பாதிக்கப்பட்டுள்ள தொடர்புகளை மீண்டும் கட்டியெழுப்புவதற்காக அரசாங்கத்துடன் செயற்பாடுகளை முன்னெடுக்க உள்ளதாக வடக்கு மாகாண முதலமைச்சர் சீ.வீ. விக்னேஸ்வரன் தெரிவித்துள்ளார்.

வடக்கு மாகாணத்தின் பிரச்சினைகள் தொடர்பில் செயற்பாடுகளை முன்னெடுக்க அரசாங்கம் முன்வந்துள்ளமை குறித்து மகிழ்ச்சி தெரிவிப்பதாகவும் அவர் கூறியுள்ளார்.

கல்வி ராஜாங்க அமைச்சர் வீ. ராதாகிருஷ்ணனுடன் வடக்கு மாகாண முதலமைச்சர் அலுவலகத்தில் இன்று நடைபெற்ற பேச்சுவார்த்தையின் போது முதலமைச்சர் இதனை கூறியுள்ளார்.

வடக்கு மாகாணத்தில் உள்ள பாடசாலைகளில் நிலவும் சில பிரச்சினைகள் குறித்து இங்கு கலந்துரையாடப்பட்டுள்ளதுடன் அதற்கு துரிதமான தீர்வுகளை வழங்குவதாக கல்வி ராஜாங்க அமைச்சர் கூறியுள்ளார்.

இந்த விடயம் தொடர்பாக கல்வியமைச்சர் மற்றும் அமைச்சின் செயலாளருடன் கலந்துரையாடி அது குறித்து ஜனாதிபதி அல்லது பிரதமரின் கவனத்திற்கு கொண்டு செல்ல எண்ணியுள்ளதாகவும் ராதாகிருஷ்ணன் குறிப்பிட்டுள்ளார்.

முல்லைத்தீவு மாவட்டத்தின் புதுக்குடியிருப்பு மற்றும் கரைத்துறைப்பற்று பிரதேச சபைக்கான தேர்தலை நடத்த நீதிமன்றம் இடைக்காலத் தடை உத்தரவு பிறப்பித்துள்ளது.

குறித்த பிரதேச சபைகளுக்கான தேர்தல் நாளை (28.02) நடைபெற ஏற்பாடாகியுள்ள நிலையில் தேர்தலை மார்ச் 27ம் திகதிவரை நடத்த வேண்டாம் என உயர் நீதிமன்றம் உத்தரவு பிறப்பித்துள்ளது.

வாக்காளர் இடாப்பு பிரச்சினை தொடர்பில் தாக்கல் செய்யப்பட்ட மனுவை விசாரித்த உயர் நீதிமன்றம் இந்த உத்தரவை பிறப்பித்துள்ளது.

கொழும்பு பண்டாரநாயக்க மாநாட்டு மண்டபத்தில் நடைபெற்ற தேசத்திற்கு மகுடம் தேசிய கண்காட்சியில் கட்டிடம் ஒன்று இடிந்து விழுந்து ஊனமுற்ற வைத்திய பீட மாணவிக்கு 180 மில்லியன் நட்டஈடு வழங்குமாறு நீதிமன்றம் உத்தரவு பிறப்பித்துள்ளது.

2008 தேசத்திற்கு மகுடம் இடம்பெற்றபோது கண்காட்சி பார்த்துக் கொண்டிருந்த கண்காட்சிகூடம் இடிந்து வீழ்ந்து சமிதா சமன்மலி என்ற அப்போதைய வைத்தியபீட மாணவி ஊனமுற்றார்.

குறித்த மாணவி தாக்கல் செய்த வழக்கை விசாரித்த கொழும்பு மாவட்ட நீதிமன்றம் சம்பந்தப்பட்ட அதிகாரிகள் (பிஎம்ஐசிஎச் நிர்வாகி) மாணவிக்கு 180 மில்லியன் நட்டஈடு வழங்க வேண்டும் என உத்தரவிட்டது.

முல்லைத்தீவு புதுக்குடியிருப்பு மற்றும் கரைத்துறைப்பற்று பிரதேச சபை தேர்தலுக்கான வாக்குப்பெட்டிகள் இன்று (27.02) விநியோகிக்கப்படவுள்ளதாக மேலதிக தேர்தல்கள் ஆணையாளர் எம்.எம்.மொஹம்மட் தெரிவித்துள்ளார்.

