அவுஸ்திரேலியாவில் பொறியியலாளராகப் பணியாற்றி வருபவரும்,யாழ்ப்பாணத்தைப் பூர்வீகமாகக் கொண்ட ரத்னம் ரோஸி ஹரிந்த், அவுஸ்திரேலிய தேசிய கராத்தே அணிக்குத் தெரிவாகி, தாய்லாந்தில் ஆரம்பமாகவுள்ள, சர்வதேச கராத்தே போட்டியில் பங்கேற்கவுள்ளார்.
யாழ்.சென்.ஜோன்ஸ் கல்லூரியில் ஆரம்பக் கல்வியையும், யாழ்.இந்துக் கல்லூரியில் உயர்கல்வியையும் தொடர்ந்த இவர், மொறட்டுவப் பல்கலைக்கழகத்தில் பொறியியல் பட்டப்படிப்பை நிறைவு செய்தவராவார்.
அவுஸ்திரேலியாவின் குயின்ஸ்லாந்து கிறிபித் பல்கலைக்கழகத்தில் பொறியியல் முதுகலைப் பட்டப்படிப்பை நிறைவு செய்ததுடன், தற்போது அவுஸ்திரேலியாவில் புவித்தொழில்நுட்பப் பொறியியலாளராகப் பணியாற்றி வருகின்றார்.
கராத்தே துறையில் 6ஆம் டான் தரத்தைப் பெற்றுள்ள இவர், இலங்கையின் பல்வேறு பகுதிகளில் இயங்கிவரும் JKS கராத்தே பாடசாலைகளின் ஊடாக, ஆயிரத்துக்கும் மேற்பட்ட மாணவர்களுக்கு கராத்தே பயிற்சி வழங்கி வருகிறார் என்பது குறிப்பிடத்தக்கது.
விண்ணில் நிகழும் மிக அரிய மற்றும் வியப்பூட்டும் வானியல் நிகழ்வுகளில் ஒன்றான முழு சூரிய கிரகணம் இன்று (12.08.2026) நிகழவுள்ளது.
உலகெங்கிலும் உள்ள வானியல் ஆர்வலர்களாலும் புகைப்படக் கலைஞர்களாலும் பெரிதும் எதிர்பார்க்கப்படும் இந்த நிகழ்வை, இலங்கையில் இருந்து பார்க்க முடியாது என்பது அந்நாட்டு மக்களுக்கு ஏமாற்றமளிக்கும் செய்தியாக அமைந்துள்ளது.
இரவு நேரத்தில் நிகழ்வதால் இலங்கையில் தெரியாது .சூரியனுக்கும் பூமிக்கும் இடையே நிலவு ஒரே நேர்கோட்டில் வரும்போது, சூரியனின் ஒளியை நிலவு முழுமையாக மறைப்பதே ‘முழு சூரிய கிரகணம்’ எனப்படுகிறது.
இதன்போது, பகல் நேரத்திலேயே வானம் இருண்டு மாலை போன்ற சூழல் உருவாகும். மேலும், சூரியனின் வெளிப்புற வளிமண்டலமான ‘கரோனா’ பகுதி மட்டும் பிரகாசமான வெண்வட்டம் போல ஒளிரும் காட்சியே இதன் தனித்துவமான சிறப்பம்சமாகும்.
இருப்பினும், இலங்கை நேரப்படி இன்று இரவு சுமார் 11:16 மணிக்கு இந்த கிரகணம் நிகழ உள்ளதால், இரவு நேர காரணமாக இலங்கையின் எந்தவொரு பகுதியிலும் இதை நேரடியாகக் காண முடியாது என தெரிவிக்கப்பட்டுள்ளது.
இந்த முழு சூரிய கிரகணத்தின் முதன்மைப் பாதை கிரீன்லாந்து, ஐஸ்லாந்து, ஸ்பெயின், போர்த்துகலின் சில பகுதிகள் மற்றும் வடக்கு ரஷ்யா வழியாகச் செல்கிறது.
வடக்கு ஸ்பெயினில் சூரிய மறைவு நேரத்திற்கு மிக அருகில் கிரகணம் நிகழு என்பதால், அடிவானத்தில் மறையும் சூரியனோடு இணைந்த அரிய காட்சியை அங்கே காண முடியும்.
ஐஸ்லாந்தின் பனிப்பாறைகள் மற்றும் எரிமலை நிலப்பரப்புகளிலும், கிரீன்லாந்தின் ஆர்க்டிக் பனிப்பகுதிகளிலும் இந்த வரலாற்றுச் சிறப்புமிக்க நிகழ்வைக் காண உலகெங்கிலும் இருந்து ஏராளமான சுற்றுலாப் பயணிகள் குவிந்து வருகின்றனர்.
முழு கிரகணம் தென்படாத ஐரோப்பாவின் பெரும்பாலான பகுதிகள், வட அமெரிக்கா, அலாஸ்கா, கனடா மற்றும் வடமேற்கு ஆபிரிக்கா ஆகிய பிராந்தியங்களில் இது ‘பகுதி சூரிய கிரகணமாக’க் காட்சியளிக்கும்.
அடுத்ததாக 2027-ஆம் ஆண்டு ஒகஸ்ட் மாதத்திலும் ஒரு முழு சூரிய கிரகணம் நிகழவுள்ளது. ஆனால், அந்த கிரகணமும் இலங்கையில் இருந்து தென்படாது என்றும்; வட அமெரிக்கா, ஸ்பெயின் மற்றும் யேமன் ஆகிய பகுதிகளில் இருந்தே அதைக் காண முடியும் என்றும் வானியல் வல்லுநர்கள் தெரிவித்துள்ளனர்.
