­தது.

இது தொடர்­பாக தேசப்­பற்­றுள்ள தேசிய இயக்­கத்தின் பொதுச்­செ­ய­லாளர் டாக்டர் வசந்தபண்­டார மேலும் தெரி­விக்­கையில், தமிழ்நாட்டில் அதிகப் பெரும்­பான்­மை­யுடன் வெற்றிபெற்று ஜெயலலிதா மீண்டும் தமிழ்­நாட்டின் முத­ல­மைச்­ச­ரா­கி­யுள்ளார்.

தமிழ்நாட்டில் ஏனைய கட்­சிகள் பல­மி­ழந்து ஜெய­ல­லி­தாவின் பலம் ஓங்­கி­யுள்­ளது. இது இலங்கைக்கு ஆபத்­தா­ன­தா­கவே அமையும். ஏனென்றால் ஜெய­ல­லி­தாவின் தேர்தல் அறிக்கை வெற்றி பெற்றால் இலங்­கையின் வட­ப­குதி தமி­ழர்­க­ளுக்கு சுய­நிர்­ணய உரி­மையை பெற்றுக்கொடுப்பேன்.

கச்­ச­தீவை மீட்பேன் என்­றெல்லாம் உறு­தி­மொழி வழங்­கினார். இந்த உறு­தி­மொ­ழி­களை நிறைவேற்ற முத­ல­மைச்­ச­ராக பத­வி­யேற்ற பின்னர் ஜெய­ல­லிதா அனைத்து முயற்­சி­க­ளையும் எடுப்பார்.

இதன்­போது இந்­தி­யப்­ பி­ர­தமர் மோடி இதனை எதிர்க்கமாட்டார். தனித்து அதி­கப்­பெ­ரும்­பான்மை பெற்ற தமிழ்நாட்டு முத­ல­மைச்­சரை பகைத்துக் கொள்­வதை மோடி விரும்­ப­மாட்டார்.

எனவே இந்­தி­யாவின் மத்­திய அரசின் ஆத­ர­வுடன் ஜெய­ல­லிதா இலங்­கையில் வட­ப­குதி தமிழர்களுக்கு சுய­நிர்­ணய உரி­மையை பெற்­றுக்­கொ­டுக்கும் திட்­டங்­களை முன்­ன­கர்த்­துவார்.

சுய­நிர்­ணய உரிமை கிடைத்த பின்பு தனித்­த­மி­ழீழம் என்­பது தானா­கவே உரு­வெ­டுக்கும். அதனை தடுக்க முடி­யாது. அதே­போன்று சட்டரீதி­யாக இலங்­கைக்கு சொந்­த­மான கச்­ச­தீவும் பறி­போகும் ஆபத்தும் உள்­ளது. கடந்த காலங்களை விட இலங்கையில் இந்தியாவின் தலையீடுகள் அதிகரிக்கும். எனவே ஜெயலலிதா முதலமைச்சரானது இலங்கைக்கு ஆபத்தானதாகவே அமையும் என்றும் டாக்டர் வசந்த பண்டார தெரிவித் தார்.

காலி பத்தேகம, இந்துருபத்வல பிரதேசத்தில் மின்னல் தாக்கியதில் 6 வீடுகள் சேதமடைந்துள்ளதாக தெரிவிக்கப்படுகின்றது.

மின்னல் தாக்கம் காரணமாக குறித்த வீடுகளில் இருந்த மின் உபகரணங்கள், மின் கட்டமைப்பு என்பன முற்றாக சேதமடைந்துள்ளதாக மேலும் குறிப்பிடப்பட்டுள்ளது.

இதில் பாதிக்கப்பட்ட ஒரு வீட்டில் இருந்த சிறுமி காயமடைந்துள்ளதாகவும், பத்தேகம வைத்தியசாலையில் குறித்த சிறுமி தற்போது அனுமதிக்கப்பட்டுள்ளார் எனவும் தகவல்கள் தெரிவிக்கின்றன.

உடுப்பிட்டி கிழக்குப் பகுதியில் வீட்டில் கணவருடன் தனியாக வாழ்ந்து வந்த வயோதிபப் பெண் இனம் தெரியாத நபரினால் கழுத்து வெட்டிக் கொலை செய்யப்பட்டள்ளார். இச் சம்பவம் நேற்றிரவு இரவு இடம்பெற்றுள்ளது.

