இலங்கை முழுவதும் இன்று முதல் மின்வெட்டு நடைமுறை : நேர விபரங்கள் அறிவிப்பு!!

இலங்கை முழுவதும் 4 வலயங்களாக பிரிக்கப்பட்டு எதிர்வரும் மூன்று நாட்களுக்கு மின் தடை அமுல்படுத்தப்படவுள்ளதாக அறிவிக்கப்பட்டுள்ளது.

அதற்கமைய, இன்று, நாளை மற்றும் நாளை மறுதி தினம் பிற்பகல் 4.30 மணி முதல் இரவு 8.30 மணி வரையான காலப்பகுதிக்குள் ஒரு மணி நேர மின்வெட்டு நடைமுறைப்படுத்தப்படவுள்ளது.

இது தொடர்பில் தேசிய முறைமை இயங்குநரினால் பொதுப் பயன்பாடுகள் ஆணைக்குழு மற்றும் உரிய அமைச்சிடம் அனுமதி கோரப்பட்டுள்ளது.

அரச தகவல் திணைக்களத்தில் விசேட செய்தியாளர் சந்திப்பின் போது எரிசக்தி அமைச்சு அதிகாரிகள் இந்த தகவலை வெளியிட்டனர்.

மின்வெட்டின் கீழ் நாடு நான்கு வலயங்களாக பிரிக்கப்படும் என்பதுடன், ஒவ்வொரு வலையத்திற்கும் ஒரு நாளைக்கு ஒரு மணி நேரத்திற்கு மின் விநியோகம் தடைசெய்யப்படவுள்ளதாக அறிவிக்கப்பட்டுள்ளது.

அண்மையில் மின் கட்டமைப்பில் ஏற்பட்ட ஸ்திரமற்ற தன்மை மற்றும் அவசர மின் தடைகள் காரணமாகக் கட்டமைப்பின் சமநிலையைப் பேணி, மின் விநியோகத்தை மேலாண்மை செய்யும் நோக்கில் இந்நடவடிக்கையை எடுக்க தேசிய முறைமை இயங்குநர் தீர்மானித்துள்ளார்.

அதற்கமைய, இம்மின்வெட்டுத் தொடர்பில் பொதுப் பயன்பாடுகள் ஆணைக்குழு மற்றும் அமைச்சின் இறுதிப் அனுமதி கிடைத்த பின்னர், உரிய வலயங்களின்படி மின் தடைப்படும் குறிப்பிட்ட நேர அட்டவணைகள் மக்களுக்கு அறிவிக்கப்படவுள்ளன.

கொழும்பில் கோர விபத்து : பல்கலைக்கழக மாணவி பலி!!

கொழும்பு, நாவல திறந்த பல்கலைக்கழகத்திற்கு முன்பாக உள்ள பாதசாரி கடவையில் இடம்பெற்ற வீதி விபத்தொன்றில் பல்கலைக்கழக மாணவி ஒருவர் உயிரிழந்துள்ளார்.

பல்லேவெல, ஹுங்கமுவ பகுதியைச் சேர்ந்த பொறியியல் பீடத்தின் மாணவியான சக்குனி துவானி என்ற 23 வயதுடைய மாணவியே இவ்வாறு உயிரிழந்துள்ளார்.

கடந்த வியாழக்கிழமை முற்பகல் 11.52 மணியளவில் மிரிஹான பொலிஸ் பிரிவிற்குட்பட்ட நாவல வீதியில் திறந்த பல்கலைக்கழக பாதசாரி கடவையில் விபத்து இடம்பெற்றுள்ளது.

பாதசாரி கடவையை கடக்க முயன்ற மாணவி மீது கெப் ரக வாகனம் ஒன்று மோதியதால் இந்த விபத்து இடம்பெற்றுள்ளது.

உயிரிழந்த மாணவியின் மரண விசாரணை களுபோவில தெற்கு கொழும்பு போதனா வைத்தியசாலையின் திடீர் மரண விசாரணை அதிகாரி ஜானக கொடிகார முன்னிலையில் நடைபெற்றது.

வீதி விபத்தினால் தலைக்கும் மண்டையோட்டிற்கும் ஏற்பட்ட காயங்கள் காரணமாகவே இந்த மரணம் நிழ்ந்துள்ளதாக அதிகாரிகள் தெரிவித்துள்ளனர்.

பட்டப்படிப்பை முடிப்பதற்கு ஒரு சில நாட்களே இருந்த நிலையில் இந்த விபத்து இடம்பெற்றுள்ளதாக தெரியவந்துள்ளது.

விபத்து தொடர்பில் கெப் ரக வாகன சாரதி கைது செய்யப்பட்டுள்ள நிலையில் மேலதிக விசாரணைகள் இடம்பெற்று வருகின்றது.

நண்பருடன் இருசக்கர வாகனத்தில் சென்ற இளம்பெண் : பாரவூர்தி மோதி பரிதாப பலி!!

பெங்களூரு அருகே நண்பருடன் பைக்கில் ஜாலி ரைடாக சுற்றுலா சென்ற 23 வயது இளம்பெண் லாரி மோதிய விபத்தில் பரிதாபமாக உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.