ஆந்திராவில் வேறு நபருடன் பேசுகிறார் என்ற சந்தேகத்தில் பட்டதாரி இளம்பெண்ணைக் கத்தியால் குத்திக் கொன்று, உடலுக்குப் பெட்ரோல் ஊற்றி எரித்த காதலனைப் போலீசார் கைது செய்தனர்.
குண்டூரில் உள்ள தனியார் கல்லூரியில் B.Tech படித்தபோது, சிலகலூரிபேட்டையைச் சேர்ந்த ஹசீனாவுக்கும் இனுபராஜுபள்ளி கிராமத்தைச் சேர்ந்த சைதுலுவுக்கும் இன்ஸ்டாகிராம் மூலம் பழக்கம் ஏற்பட்டு 5 ஆண்டுகளாகக் காதலித்து வந்துள்ளனர்.
படிப்பை முடித்த ஹசீனா சுல்லூருபேட்டாவில் உள்ள தனியார் நிறுவனத்தில் வேலைக்குச் சேர்ந்துள்ளார். சைதுலு விவசாயம் செய்து வந்தார். வேலைக்குச் சென்ற பிறகு ஹசீனா போனில் பேசுவதைக் குறைத்ததால், அவர் வேறு ஒருவரை விரும்புவதாகச் சைதுலு சந்தேகமடைந்துள்ளார்.
பேச்சுவார்த்தை நடத்துவதற்காகச் சிந்தபள்ளி பகுதிக்கு ஹசீனாவை வரவழைத்துள்ளார் சைதுலு. அங்கு இருவருக்கும் இடையே வாக்குவாதம் முற்றவே, மறைத்து வைத்திருந்த கத்தியால் ஹசீனாவைக் குத்தியுள்ளார். பின்னர் உடலின் மீது பெட்ரோல் ஊற்றித் தீவைத்துவிட்டுத் தப்பியுள்ளார்.
மகள் வீடு திரும்பாததால் குடும்பத்தினர் அளித்த புகாரின்பேரில் விசாரணை நடத்திய போலீசார், நாகார்ஜுன சாகர் கால்வாய்க்கரையில் பாதி எரிந்த நிலையில் ஹசீனாவின் சடலத்தைக் கைப்பற்றினர்.
போலீசாரின் தீவிர விசாரணையில் சைதுலு தன் குற்றத்தை ஒப்புக்கொண்டதை அடுத்து, அவரைக் கைது செய்த போலீசார் நீதிமன்றத்தில் ஆஜர்படுத்தி சிறையில் அடைத்தனர்.
தமிழகத்தில் காதல் கொலைகள் சமீப காலமாக அதிகரித்து வருகிறது. பெண்களுக்கு எதிரான பாலியல் குற்றங்கள் அதிகரித்து வருவதைப் போலவே இன்ஸ்டாகிராம் செயலி நட்பால் குற்றங்கள் அதிகரித்து வருவதாக ஆய்வில் தெரிய வந்துள்ளது.
திருப்பூர் மாவட்டம் பல்லடத்தில் திருமணத்திற்குப் பெற்றோர் சம்மதிக்காததால், இன்ஸ்டாகிராம் காதலன் வீடு புகுந்து தாய் மற்றும் மகளைச் சரமாரியாக வெட்டிக்கொலை செய்த சம்பவம் அதிர்ச்சியை ஏற்படுத்தியுள்ளது.
பல்லடம் பச்சாபாளையத்தைச் சேர்ந்த பனியன் தொழிலாளி தனலட்சுமி (42) மற்றும் அவரது மகள் பூவரசி (22). கோவை தனியார் கல்லூரியில் எம்.சி.ஏ பயின்று வந்த திண்டுக்கல்லைச் சேர்ந்த அக்சயன் (27) என்பவருடன் பூவரசிக்கு கடந்த 3 ஆண்டுகளாக இன்ஸ்டாகிராம் மூலம் காதல் இருந்துள்ளது.
இருவரும் ஒரே சமூகத்தைச் சேர்ந்தவர்களாக இருந்த போதிலும், பூவரசியின் பெற்றோர் இவர்களது திருமணத்திற்குச் சம்மதிக்காமல் தொடர்ந்து மறுப்பு தெரிவித்து வந்துள்ளனர்.
இதனால் ஆத்திரமடைந்த அக்சயன் பல்லடத்தில் தங்கித் தனலட்சுமியின் வீட்டிற்குச் சென்று திருமணத்திற்கு வற்புறுத்தியுள்ளார். இன்றும் அவர்களுக்குள் தகராறு ஏற்படவே, தான் மறைத்து வைத்திருந்த அரிவாளால் தனலட்சுமி மற்றும் பூவரசி இருவரையும் சரமாரியாக வெட்டியுள்ளார்.
இதில் பலத்த காயமடைந்த தாய், மகள் இருவருமே சம்பவ இடத்திலேயே பரிதாபமாக உயிரிழந்தனர். தகவலறிந்து விரைந்து வந்த பல்லடம் காவல்துறையினர், கொலையாளி அக்சயனைக் கைது செய்து தீவிர விசாரணை நடத்தி வருகின்றனர்.
2027ஆம் ஆண்டுக்கான வரவு செலவுத் திட்டத்தின் ஊடாக அரச உத்தியோகத்தர்களின் சம்பளம் அதிகரிக்கப்படும் என்று அமைச்சரவைப் பேச்சாளர் அமைச்சர் நளிந்த ஜயதிஸ்ஸ தெரிவித்துள்ளார்.
