பெல்ஜியம் தலைநகரான பிரஸ்சல்ஸில் உள்ள விமான நிலையத்தில் நிகழ்ந்த பயங்கர வெடிவிபத்தில் 27 பேர் பலியாகியுள்ளதாகவும் பலர் படுகாயமடைந்துள்ளதாகவும் அதிர்ச்சித் தகவல்கள் வெளியாகியுள்ளன.
பிரஸ்சல்ஸில் உள்ள Zaventem என்ற விமான நிலையத்தில் சற்று முன்னர் இரண்டுக்கும் மேற்பட்ட வெடிகுண்டுகள் வெடிக்கும் பலத்த ஓசை எழுந்ததை தொடர்ந்து விமான நிலையம் முழுவதும் புகை மண்டலமாக காட்சியளித்துள்ளது.

இந்த பயங்கர வெடிவிபத்தில் 27 பேர் பலியாகியுள்ளதாகவும் பலர் படுகாயமடைந்துள்ளதாகவும் அதிர்ச்சித் தகவல்கள் வெளியாகியுள்ள நிலையில், அதிகாரிகள் உடனடியாக விமான நிலையத்தை மூடியதுடன், அங்கிருந்த பயணிகளை அவசரமாக வெளியேற்றியுள்ளனர்.

Maalbeek, Schuman என்ற ரயில் நிலையங்களில் அடுத்தடுத்து வெடி குண்டு தாக்குதல் நடத்தப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

மேலும், இந்த தாக்குதலில் 10 பேர் வரை உயிரிழந்துள்ளதாக செய்திகள் வெளியாகியுள்ளன. மேலும், உயிரிழப்பு எண்ணிக்கை அதிகரிக்க வாய்ப்புள்ளதாக அதிகாரிகள் அச்சம் தெரிவித்துள்ளனர்.

தாக்குதல் நடந்த இந்த ரயில் நிலையங்களின் அருகில் ஐரோப்பிய ஆணையத்திற்கு சொந்தமான சில அலுவலகங்கள் அமைந்துள்ளது குறிப்பிடத்தக்கது.

மேலும், தலைநகரில் உள்ள அனைத்து ரயில் நிலையங்களும் மூடப்பட்டு வருவதாக அதிகாரிகள் தெரிவித்துள்ளனர்.

இந்ததாக்குதல்களை தொடர்ந்து நாடு முழுவதும் பாதுகாப்பை பலப்படுத்த பெல்ஜியம் உள்துறை அமைச்சகம் அதிரடி உத்தரவிட்டுள்ளது.

பாகிஸ்தானில், தேசிய தினத்தை முன்னிட்டு நாளை ஒரு நாள் கையடக்கத்தொலைபேசி சேவைகள் நிறுத்தம் செய்யப்படும் என அறிவிக்கப்பட்டுள்ளது.

பாகிஸ்தானில் தேசிய தினம் கொண்டாடப்பட உள்ளது. இதனை முன்னிட்டு தலைநகர் இஸ்லாமாபாத்தில் தேசிய தின கொண்டாட்டங்கள் மிகப் பிரமாண்ட அளவில் நடைபெற உள்ளன.

இந்த நிகழ்ச்சிகளின் போது, பாகிஸ்தான் ஆயுதப்படையின் பிரமாண்ட அணிவகுப்பு, சாகச நிகழ்ச்சிகள் நடைபெற உள்ளன. மேலும், பல்வேறு கலை நிகழ்ச்சிகளும் நடைபெற உள்ளது.

பாதுகாப்பு அணிவகுப்பு ஒத்திகை நடைபெற்ற போது தீவிரவாதிகள் நாசவேலையில் ஈடுபட முயற்சி செய்யலாம் என்ற தகவல் வெளியானது. இதனால், பாதுகாப்பு காரணம் கருதி இஸ்லாமாபாத் மற்றும் ராவல்பிண்டியில் கையடக்கத்தொலைபேசி சேவைகள் நிறுத்தி வைக்கப்பட்டன.

இதேபோன்று, தேசிய விழா நடைபெறும் நாளை கையடக்கத்தொலைபேசி சேவைகள் தற்காலிமாக நிறுத்தி வைக்கப்படும் என பாதுகாப்பு அதிகாரிகள் அறிவித்துள்ளனர்.

தனது 2 வயது மகளை சமையலறை ஒவன் உபகரணத்தில் வைத்து கடும் எரிகாயத்துக்கு உள்ளாக்கிய குற்றச்சாட்டில் தாயொருவர் கைதுசெய்யப்பட்ட சம்பவம் அமெரிக்க டெக்ஸாஸ் மாநிலத்தில் இடம் பெற்றுள்ளது.

கடந்த வாரம் வியாழக்கிழமை இடம் பெற்ற இந்த சம்பவம் குறித்து சர்வதேச ஊடகங்கள் திங்கட்கிழமை செய்திகளை வெளியிட்டுள்ளன.

கிளன் ரோஸ் நகரைச் சேர்ந்த தஷா ஹட்சர் (35 வயது) என்ற மேற்படி பெண், தனது சின்னஞ்சிறு மகளை ஒவன் உபகரணத்துக்குள் வைப்பதை அவதா னித்த ஒருவர் அது தொடர்பில் பொலி ஸாருக்கு அறிவித்துள்ளார்.

இதனையடுத்து சம்பவ இடத்துக்கு உட னடியாக வந்த பொலிஸார் குழந்தையை ஒவன் உபகர ணத்திலி ருந்து வெளி யில் எடு த்து மருத்துவ மனையில் அனுமதிக்க நடவடிக்கை எடுத்ததுடன் தஷாவை கைதுசெய்துள்ளனர்.

