சென்னையில் வரலாறு காணாத வகையில் ஏற்பட்ட மழை, வெள்ள பாதிப்புகளை முன்வைத்து பாடல் ஒன்றை வெளியிட்டுள்ளார் நடிகர் விக்ரம்.

கடந்த வருடம் டிசம்பர் மாதம், சென்னையில் பெய்த கன மழையால் பெருவெள்ளம் ஏற்பட்டது. வீடுகளுக்குள் வெள்ளம் புகுந்தது. இதனால், பொதுமக்கள் உடைமைகள் உள்ளிட்டவற்றை இழந்து கடுமையாகப் பாதிக்கப்பட்டார்கள். உணவு, உடையின்றி அவதிப்பட்டார்கள்.

சோகத்தில் தத்தளித்த ஆயிரக்கணக்கானோருக்கு அரசின் நிவாரண உதவிகளோடு, முகம் அறியாதோர்களின் உதவிகள் கிடைத்தன. உலகின் பல மூலை முடுக்குகளிலிருந்தும் மக்களுக்கான உதவிகள் வந்து குவிந்தன.

அர்ப்பணிப்பு உணர்வுகளுடன் வெள்ள நிவாரணப் பணிகளில் ஆயிரக்கணக்கான தன்னார்வத் தொண்டர்கள் ஈடுபட்டார்கள்.
சமூகவலைத்தளங்கள் வழியாக சித்தார்த், ஆர்.ஜே. பாலாஜி போன்ற நடிகர்களும் நிவாரணப் பணிகளில் தீவிரமாக தங்களை ஈடுபடுத்தினார்கள்.

ட்விட்டர் போன்ற சமூகவலைத்தளங்கள் வழியாக சென்னை மக்களுக்கு உதவுகிறவர்கள் ஒருங்கிணைக்கப்பட்டார்கள்.

சென்னையில் வரலாறு காணாத வகையில் ஏற்பட்ட மழை, வெள்ள பாதிப்புகளை முன்வைத்து சென்னை மக்களின் மனிதநேயத்தை எடுத்துக்காட்டும் வகையில் ஸ்பிரிட் ஆஃப் சென்னை (SPIRIT OF CHENNAI) என்றொரு பாடலை இயக்கி வெளியிட்டுள்ளார் நடிகர் விக்ரம்.

மதன் கார்க்கி, ரோகேஷ், கானா பாலா ஆகியோர் பாடலை எழுதியுள்ளார்கள். கிரிநாத் இசையமைத்துள்ளார். எஸ்.பி.பி., சங்கர் மகாதேவன், ஹரிஹரன், கார்த்திக் போன்ற பல பிரபல பாடகர்கள் பாடியுள்ளார்கள்.

அபிஷேக் பச்சன், சூர்யா, கார்த்தி, பிரபுதேவா, சிவகார்த்திகேயன், நயன்தாரா, நித்யா மேனன், அமலா பால் உள்ளிட்ட நடிகர்கள் பலர் இந்தப் பாடலில் பங்கேற்றுள்ளார்கள்.

நான்கு கோடி ரூபாய் செலவு செய்து தயாரித்த படத்தின் பிரிவியூவை பார்த்துவிட்டு மலையாள நடிகரும் படத் தயாரிப்பாளரான அஜய் கிருஷ்ணன் தற்கொலை செய்துக்கொண்டது திரையுலைகினரை அதிர்ச்சியடைய வைத்துள்ளது.

கேரள மாநிலம், கொல்லம் மனையில்குளங்கரை பகுதியைச் சேர்ந்தவர் ராதாகிருஷ்ணன். இவரது மகன் அஜய் கிருஷ்ணன்(28). இவர் மலையாளத்தில் பிருத்விராஜ் நடித்த மெம்மரீஸ், ‘சீன் 1 நம்முடைய வீடு’ உள்பட சில மலையாள படங்களிலும், தொலைகாட்சித் தொடர்களிலும் நடித்துள்ளார்.

இந்நிலையில் அவர், பிரபல நடிகர் ஆஸிப் அலியை கதாநாயகனாக வைத்து ‘அவருடே ராவுகள்’ என்ற பெயரில் ஒரு படத்தை தயாரித்து வந்தார். அஜய் தயாரித்த முதல் படம் இதுவாகும். இந்த படத்தில் ஆசிப் அலி, உன்னி முகுந்தன், வர்கீஸ், வினய், ஹனி ரோஸ், லீனா போன்ற முன்னணி நட்சத்திரங்கள் நடித்துள்ளனர்.

இந்த படத்திற்கான படப்பிடிப்புகள் அனைத்தும் முடிந்து விட்டன. அடுத்தமாதம் படத்தை வெளியிட அஜய் கிருஷ்ணன் திட்டமிட்டிருந்தார். இந்நிலையில் இவர் 23ம் திகதி இரவு, எர்ணாகுளத்தில் இருந்து கொல்லத்தில் உள்ள தனது வீட்டிற்கு வந்தார். பின்னர் வீட்டின் முதல்மாடி அறையில் தங்கியிருந்தார்.

சனிக்கிழமையன்று மாலை வரை அறை திறக்கப்படாமல் இருந்ததால் சந்தேகமடைந்த பெற்றோர் கதவை திறந்து பார்த்தனர். அப்போது அஜய் கிருஷ்ணன் தூக்குப்போட்டு தொங்கியது கண்டு அதிர்ச்சியடைந்தனர். இவர் தற்கொலைக்குக் காரணம் இவர் தயாரித்த படம்தான் என்று கூறப்படுகிறது.

சில நாட்களுக்கு முன் ‘அவருடே ராவுகள்’ படத்தின் பிரிவியூ ஷோ திரையிடப்பட்டுள்ளது. படம் தயாரிப்பாளர் அஜய்க்கு திருப்தி அளிக்கவில்லை. 4 கோடி செலவு செய்து தான் தயாரித்த படம் வர்த்தக ரீதியாக வெற்றி அடையாதோ என்று அச்சமடைந்த அஜய், இரண்டு நாட்களாக கடும் மன உளைச்சலில் இருந்துள்ளார்.

இந்நிலையில் சனிக்கிழமையன்று அஜய் தனது வீட்டில் தூக்கு மாட்டி தற்கொலை செய்துக்கொண்டுள்ளார். தங்களது ஒரே மகனை பறிக்கொடுத்த அஜய்யின் பெற்றொர் அதிர்ச்சியில் உறைந்துள்ளனர். தான் தயாரித்த மலையாளப் படத்தை வெற்றி பெறாது என்று தயாரிப்பாளர் தற்கொலை செய்துக்கொண்டுள்ள சம்பவம் மலையாள திரையுலகத்தை அதிர்ச்சியில் ஆழ்த்தியுள்ளது.