அமைச்சரவை முடிவுகளை அறிவிக்கும் வாராந்த செய்தியாளர் சந்திப்பில், ஊடகவியலாளர்கள் எழுப்பிய கேள்விக்கு பதிலளிக்கும் போதே அவர் மேற்கண்டவாறு குறிப்பிட்டுள்ளார்.
தொடர்ந்தும் தெரிவிக்கையில், 2025 மற்றும் 2026ஆம் ஆண்டுகளில் அரச ஊழியர்களுக்கு அடிப்படைச் சம்பள அதிகரிப்பு வழங்கப்பட்டுள்ளது.
2027ஆம் ஆண்டிலும் சம்பள அதிகரிப்பு மேற்கொள்ளப்படும். பொருளாதார மீட்சிக்கு மத்தியில் அரச வருமானம் ஒப்பீட்டளவில் உயர்வடைந்து வருகின்றது.
இவற்றுள் கணிசமான பகுதி அரச அரச அதிகாரிகளின் சம்பளம் மற்றும் கொடுப்பனவுகளுக்காக ஒதுக்கப்பட்டு வருகின்றது.
அரச ஊழியர்களின் அடிப்படைச் சம்பளத்தை உயர் மட்டத்தில் அரசாங்கம் அதிகரித்துள்ளது. 2025 ஏப்ரல் மாதத்தில் சம்பளம் அதிகரிக்கப்பட்டது. பின்னர், 2026இல் சம்பளம் அதிகரிக்கப்பட்டதோடு 2027இலும் அதிகரிக்கப்படும்.
மிகச் சிறந்த பொருளாதார நிலையில் இருந்து நாம் நாட்டைப் பொறுப்பேற்கவில்லை. பொருளாதார நிலை படிப்படியாக முன்னேறுகின்றது. அதற்கு ஏற்பவே அரச ஊழியர்களின் அடிப்படைச் சம்பளத்திலும் அதிகரிப்பும் கொடுப்பனவுகளும் வழங்கப்பட்டு வருகின்றன.
யாருக்கேனும் கொடுப்பனவுகள் மற்றும் சம்பளம் தொடர்பான பிரச்சினைகள் இருந்தால், அதற்காக அமைக்கப்பட்டுள்ள ஆணைக்குழுவில் முறைப்பாட்டினை முன்வைக்க முடியும் என குறிப்பிட்டுள்ளார்.
நிலத் தகராறு காரணமாக ஏற்பட்ட மோதலின்போது அயல் நபர் ஒருவரால் காது கடிக்கப்பட்டதாகக் கூறப்படும் சீத்தாஎலிய, போலகந்த பிரதேசத்தைச் சேர்ந்த பெண்ணுக்கு இதுவரை நீதி கிடைக்கவில்லை என முன்வைக்கப்பட்ட முறைப்பாடு,
தொடர்பில் விசாரணை மேற்கொண்டுள்ள இலங்கை மனித உரிமைகள் ஆணைக்குழு, நுவரெலியா பொலிஸார் உள்ளிட்ட சம்பந்தப்பட்ட அதிகாரிகளின் செயற்பாடுகள் குறித்துப் பரிந்துரைகளை முன்வைத்துள்ளது.
பாதிக்கப்பட்ட பெண்ணின் சார்பில் ‘United Human Rights Organization’ அமைப்பினால் மனித உரிமைகள் ஆணைக்குழுவில் தாக்கல் செய்யப்பட்ட HRC/HAT/58/26/N என்ற முறைப்பாட்டை விசாரணை செய்த பின்னரே இந்தப் பரிந்துரை முன்வைக்கப்பட்டுள்ளது.
நுவரெலியா – ஹட்டன் மனித உரிமைகள் ஆணைக்குழுவின் பிராந்திய அலுவலகத்தினால் 2026 ஜூலை 31ஆம் திகதியிடப்பட்ட கடிதம் மூலம் குறித்த பரிந்துரை நுவரெலியா பிரதேச செயலாளருக்கு அறிவிக்கப்பட்டுள்ளதாக முறைப்பாட்டாளர் தரப்பு தெரிவிக்கிறது.
முறைப்பாட்டின்படி, சீத்தாஎலிய, போலகந்த பிரதேசத்தைச் சேர்ந்த நோனா பட்டோன் என்பவருக்குச் சொந்தமான காணி தொடர்பில் அயல் நபர் ஒருவருடன் ஏற்பட்ட தகராறு தீவிரமடைந்ததைத் தொடர்ந்து இந்தச் சம்பவம் இடம்பெற்றுள்ளது.
குறித்த காணிக்கு முன்னால் அமைந்துள்ள பாதையைப் பயன்படுத்துவதற்கு நோனா பட்டோன் எதிர்ப்பு தெரிவித்தபோது, அவரது காதைக் குறித்த நபர் கடித்ததாகக் கூறப்படும் சம்பவம் 2026 மார்ச் 4ஆம் திகதி இடம்பெற்றுள்ளதாக முறைப்பாட்டில் தெரிவிக்கப்பட்டுள்ளது.
இந்தச் சம்பவம் கடந்த காலங்களில் ஊடகங்களிலும் வெளியாகி, பிரதேசத்தில் பெரும் கவனத்தை ஈர்த்திருந்ததாகத் தெரிவிக்கப்படுகிறது.
எனினும், சம்பவம் தொடர்பில் உரிய முறையில் சட்ட நடவடிக்கை மேற்கொள்ளப்படவில்லை எனப் பாதிக்கப்பட்ட பெண்ணின் தரப்பில் குற்றச்சாட்டு முன்வைக்கப்பட்டுள்ளது.