அந்தப் பெண் எதற்காக மேற்படி கொடூர நடவடிக்கையை மேற்கொண்டார் என்பது தொடர்பில் தகவல் எதுவும் வெளி யிடப்படவில்லை.

கடும் எரிகாயங்களுக்கு உள்ளான குழந்தை தொடர்ந்து மருத்துவமனையில் சிகிச்சை பெற்று வருகிறது.

தனது சகோதரிகளை பாலியல் பலாத்காரம் செய்ததோடு, தன்னிடமும் தவறாக நடக்க முயன்ற தந்தையை, அவரின் மகள் தீ வைத்து எரித்த சம்பவம் பாகிஸ்தானில் பரபரப்பை ஏற்படுத்தியுள்ளது.

பாகிஸ்தானின் காராச்சி நகரில் பிராபத் எனும் பகுதியில் வசிக்கும் ஒருவர் தனது மகள்களுக்கு பாலியல் பலாத்காரம் செய்துள்ளார். பயத்தின் காரணமாக அதை அவர்கள் வெளியே சொல்லவில்லை. இதைக்கண்டு கோபமடைந்த அவரின் இரண்டாவது மகள் ஆயிஷா, தனது தந்தையை கொலை செய்ய வேண்டும் என்று முடிவெடுத்தார்.

அதன்படி, அவருக்கு தூக்க மாத்திரை கொடுத்து தூங்க வைத்தார். அவர் நன்றாக தூங்கியதும், அவரை தரதரவென இழுத்துச் சென்று தீ வைத்து எரித்து விட்டார். அதன்பின் ஆயிஷா பொலிஸாரிடம் சரண் அடைந்தார்.

இதுபற்றி ஆயீஷா பொலிஸாரிடம் அளித்த வாக்குமூலத்தில் “என் தந்தை எனது மூத்த மற்றும் இளைய சகோதரிகளை மிரட்டி பாலியல் பலாத்காரம் செய்தார். என்னையும் பாலியல் பலாத்காரம் செய்ய முயற்சித்தார். அதனால்தான் அவரை எரித்துக் கொன்றேன்” என்று கூறியுள்ளார்.

இதனால், பொலிஸாரால் கைது செய்யப்பட்ட ஆயிஷா, கராச்சியில் உள்ள பெண்கள் காப்பகத்தில் அடைத்து வைக்கப்பட்டுள்ளார்.

சுவிஸ்லாந்து நாட்டில் இளைஞர்களை மிரட்டி பணம் பறிக்க முயன்ற பாலியல் தொழிலாளிகளை பொலிஸார் கைது செய்துள்ளனர்.

சுவிஸின் பேசல் நகரில் பாலியல் தொழில் புரியும் மையமொன்றை சேர்ந்த 3 பாலியல் தொழிலாளிகள் சில தினங்களுக்கு முன்னர் வெளியே சென்று சாலையில் நின்றவாறு இளைஞர்களை தம்வசம் மயக்கி அழைத்துச் செல்ல முயன்றுள்ளனர். அப்போது, மூவரும் மீதும் மோகம் கொண்ட 5 வாலிபர்கள் அவர்களுடன் சென்றுள்ளனர்.

பாலியல் மையத்திற்கு சென்றவுடன், ‘உங்களது விருப்பம் நிறைவேற வேண்டும் என்றால், நாங்கள் கேட்கும் பணத்தை தரவேண்டும். இல்லையெனில், நீங்கள் இங்கே வந்ததை உங்கள் உறவினர்களுடன் தெரிவித்து விடுவோம்’ எனக் கூறி மிரட்டியுள்ளனர்.

ஆனால், 3 பெண்கள் கேட்ட பணம் வாலிபர்களிடம் இல்லை எனவே வெளியே சென்று பணம் எடுத்து வருவதாக தெரிவித்துள்ளனர்.இதனை ஏற்றுக்கொண்ட மூவரும் இளைஞர்களிடமிருந்து விலை உயர்ந்த கை கடிகாரம், வீட்டு திறப்பு உள்ளிட்டவைகளை அடமானமாக வாங்கியதோடு இளைஞர் ஒருவரிடம் ’15,000 பிராங்க் தரவேண்டும்’ என மிரட்டி உறுதிப்பத்திரமும் கையெழுத்திட்டு வாங்கி வைத்துள்ளனர்.

வெளியே வந்த 5 பேரும் தலா 2,000 பிராங்க் பணம் ஏற்பாடு செய்ய முடியாததால், உடனடியாக பொலிஸாரிடம் புகார் கூறியுள்ளனர்.விரைந்து வந்த பொலிஸார் இளைஞர்களை மிரட்டிய பாலியல் தொழிலாளிகள் மூவரையும் கைது செய்து அவர்களிடம் இருந்த இளைஞர்களின் பொருட்களை மீட்டனர்.

இருவரிடமும் நடத்திய விசாரணையில் ‘இருவர் 29 மற்றும் 34 வயதுடைய நைஜீரியா நாட்டு பெண்கள் என்றும் மற்றவர் 54 வயதான பிரான்ஸ் நாட்டை சேர்ந்தவர் என தெரியவந்துள்ளது.

எனினும், இப்பாலியல் பெண்களால் பலர் பாதிக்கப்பட்டு இருக்கலாம் என சந்தேகித்துள்ள பொலிஸார் சிறையில் அடைத்து விசாரணை செய்து வருகின்றனர்.