அமெரிக்காவை சேர்ந்த புகழ்பெற்ற மலை ஏறும் வீரர் அலெக்ஸ் லோவ். இவர் கடந்த 1999ம் ஆண்டு அக்டோபர் மாதம் தனது நெருங்கிய நண்பரான டேவிட் பிரட்ஜஸ் மற்றும் சக கூட்டாளிகளுடன் இமயமலை சிகரத்தில் மலையேறும் முயற்சியில் ஈடுபட்டிருந்தார்.

இவர்கள் சீனாவின் திபெத் பகுதியில் உள்ள ‘ஷிஷாபங்மா’ சிகரத்தில் ஏறிக்கொண்டிருந்த போது பயங்கர பனிச்சரிவு ஏற்பட்டது. அலெக்ஸ் லோவ் மற்றும் டேவிட் பிரட்ஜஸ் ஆகிய இருவரும் பனிச்சரிவில் சிக்கி உயிர் இழந்தனர்.

அவர்களது உடல்களை மீட்க சக வீரர்கள் போராடி வந்தனர். நீண்ட நாட்கள் ஆகியும் பலன் கிட்டாததால் அவர்கள் திரும்பி சென்றனர்.

இந்த நிலையில், சம்பவம் நிகழ்ந்து 16 ஆண்டுகளுக்கு பிறகு கடந்த வாரம் அலெக்ஸ் லோவ் மற்றும் டேவிட் ஆகியோரின் உடல்கள் ‘ஷிஷாபங்மா’ மலைப்பகுதியில் கண்டெடுக்கப்பட்டன.

இது குறித்து நேபாளத்தில் வசித்து வரும் அலெக்ஸ் லோவின் மனைவி ஜெனிபர் லோவுக்கு உடனடியாக தகவல் தெரிவிக்கப்பட்டது. இதையடுத்து மீட்புபடையினர் மூலம் அவர்களது உடல்கள் மீட்கப்பட்டன.

ஜெனிபர் லோவ் தற்போது தனது புதிய கணவர் கான்ராட் ஆன்க்கருடன் இணைந்து முன்னாள் கணவர் அலெக்ஸ் லோவின் பெயரில் தொண்டு நிறுவனம் நடத்தி வருகிறார்.

சம்பவத்தின் போது கான்ராட் ஆன்க்கரும், அலெக்ஸ் லோவுடன் மலையேறும் பயிற்சியில் ஈடுபட்டிருந்தார்.

ஆனால் அவர் பனிச்சரிவில் சிக்காமல் காயங்களுடன் உயிர்தப்பினார். பின்னர் இவர் 2011ம் ஆண்டு ஜெனிபர் லோவை திருமணம் செய்து, அவரது 2 குழந்தைகளையும் தத்து எடுத்து கொண்டார்.

இந்தியாவின் ஆந்திர மாநிலம் விஜயவாடாவில் உள்ள அரசு வைத்தியசாலையில் கடந்த 29ம் திகதி லட்சுமி என்ற பெண்ணுக்கு ஆண் குழந்தை பிறந்தது. அந்த குழந்தை மூச்சுத்திணறலால் அவதிப்பட்டதால் தீவிர சிகிச்சை பிரிவில் வைக்கப்பட்டு இருந்தது.

இந்நிலையில் நேற்று அதிகாலை, 4 நாளே ஆன அந்த குழந்தையின் மீது ஏராளமான எறும்புகள் மொய்த்து கொண்டிருந்தன. இதை கண்ட லட்சுமி உடனே அங்கிருந்த செவிலியர்களிடம் இதுபற்றி கூறியுள்ளார்.

எறும்புகளை செவிலியர்கள் துடைத்த போது குளுக்கோஸ் போத்தல் குழந்தை மீது விழுந்துள்ளது. இதில் குழந்தையின் கழுத்தில் காயம் ஏற்பட்டது.

அடுத்த அரை மணி நேரத்தில் அந்த குழந்தை இறந்தது. எறும்புகள் கடித்ததாலும், குளுக்கோஸ் போத்தல் விழுந்ததாலும் குழந்தை இறந்ததாக உறவினர்கள் கதறி அழுதனர்.

இதற்கு மறுப்பு தெரிவித்த வைத்தியர்கள், மூச்சுத்திணறலால் பாதிக்கப்பட்டதாலேயே குழந்தை இறந்தது என்றனர்.

இதுபற்றி அறிந்த காங்கிரஸ் மற்றும் வய்.எஸ்.ஆர். காங்கிரஸ் கட்சியினர் வைத்தியசாலை முன்பு போராட்டம் நடத்தினர்.
இச்சம்பவம் தொடர்பாக விசாரணை நடத்த உத்தரவிட வேண்டும் என்று அவர்கள் வலியுறுத்தினர்.

இதே போல சில மாதங்களுக்கு முன்பு குண்டூர் அரசு ஆஸ்பத்திரியில் எலி கடித்து ஒரு குழந்தை இறந்தது குறிப்பிடத்தக்கது.

ராஜஸ்தான் மாநிலத்தில் வசித்து வந்த மூதாட்டி ஒருவர் வங்கியில் கோடிக்கணக்கில் பணம் இருப்பு இருந்தும், பிச்சை எடுத்து, மருத்துவ செலவுக்குகூட செலவழிக்க முடியாமல் உயிரைவிட்டுள்ளார்.ராஜஸ்தான் மாநிலம் அஜ்மீரில் 70 வயதான கனகலதா என்பவர் வசித்து வந்தார். இவரது கணவர் பிரேமநாராயண் கடந்த ஆண்டு இறந்தார். இந்த தம்பதியிக்கு குழந்தைகள் கிடையாது. கனகலதா ஒரு சிறிய அறையில் வசித்து வந்தார்.

இவரது நிலைமையை பார்த்து பரிதாபப்பட்ட அக்கம்பக்கத்தினர் அவருக்கு உணவு, உடைகளை கொடுத்துஉதவி வந்தனர். இதேபோல் தினமும் பிச்சை எடுத்தே அவர் வாழ்ந்து வந்தார்.இந்நிலையில், 2 நாட்களாக கனகலதா வெளியே வரவில்லை. வீட்டுக்குள்ளே சென்று பார்த்தபோது அவர்இறந்து கிடந்தார். பொதுமக்களிடம் பெற்ற பணத்தை கொண்டுஅவரது ஈம சடங்குகள் நிறைவேற்றப்பட்டன.

கோயில் பூசாரியும், அப்பகுதியினரும் அவரது அறையை சுத்தம்செய்தபோது, பெட்டி ஒன்றில் பலவங்கிகளில் பணம் டெபாசிட் செய்யப்பட்டதற்கானரசீதுகள் இருந்தன. அவற்றைகூட்டி பார்த்தபோது இரண்டு கோடிக்கு மேல்இருப்பது தெரிந்தது.அந்தந்த வங்கிகளிடம் அவற்றை அவர்கள் கொடுத்தனர். தனது இறப்புக்கு பணத்தை பெற அவர் யாரையும் வாரிசாக நியமிக்கவில்லை.இந்நிலையில் மறைந்த மூதாட்டியின் உறவினர் என கூறிகொண்டு சட்டீஸ்கரில் இருந்து ஒருவர் வங்கியில் உரிமை கோரியுள்ளார். ஆதாரங்களை வங்கிகள் கேட்டு வருகின்றன. ‘‘பணம்கைக்கு வந்ததும். எனது மாமா, மாமியின் நினைவாக கோயில் கட்டுவேன்’ என புதிதாக வந்த உறவினர் கூறியுள்ளார்.