மனித உரிமைகள் ஆணைக்குழுவிடம் தாக்கல் செய்யப்பட்ட முறைப்பாடு தொடர்பில் மேற்கொள்ளப்பட்ட விசாரணைகளின்போது, சம்பந்தப்பட்ட பிரதேசத்தின் கிராம உத்தியோகத்தரின் செயற்பாடுகள் தொடர்பிலும் சில விடயங்கள் வெளிப்பட்டுள்ளதாக முறைப்பாட்டாளர் தரப்பு தெரிவிக்கிறது.
அத்துடன், பெண்ணின் காதைக் கடித்ததாகக் கூறப்படும் சம்பவம் தொடர்பில் நுவரெலியா பொலிஸாரால் மேற்கொள்ளப்பட்ட விசாரணைகளில் சில சந்தர்ப்பங்களில் ஒருதலைப்பட்சமான அணுகுமுறை காணப்பட்டதாகவும்,
இதன் காரணமாக பாதிக்கப்பட்ட தரப்பினருக்கு நியாயத்தைப் பெற்றுக்கொடுப்பதற்கான உரிய நடவடிக்கைகள் மேற்கொள்ளப்படவில்லை எனவும் மனித உரிமைகள் ஆணைக்குழுவின் பரிந்துரையில் சுட்டிக்காட்டப்பட்டுள்ளதாகத் தெரிவிக்கப்படுகிறது.
மேலும், பிரச்சினை தொடர்பில் நடவடிக்கை எடுக்கும்போது தரப்பினரிடையே மத அடிப்படையில் வேறுபாடு காட்டப்பட்டதாகவும் முறைப்பாட்டில் குறிப்பிடப்பட்டுள்ளது.
விசாரணைகள் நியாயமானதும் பாரபட்சமற்றதுமான முறையில் இடம்பெற்றனவா என்பது தொடர்பிலும் மனித உரிமைகள் ஆணைக்குழு கவனம் செலுத்தியுள்ளதாகத் தெரிவிக்கப்படுகிறது.
1996ஆம் ஆண்டு 21ஆம் இலக்க இலங்கை மனித உரிமைகள் ஆணைக்குழுச் சட்டத்தின் கீழ் ஆணைக்குழுவுக்கு வழங்கப்பட்டுள்ள அதிகாரங்களின் அடிப்படையிலேயே இந்தப் பரிந்துரைகள் முன்வைக்கப்பட்டுள்ளதாகவும் குறித்த கடிதத்தில் குறிப்பிடப்பட்டுள்ளது.
சம்பவம் இடம்பெற்று ஆறு மாதங்களை நெருங்கியுள்ள நிலையிலும் பாதிக்கப்பட்ட பெண்ணுக்கு இதுவரை நீதி கிடைக்கவில்லை என, பாதிக்கப்பட்ட பெண்ணின் சார்பில் மனித உரிமைகள் ஆணைக்குழுவிடம் முறைப்பாட்டைத் தாக்கல் செய்த ‘United Human Rights Organization’ அமைப்பின் பணிப்பாளர் பிரணீதா வர்ணகுலசூரிய, எனத் தெரிவித்தார்.
அத்துடன் “கிராம உத்தியோகத்தரும் பாதிக்கப்பட்ட தரப்பினரின் கருத்துக்களை விட, குற்றச்சாட்டு முன்வைக்கப்பட்ட தரப்பினரின் கருத்துக்களுக்கே அதிக முக்கியத்துவம் வழங்கியுள்ளமை தெரியவந்துள்ளதாகவும் அவர் குறிப்பிட்டார்.
இவ்வாறான சூழ்நிலையில் அரச அதிகாரிகள் தமது கடமைகளை நிறைவேற்றும்போது தனிநபர்களின் மதம் அல்லது வேறு பின்னணிகளின் அடிப்படையில் வேறுபாடு காட்டக்கூடாது என வலியுறுத்திய அவர், அனைத்து தரப்பினருக்கும் சமமான முறையில் சட்டத்தை நடைமுறைப்படுத்த வேண்டியதன் அவசியத்தையும் சுட்டிக்காட்டினார்.
“பொறுப்புவாய்ந்த அதிகாரிகளிடம் நாம் கோருவது, இந்தப் பிரச்சினை தொடர்பில் வெளிப்படையான, நியாயமான மற்றும் பாரபட்சமற்ற விசாரணையை முன்னெடுத்து, பாதிக்கப்பட்ட தரப்பினருக்கு நீதியைப் பெற்றுக்கொடுப்பதே என்றும் அவர் வலியுறுத்தினார்.
அபுதாபியில் இடம்பெற்ற தாக்குதல் சம்பவமொன்றில் உயிரிழந்த இளைஞனின் சடலம் பிரதமர் ஹரிணி அமரசூரியவின் நேரடி தலையீட்டின் காரணமாக நாட்டுக்கு கொண்டு வரப்பட்டுள்ளது.
கம்பளை – அத்கால பகுதியைச் சேர்ந்த 25 வயதுடைய சாமிக இஷான் லியனகே என்ற இளைஞனின் சடலம் நாட்டுக்கு கொண்டு வரப்பட்ட நிலையில் நேற்றையதினம் இறுதிக் கிரியைகள் நடைபெற்றுள்ளன.
உறவினர்கள் நடவடிக்கை
கடந்த 2 வருடங்கள் 10 மாதங்களுக்கு முன்பு வெளிநாட்டு வேலைவாய்ப்புக்காக அபுதாபிக்குச் சென்ற இளைஞன் தாக்குதல் ஒன்றினால் கடந்த ஜூலை மாதம் 15ஆம் திகதி உயிரிழந்துள்ளார்.