கர்நாடக மாநிலம் நெலமங்களா தாலுக்காவில் உள்ள வீரநஞ்சிபுரா பேரே பகுதி அருகே, கேரளாவைச் சேர்ந்த 23 வயதான அலினா என்பவர் தனது நண்பரான ஆல்பின் என்பவருடன் பைக்கில் பயணம் செய்து கொண்டிருந்தார். அப்போது அவர்கள் மீது பின்னால் வந்த லாரி எதிர்பாராதவிதமாக மோதியதில் இந்த கோர விபத்து நிகழ்ந்துள்ளது.

உயிரிழந்த அலினாவும், அவரது நண்பர் ஆல்பினும் துமகூரு மாவட்டத்தில் அமைந்துள்ள புகழ்பெற்ற தேவராயனதுர்கா மலைப் பகுதிக்குச் சென்று மலையேற்றப் பயணத்தை முடித்துவிட்டு மீண்டும் பெங்களூரு நோக்கி அவர்களது பைக்கில் திரும்பிக் கொண்டிருந்த போது இந்தத் துயரச் சம்பவம் நடந்துள்ளது.

லாரி பைக் மீது மோதிய கோர விபத்தில் பலத்த காயமடைந்த அலினா சம்பவ இடத்திலேயே பரிதாபமாக உயிரிழந்தார். அவருடன் சென்ற ஆல்பினுக்கு லேசான காயங்கள் ஏற்பட்ட நிலையில், அவர் உடனடியாக மீட்கப்பட்டுச் சிகிச்சைக்காக அருகில் உள்ள மருத்துவமனைக்கு அழைத்துச் செல்லப்பட்டார்.

கேரளாவைச் சேர்ந்த அலினாவும் ஆல்பினும் தங்களது உயர் கல்விக்காகப் பெங்களூரு இந்திராநகர் பகுதியில் உள்ள தங்கும் விடுதியில் தங்கியிருந்து படித்து வந்துள்ளனர்.

விபத்து நடந்தவுடன் லாரியை நிறுத்தாமல் ஓட்டுநர் தப்பியோடிவிட்டதாகக் கூறப்படுகிறது. தப்பியோடிய ஓட்டுநரை அடையாளம் காணவும், அந்த லாரியைக் கண்டறியவும் காவல்துறையினர் அப்பகுதியில் உள்ள கண்காணிப்பு கேமரா பதிவுகளை ஆய்வு செய்து தகவல்களைச் சேகரித்து வருகின்றனர்.

உயிரிழந்த அலினாவின் உடல் மீட்கப்பட்டுப் பிரேதப் பரிசோதனைக்காக மருத்துவமனைக்கு அனுப்பி வைக்கப்பட்டுள்ளது. இச்சம்பவம் குறித்து நெலமங்கலா போக்குவரத்து காவல்துறையினர் வழக்குப்பதிவு செய்து தீவிர விசாரணை நடத்தி வருகின்றனர்.

நூடுல்ஸ் சாப்பிட்ட ஒரே குடும்பத்தை சேர்ந்த 5 பேர் உயிரிழப்பு!!

உத்தரப்பிரதேசத்தில், இரவில் நூடுல்ஸ் சாப்பிட்ட ஒரே குடும்பத்தை சேர்ந்த 5 பேர் உயிரிழந்துள்ளனர்.

உத்தரப்பிரதேச மாநிலம், கிரேட்டர் நொய்டாவின் ரபுபுரா பகுதியை சேர்ந்த மகேஷின் குடும்பத்தினர் இன்று காலை முதல் யாரும் வீட்டிலிருந்து வெளியே வராத நிலையில், அக்கம்பக்கத்தினர் சென்று பார்த்த போது அவர்கள் உயிரிழந்தது தெரிய வந்துள்ளது.

இது குறித்து ரபுபுரா காவல் நிலையத்திற்கு தகவல் கிடைத்ததும், ஒரு ஆம்புலன்ஸ் மற்றும் உணவுப் பாதுகாப்புத் துறை குழுவினர் உடன் காவல்துறையினர் உடனடியாக சம்பவ இடத்திற்கு விரைந்தனர்.

அங்கு 37 வயதான மகேஷ், 37 வயதான அவரது மனைவி லலிதா, மகன்களான 11 வயது லட்டு மற்றும் 3 வயது சாக்ஷத், 7 வயதான மகள் மிஷ்டி ஆகிய 5 பேரும் உயிரிழந்து கிடந்தனர்.

தடயவியல் குழுவினர் சம்பவ இடத்தை முழுமையாக ஆய்வு செய்து, அறிவியல் சான்றுகளை சேகரிததுள்ளனர்.

காவல்துறையினர் நடத்திய முதற்கட்ட விசாரணையில், அண்டை வீட்டில் வசிக்கும் மகேஷின் தாய் நேற்று 5 பேர் இரவு மணியளவில் நூடுல்ஸ் சாப்பிட்டதாக தெரிவித்துள்ளார்.

அக்கம்பக்கத்தினரிடம் நடத்திய விசாரணையில், குழந்தைகள் உறங்கிக் கொண்டிருந்தனர். மகேஷின் தாய், அவர்களை இங்கு வாழ விடமாட்டேன் என்றும், எல்லா சொத்துக்களையும் தன் மகளின் பெயரில் எழுதி விடுவதாகவும் சண்டையிட்டுக் கொண்டிருந்தார். அவர் ஏற்கனவே எல்லா சொத்துக்களையும் தன் மகளின் பெயரில் எழுதி விட்டார்.