உடுப்பிட்டி கிழக்குப் பகுதியைச் சேர்ந்த 64 வயதுடைய சுப்பிரமணியம்.அசுபதி என்ற வயோதிபப் பெண்ணே இனம் தெரியாத நபரினால் கழுத்து வெட்டிக் கொலைசெய்யப்பட்டுள்ளார்.

நேற்றிரவு உணவை உண்ட பின் கைகழுவச் சென்ற வேளை பின்னால் வந்த இனந்தெரியாத நபரினால் இவரின் கழுத்து அறுக்கப்பட்டுள்ளதாக பொலிஸார் தெரிவித்துள்ளனர்.

மேலும் உயிரிழந்தவர்களின் பிள்ளைகள், வெளிநாட்டில் வசித்து வருகின்றனர் என்பது குறிப்பிடத்தக்கது.

இந்தச் சம்பவம் குறித்து வல்வெட்டித்துறைப் பொலிஸார் மேலதிக விசாரணைகளைப் மேற்கொண்டு வருகின்றனர்.

வீடு, சொத்து, சுகம், பிறப்­புச்­சான்­றிதழ் என அனைத்­தையும் இழந்து நடு வீதியில் அக­தி­க­ளாக நிற்­கிறோம். நாங்கள் கனவில் கூட நினைக்கவில்லை இப்­படி ஒரு துய­ரத்தை அனு­ப­விப்போம் என்று. கடந்த ஆறு நாட்­க­ளாக ஒரே உடுப்­போட இருக்­கிறோம். சில பொருட்­களை வெளிப்­ப­டை­யாக வாய் திறந்து கேட்க முடி­யாத துர்ப்­பாக்­கிய நிலைக்கு தள்­ளப்­பட்­டுள்ளோம்.

கூலித்தொழில் செய்து கஷ்­டப்­பட்டு குருவி போன்று கொஞ்சம் கொஞ்­ச­மாக சேர்த்து வைத்த அனைத்தும் இன்று இல்­லாமல் போய்­விட்­டது என வெள்ளத்தால் பாதிக்­கப்­பட்டு வீதி­க­ளிலும் விகா­ரை­க­ளிலும் முகாம்­க­ளிலும் தங்­கி­யி­ருக்கும் மக்கள் கண்ணீர் மல்க தெரி­வித்­தனர். நாட்டில் கடந்த சில நாட்­க­ளாக ஏற்­பட்ட சீரற்­ற­கால நிலை கார­ண­மாக இது­வரை 84 பேர் உயி­ரி­ழந்­துள்­ள­துடன் 3 இலட்­சத்து 40 ஆயி­ரத்து 150 பேர் பாதிக்­கப்­பட்­டுள்­ளனர்.

இதில் குறிப்­பாக கொழும்பில் மாத்­திரம் ஒரு இலட்­சத்து 47 ஆயி­ரத்து 666 பேர் பாதிக்­கப்­பட்­டுள்­ள­துடன் 5 பேர் பலி­யா­கி­யுள்­ளனர். பாதிக்­கப்­பட்ட மக்கள் கொழும்பின் பிர­தான வீதி­களின் இரு­ம­ருங்­கிலும் விகா­ரை­க­ளிலும் பாட­சா­லை­க­ளிலும் என 84 இடங்­களில் தங்­க­வைக்­கப்­பட்­டுள்­ளனர். கொழும்பில் நிலவி வந்த சீரற்ற கால­நிலை கடந்த மூன்று நாட்­களில் வழ­மைக்கு திரும்­பி­யுள்ள போதும் மக்­களின் வடுக்கள் இன்­னமும் மாற­வில்லை. வீடுகள் இன்­னமும் 6 அடி நீர்­மட்­டத்­துக்குள் மூழ்­கி­யுள்­ளன.

வீடு, சொத்து, சுகம் என அனைத்­தையும் இழந்த இம் மக்கள் இன்று நடு வீதிக்கு தள்­ளி­வி­டப்­பட்­டுள்­ள­னர். இந்த இயற்கை அனர்த்­தத்தில் பாதிக்­கப்­பட்ட மக்­களின் குறை­களை கேட்­ட­றி­வ­தற்­காக நாம், கொலன்­னாவ மீதொட்­டு­முல்ல, சேதவத்த, வெல்­லம்­பிட்­டி, லன்­சி­வத்த, பெரண்­டியா வத்த, நவகம்­புர மற்றும் களனி உள்­ளிட்ட கொழும்பின் பல பகு­தி­க­ளுக்கு விஜயம் செய்­தி­ருந்தோம்.