இதனையடுத்து, உயிரிழந்த இளைஞரின் மாமா, அந்த இளைஞரை வெளிநாட்டுக்கு அனுப்பிய முகவர் நிலையத்திடம் தகவல்களைக் கோரியபோதிலும், ஒப்பந்தக் காலம் முடிவடைந்துவிட்டதாக கூறி அந்த நிறுவனம் பொறுப்பிலிருந்து நழுவ முயன்றுள்ளது.
இதனையடுத்து, வெளிநாட்டு வேலைவாய்ப்புப் பணியகம் மற்றும் வெளிவிவகார அமைச்சில் தகவல்கள் சமர்ப்பிக்கப்பட்டுள்ளன.
சிங்கப்பூரிலிருந்து உடனடியாக நாடு திரும்பிய தாயாரும் உறவினர்களும் தேவையான சட்ட ஆவணங்களைத் தயாரித்து அபுதாபி நிறுவன அதிகாரிகளைத் தொடர்பு கொள்ள முயற்சித்துள்ளனர். எனினும் அது பலனளிக்கவில்லை.
பிரதமர் தலையீடு
இதற்கிடையில் நிர்க்கதிக்குள்ளான குடும்ப உறவினர்கள் பிரதமர் ஹரிணி அமரசூரியவுக்கு வாட்ஸ்அப் குறுஞ்செய்தி ஒன்றை அனுப்பியுள்ளனர்.
இதன் காரணமாக பிரதமரின் பணிப்புரையின் பேரில் பிரதமர் செயலகம் தலையீடு செய்து, சடலத்தை நாட்டுக்குக் கொண்டுவரும் நடவடிக்கைகள் துரிதப்படுத்தப்பட்டுள்ளன.
பிரதமரின் மற்றும் அமைச்சின் முயற்சியால் கடந்த ஜுலை மாதம் 29 ஆம் திகதி நாட்டுக்குக் கொண்டுவரப்பட்ட சடலம், கட்டுநாயக்க விமான நிலையப் பொலிஸார் மற்றும் நீர்கொழும்பு வைத்தியசாலை ஊடாகப் பரிசோதனைகளுக்கு உட்படுத்தப்பட்டது.
அங்கு இடம்பெற்ற மரணப் பரிசோதனை மற்றும் நீர்கொழும்பு நீதவான் உத்தரவிற்கமைய, தலையில் ஏற்பட்ட பலத்த தாக்கம் காரணமாக இரத்தம் உறைந்தமையும், உடலின் பல இடங்களில் ஏற்பட்ட காயங்களுமே இந்த மரணத்திற்குக் காரணம் என தெரியவந்துள்ளது.
இந்தத் தாக்குதல் சம்பவம் தொடர்பில் சந்தேகத்தின் பேரில் இலங்கையர் ஒருவர் அபுதாபி பொலிஸாரால் கைது செய்யப்பட்டுள்ளார்.
கொழும்பு – அத்துருகிரிய பகுதியில் தொழிலதிபரின் வீட்டிலிருந்து இரண்டு வங்கி அட்டைகளை திருடி பணமோசடி செய்த பெண் ஒருவர் கைது செய்யப்பட்டுள்ளார்.
குறித்த பெண் தொழிலதிபரின் வீட்டிலிருந்து இரண்டு வங்கி அட்டைகளை திருடி 19 லட்சம் ரூபாயை மோசடி செய்துள்ளமை தெரியவந்துள்ளது.
சந்தேகத்திற்குரிய பெண்ணின் காதலர் தொழிலதிபரின் கீழ் கட்டுமான பணியில் ஈடுபட்டு வரும் நிலையில், அவசர தேவைக்காக கொழும்பு வந்த தனது காதலிக்கு, தொழிலதிபரின் வீட்டில் ஓர் நாள் தங்குமிடம் வழங்குமாறு கோரியுள்ளார்.
பொலிஸார் விசாரணை
இருப்பினும், தான் வீட்டில் தனியாக வசிப்பதால், தனியாக தங்குமிடம் வழங்க முடியாது என்றும், அதனால் அவரது தாயாருடன் வந்தால் தங்குமிடம் வழங்க முடியும் என்றும் தொழிலதிபர் கூறியுள்ளார்.
இதனையடுத்து தாயாருடன் குறித்த பெண் தொழிலதிபரின் வீட்டிற்கு சென்ற நிலையில், வங்கி அட்டைகளை திருடுமாறு காதலன் தனது காதலிக்கு அறிவுறுத்தியிருந்தது பொலிஸ் விசாரணையில் தெரியவந்துள்ளது.
அதன்படி, வீட்டில் ஒரே ஒரு இரவு மட்டும் தங்கியிருந்த சந்தேகத்திற்குரிய பெண்ணும் அவரது தாயாரும், வங்கி அட்டைகளை திருடிய பின்னர் இரவு வீட்டை விட்டுத் தப்பிச்சென்றுள்ளனர்.
இவர்கள் தப்பிச்செல்லும் வழியில், காதலனும் அவர்களுடன் சேர்ந்துகொண்டு, திருடப்பட்ட வங்கி அட்டைகளைப் பயன்படுத்தி ஐம்பதாயிரம் ரூபாயைப் பெற்று பின்னர் வடுவ பகுதியில் தங்கள் திருமணத்தை பதிவு செய்து விடுதியொன்றில் தங்கியுள்ளனர்.
