அரசாங்கத்தின் நூறு நாள் வேலைத்திட்டத்தின் கீழ் வழங்கப்படும் என உறுதியளிக்கப்பட்ட இலவச வைபை (WIFI) வசதிகள் இன்று முதல் நடைமுறைப்படுத்தப்படும் என தெரிவிக்கப்பட்டுள்ளது.

இதன் ஆரம்ப நிகழ்வுகள் கொழும்பு – கோட்டை ரயில் நிலையத்தில் இன்று நடைபெறவுள்ளன.

இதன்படி இன்று முதல் 26 பொது இடங்களில் வைபை (WIFI) இணையத் தொடர்பு வசதிகளை பெறமுடியும் என அறிவிக்கப்பட்டுள்ளது.

பாரா­ளு­மன்ற உறுப்பினர்களின் எண்ணிக்கை 225இலிருந்து 250 ஆக அதி­க­ரிக்­கப்­பட வேண்டுமெ­ன்ற பரிந்துரையுடன் தேர்தல்கள் ஆணை­யாளர் மஹிந்த தேசப்­பி­ரிய புதிய தேர்தல் முறைக்கான யோசனையை இன்று அர­சியல் கட்சித் தலை­வர்­க­ளிடம் முன்வைக்கவுள்ளார்.

இப்­பு­திய தேர்தல் முறையின்படி 140 உறுப்பினர்கள் தொகுதி வாரி­யா­கவும் 80 உறுப்பினர்கள் மாவட்ட விகி­தா­சார முறையிலும் 30 உறுப்பினர்கள் தேசியப்பட்டியல் மூலமும் தெரிவு செய்யப்படுவார்கள்.

இதன் அடிப் படையிலேயே தேர்தல்கள் ஆணை­யாளர் கட்சித் தலை­வர்­க­ளிடம் முன்வைக்­க­வுள்ள புதிய தேர்தல் முறை யோசனை அமைந்துள்ளது.

இதேவேளை, பிர­தமர் ரணில் விக்கிரமசிங்கவின் தலை­மையில் நடைபெறவுள்ள கட்சித் தலைவர்களின் கூட்டத்தில் இந்தப் புதிய தேர்தல் முறை ஆராயப்­ப­ட­வுள்­ளது. தேர்தல் ஆணையாளர் முன்­வைத்­துள்ள இந்­தப்­பு­திய தேர்தல் முறை­யின்­படி 140 தேர்தல் தொகு­தி­களின் எல்லை நிர்ணய செயற்பாடுகள் கட்­சித்­த­லை­வர்­களின் அங்­கீ­காரம் கிடைத்­ததன் பின்பே நடைபெற­வுள்­ள­தாக தேர்தல் திணைக்­களம் தெரி­விக்­கி­றது.

இன்று இந்த புதிய தேர்தல் முறை பற்றி ஆரா­ய­வுள்ள அர­சியல் கட்­சி­களின் தலை­வர்கள் மீண்டும் ஏப்ரல் 6 ஆம் திகதி ஒன்று கூடி இறுதித் தீர்­மானம் மேற்­கொள்­ள­வுள்­ள­தாகவும் தெரிவிக்கப்படுகிறது.

இப்­பு­திய தேர்தல் முறைமை பற்றி ஐக்­கிய மக்கள் சுதந்­திர முண்­ண­னியின் பாரா­ளு­மன்ற குழுவும் இன்று கூடி ஆரா­ய­வுள்­ளது. ஐ.ம.சு. முன்­னணி இது பற்றி ஆராய்ந்த பின்பு ஸ்ரீலங்கா சுதந்­தி­ரக்­ கட்சியின் பாரா­ளு­மன்றக் குழுவின் ஆலோ­ச­னை­க­ளையும் பெற்ற பின்பே இறு­தித்­தீர்­மா­னத்தை எடுக்கவுள்ளது.

பொப்பி என்ற 18 வயதான யுவதி, 10 வருடங்களுக்கு முன்னர் இலங்கையின் பெருந்தோட்டம் ஒன்றில் இருந்து பிரித்தானிய குடும்பத்தினரால் தத்தெடுக்கப்பட்டார்.

இதன் பின்னர் பிரித்தானிய குடும்பத்தால் வளர்க்கப்பட்ட பொப்பி, தற்போது மன்செஸ்டர் பல்கலைக்கழகத்தில் பயின்று வருகிறார். இந்த நிலையில் தமது பெற்றோர் இலங்கையில் இருப்பதை தெரிந்து கொண்ட அவர் அவர்களை தேடி இலங்கைக்கு வந்துள்ளார்.