வீட்டை விட்டு வெளியேறுமாறு அவர்களிடம் கூறினார். மகேஷின் தாய், அவர்கள் திருவிழா சென்றுவிட்டு வீடு திரும்பியதும், மேகி சமைத்து அனைவருக்கும் பரிமாறினார். அவர்கள் தினமும் சண்டையிட்டுக் கொண்டிருந்தனர்” என கூறினர்.

முதற்கட்ட விசாரணையின் படி, அவர்கள் உண்ட உணவு நஞ்சாக மாறியிருக்கலாம் என காவல்துறையினர் யூகிக்கின்றனர்.

உணவு மாதிரிகளை சேகரித்துள்ள உணவுப் பாதுகாப்புத் துறையினர், குடும்பத்தினர் உட்கொண்ட உணவில் ஏதேனும் நச்சுப் பொருள் இருந்ததா அல்லது வேறு ஏதேனும் காரணங்களால் மரணங்கள் நிகழ்ந்தனவா என்பதைக் கண்டறிய ஆய்வு செய்து வருகின்றனர்.

பிரேத பரிசோதனை அறிக்கைக்கு பின்னரே உயிரிழப்பிற்கான உண்மையான காரணம் தெரிய வரும் என காவல்துறையினர் தெரிவித்துள்ளனர்.

அக்குரனையில் பல வாகனங்கள் மோதுண்டு கோர விபத்து : நால்வர் பலி!!

புதிய இணைப்பு

கண்டி – அக்குரணை, குருகொடை பகுதியில் ஏற்பட்ட பாரிய வாகன விபத்தில் நால்வர் உயிரிழந்துள்ளதாக அக்குரணை வைத்தியசாலையின் வைத்திய அதிகாரி உறுதிபடுத்தியுள்ளார்.

மேலும், 6 பேர் படுகாயமடைந்துள்ளதாக தெரிவிக்கப்படுகின்றது.
முதலாம் இணைப்பு

கண்டி – அக்குரணை, குருகொடை பகுதியில் பாரிய வாகன விபத்து ஒன்று ஏற்பட்டுள்ளதாக தகவல்கள் வெளியாகியுள்ளன.

பல வாகனங்கள் மோதுண்டு இந்த பாரிய விபத்து ஏற்பட்டுள்ளதுடன் சேத விபரங்கள் எதுவும் இதுவரை வெளியாகவில்லை.

எனினும், இந்த விபத்தில் சிலர் உயிரிழந்திருக்கலாம் என அஞ்சப்படுகின்றது.

மேலும், இந்த விபத்தில் மோட்டார் சைக்கிள், கனரக வாகனம் ஒன்று உள்ளிட்ட பல வாகனங்கள் விபத்திற்குள்ளாகியுள்ளன.

அத்துடன், இந்த விபத்து காரணமாக, கண்டி – மாத்தளைக்கு இடையிலான வீதியின் போக்குவரத்தும் கடுமையாக பாதிக்கப்பட்டுள்ளதாக தெரிவிக்கப்படுகின்றது.

இளம்பெண் என்று நம்பி AI – யைக் காதலித்து சொத்துக்களை விற்று ஏமாந்த நபர்!!

பிரேசில் நாட்டில் சமூக வலைதளத்தின் மூலம் பழகிய பெண்ணைத் திருமணம் செய்து கொள்ள ஆசைப்பட்டு, தனது சொத்துக்கள் அனைத்தையும் விற்றுவிட்டு நீண்ட தூரம் பயணம் செய்த நபர் ஏமாற்றமடைந்த சம்பவம் பெரும் அதிர்ச்சியை ஏற்படுத்தியுள்ளது.

பிரேசில் நாட்டைச் சேர்ந்த மார்டின் (49) என்பவரது தாயார் காலமானதை அடுத்து, அவர் கடுமையான தனிமையில் வாடி வந்துள்ளார். தனது தனிமையைப் போக்குவதற்காகவும் புதிய வாழ்க்கையைத் தொடங்குவதற்காகவும் அவர் சமூக வலைதளங்களை நாடியுள்ளார்.

அப்போது அங்கு அறிமுகமான ஒரு பெண்ணுடன் அவருக்கு இணையம் மூலமாகப் பழக்கம் ஏற்பட்டுள்ளது. நாளுக்கு நாள் அந்தப் பெண்ணின் மீது தீவிரக் காதல் கொண்டுள்ளார் மார்டின்.

அந்தப் பெண்ணைத் திருமணம் செய்து கொண்டு நிஜ வாழ்க்கையில் இணைய ஆசைப்பட்ட அவர், தனது சொந்தச் சொத்துக்கள் அனைத்தையும் விற்றுவிட்டுப் பணத்துடன் அப்பெண்ணைத் தேடி சுமார் 1,200 மைல்கள் நீண்ட தூரம் பயணம் செய்துள்ளார்.

குறிப்பிட்ட இடத்திற்குச் சென்று அவர் விசாரித்தபோதுதான், தான் சமூக வலைதளத்தில் பழகியது எந்தவொரு நிஜப் பெண்ணும் கிடையாது என்பதும், அது ஒரு போலி கணக்கு என்பதும் தெரியவந்துள்ளது.