களனி கங்­கையின் நீர்­மட்டம் படிப்­ப­டி­யாக குறை­வ­டைந்­துள்­ளது. கடந்த இரு நாட்­க­ளாக கொழும்பில் கடு­மை­யான வெயில் காணப்­ப­டு­கின்­றது. எனினும் வெள்ளநீரால் பாதிக்­கப்­பட்ட பகு­தி­களில் இன்­னமும் 6 அடிக்­குமேல் தண்ணீர் நிற்­ப­தோடு குறித்தப் பகு­தி­களில் கழிவு நீர் கலந்து கரு­நி­றத்­துடன் காணப்­ப­டு­வ­தோடு கடு­மை­யான துர்­நாற்­றமும் வீசு­கின்­றது.

பாதிக்­கப்­பட்ட மக்கள் கருத்து தெரி­விக்­கையில்,

என்­னு­டைய பெயர் நியாஸ். மீதொட்­டு­முல்ல பகு­தியில் சுமார் பல்­லா­யிரக்கணக்­கான மக்கள் இருக்­கின்றோம். கடந்த சில நாட்­களாக பெய்த மழை எங்­க­ளுக்கு பெரிய பாதிப்பை ஏற்­ப­டுத்­தி­விட்­டது. இது­வ­ரையில் அர­சாங்­கத்­துல இருந்து வந்து எங்­க­ளுக்கு எந்­த­வொரு உத­வியும் செய்­யல. உணவு கிடைப்­ப­துல எந்த பிரச்­சி­னையும் இல்ல. எங்­கட பெண்கள் எல்லாம் இன்று வீதிக்கு தள்­ளப்­பட்டு இருக்­காங்க. எங்­கட பெண்கள் ரொம்ப கஷ்­டத்தை எதிர்­கொள்­ளு­றாங்க. நாங்க எப்­ப­டியும் இருந்­துட்டு போயி­ருவோம். ஆனால் இந்த பெண்கள் படும் துயரத்தை வார்த்­தை­யால சொல்ல முடி­யாது.

எங்­கட வீடு மட்டும் இல்ல பிறப்புச் சான்­றிதழ் விவாகப் பத்­திரம் பொருட்கள் என அனைத்தும் இல்­லாமல் போய்­விட்­டன. தண்­ணீ­ரால சேத­மான எங்­கட வீடுகள் மீள திருத்தி அமைக்க அர­சாங்கம் உதவி செய்ய வேண்டும். நாங்க எதிர்­பார்க்­கல இப்­படி எல்­லாத்­தையும் இழப்போம் என்று. இந்த வான்­க­த­வு­கள திறக்­கப்­போ­றாங்­கனு முன்­னாடி சொல்­லி­யி­ருந்தா உடுத்த உடுப்­பு­கள சரி எடுத்­து­கிட்டு வெளியாகி இருப்போம். ஆனால் போட்ட உடுப்­போட இன்­னமும் இருக்­கிறோம். இது ஒரு அனர்த்தம். நாங்கள் யார் மீதும் குற்றம் சுமத்த விருப்பம் இல்ல. இருந்­தாலும் அர­சாங்கம் எங்­க­ளுக்கு பதில் ஒன்ற சொல்ல வேண்டும் என கவ­லை­யுடன் தெரி­வித்தார்.

சரீபா என்ற பெண் கருத்து தெரி­விக்­கையில். சுமார் 25 வரு­டங்­க­ளுக்கு மேலாக நான் இங்கு இருக்­கின்றேன். இது­வ­ரைக்கும் இந்­த­மா­திரி ஒரு நிலைமை எங்­க­ளுக்கு ஏற்­பட்­டது இல்ல. நான் ஆப்பம் சுட்டு கொஞ்சம் கொஞ்­ச­மாக சேர்த்து வைத்­த பணத்­துல தான் இந்த வீட்ட கட்டி பொருட்­கள வாங்­குனேன். ஆனால் இன்­றைக்கு எல்லாம் ஒன்றும் இல்­லாம போயி­ருச்சு என்று கண்­க­லங்­கு­கின்றார்..! என்­னால கூட கதைக்க முடி­யல. அர­சாங்கம் தான் எங்­க­ளுக்கு நல்ல தீர்வை பெற்றுதரனும்.