அடுத்த நாள், வெலிகம பகுதிக்கு சென்று கொண்டிருந்தபோது, சந்தேகத்திற்குரிய பெண்ணின் காதலன் என்று கூறப்படும் நபர் பல பிடியாணை உத்தரவுகளின் பேரில் வெலிகம பொலிஸாரால் கைது செய்யப்பட்டுள்ளார். மேலும் அவரிடமிருந்து போதைப்பொருட்களும் கைப்பற்றப்பட்டன.
தனது காதலன் கைது செய்யப்பட்ட பிறகு, சந்தேகத்திற்குரிய பெண் மாத்தறை பகுதிக்கு சென்று அங்கு, திருடப்பட்ட வங்கி அட்டைகளை பயன்படுத்தி இரண்டு நவீன கைபேசிகள், தங்கப் பொருட்கள் மற்றும் பல்வேறு பொருட்களை வாங்கியதாக பொலிஸார் கூறுகின்றனர்.
வங்கி அட்டைகள் பயன்படுத்தப்பட்ட கடைகளின் சிசிடிவி காட்சிகளை ஆய்வு செய்த பின்னர், அத்துருகிரிய பொலிஸாரினால் சந்தேகநபர் கைது செய்யப்பட்டுள்ளார்.
சந்தேகநபர், ஹம்பாந்தோட்டை, சிறிபோபுரத்தைச் சேர்ந்த, 26 வயதான, ஒரு குழந்தையின் தாய் என்பதும் விசாரணையில் தெரியவந்துள்ளது. இதற்கமைய, அத்துருகிரிய பொலிஸார் மேலதிக விசாரணைகளை மேற்கொண்டு வருகின்றனர்.
கொழும்பிலிருந்து அக்கரைப்பற்று நோக்கி பயணித்த அதிசொகுசு பேருந்து ஒன்று மோட்டார் சைக்கிளுடன் மோதியதில் பாரிய விபத்திற்கு உள்ளாகியுள்ளது. இந்த விபத்து இன்று(11.08.2026) அதிகாலை 1.30 மணிக்கு சம்பவித்துள்ளது.
பொலன்னறுவை தமனபாய பக்கமுவ பகுதியூடாக பயணித்த போது திடீரென வீதியைக் கடந்த மோட்டார்சைக்கிளுடன் மோதியதால் பாரிய விபத்து சம்பவித்ததுடன் பேருந்து வீதியை விட்டு வீதியோரமாக சென்று வாய்க்காலின் நடுவே அந்தரத்தில் சிக்கிக்கொண்டுள்ளது.
விபத்தில் மோட்டார் சைக்கிளில் பயணித்த ஆணும் பெண்ணும் பலத்த காயமடைந்த நிலையில் உயிரிழந்துள்ளனர்.
பலத்த காற்று மற்றும் கொந்தளிப்பான கடல் தொடர்பில் வளிமண்டலவியல் திணைக்களம் எச்சரிக்கை விடுத்துள்ளது. அதன்படி, மாத்தறையிலிருந்து ஹம்பாந்தோட்டை வழியாக பொத்துவில் வரையிலும்,
சிலாவிலிருந்து புத்தளம் வழியாக மன்னார் வரையிலும் உள்ள கடலோரப் பகுதிகளில் காற்றின் வேகம் மணிக்கு 50-60 கி.மீ. வரை அதிகரிக்கும் சாத்தியம் உள்ளதாக தெரிவிக்கப்பட்டுள்ளது. இதேவேளை கடல் அவ்வப்போது கொந்தளிப்பாக காணப்படும் எனவும் தெரிவிக்கப்பட்டுள்ளது.
எனவே, இந்தப் பகுதிகளில் உள்ள மீன்பிடி மற்றும் கப்பல் போக்குவரத்துத் துறையினர் இது குறித்து விழிப்புடன் இருக்குமாறு வளிமண்டலவியல் திணைக்களம் தெரிவித்துள்ளது.
மேலும் இன்று (11.08.2026) மதியம் 12 மணியளவில் விடுக்கப்பட்ட இந்த எச்சரிக்கை, நாளை மதியம் 12 மணி வரை செல்லுபடியாகும் என்பதும் குறிப்பிடத்தக்கது.
baby record by get aadhaar in 5 days : கர்நாடகாவை சேர்ந்த குழந்தை பிறந்த 5 நாட்களில் ஆதார் அட்டை பெற்று உலக சாதனை படைத்துள்ளது.
பிறந்த 5 நாட்களில் ஆதார் பெற்ற குழந்தை
கர்நாடக மாநிலம், கொப்பல் மாவட்டம் கங்காவதிக்கு அருகே உள்ள ஸ்ரீராம்நகரை சேர்ந்தவர்கள் மருத்துவர்கள் ஏ.பவன் குமார் மற்றும் வரலட்சுமி பாலா தம்பதி.
இந்த தம்பதிக்கு கடந்த மே 1 ஆம் திகதி பெண் குழந்தை பிறந்தது. அந்த குழந்தைக்கு அஞ்சூரி ராயங்கா திரிநயனி என பெயரிட்டனர். குழந்தை பிறந்த சில நாட்களில், பிறப்பு சான்றிதழை பெற்றதுடன், மே 6 ஆம் திகதி அதனை வைத்து ஆதாருக்கு விண்ணப்பித்துள்ளனர்.
இந்த ஆவணங்களை சரிபார்த்த மத்திய அரசின் UDI, குழந்தைக்கான ஆதார் அட்டைக்கு அங்கீகாரம் வழங்கியுள்ளது. இதன்மூலம், இந்தியாவில் ஆதார் அட்டை பெறும் மிக இளயை குழந்தை என்ற சாதனையை அஞ்சூரி ராயங்கா படைத்தது.