மேலும், தான் தீவிரமாகக் காதலித்ததும் நம்பியதும் வெறும் செயற்கை நுண்ணறிவு எனப்படும் ஏஐ தொழில்நுட்பத்தால் உருவாக்கப்பட்ட தோற்றத்தை மட்டுமே என்பதை அறிந்து மார்டின் கடும் அதிர்ச்சியும் மனவேதனையும் அடைந்துள்ளார்.

வவுனியாவில் ஒரே ஆண்டில் 1,818 பேர் கைது!!

வவுனியா மாவட்டத்தில் கடந்த ஒரு வருட காலப்பகுதியில் போதைப்பொருள் பாவனை மற்றும் வர்த்தகத்துடன் தொடர்புடைய 1,818 பேர் கைது செய்யப்பட்டுள்ளனர். இவர்களில் 21 முதல் 30 வயதுக்கு இடைப்பட்ட 749 பேர் கைது செய்யப்பட்டு நீதிமன்ற நடவடிக்கைகளுக்கு உட்படுத்தப்பட்டுள்ளதாகத் தெரிவிக்கப்பட்டுள்ளது.

நச்சுப் போதைப்பொருள் அச்சுறுத்தலைச் சமூகத்திலிருந்து முற்றாக ஒழித்து, ஆரோக்கியமான நாட்டைக் கட்டியெழுப்பும் நோக்கில் முன்னெடுக்கப்படும் “நாடே ஒன்றாக” (Ratama Ekata) தேசிய செயற்பாட்டுத் திட்டத்தின் வவுனியா மாவட்ட முன்னேற்ற மதிப்பாய்வுக் கூட்டம் நேற்று (15.10.2026) வவுனியா மாவட்ட செயலகத்தில் நடைபெற்றது.

பொதுப் பாதுகாப்புப் பிரதி அமைச்சர் சட்டத்தரணி சுனில் வத்தகல மற்றும் கூட்டுறவு அபிவிருத்திப் பிரதி அமைச்சர் உபாலி சமரசிங்க ஆகியோரின் தலைமையில் இக்கூட்டம் இடம்பெற்றது.

இதன்போது, வவுனியா மாவட்டத்தில் போதைப்பொருள் பாவனை மற்றும் கடத்தலைக் கட்டுப்படுத்துவதற்கான நடவடிக்கைகள், போதைப்பொருள் ஒழிப்புத் திட்டங்கள் மற்றும் அவற்றை நடைமுறைப்படுத்துவதில் எதிர்கொள்ளப்படும் சவால்கள் குறித்து விரிவாகக் கலந்துரையாடப்பட்டது.

மேலும், இந்த ஆண்டில் மட்டும் ஹெரோயின் 1,315 கிலோகிராம், கஞ்சா 6,816 கிலோகிராம், கொக்கெய்ன் 270 கிலோகிராம் மற்றும் ஐஸ் (ICE) 1,615 கிலோகிராம் உள்ளிட்ட பெருமளவிலான போதைப்பொருட்கள் காவல்துறையினரால் கைப்பற்றப்பட்டுள்ளதாகக் கூட்டத்தில் தெரிவிக்கப்பட்டது.

அத்துடன், போதைப்பொருள் பாவனையுடன் நேரடியாகவும் மறைமுகமாகவும் தொடர்புடைய 469 சிறுவர் துஷ்பிரயோக முறைப்பாடுகள் பதிவாகியுள்ளதாகவும் காவல்துறையினர் சுட்டிக்காட்டினர்.

பேருந்துகள் மற்றும் சொகுசுப் பேருந்துகள் ஊடாகப் போதைப்பொருட்கள் கடத்தப்படும் போக்கு காணப்படுவதாகப் பாதுகாப்புப் படையினர் தெரிவித்ததுடன், இத்தகைய கடத்தல்களைக் கட்டுப்படுத்த முப்படைகளின் புலனாய்வுப் பிரிவினரை ஈடுபடுத்துவதற்கும் தீர்மானிக்கப்பட்டது.

இந்நிகழ்வில் வவுனியா மாவட்டச் செயலர் பி.ஏ.சரத்சந்திர, மாவட்டக் காவல்துறை அதிகாரிகள், முப்படைப் பிரதானிகள், பிரதேச செயலாளர்கள், சனசக்தி குழுக்களின் தலைவர்கள் மற்றும் சிவில் பாதுகாப்புக் குழு உறுப்பினர்கள் உள்ளிட்ட பலரும் கலந்துகொண்டனர்.

போதைப்பொருள் அச்சுறுத்தலைக் கட்டுப்படுத்துவதற்கான நடவடிக்கைகளைத் தீவிரப்படுத்த வேண்டியதன் அவசியத்தை வவுனியா மாவட்டத்தில் பதிவாகியுள்ள இந்தக் கைது மற்றும் கைப்பற்றல் விபரங்கள் எடுத்துக்காட்டுகின்றன.

சர்வதேச சந்தையில் தங்கத்தின் விலையில் சடுதியான மாற்றம் : நகை வாங்க காத்திருப்போருக்கான தகவல்!!

சர்வதேச சந்தையில் இன்றைய தினம் (16.10.2026) தங்கத்தின் விலை அதிகரித்துள்ளதாக தகவல்கள் தெரிவிக்கின்றன. இதன்படி, சர்வதேச சந்தையில் ஒரு அவுன்ஸ் தங்கத்தின் விலை 4173.56 அமெரிக்க டொலர்களாகப் பதிவாகியுள்ளது.