காந்தி என்ற சிங்­கள பெண்­மணி கருத்து தெரி­விக்­கையில், நான் பஸ் டிப்­போ­வுக்கு பக்­கத்­துல தான் இருக்­கின்றேன். எனது வீடு முற்­றாக நீரில் மூழ்­கி­யிருச்சு. பொருட்கள் எல்­லாமே இல்­லாமல் போய்­விட்­டது என தழுதழுத்த குரலில் கதைக்க ஆரம்­பித்த அவர் தன்னை அறி­யா­மலே அழு­கிறார். கண்­ணீரை துடைத்­து­கொண்டு மீண்டும் கதைக்க ஆரம்­பிக்­கின்றார்.

தண்ணீர் கறுப்பு நிற­மாக இருக்­கின்­றது. பக்­கத்­துல இருக்க இந்த குப்பை கொட்டும் இடத்­துல இருந்து வந்த தண்­ணீர்தான் எங்­கட வீட்­டுக்­குள்ள இருக்கு. பொருட்­களை எல்லாம் மீள எடுக்க முடி­யாது. சரி­யான துர்­நாற்றம் அடிக்­கின்­றது. அந்த கிரு­மி­நா­சி­னிகள் நிறைந்த வீட்­டுக்­குள்ள போய் எவ்­வாறு தங்க முடியும். கொஞ்சம் கொஞ்­ச­மாக சேர்த்த எல்­லாமே அழிந்து போய் விட்­டது. நாங்க தேங்காய் துரு­வியில் இருந்து எல்­லாமே புதி­தாக எடுக்க வேண்­டிய துர்ப்­பாக்­கிய நிலைக்கு தள்­ளப்­பட்டு இருக்­கிறோம்.

வசந்தி சந்­தி­யானி ஜெய­வர்­தன என்ற பெண் கருத்து தெரி­விக்­கையில், பாய், படுக்கை என எல்லாம் இழந்து விட்டோம். இப்­போது சாப்­பி­டு­வ­தற்கு ஒரு பீங்கான் கூட எங்­க­ளிடம் இல்லை. எங்­க­ளது குறைய தீர்க்க யார் வரு­வார்கள் என்று எதிர்­பார்த்து இருக்­கின்றோம். நான் நோயாளி. இந்த தண்­ணீர பார்க்கும் போது உங்­க­ளுக்கு தெரி­கி­றது எவ்­வ­ளவு துர்­நாற்றம் அடிக்­கின்­றது என்று. இத­னால எங்­க­ளுக்கு நோய் தான் அதி­க­ரிக்­கின்­றது. எங்­க­ளுக்கு சாப்­பாடு மூன்று நேரமும் கிடைக்­கி­ன்­றது. ஆனால் படுப்­ப­தற்கு பாய், தலை­யணை மற்றும் மருந்து பொருட்கள் தான் கூடு­த­லாக தேவைப்­ப­டு­கின்­றது. நாங்க இப்ப நடு வீதில நிற்­கிறோம். எங்­க­ளால தொழி­லுக்கும் செல்ல முடி­யாமல் உள்­ளது. எங்­க­ளு­டைய வாழ்க்­கையே கேள்­விக்­கு­றி­யா­கி­விட்­டது என நொந்­து­கொள்­கிறார்.

சேதவத்தை பகு­தியைச் சேர்ந்த விம­ல­சேன கருத்து தெரிவிக்கையில் பாதிக்­கப்­பட்ட மக்­க­ளுக்­காக கொண்டு வரப்­படும் நிவா­ரண பொருட்­களை இடை­ந­டுவே மறித்து பாதிக்­கப்­ப­டாத நபர் எடுத்து செல்­கி­றார்கள். இது தொடர்பில் நகர சபை அவ­தானம் செலுத்த வேண்டும் என்­கிறார்.

சரிபா என்ற பெண் கூறுகையில் தண்ணீர் வழிந்­தோ­டிய பின்னர் எங்­கட வீட்டை கழு­வுவ­தற்கு டெட்டோல், சவர்க்­காரம் இது­ போன்றவற்­றையும் தந்து உதவ வேண்டும். இந்த தண்­ணீர்ல நிறைய கிரு­மிகள் இருக்­கின்­றன என்­கிறார்.