இதற்காக international book of records என்ற நிறுவனம், குழந்தைக்கு உலக சாதனை பதக்கமும், சான்றிதழும் வழங்கி கௌரவித்துள்ளது.
முன்னதாக குழந்தை பிறந்து 15 நாட்களுக்கு பிறகு ஆதார் கார்டு பெறப்பட்டதே உலக சாதனையாக இருந்த நிலையில், தற்போது 5 நாட்களில் ஆதார் பெற்று இந்த சாதனை முறியடிக்கப்பட்டுள்ளது.
இந்தியாவில் தற்போது பிறந்த குழந்தை முதல் 5 வயது வரை உள்ள குழந்தைகளுக்கு ‘பால்தார்’ எனப்படும் நீல நிற ஆதார் அட்டை வழங்கப்படுகிறது.
இதனை பெற குழந்தையின் பிறப்பு சான்றிதழ் மற்றும் பெற்றோர் ஒருவரின் ஆதார் அட்டை போதுமானது. குழந்தைகளுக்கு 5 மற்றும் 15 வயது பூர்த்தியாகும் போது, அவர்களின் கைரேகை மற்றும் கண்விழி ரேகையைப் புதுப்பிக்க வேண்டும்.
Teen Lives in Water: இளைஞர் ஒருவர் வெளியே வந்தால் உடல் எரியும் என்பதால் ஆண்டு கணக்கில் குளத்தின் உள்ளே வசித்து வருகிறார்.
ஆண்டு கணக்கில் குளத்தில் இருக்கும் இளைஞர்
மேற்கு வங்க மாநிலம் முர்ஷிதாபாத் மாவட்டத்தில் உள்ள பெல்டங்கா என்ற சிறிய கிராமத்தைச் சேர்ந்த 16 வயது இளைஞர் இக்பால் ஷேக். இந்த இளைஞர் கிட்டதட்ட சில ஆண்டுகளாக தனது பெரும்பாலான நேரங்களில் அங்குள்ள குளத்திலே வசித்து வருகிறார்.
குளத்திலிருந்து வெளியே வந்தால் அவரது உடலில் கடும் எரிச்சல் ஏற்படுவதாகவும், குளத்தின் உள்ளே சென்றால் எரிச்சல் தணிவதாகவும் தெரிவித்துள்ளார். இதற்கு காரணம் தனது உடலின் உள்ளே ஜின் என்னும் அமானுஷ்ய சக்தி இருப்பதாக நம்புகிறார்.
நீண்ட நாட்களாக அவர் தண்ணீரில் மூழ்கி இருப்பதால், அவரது கைகள், கால்கள் மற்றும் பிற உடல் பாகங்களில் உள்ள தோல் வெளிறியுள்ளது. மேலும், சளி மற்றும் இருமலாலும் அவதிப்பட்டு வருகிறார்.
குடும்பத்தினர் அவரை அருகிலுள்ள ஒரு ஆரம்ப சுகாதார நிலையத்திற்கு அழைத்துச் செல்ல முயன்றனர். ஆனால் அவருக்குத் தேவையான சிகிச்சை கிடைக்கவில்லை. நிதிப் பற்றாக்குறை காரணமாக அவரால் தனியார் சிகிச்சையை பெற முடியவில்லை.
அவரை குளத்தில் இருந்து வெளியே கொண்டு வர மேற்கொள்ளப்பட்ட முயற்சிகள் பலனளிக்கவில்லை. இது ‘அக்வாஜெனிக் ப்ருரிடஸ்’ எனப்படும் ஒரு அரிய மருத்துவ நிலையா என்று மருத்துவர்கள் சந்தேகிக்கின்றனர்.
இந்த நிலையால் பாதிக்கப்பட்ட ஒருவர் தண்ணீருடன் தொடர்பு கொள்ளும்போது கடுமையான அரிப்பு அல்லது எரிச்சல் உணர்வை அடைவார். ஆனால் இக்பாலின் விஷயத்தில், இதற்கே நேர்மாறாக உள்ளது.
அவரது அறிகுறிகளுக்கு என்ன காரணம் என்பதைக் கண்டறிய கூடுதல் மருத்துவ மதிப்பீடு தேவைப்படுகிறது.
இது குறித்து தகவலறிந்த உள்ளூர் மக்கள் பலரும் அவரை பார்க்க குளத்திற்கு வருகை தருகின்றனர். அப்படி வருபவர்கள் அவல், பிஸ்கட் உள்ளிட்ட உணவுப்பொருட்களை வழங்கி வருகின்றனர்.
இன்னும் எவ்வளவு காலம் அவர் இப்படி குளத்தின் உள்ளே இருக்க முடியும் என கவலை தெரிவித்துள்ளனர்.
Mariyamman Kaliyamman Eyes Open: தமிழ்நாட்டின் நெல்லையில் மாரியம்மன்- காளியம்மன் சாமிகள் கண் திறந்து பார்த்த அற்புத நிகழ்வு பக்தர்களை பரவசமடைய வைத்துள்ளது.
நெல்லை மேல ஊருடையார்புரம் கிராமத்தில் அருள்மிகு ஸ்ரீமாரியம்மன் காளியம்மன் கோவில் அமைந்துள்ளது. 100 ஆண்டுகள் பழமையான இக்கோவிலில் மாரியம்மன் மற்றும் காளியம்மன் சாமிகளை பக்தர்கள் தரிசனம் செய்து வருகின்றனர்.