நேற்றுடன் ஒப்பிடுகையில் இது 24.62 அமெரிக்க டொலர்களால் அதிகரித்துள்ளதாகத் தெரிவிக்கப்படுகிறது. இதேவேளை, இலங்கை நகையக வியாபாரிகள் சங்கத்தின் விலை விபரங்களின்படி, இலங்கையில் இன்றைய தங்கத்தின் விலையும் வெளியிடப்பட்டுள்ளது.

அந்த வகையில், 24 கரட் தங்கத்தின் ஒரு பவுண் 372,000 ரூபாயாகவும், 22 கரட் தங்கத்தின் ஒரு பவுண் 342,200 ரூபாயாகவும் பதிவாகியுள்ளமை குறிப்பிடத்தக்கது.

சொத்துக்காக தாயின் மீது கொதிக்கும் நீரை ஊற்றிய மகள்!!

பணம் என்று வந்து விட்டால் பாசம், உறவு என்று அத்தனையும் விலகி போகின்ற உலகில் வாழ்ந்துக் கொண்டிருக்கிறோம் என்பது அடுத்த தலைமுறை குறித்த பயத்தை அதிகரிக்க செய்கிறது.

கேரள மாநிலத்தில் சொத்துத் தகராறு காரணமாகத் தனது வயதான தாயின் மீது கொதிக்கும் நீரை ஊற்றிக் கொடுமைப்படுத்திய வழக்கில், தலைமறைவாக இருந்த மகள் அஷ்வதி அச்சுவை காவல்துறையினர் அதிரடியாகக் கைது செய்துள்ளனர்.

கேரள மாநிலம் கொல்லம் பகுதியைச் சேர்ந்தவர் ராதாமணி (61). இவருக்கும் இவரது மகள் அஷ்வதி அச்சு என்பவருக்கும் இடையே நீண்டகாலமாகச் சொத்துப் பிரிப்பது தொடர்பாகத் தகராறு நிலவி வந்துள்ளது.

இந்நிலையில், ஏற்பட்ட வாக்குவாதத்தின் போது ராதாமணியின் மீது கொதிக்கும் நீர் ஊற்றப்பட்டது. இதில் அவரது முகம், கழுத்து உள்ளிட்ட பல்வேறு இடங்களில் பலத்த தீக்காயங்கள் ஏற்பட்டு அவர் மருத்துவமனையில் அனுமதிக்கப்பட்டார்.

இச்சம்பவம் தொடர்பாக வழக்குப் பதிவு செய்து விசாரணை நடத்திய காவல்துறையினர், முதல்கட்டமாக அஷ்வதியின் மகளான 18 வயது அம்ருதாவைக் கைது செய்தனர்.

காவலில் வைத்து நடத்தப்பட்ட விசாரணையின் போது, தனது தாய் அஷ்வதியின் தூண்டுதல் மற்றும் அறிவுறுத்தலின் பேரிலேயே பாட்டி ராதாமணி மீது கொதிக்கும் நீரை ஊற்றியதாக அம்ருதா வாக்குமூலம் அளித்தார்.

பேத்தியின் வாக்குமூலத்தைத் தொடர்ந்து, இச்சம்பவத்திற்கு முக்கியக் காரணமான அஷ்வதி அச்சு தலைமறைவானார். தீவிரத் தேடுதல் வேட்டை நடத்தி வந்த காவல்துறையினர், இறுதியில் தலைமறைவாக இருந்த அஷ்வதி அச்சுவை மடக்கிப் பிடித்துக் கைது செய்து சிறையில் அடைத்தனர்.

சொத்துக்காகச் சொந்தத் தாயையே பேத்தி மற்றும் மகள சேர்ந்து கொடூரமாகத் தாக்கிய சம்பவம் கேரளாவில் சோகத்தை ஏற்படுத்தியுள்ளது.

கணவனை கூறுபோட்டு சிமெண்டுக்குள் மறைத்த பெண்ணுக்கு மரண தண்டனை!!

கணவனை கண்டம் துண்டமாக வெட்டி ட்ரம்முக்குள் அடைத்து சிமெண்ட் கலவையை ஊற்றி மறைத்த பெண்ணுக்கும் அவரது காதலருக்கும் மரண தண்டனை விதிக்கப்பட்டுள்ளது. மனைவியைக் காண்பதற்காக பிரித்தானியாவிலிருந்து ஆசையுடன் ஓடோடி வந்த கணவரை காதலன் உதவியுடன் துண்டு துண்டாக வெட்டி ஒரு ட்ரம்முக்குள் போட்டு சிமெண்ட் கலவையால் மூடிய பெண்ணை யாரும் எளிதில் மறந்திருக்கமுடியாது.

இந்தியாவின் உத்தரப்பிரதேசத்தைச் சேர்ந்த சௌரப் ராஜ்புத் (Saurabh Rajput, 29), பிரித்தானியாவில் கடற்படையில் சரக்குக் கப்பல்களைக் கையாளும் பணியிலிருந்துள்ளார். தனது மகளின் பிறந்தநாளன்று, தன் மனைவிக்கு சர்ப்ரைஸ் கொடுப்பதற்காக, பிப்ரவரி மாதம் 24ஆம் திகதி லண்டனிலிருந்து இந்தியா வந்த ராஜ்புத், மார்ச் மாதம் 4ஆம் திகதி திடீரென மாயமானார்.