தண்­ணீரால் நிறைந்­தி­ருக்கும் தனது வீட்டை பார்த்­த­வாறு இருந்த ரசேனி வின்­துனி என்ற பாட­சாலை மாணவி கூறும் போது, நான் தரம் 7இல் கல்­வி­கற்­கிறேன். எங்க வீடு முற்­றாக நீர்ல மூழ்­கி­விட்­டது. எனது பாட­சாலை புத்­தகம், சப்­பாத்து என எல்­லாமே ஒன்றும் இல்­லாமல் போய்­விட்­டது. நான் இப்ப பாட­சா­லைக்கு போக­கூட வழி­யில்­லாமல் இருக்­கின்றேன். இந்த துய­ரத்­துல இருந்து எப்ப மீளப்­போ­கின்றோம் என்று எங்­க­ளுக்கு தெரி­யல என்றார்.

மிகவும் பரி­தாப நிலையில் காணப்­பட்ட சுவர்னா என்ற வயோ­திப பெண் தனக்கு ஏற்­பட்ட நிலை­மையை விளக்கும் போது நான் தூங்­கி­கொண்­டி­ருந்த போது விடி­யற்­காலை 3 மணி­யி­ருக்கும். திடீ­ரென காலில் தண்ணீர் படு­வது போல இருந்­தது. உடனே எழும்பி பார்த்த போது வீட்­டுக்குள் வெள்ளம். நான் ஒரு சத்­தி­ர­சி­கிச்சை செய்­யப்­பட்ட நோயாளி. எனக்கு காலிலும் வருத்தம் உள்­ளது. என்னால் எனது பொருட்­களை பாது­காக்க முடி­யாமல் போய்­­விட்­டது.

நான் எல்­லா­வற்­றையும் இழந்து விட்டேன். இன்று நடுவீதியில் உடுத்த உடை­யின்றி அநா­தை­யாக நிற்­கிறேன். எனது காலில் உள்ள வருத்தம் மேலும் கூடி­யுள்­ளது. என்னால் இந்த துய­ரத்தை தாங்­கி­க்கொள்ள முடி­யாமல் இருக்­கின்­றது என கூறி­ய­வாறு அழுதார். கன்­னத்தில் கையை வைத்­து­கொண்டு ஆழ்ந்த யோச­னையில் இருந்த ஜரீ­னாவை நாம் அணு­கிய போது, கண்ணீர் சிந்­து­கின்றார். அழுத வண்ணம் இதற்கு முன்னர் இவ்­வாறு ஒரு மழை பெய்­தது இல்ல. இப்­படி ஒரு வெள்ளம் ஏற்­படும் என நாங்க கன­வு­லையும் நினைக்­கல. மீதொட்­டு­முல்ல பகு­தியில் 20 வரு­டத்­துக்கு மேல இருக்­கிறேன்.

இப்­படி ஒரு வெள்ளம் வீடு­க­ளுக்­குள்ள வந்­ததே இல்ல. இப்ப ஆறு நாட்கள் ஆகின்றது. வீட்­டுல இருந்து வெளியே­றிய போது உடுத்­தி­ருந்த உடுப்­போட தான் இன்­னமும் இருக்­கின்றோம். அழு­கின்றார்…! எங்­க­ளுக்கு சாப்­பாடு கிடைக்­குது. சில பொருட்­கள எங்­க­ளாள வெளிப்­ப­டை­யாக கேட்க முடி­யாது. ஏன் என்றால் பெண்கள் வெட்கப் படு­வார்கள். இவை­கள வாயால கேட்­டு­கொள்ள முடி­யாது. என்ன செய்­வது என அழு­து­கொண்டே தனது பேச்சை நிறுத்­தினார். தண்ணீர் வழிந்­தோ­டிய பின்னர் தனது வீட்டை கழு­விக்­கொண்­டி­ருந்த நபர் ஒருவர் கருத்து தெரி­விக்­கையில், தண்­ணீ­ரால மூழ்கிய எங்­கட வீட இப்­பதான் கழு­வி­கிட்டு இருக்­கின்றோம். வீட்­டுக்­குள்ள ஒரே நாற்றம். சுமார் நான்கு மணித்­தி­யா­ல­மாக கழு­வி­கிட்டு இருக்­கிறோம். ஆனாலும் நாற்றம் போகல. வீட்­டுக்­குள்ள அட்டை மற்றும் சில கிரு­மி­கள் இருந்­தன. இதை சுத்­தப்­ப­டுத்த முடி­யாமல் உள்­ளது என்றார்.