முல்லைத்தீவு மாவட்டத்தின் புதுக்குடியிருப்பு, கரைத்துறைப்பற்று பிரதேச சபைகளுக்கான தேர்தல் நாளை 28ம் திகதி நடைபெறவுள்ளது.

குறித்த பிரதேச சபைகளில் 20 உறுப்பினர்களை தெரிவு செய்வதற்காக 95 வாக்களிப்பு மத்திய நிலையங்கள் அமைக்கப்பட்டுள்ளன.

இதன்படி கரைத்துறைப்பற்று பிரதேச சபைக்கு 11 உறுப்பினர்களை தெரிவு செய்வதற்காக 6 அரசியல் கட்சிகளை பிரதிநிதித்துவப்படுத்தி 90 வேட்பாளர்கள் போட்டியிடவுள்ளதுடன், புதுக்குடியிருப்பு பிரதேச சபைக்கு 9 உறுப்பினர்களை தெரிவு செய்வதற்காக 5 அரசியல் கட்சிகள் மற்றும் சுயேட்சைக் குழுவொன்றை சேர்ந்த 72 வேட்பாளர்களும் போட்டியிடவுள்ளனர்.

கல்விப் பொதுத்தராதர சாதாரண தரப் பரீட்சையில் கணித பாடத்தில் தேர்ச்சி பெறாத மாணவர்களும் உயர்தரப் பரீட்சைக்குத் தோற்ற முடியும் என கல்வி அமைச்சு தெரிவித்துள்ளது.

இதன்படி உயர்தரத்திற்கு விண்ணப்பிக்க கணித பாடத்தில் சித்திபெற்றிருக்க வேண்டியது அவசியமில்லை என அந்த அமைச்சு சுட்டிக்காட்டியுள்ளது.

எதுஎவ்வாறு இருப்பினும் சில தொழில்கள், பாடநெறிகள் போன்றவற்றிற்கு கணித பாடத்தில் தேர்ச்சி பெற்றிருக்க வேண்டியது அவசியம் என்ற நிலை காணப்படுவதாக குறிப்பிட்டுள்ள கல்வி அமைச்சு, இந்த சலுகையால் அவற்றில் இருந்து விடுபட இயலாது எனவும் மேலும் கூறியுள்ளது.

நாட்டின் தேர்தல் முறைமை மாற்­றப்­பட்ட பின்­னரே அடுத்த பாரா­ளு­மன்றத் தேர்தல் நடை­பெ­ற­வேண்டும் என்­பதில் அர­சாங்கம் உறு­தி­யாக இருக்­கின்­றது. காரணம் தேர்தல் முறையை மாற்­று­வ­தாக நாங்கள் மக்­க­ளுக்கு வாக்­கு­று­தி­ய­ளித்­துள்ளோம். அதனை மீறிச் செல்ல முடி­யாது என்று அமைச்­ச­ரவை பேச்­சா­ளரும் அமைச்­ச­ரு­மான ராஜித சேனா­ரட்ன தெரி­வித்தார்.

தேர்தல் முறையை மாற்­றி­னால்தான் அர­சி­ய­ல­மைப்பு திருத்­தத்­துக்கு ஆத­ரவு வழங்­கு­வ­தாக சிறி­லங்கா சுதந்­திரக் கட்சி தீர்­மா­னித்­துள்­ளது. எனவே மூன்றில் இரண்டு பெரும்­பான்மை பலத்­துடன் திருத்தம் நிறை­வேற சுதந்­திரக் கட்­சியின் ஆத­ரவு தேவை­யாகும் என்றும் அவர் குறிப்­பிட்டார்.

அர­சாங்க தகவல் திணைக்­க­ளத்தில் நேற்று நடை­பெற்ற வாராந்த அமைச்­ச­ரவை முடி­வு­களை அறி­விக்கும் செய்­தி­யாளர் மாநாட்டில் கலந்­து­கொண்ட அமைச்­ச­ரிடம் எழுப்­பப்­பட்ட கேள்­வி­க­ளுக்கு பதி­ல­ளிக்­கை­யி­லேயே அவர் மேற்­கண்­ட­வாறு கூறினார். அமைச்சர் அங்கு மேலும் குறிப்­பி­டு­கையில்,

தேர்தல் முறை மாற்றம் தொடர்பில் எனது தனிப்­பட்ட கருத்­தா­னது தற்­போதை முறை மாற்­றப்­ப­ட­வேண்டும் என்­ப­தாகும். இதில் எந்த சிக்­கலும் இருக்க முடி­யாது. தேர்தல் முறையை மாற்­றினால் நான் சில வேளை எதிர்­வரும் தேர்­தலில் தோல்­வி­ய­டை­யலாம். ஆனால் இந்த முறை மாற­வேண்டும் என்­பதே முக்­கி­ய­மாகும்.