இந்நிலையில், ராஜ்புத்தின் மனைவியான முஸ்கன் ரஸ்தோகியும், அவரது காதலரான சாஹில் ஷுக்லாவுமாக சேர்ந்து ராஜ்புத்தைக் கொன்று, அவரது உடலை துண்டு துண்டாக வெட்டி, ஒரு ட்ரம்மில் போட்டு, அதை சிமெண்டால் மூடிவிட்டது விசாரணையில் தெரியவந்தது.

ரஜ்புத்தைக் காணாமல் அவரது குடும்பத்தினர் அவரைத் தேட, அப்பா ட்ரம்முக்குள் இருக்கிறார் என ராஜ்புத்தின் மகள் கூறியதாகவும், அதைத் தொடர்ந்து பொலிசார் அவரது உடலைக் கண்டுபிடித்ததாகவும் சில ஊடகங்கள் தெரிவிக்கின்றன.

இந்நிலையில், கணவனைக் கொலை செய்த முஸ்கன் ரஸ்தோகிக்கும், அவரது காதலரான சாஹில் ஷுக்லாவுக்கும் புதன்கிழமையன்று மீரட் நீதிமன்றம் மரண தண்டனை விதித்துள்ளது. அத்துடன், அவர்கள் இருவருக்கும் கொலைக் குற்றத்துக்காக ஆளுக்கு 50,000 ரூபாய் அபராதமும், சாட்சியங்களை மறைத்ததற்காக 20,000 ரூபாயும் அபராதம் விதிக்கப்பட்டுள்ளது.

மரண தண்டனை விதிக்கப்பட்டதும், அடுத்து என்ன என இருவரும் அதிகாரிகளைக் கேட்க, அவர்கள் மேல்முறையீடு செய்யலாம் என அதிகாரிகள் அவர்களிடம் கூறியுள்ளனர். அதைத் தொடர்ந்து மீண்டும் சிறையிலடைக்கப்பட்ட முஸ்கனும் சாஹிலும் உணவு உட்கொள்வதை நிறுத்திவிட்டதாக கூறப்படுகிறது.

இதற்கிடையில், தீர்ப்பு வழங்கப்படுவதற்கு முன், முஸ்கனின் பெற்றோர், தங்கள் மருமகனான ராஜ்புத் ஒரு நல்ல மனிதர் என்றும், அவரைக் கொலை செய்த தங்கள் மகளுக்கு மரண தண்டனை விதிக்கப்பட்டால் அதை எதிர்க்கப்போவதில்லை என்றும் கூறியிருந்தது குறிப்பிடத்தக்கது. முஸ்கன் சிறையிலடைக்கப்பட்டபின், அவரது பெற்றோர் தங்கள் மகளை ஒருமுறை கூட சிறையில் சென்று சந்திக்கவில்லை.

ATM இயந்திரங்களை பயன்படுத்துவோர் மிக அவதானம் : பொதுமக்களுக்கு அவசர எச்சரிக்கை!!

நாட்டில் தானியங்கி பணப்பரிமாற்ற இயந்திரங்கள் (ATM) மற்றும் பண வைப்பு இயந்திரங்கள் (CDM) அருகில் இடம்பெறும் புதிய வகையான நிதி மோசடிகள் தொடர்பில் பொலிஸார் பொதுமக்களுக்கு எச்சரிக்கை விடுத்துள்ளனர்.

(ATM) மற்றும் (CDM) இயந்திரங்களுக்கு அருகில் மோசடியில் ஈடுபடும் நபர்கள் தொடர்பில் அவதானமாக இருக்குமாறும் அறிவுறுத்தப்பட்டுள்ளது. CDM இயந்திரங்களுக்கு அருகில் நடமாடும் மோசடிக்காரர்கள், தங்களால் பணத்தை வைப்புச் செய்ய முடியவில்லை எனக்கூறி, பொதுமக்களிடம் பணத்தை மாற்றித் தருமாறு கோருகின்றனர்.

இதன்போது, ஆரம்பத்தில் 500 ரூபாய் நாணயத்தாளை கொடுத்து இந்த மோசடியை முன்னெடுப்பதாக தெரிவிக்கப்படுகிறது. இதன்பின்னர், பொதுமக்கள் தாம் வழங்கிய பணம் குறித்து நினைவூட்டும்போது, பணத்தை பெற்றுக்கொள்ளவில்லை என கூறி மோசடியில் ஈடுபடுகின்றமை சுட்டிக்காட்டியுள்ளது.

எனவே, ATM மற்றும் CDM இயந்திரங்களைப் பயன்படுத்தும்போது மிகுந்த அவதானத்துடன் செயற்படுமாறும் அறிவுறுத்தப்பட்டுள்ளது. இவ்வாறான சந்தேகத்திற்கிடமான நடவடிக்கைகள் தென்பட்டால் உடனடியாக பொலிஸாருக்கு தகவல் வழங்குமாறு பொதுமக்கள் அறிவுறுத்தப்பட்டுள்ளனர்.

புதிய வாகனங்களை வாங்க தூண்டப்படும் இலங்கையர்கள் : இறக்குமதி தொடர்பில் வெளியான தகவல்!!