தண்ணீர் நிறைந்து காணப்­பட்ட ஒரு பகு­தியில் அங்கு இங்கும் ஏதோ ஒன்றை தொலைத்­தவர் போல தேடிக்­கொண்­டி­ருந்த வயோ­திப பெண் ஒரு­வரை நாம் அணுகி எதனை தேடு­கின்­றீர்கள் என கேட்ட போது, நான் எனது கோழி­களை தேடி­கொண்­டிருக்­கின்றேன். செல்லப் பிரா­ணிகள் போல இரண்டு கோழியையும் சேவல் ஒன்றையும் வளர்த்தேன். இவைகள் எனது உயிர். கழுத்­த­ளவு தண்ணீர் இருந்த போதும் கோழி இரண்­டையும் தூக்­கி­கொண்டு வந்து விட்டேன்.

ஆனால் எனது சேவலை காண­வில்லை. எனது உசுரு மாதிரி அந்த சேவல். இப்ப எங்க இருக்கோ தெரி­யல என்­கிறார் 60 வய­து­டைய அய்சா. வெள்ளத்தால் பாதிக்­கப்­பட்டு அப­ய­சிங்­க­ராம விகா­ரையில் தங்­கி­யி­ருக்கும் கொலன்­னாவ நாக­முல்ல பகு­தியைச் சேர்ந்த அந்­தோ­னி­யம்மா தனக்கு ஏற்­பட்ட நிலையை விளக்­கியபோது, எங்­கட வீடு முற்­றாக நீரில் மூழ்­கி­விட்­டது. துர்­நாற்றம் அடிக்கும் இந்த தண்­ணீர்ல பாதிக்­கப்­பட்ட எந்­த­வொரு பொரு­ளையும் மீள கழுவி எடுப்­பது பொய்­யான விடயம். அனைத்­தையும் இழந்து அக­தி­க­ளாக இருக்கும் எங்­க­ளுக்கு அர­சாங்கம் நல்ல­தொரு தீர்வை பெற்றுத் தர­வேண்டும். அதை விடுத்து எம்மை பார்த்து விட்டு செல்­வதால் ஒன்­றுமே நடக்­கப்­போ­வ­தில்லை. இந்த தண்ணீர் வற்ற இன்னும் ஒரு கிழ­மை­யாகும் என்றார்.

உணவு வேண்டாம் உடை தாருங்கள்

வெள்ளம் ஏற்­பட்­டுள்ள குறித் பிர­தே­சத்து மக்­க­ளுக்கு அன்­றாட உணவு சுத்­த­மாக குடிநீர் என்­பன கிடைக்­கப்­பெற்­றுள்­ளன. இருந்த போதிலும் வெள்ள நீர் குடி­யி­ருப்­பு­களை சூழ்ந்­துக்­கொண்­டி­ருக்கும் போது உயிரை காப்­பாற்­றினால் போதும் என ஓடிய மக்கள் தங்­க­ளுக்­கான மாற்­று­டை­களை பற்­றியோ அல்­லது உடை­மை­களை பற்­றியோ சிந்­தித்­தி­ருக்க வாய்ப்­பில்லை. இந்­நி­லையில் அர­சாங்­கமும் பல தொண்டு நிறு­வ­னங்­களும் தங்­க­ளுக்­கான நிவா­ரண உத­வி­களை வழங்கி வரு­கின்­றன. இருந்த போதிலும் அவர்கள் அனை­வரும் உணவை மட்­டுமே கொடுத்து விட்டு செல்­கின்­றனர். இதனால் ஒரு வாரத்­துக்கு மேலாக மாற்­றுடை இல்­லாமல் தவித்து வரு­வ­தாக மக்கள் கூறினர். எனவே நிவ­ரண உத­வி­களை வழங்க முன்­வ­ருவோர் தங்­க­ளுக்­கான உடை­களை கொடுத்­து­த­வு­மாறு கேட்­டுக்­கொண்­டனர்.