போரினால் பாதிக்கப்பட்ட இலங்கையில் தமது பெற்றோரும் பாதிக்கப்பட்டிருக்கலாம் என்ற அச்சத்துடன் விஜயம் செய்த பொப்பிக்கு தமது பெற்றோர் இருப்பது போர் இடம்பெறாத பெருந்தோட்டப் பகுதி என்பது தெரியவந்தது.

இந்த நிலையில் குறித்த தோட்டத்துக்கு சென்ற அவர் ஆங்கிலத்தில் ஹோட்டல் முகாமையாளர் ஒருவரிடம் விசாரித்தபோது, அருகில் இருந்து சிறிய பெண் ஒருவர் தம்மை கட்டித்தழுவியதாக பொப்பி தெரிவித்துள்ளார்.

தாம் நம்பவில்லை என்றபோதும் அதுவே தம்மை பெற்றதாய் என்பதை கண்டு பொப்பி ஆனந்தமடைந்தார். இந்த நிலையில் தமது சகோதரிகளில் ஒருவர் தோட்ட தேயிலை தொழிற்சாலையில் பணியாற்றும் அதேநேரம் மற்றும் ஒருவர் ஆசிரியையாக பணியாற்று வருவதாக பொப்பி அறிந்துள்ளார்.

இது குறித்து பொப்பியின் தாய் குறிப்பிடுகையில், ஏற்கனவே இரண்டு பிள்ளைகளுக்கு தந்தையான தமது கணவர், குடிப்பழக்கம் காரணமாக இறந்துவிட்டார். அவர் இறக்கும் போது தாம் பொப்பியை வயிற்றில் சுமந்திருந்ததாக காலிங்கா என்ற அந்த தாய், குறித்த குழந்தையை வளர்க்க முடியாமையால் தமது தோட்டத்துக்கு உல்லாச பயணிகளாக வந்த பிரித்தானிய தம்பதியினருக்கு தத்து கொடுத்ததாக தெரிவித்தார்.

இந்த நிலையில் குறித்த குழந்தையான பொப்பி மீண்டும் வந்து தம்மை சந்திப்பார் என்று தாம் நம்பவில்லை என்றும் காலிங்கா குறிப்பிட்டுள்ளார்.

2014ம் ஆண்டு நடைபெற்ற கல்விப் பொதுத் தராதர சாதாரண தர பரீட்சை பெறுபேறுகள் வௌியாகியுள்ளதாக பரீட்சைகள் ஆணையாளர் நாயகம் அறிவித்துள்ளார்.

இணையத்தில் வௌியிடப்பட்டுள்ள பரீட்சை பெறுபேறுகளை www.doenets.lk மற்றும் www.results.exams.gov.lk ஆகிய இணையத்தள முகவரிகளில் பார்வையிடலாம்.

ரியூசன் வகுப்­புக்கு செல்ல மறுத்த மகனை மிரட்டும் வகை யில் தனது உடலில் மண்ணெண்ணையை ஊற்றி தான் தீக்­கு­ளிக்க போவ­தாக எச்­ச­ரித்த தாயொ­ருவர் தற்­செ­ய­லாக சமை­ய­ல­றைக்கு சென்ற வேளை அவர் மீது தீப்­பற்றிக் கொண்­டதில் அவர் தீ யில் கருகி பரிதா­ப­க­ர­மாக பலி­யானார்.

இந்தப் பரி­தாப சம்­பவம் யாழ்.சுன்­னாகம் சூராவத்­தையில் இடம்­பெற்­றுள்­ளது. அண்மையில் இடம்­பெற்ற இச்­சம்­ப­வத்தில் மரண­மா­னவர் ந.சிவ­சோதி என்ற தாயாவார். இவ­ரது மரண விசா­ர­ணையை யாழ்.போதனா வைத்­தி­ய­சாலை திடீர் மரண விசா­ரணை அதிகாரி நமசிவாயம் பிரேம்குமார் மேற்கொண்டார்.

சிறுமி ஒருவரை பணத்திற்கு விற்பனை செய்ததாகக் கூறப்படும் ஒருவரைக் கட்டுகஸ்தோட்டைப் பொலிசார் கைது செய்துள்ளனர்.

எட்டு வயதுடைய சிறுமி ஒருவரையே அவரது சிறிய தந்தை உறவு முறையுள்ள ஒருவருக்கு 50 ஆயிரம் ரூபாவிற்கு விற்பனை செய்துள்ளார்.

இச்சம்பவம் தொடர்பில் கட்டுகஸ்தோட்டை பொலிசாருக்கு கிடைத்த இரகசிய தகவலையடுத்து குறித்த நபர் கைது செய்யப்பட்டுள்ளார்.