இலங்கையில் வாகன இறக்குமதி இயல்பு நிலைக்கு திரும்பும் என இலங்கை சுங்கத்திணைக்களம் தெரிவித்துள்ளது. வாகன இறக்குமதி மீது விதிக்கப்பட்ட கூடுதல் வரி நீக்கப்பட்டால், இறக்குமதி வருவாயும் அதிகரிக்கக்கூடும் என்று கொழும்பில் நடைபெற்ற ஊடக சந்திப்பில் சுங்கத்திணைக்களத்தின் பணிப்பாளர் மற்றும் ஊடகப் பேச்சாளர் சந்தன புஞ்சிஹேவா தெரிவித்துள்ளார்.

இதன்போது அவர் மேலும் தெரிவிக்கையில்.., ‘கடந்த ஆண்டு, வாகன இறக்குமதி ஐந்து ஆண்டுகளுக்கு நிறுத்தப்பட்டிருந்தபோது, ​​சந்தையில் புதிய வாகனங்களுக்கு பெரும் பற்றாக்குறை ஏற்பட்டது. ஏனெனில், இலங்கையின் நடுத்தர வர்க்கத்தினரும், புதிய இளைஞர் தலைமுறையினரும் அப்போது தான் வேலை சந்தையில் நுழைந்து நல்ல வருமானம் ஈட்டத்தொடங்கியிருந்தனர்.

அந்த நேரத்தில், அவர்கள் தங்களுக்கென ஒரு வாகனம் வாங்க வேண்டும் என்றும் கனவு கண்டனர். அதனால், நாங்கள் ஐந்து ஆண்டுகளாக இந்த நிலையில் சிக்கிக்கொண்டிருந்தோம்.

எனவே, இந்த வரி விடுவிக்கப்பட்டபோது, ​​பெருமளவிலான வாகனங்கள் நாட்டிற்குள் வந்துள்ளன. தற்போது நிலைமை இயல்பு நிலைக்குத் திரும்பியுள்ளதுடன் தேவைக்கு ஏற்ப வாகனங்கள் இறக்குமதி செய்யப்படுகின்றன.

அரசாங்கம் கூடுதல் வரியை விதித்துள்ளது. அந்த கூடுதல் வரி விதிப்பு வாகன இறக்குமதியில் ஏற்பட்ட சரிவுக்கு ஒரு காரணம் என்று நான் நினைக்கிறேன். அரசாங்கம் இந்த கூடுதல் வரியை நீக்கி சில சலுகைகளை வழங்கினால் வாகன இறக்குமதியை இயல்பு நிலைக்கு திருப்ப முடியும்.

அரசாங்கம் வரிகளை அதிகரித்தாலும், காலப்போக்கில் மக்கள் தங்கள் தேவைகளுக்காக வாங்க தூண்டப்படுவார்கள் என்றும் மேலும் தெரிவித்துள்ளார்.

அரசாங்கம் தடையை விதித்தாலும், அது மிக குறுகிய காலத்திற்கு மட்டுமே நீடிக்கும். எனவே, நாட்டில் பொருளாதார செயல்முறை இயல்பு நிலைக்கு திரும்பி வருவதுடன்,சுங்க வருவாயும் அதிகரித்துள்ளது. ஆகவே, பொருளாதாரம் படிப்படியாக மீண்டு வருவதை நாம் காண்கிறோம் என்றும் குறிப்பிட்டுள்ளார்.

பேஸ்புக் ஊடாக வாகன விளம்பர மோசடி : பொதுமக்களை ஏமாற்றிய இளைஞன் கைது!!

பேஸ்புக் ஊடாக வாகன விற்பனை விளம்பரங்களை வெளியிட்டுத் தருவதாகக் கூறி, பொதுமக்களிடம் பணம் பெற்று மோசடியில் ஈடுபட்டதாகச் சந்தேகிக்கப்படும் 21 வயது இளைஞர் ஒருவர் கைது செய்யப்பட்டுள்ளார்.

மத்திய குற்றப் புலனாய்வுப் பணியக அதிகாரிகள் முன்னெடுத்த விசேட விசாரணைகளின் அடிப்படையில், குறித்த இளைஞர் கைது செய்யப்பட்டுள்ளார். கைது செய்யப்பட்டவர் ஹோமாகம பொலிஸ் பிரிவுக்குட்பட்ட மாவத்தகம, ஹோமாகம பகுதியைச் சேர்ந்த 21 வயதுடைய இளைஞர் எனப் பொலிஸார் தெரிவித்துள்ளனர்.

சந்தேகநபர் பேஸ்புக் வணிகக் கணக்கொன்றின் ஊடாக வாகன விற்பனை விளம்பரங்களை வெளியிட்டுத் தருவதாகக் கூறி, அதற்கான கட்டணங்களையும் நிர்ணயித்துள்ளார்.

ஒரு வாரத்திற்கு 5000 ரூபா, இரண்டு வாரங்களுக்கு 10000 ரூபா மற்றும் ஒரு மாதத்திற்கு 15000 ரூபா எனக் கட்டணம் அறவிட்டு, தொலைபேசி ஊடாகப் பொதுமக்களைத் தொடர்புகொண்டு பணத்தைப் பெற்றுக்கொண்டுள்ளதாக விசாரணைகளில் தெரியவந்துள்ளது.