தொற்று நோய் அபாயம்

வெள்ளத்­தினால் பாதிக்­கப்­பட்­டுள்ள பிர­தே­சங்கள் அனைத்தும் கழி­வுநீர் தேங்­கி­யுள்ள பிர­தே­ச­மாக துர்­நாற்­றத்­துடன் காணப்­ப­டு­கின்­றது. சிறு­வர்கள், முதி­யோர்கள், கர்ப்­பிணி தாய்­மார்கள் உள்­ளிட்டோர் தங்­க­ளுக்கு நோய்கள் பர­வுமோ என்ற அச்­சத்­துடன் மருத்­துவ உத­வி­களை எதிர்ப்­பார்­த்­தி­ருந்­தனர். மேலும் தற்­போது நீர் வடிந்து செல்­கின்­ற­மை­யினால் சிறு நீர்­நி­லை­களில் நுளம்பு பெருக்கம் அதி­க­ரித்­துள்­ளது. இதனால் டெங்கு, வயிற்­றுப்­போக்கு உள்­ளிட்ட நோய்கள் ஏற்­ப­டு­வ­தற்­கான அதி­க­ளவி­லான சந்­தர்ப்­பங்கள் காணப்­ப­டு­கின்­றன.

-வீரகேசரி-

நாட்டின் பல பாகங்களிலும் மீண்டும் இன்று திங்கட்கிழமை முதல் மழை பெய்யும் சாத்தியக் கூறுகள் காணப்படுவதாக வளிமண்டலவியல் திணைக்களம் அறிவித்துள்ளது.

நாட்டில் பெய்துவந்த அடை மழை கடந்த மூன்று தினங்களாக சற்று ஓய்ந்து காணப்பட்டதாகவும் திணைக்களம் சுட்டிக்காட்டியுள்ளது.

மேல், வட மேல், தெற்கு, மத்திய, சப்ரகமுவ ஆகிய மாகாணங்களுக்கு விசேடமாக இன்று முழுநாளும் இடைக்கிடை மழை பெய்யும் எனவும் திணைக்களத்தின் நிரந்தர பிரதிநிதி மலிந்த மில்லன்கொட குறிப்பிட்டுள்ளார்.

இதேவேளை, கிழக்கு மாகாணத்துக்கு இன்று மாலை 2.00 மணியின் பின்னர் இடியுடன் கூடிய மழை பெய்யலாம் எனவும் திணைக்களம் மேலும் கூறியுள்ளது.

இராணுவம், பொலிஸ், கடற்படை, விமானப்படை என்பவற்றில் பயிற்சி பெற்றவர்களுக்கே இலங்கை வங்கியின் பாதுகாப்பு உத்தியோகத்தராக நிரந்தர நியமனம் வழங்கப்படும் என்ற நிபந்தனை வடக்கு, கிழக்கிற்கு நீக்கப்பட வேண்டும்.

அதன் மூலமே கடந்த 10 வருடங்களுக்கு மேலாக பணியாற்றியவர்கள் நிரந்தர நியமனம் பெற முடியும் என வன்னி மாவட்ட பாராளுமன்ற உறுப்பினர் சிவசக்தி ஆனந்தன் அரச தொழில் முயற்சி அபிவிருத்தி அமைச்சர் கபீர் காசீம் அவர்களின் கவனத்திற்கு கொண்டு வந்துள்ளார்.

இது தொடர்பில் இன்று அமைச்சருக்கு அனுப்பி வைத்துள்ள கடிதத்தில் மேலும் தெரிவிக்கப்பட்டுள்ளதாவது,

1956ம் ஆண்டு எஸ்.டபிள்யூ.ஆர்.டி.பண்டாரநாயக்க பிரதமராகவிருந்த போது அமைச்சரவையில் எடுக்கப்பட்ட தீர்மானத்திற்கு அமைவாக இலங்கை வங்கிகளில் பாதுகாப்பு உத்தியோகத்தர்கள் இணைத்துக் கொள்ளப்பட்டுள்ளனர்.

அத்தீர்மானத்திற்கு அமைவாக பாதுகாப்பு உத்தியோகத்தராக முதல் ஆறு மாதங்கள் கடமையாற்றிய பின்னர் அவர்களுக்கான தற்காலிக ஒப்பந்தம் வழங்கப்படும்.

தற்காலிக ஒப்பந்த அடிப்படையில் ஐந்து வருடங்கள் கடமையாற்றிய பின்னர் அவர்கள் நிச்சயமாக நிரந்தர ஊழியர்களாக இணைத்துக் கொள்ளப்படுவார்கள் எனவும் கூறப்பட்டுள்ளது.

