ஒரு விளம்பரத்தில் எதிராகவும் ஒரு விளம்பரத்தில் ஆதரவாகவும் பேசும் கஸ்தூரி பாட்டி தொடர்பில் சர்ச்சை ஏற்பட்டுள்ளது. இந்த சர்ச்சை தற்போதே கஸ்தூரி பாட்டிக்கும் தெரியவந்துள்ளது.

இந்தியாவில் தமிழக சட்டசபை தேர்தல் வாக்குப்பதிவு நெருங்கும் நிலையில், திமுக மற்றும் அதிமுக ஆகிய இரு பிரதான கட்சிகளும் கடுமையான விளம்பர போர்களத்தில் குதித்துள்ளன.

இரு கட்சிகளுமே தங்களது ஆதரவான தொலைக்காட்சி நிறுவனங்களையும் தாண்டி பொதுவான நிறுவனங்களிலும் போட்டி போட்டு விளம்பரங்களை அள்ளி வீசி வருகின்றன.

இதில் திமுக விளம்பரங்களில் கடந்த ஐந்தாண்டு கால அதிமுக அரசு குறித்து “சொன்னீங்களே செஞ்சிங்களா ? ” என்ற தொணி பொருளில் விமர்சனங்கள் முழுக்க முழுக்க இருக்கின்றன.

பெரும்பாலும், ஸ்டாலின் திமுக என்ன செய்ய உள்ளது என்பது குறித்து விளக்கும் விளம்பரங்களைவிட, அதிமுக அரசை தாக்கி பேசும் விளம்பரங்களே அதிக அளவில் காண்பிக்கப்படுகின்றன.

ஏசியில் அமர்ந்திருப்பவருக்கு மக்கள் கஷ்டம் எப்படி தெரியும், அப்படி என்னங்க அலட்சியம்.. நடு ராத்திரியில் தண்ணிய திறந்து விடுறீங்க.. என்பது போன்ற வசனங்களுடன், சாமானிய பெண்கள் போல தோற்றம் கொண்டோரை வைத்து அரசுக்கு எதிராக உணர்ச்சி மயமான விளம்பரங்களை திமுக பிரசாரம் செய்கிறது.

அதே சமயம், அதிமுக விளம்பரங்களில், எதிர்தரப்பு தாக்குதல் எதுவும் இல்லை. தங்களது சாதனைகளை கூறியே விளம்பரங்கள் வருகின்றன. அதிலும் ஏழை பெண்கள் போன்ற தோற்றம் கொண்டவர்கள், உணர்ச்சியாக பேசி ‘அம்மாவை’ புகழ்கிறார்கள்.

“வானத்தில பறக்குறவங்களுக்கு, நம்மளுடைய பிரச்சினை எப்படிங்க தெரியும்? மக்கள பத்தியே கவலப்படாத ஆட்சி இனி எதுக்குங்க? போதும்மா…” இந்த வார்த்தையை உணர்ச்சி பொங்க கையை ஆட்டியபடியே, ஒரு வயதான மூதாட்டி சொல்வது போன்ற திமுக விளம்பரங்களை அடிக்கடி தொலைகாட்சிகளில் பார்ப்பதுண்டு

குறித்த விளம்பரம் பெருமளவில் மக்களிடம் சென்றடைந்துள்ளதாக கூறப்படுகிறது. ஆனால், இதே பெண்மணிதான், அதிமுக விளம்பரத்தில் ஜெயலலிதா ஆட்சியை புகழ்ந்து நடித்துள்ளார் என்பது தான் இதில் சிறப்பு.

கோயில்களில் செயல்படுத்தப்படும் அன்னதானம் திட்டத்தால் பலன் அடைந்த பெண்மணி போல நடித்து அதிமுக அரசை வாழ்த்தும் விளம்பரம் ஒன்றிலும் இதே பெண்மணிதான் நடித்துள்ளார்.

இந்தியாவில் ரூ.400 கோடி கள்ள நோட்டுகள் புழக்கத்தில் இருப்பதாக அதிர்ச்சி தகவல் வெளியாகியுள்ளது. கொல்கத்தாவில் இயங்கும் இந்திய புள்ளியியல் நிறுவனம் நாட்டில் புழக்கத்தில் விடப்பட்டுள்ள கள்ள ரூபாய் நோட்டுகள் குறித்து ஆய்வு மேற் கொண்டது. அந்த ஆய்வில் மிகவும் அதிர்ச்சிகரமான தகவல் கிடைத்தது.

அதன்படி இந்தியாவில் ரூ.400 கோடி கள்ள நோட்டுகள் புழக்கத்தில் இருப்பது தெரிய வந்தது. அவற்றில் ரூ.100 மற்றும் ரூ.500 கள்ள நோட்டுகள் பெருமளவில் புழக்கத்தில் விடப்பட்டு அவை பிடிபட்டுள்ளன. அதே நேரத்தில் இதைவிட 1000 ரூபாய் நோட்டுகள் அதிக அளவில் சிக்குகின்றன.