அப்பகுதியை சுற்றியுள்ள கிராம மக்களுக்கு தெய்வீக சக்தி வாய்ந்த அம்மனாக அருள்பாலிக்கிறார்கள்.
அம்மன்கள் திடீரென கண் திறந்து பார்த்த காட்சி பக்தர்களை பரவசத்தில் ஆழ்த்தியுள்ளது. இதனை காண பக்தர்கள் படையெடுத்து வருவதால் அப்பகுதி பரபரப்பாக உள்ளது.
அமெரிக்காவின் அரிசோனா மாநிலத்தில் காதலியைப் படுகொலை செய்துவிட்டு இந்தியாவுக்குத் தப்ப முயன்ற 20 வயது இந்திய மாணவர் ஜெர்மனி விமான நிலையத்தில் வைத்து சர்வதேசப் காவல்துறையினரால் கைது செய்யப்பட்டுள்ளார்.
அரிசோனா பல்கலைக்கழகத்தில் படித்து வந்த தெலங்கானாவைச் சேர்ந்த வருண் பட்சிகரி (20) என்பவருக்கும், அவரது காதலி ஜுலிசா ரூபி சலசீருக்கும் (19) இடையே தகராறு ஏற்பட்டுள்ளது.
கடந்த ஆகஸ்ட் 6 அன்று ஏற்பட்ட வாக்குவாதம் முற்றியதில், ஜுலிசாவை வருண் கழுத்தை நெரித்துக் கொலை செய்ததாகக் காவல்துறையினரின் விசாரணையில் தெரியவந்துள்ளது.
கொலையைச் செய்த பிறகு, டியூசன் விமான நிலையத்திலிருந்து உடனடியாக ஜெர்மனி நாட்டின் ஃபிராங்ஃபர்ட் நகருக்கு வருண் தப்பிச் சென்றுள்ளார்.
ஜுலிசாவின் உடலைக் கண்டெடுத்த அமெரிக்கப் போலீசார், வருண் தப்பிச் சென்றதை அறிந்து உடனடியாகப் பன்னாட்டுப் புலனாய்வு அமைப்புகளுக்கு எச்சரிக்கை விடுத்தனர்.
ஜெர்மனியிலிருந்து இந்தியாவுக்குத் தப்ப முயன்றபோது ஃபிராங்ஃபர்ட் விமான நிலையத்தில் வைத்து ஜெர்மனி போலீசார் அவரை கைது செய்தனர்.
கைது செய்யப்பட்டுள்ள வருணை அமெரிக்காவிற்கு நாடு கடத்தி கொண்டு வந்து நீதிமன்றத்தில் ஆஜர்படுத்துவதற்கான சட்டப்பூர்வ நடவடிக்கைகளை அரிசோனா மாநிலக் காவல்துறையினர் மேற்கொண்டு வருகின்றனர்.
மொனராகலையிலிருந்து தனமல்வில நோக்கி சுமார் 45 பயணிகளுடன் பயணித்த இ.போ.ச பேருந்தொன்று விபத்திற்குள்ளாகியுள்ளது. புத்தல – மஹகொடய பகுதியில் இன்று (11.08.2026) செவ்வாய்க்கிழமை அதிகாலை 3.55 மணியளவில் வீதியை விட்டு விலகி சுமார் 15 அடி பள்ளத்தில் கவிழ்ந்து விபத்துக்குள்ளாகியுள்ளது.
பேருந்தில் ஏற்பட்ட தொழில்நுட்பக் கோளாறினால் இந்த விபத்து இடம்பெற்றுள்ளதாக ஆரம்பகட்ட தகவல்கள் தெரிவிக்கின்றன. இந்த விபத்தில் பேருந்து சாரதி சிறு காயங்களுக்கு உள்ளாகி வைத்தியசாலையில் அனுமதிக்கப்பட்டுள்ளதாக தெரிவிக்கப்படுகிறது.
விபத்து இடம்பெற்ற விதம் தொடர்பான மேலதிக தகவல்கள் இதுவரை வெளியாகவில்லை என்றும் கூறப்படுகிறது. சம்பவம் தொடர்பில் புத்தல பொலிஸார் மேலதிக விசாரணைகளில் ஈடுபட்டு வருகின்றனர்.
தம்புள்ள – மஹியங்கனை பிரதான வீதியில், தமனயாய பகுதியில் தனியார் பயணிகள் பேருந்து மோட்டார் சைக்கிள் மீது மோதியதில் இருவர் உயிரிழந்துள்ளனர்.
இன்று அதிகாலை (11) நிகழ்ந்த இந்த விபத்தில் 63 வயதான தாயும், அவரது 43 வயதான மகனும் உயிரிழந்துள்ளனர். இந்த விபத்தில் உயிரிழந்தவரின் ஒன்றரை வயது மகனும் படுகாயமடைந்து பொலன்னறுவை வைத்தியசாலையில் அனுமதிக்கப்பட்டுள்ளார்.
இவர்கள் பிறந்தநாள் விழாவில் கலந்துகொண்டு வீடு திரும்பிக்கொண்டிருந்தபோது இந்த விபத்து நிகழ்ந்துள்ளது.
பேருந்து கொழும்பிலிருந்து கல்முனைக்கு சென்றுகொண்டிருந்த போது முன்னால் சென்ற மோட்டார் சைக்கிள் தமனயாய பகுதியில் திரும்பமுற்பட்டபோது இந்த விபத்து நிகழ்ந்துள்ளது.
இந்த விபத்து சம்பவம் தொடர்பாக பேருந்து சாரதியை பொலிஸார் கைது செய்துள்ளனர்.