அசாதாரண நிலைமைகள் நிறைவுக்கு வந்ததன் பின்னர் தற்போதைய நிலையில் அன்றாட ஜீவனோபாயத்தை நிலைநிறுத்துவதற்காக வடக்கு, கிழக்கு மாகாணத்தைச் சேர்ந்த இளைஞர்கள் ரக்னா லங்கா பாதுகாப்பு லிமிட்டட் நிறுவனத்தில் தம்மை இணைத்துக்கொண்டு பாதுகாப்பு உத்தியோகத்தர்களாக பணியாற்றி வருகின்றனர்.
இதில் வடக்கு மாகாணத்தில் மட்டும் கடந்த பத்து வருடங்களாக 109 பேர் கடமையாற்றி வருவதோடு, கிழக்கு மாகாணத்திலும் இந்த தொகைக்கு சமனாக கடமையாற்றி வருகிறார்கள்.

இந்நிலையில் அவர்கள் தொடர்ந்தும் கடமையில் நீடிக்க முடியாததொரு இக்கட்டான நிலைமை ஏற்பட்டுள்ளமை கவலையளிப்பதாகவுள்ளது.

அண்மையில் பத்திரிகை ஒன்றில் வெளியான தகவலின் பிரகாரம் தற்போது பாதுகாப்பு உத்தியோத்தர்கள் நிரந்தரமாக்கப்படவுள்ளதாகவும் அவர்கள் இராணுவப்பயிற்சி பெற்றவர்களாக இருக்கவேண்டுமெனவும் கூறப்பட்டுள்ளது.

இதனால் சுமார் இரண்டரை வருடங்களுக்கு மேலாக பாதுகாப்பு உத்தியோகத்தர்களாக கடமையாற்றிவரும் பலர் தமது தொழில்வாய்ப்புக்களை இழக்கவேண்டிய நிலைமைக்குள் தள்ளப்பட்டுள்ளனர். இதனால் அவர்களின் அன்றாட ஜீவனோபாயம், எதிர்காலம், குடும்பங்கள் என அனைத்து விடயங்களுமே நெருக்கடிக்குள்ளாகும் நிலைமை ஏற்படும் அபாயமுள்ளது.

ஆகவே வடக்கு, கிழக்கு பிரதேசத்தைப் பொறுத்தவரையில் மூன்று தசாப்த காலத்திற்கு மேலாக அசாதாரண நிலைமைகளே காணப்பட்டன.
அதனைக் கருத்திற்கொண்டு இவ்வாறான தீர்மானத்தை மீளப்பரிசீலிக்க வேண்டும்.

குறிப்பாக வடக்கு, கிழக்கு பகுதிகளில் தற்போது பாதுகாப்பு உத்தியோகத்தர்களாக கடமையாற்றிக் கொண்டிருப்பவர்களே தொடர்ந்தும் அப்பணியில் நீடிப்பதற்கும் வழிவகைசெய்வதோடு நிரந்தர நியமனங்களின் போது அவர்களை உள்வாங்கவேண்டும்.
அதற்கு ஏற்ற வகையில் குறித்த அறிவிப்பு மாற்றப்பட்டு வடக்கு கிழக்கிற்கு விசேட சலுகை வழங்கப்பட வேண்டும் எனக் கோரிக்கை விடுக்கின்றேன்.

மேலும் இராணுவப் பயிற்றி பெற்றவர்கள் என்ற பெயரில் முன்னாள் இராணுவ உத்தியோகத்தர்களை இப்பதவிக்கு நியமித்து தற்போது கடமையில் உள்ளவர்களை நீக்கும் செயற்பாட்டை மேற்கொள்ள வேண்டாம் என தயவாகக் கேட்டுக்கொள்கிறேன்.

தற்போது கடமையில் உள்ளவர்கள் அவ்வாறு பயிற்சி பெற்றிருக்காது விட்டால் அவர்களுக்கான பயிற்சியை வழங்கி அவர்களின் தொழில்களை உறுதிப்படுத்தப்பட வேண்டும்.

தாங்கள் குறித்த விடயத்திற்கு பொறுப்பான அமைச்சர் என்ற வகையிலும் சிறுபான்மை மக்களின் துன்ப துயரங்களை நன்கு அறிந்தவர் என்ற நிலையிலும் இதுகுறித்து உரிய நடவடிக்கைகளை விரைந்து எடுப்பீர்கள் என எதிர்பார்க்கின்றேன் என அதில் தெரிவிக்கப்பட்டுள்ளது.