எனினும், பணத்தைப் பெற்றுக்கொண்ட பின்னர் விளம்பரங்களை வெளியிடாமல் பொதுமக்களை ஏமாற்றியுள்ளதாக ஆரம்பகட்ட விசாரணைகளில் தெரியவந்துள்ளது.

அதனையடுத்து நம்பிக்கை துரோகம், ஆள்மாறாட்டம் மற்றும் மோசடி உள்ளிட்ட குற்றச்சாட்டுகளின் கீழ் சந்தேகநபர் கைது செய்யப்பட்டுள்ளதாக பொலிஸார் தெரிவித்துள்ளனர். சம்பவம் தொடர்பில் மத்திய குற்றப் புலனாய்வுப் பணியக அதிகாரிகள் மேலதிக விசாரணைகளை முன்னெடுத்து வருகின்றனர்.

இன்று இடியுடன் கூடிய மழை : வளிமண்டலவியல் திணைக்களம்!!

நாட்டில் இன்று மேல், தென், மத்திய, சப்ரகமுவ, வடமேல் மற்றும் வட மாகாணங்களிலும், அநுராதபுரம் மாவட்டத்திலும் இடைக்கிடையே மழை அல்லது இடியுடன் கூடிய மழை பெய்யக்கூடும் என வளிமண்டலவியல் திணைக்களம் தெரிவித்துள்ளது.

நாட்டின் ஏனைய பகுதிகளில் பிற்பகல் 1.00 மணிக்குக்குப் பின்னர் மழையோ அல்லது இடியுடன் கூடிய மழையோ பெய்யக்கூடும் என எதிர்பார்க்கப்படுகிறது.

அத்துடன், வட, மேல் மற்றும் வடமேல் மாகாணங்களிலும், காலி, மாத்தறை, பொலன்னறுவை மற்றும் திருகோணமலை ஆகிய மாவட்டங்களின் சில இடங்களிலும் 100 மில்லிமீற்றருக்கும் அதிகமான பலத்த மழை வீழ்ச்சி பதிவாகக்கூடும் என்றும் வளிமண்டலவியல் திணைக்களம் தெரிவித்துள்ளது.

தங்கத்தின் விலை மேலும் அதிகரிப்பு நகைபிரியர்கள் கவலை!!

2026 ஒக்டோபர் 16ஆம் திகதியான இன்று, சர்வதேச சந்தையில் தங்கத்தின் விலை அதிகரித்துள்ளதாக சர்வதேச தகவல்காள் தெரிவிக்கின்றன. இதன்படி, சர்வதேச சந்தையில் ஒரு அவுன்ஸ் தங்கத்தின் விலை 4,173.56 அமெரிக்க டொலர்களாகப் பதிவாகியுள்ளது.

நேற்றுடன் ஒப்பிடுகையில் இது 24.62 அமெரிக்க டொலர்களால் அதிகரித்துள்ளதாகத் தெரிவிக்கப்படுகிறது. இதேவேளை, இலங்கை நகையக வியாபாரிகள் சங்கத்தின் விலை விபரங்களின்படி, இலங்கையில் இன்றைய தங்கத்தின் விலையும் வெளியிடப்பட்டுள்ளது.

இதற்கமைய, 24 கரட் தங்கத்தின் ஒரு பவுண் 372,000 ரூபாயாகவும், 22 கரட் தங்கத்தின் ஒரு பவுண் 342,200 ரூபாயாகவும் பதிவாகியுள்ளது.

 

பல மாவட்டங்களுக்கு விடுக்கப்பட்ட எச்சரிக்கை : மக்களே அவதானம்!!

நாட்டின் பல பாகங்களில் பலத்த மின்னல் ஏற்படுவதற்கான சாத்தியக்கூறுகள் அதிகமுள்ளதாக வளிமண்டலவியல் திணைக்களம் எச்சரிக்கை அறிவிப்பொன்றை வெளியிட்டுள்ளது. இன்று (16) முற்பகல் 11.30 க்கு வெளியிடப்பட்ட இந்த அறிவிப்பானது, இன்று இரவு 11.30 வரை செல்லுபடியாகும் எனத் தெரிவிக்கப்பட்டுள்ளது.

இதற்கமைய, சப்ரகமுவ, மத்திய, வடமத்திய, ஊவா மற்றும் வடமேல் மாகாணங்களிலும், மட்டக்களப்பு, திருகோணமலை, முல்லைத்தீவு, வவுனியா மற்றும் மன்னார் ஆகிய மாவட்டங்களிலும் மாலையில் அல்லது இரவில் இடைக்கிடையே இடியுடன் கூடிய மழை பெய்யும் போது பலத்த மின்னல் ஏற்படுவதற்கான சாத்தியக்கூறுகள் அதிகமாகக் காணப்படுகின்றன.

இடியுடன் கூடிய மழை பெய்யும் வேளைகளில் குறித்த பிரதேசங்களில் தற்காலிகமாகப் பலத்த காற்றும் வீசக்கூடும். எனவே, மின்னல் தாக்கங்களினால் ஏற்படக்கூடிய அசம்பாவிதங்களைக் குறைத்துக் கொள்வதற்குத் தேவையான பாதுகாப்பு நடவடிக்கைகளை மேற்கொள்ளுமாறு வளிமண்டலவியல் திணைக்களம் பொதுமக்களிடம் கேட்டுக்கொண்டுள்ளது.

1...345...4,734Page 4 of 4,734