நாட்டில் பிடிபடும் கள்ள ரூபாய் நோட்டுகளில் 50 சதவீதம் 100 ரூபாய் நோட்டுகள்தான் என ஆய்வறிக்கை தெரிவிக்கிறது. அதே நேரத்தில் ஆண்டுக்கு ரூ.70 கோடி மதிப்பிலான கள்ள நோட்டுகள் புழக்கத்தில் விடப்படுகின்றன. தினமும் புழக்கத்தில் இருக்கும் ரூ.10 லட்சத்தில் ரூ.250 அளவில் கள்ள நோட்டுகள் இருப்பது கண்டறியப்பட்டுள்ளது.இந்நிலையில் அரசு மெத்தனம் காட்டாமல் கள்ள நோட்டு புழக்கத்தை தடுக்க தீவர நடவடிக்கை மேற் கொள்ள வேண்டும் என மத்திய அரசுக்கு இந்திய புள்ளியியல் நிறுவனம் அறிவுறுத்தியுள்ளது.

அஸ்ஸாம் மருத்துவமனையில் 3 வயது சிறுவனுக்கு சிகிச்சையின் போது அளிக்கப்பட்ட ரத்தத்தால் எய்ட்ஸ் நோய் பரவியுள்ளது பெரும் அதிர்ச்சியை ஏற்படுத்தியுள்ளது.கவுகாத்தி அரசு மருத்துவமனையில் கடந்த வருடம் ஏப்ரல் மாதம், சிறுவன் ஒருவன் உடலில் 40 சதவிகித தீக்காயங்களுடன் சிகிச்சைக்காக சேர்க்கப்பட்டுள்ளான்.

அங்கு 5 மாதம் நடந்த சிகிச்சையை அடுத்து கடந்த அக்டோபர் மாதம் 3ம் திகதி மருத்துவமனையில் இருந்து டிஸ்சார்ஜ் செய்யப்பட்டுள்ளான்.இதையடுத்து இந்த வருடம் மார்ச் மாதம் 29ம் திகதி, மீதமுள்ள சிகிச்சைக்காக மீண்டும் மருத்துவமனையில் சேர்த்த போது எடுத்த ரத்த பரிசோதனையில், அச்சிறுவனுக்கு எச்.ஐ.வி எய்ட்ஸ் உள்ளது தெரியவந்துள்ளது.

தீக்காயங்களுக்காக நடந்த சிகிச்சையின் போது அச்சிறுவனுக்கு பல்வேறு முறை ரத்த பரிமாற்றம் நடந்துள்ளது. அச்சிறுவனுக்கு தற்போது நோய் பரவாமலிருக்க சிகிச்சை வழங்கப்பட்டு வருகிறது.

மருத்துவர்கள் இதுபற்றி கூறுகையில், அச்சிறுவனுக்கு கடந்த ஆண்டு சிகிச்சை முடிந்து டிஸ்சார்ஜ் ஆன பின்னர், 6 மாதங்கள் கழித்தே மீண்டும் சிகிச்சைக்காக மருத்துவமனைக்கு கொண்டு வந்தனர்.எனவே அந்த 6 மாத காலத்தில் என்ன நடந்தது என்று எங்களுக்கு தெரியவில்லை. மேலும், எங்கள் ரத்த வங்கியில், எய்ட்ஸ் பாதிக்கப்பட்ட ரத்தம் இருக்க வாய்ப்பில்லை.

எனினும், தற்போது ரத்த வங்கியில் இது தொடர்பான விசாரணை தற்போது நடந்து வருகிறது என தெரிவித்துள்ளனர்.குழந்தையின் தாய் கூறுகையில், நாங்கள் மிகவும் பயத்திலும் வருத்தத்திலும் இருக்கிறோம். எங்கள் மகனின் எதிர்காலம் என்னவாகும் என்ற அச்சத்தில் இருக்கிறோம்.

நாங்கள் ஏழை குடும்பத்தைச் சேர்ந்தவர்கள், தற்போது இந்த மருத்துவ செலவை எப்படி ஏற்க போகிறோம் என தெரியவில்லை என கூறியுள்ளார்.பெரும் அதிர்ச்சியை ஏற்படுத்தியுள்ள இந்த விடயம் தொடர்பாக விசாரிக்க, 5 பேர் கொண்ட மருத்துவ குழு ஒன்று அமைக்கப்பட்டுள்ளது.கடந்த 2013ம் ஆண்டு, அஸ்ஸாமில் உள்ள தராங் மாவட்டத்தில் உள்ள Mangaldai அரசு மருத்துவமனையில், ரத்த வங்கியில் இருந்து ரத்தம் பெற்ற 4 பேருக்கு எய்ட்ஸ் நோய் பரவியது குறிப்பிடத்தக்கது.இந்தியாவில் கடந்த 2015ம் ஆண்டின் அறிக்கை படி, சுமார் 21.7 லட்சம் பேர் எய்ட்ஸ் நோயுடன் வாழ்ந்து வருகின்றனர் என தெரியவந்துள்ளது.