கேள்வி: அர­சாங்­கத்தின் நிலைப்­பாடு என்ன?

பதில்: நாட்டின் தேர்தல் முறைமை மாற்­றப்­பட்ட பின்­னரே அடுத்த பாரா­ளு­மன்றத் தேர்தல் நடை­பெ­ற­வேண்டும் என்­பதில் அர­சாங்கம் உறு­தி­யாக இருக்­கின்­றது. காரணம் தேர்தல் முறையை மாற்­று­வ­தாக நாங்கள் மக்­க­ளுக்கு வாக்­கு­று­தி­ய­ளித்­துள்ளோம். அதனை மீறிச் செல்ல முடி­யாது. தேர்தல் முறை மாற்­றத்தின் பின்­னரே தேர்தல் நடை­பெறும் .இதற்­கான நட­வ­டிக்­கை­கயை நாங்கள் எடுப்போம்.

கேள்வி: 19 ஆவ து திருத்தச் சட்டம் எப்­போது வரும்?

பதில்: மார்ச் மாதத்தில் வரும்.

கேள்வி: தேசிய அர­சாங்கம் அமைக்க தயாரா?

பதில்: கட்­டு­நா­யக்­கவில் இடம்­பெற்ற சிறி­லங்கா சுதந்­திரக் கட்­சியின் செய­ல­மர்வில் தேசிய அர­சாங்கம் குறித்து ஆரா­ய­ப­பட்­டது. இறு­தியில் தேசிய அர­சாங்கம் அமைக்க சுதந்­திரக் கட்சி இணங்­கி­யது. இன்று ( நேற்று) சுதந்­திரக் கட்­சியின் மத­திய குழு கூட­வுள்­ளது. அந்தக் குழுவில் இறுதி முடிவு எடுக்­கப்­படும்.

கேள்வி: தேசிய அர­சாங்கம் அமைக்­கப்­பட்டால் வலு­வான எதிர்க்க்­கட்சி இல்­லா­து­போய்­வி­டுமே?

பதில்: தமிழ்த் தேசியக் கூட்­ட­மைப்பு மக்கள் விடு­தலை முன்­னணி இட­து­சாரி கட்­சிகள் என பல உள்­ள­னவே.

கேள்வி வலு­வான எதிர்க்­கட்சி?

பதில்: தேசிய அர­சா­ஙகம் நீண்­ட­கா­லத்­துக்கு நீடிக்­காது. பாரா­ளு­மன்றத் தேர்­த­லுக்கு பின்னர் கூட இரண்டு வருடங்களே தேசிய அரசாங்கம் இருககும். அதன் பின்னர் தனித்தனியாக சென்றுவிடுவோம்.

கேள்வி: தேசிய அரசாங்கம் தொடர்பான பேச்சுவார்த்தைகள் இடம்பெற்றனவா?

பதில்: சுதந்திரக் கட்சியின் மத்திய குழுவில் ஆராயப்படும்.

இன்று காலை 10 மணியளவில் வடமராட்சி கிழக்கு கட்டைக்காடு கடற்பகுதியில் அப்பகுதி மீனவர்கள் தொழில் செய்துகொண்டிருந்தபோது அங்கு வந்த இந்திய மீனவர்கள் கடலில் வைத்து கூரிய ஆயுதங்கள் மற்றும் கொட்டன்களால் வடமராட்சி கிழக்கு மீனவர்கள் மீது காட்டுமிராண்டித்தனமான தாக்குதலை நடத்தியுள்ளனர்.

இதேவேளை நேற்று இரவு வடமாராட்சி கிழக்கு கடற்பகுதியில் மீனவர்களின் பல இலட்சம் பெறுமதியான வலைகள் இந்திய மீனவர்களால் அறுத்தெறியப்பட்டுள்ளன.

இந்தச் சம்பவங்களை கண்டித்து இன்று அப்பகுதி மீனவர்கள் கடற்கரையில் திரண்டு இந்த பிரச்சினைக்கு தீர்வு தரும்படி ஆர்பாட்டத்தில் ஈடுபட்டதுடன், அங்கு பா.உறுப்பினர் சி.சிறீதரனுக்கு வடமராட்சி கிழக்கு கட்சி அமைப்பாளர் சூரியகாந் ஊடாக மகஜர் ஒன்றை அனுப்பி வைத்துள்ளனர்.